India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 11, 2026
தி.மலை: மீன் பிடிக்க சென்றவர் பிணமாக வந்த சோகம்!
தி.மலை மாவட்டம், வெம்பாக்கம் அடுத்த ஜம்போடையை சேர்ந்தவர் கிருஷ்ணன் (58) கடந்த 8-ந் தேதி திருப்பனமூரில் உள்ள ஏரியில் மீன் பிடிப்பதாக கூறி வீட்டில் இருந்து சென்ற அவர், வெகு நேரம் ஆகியும் வீடு திரும்பவில்லை. இந்த நிலையில் அவரது குடும்பத்தினர் பல இடங்களில் தேடி வந்த நிலையில், மறுநாள் திருப்பனமூர் ஏரியில் பிணமாக மிதந்தார். தகவலறிந்த பிரம்மதேசம் போலீசார் உடலை மீட்டு, விசாரித்து வருகின்றனர்.
News January 11, 2026
நெல்லையில் போலீஸ் உயர் அதிகாரிகள் டிரான்ஸ்பர்
நெல்லை மாவட்ட உதவி ஆணையர் துணை டவுன் சரகத்தில் பணியாற்றி வந்த அஜிக்குமார் தூத்துக்குடி மாவட்டம், மணியாச்சி பகுதி துணை காவல் கண்காணிப்பாளராக மாற்றம் செய்யபட்டுள்ளார். R.இளவரசன் புதிதாக நியமனம் செய்யப்பட்டுள்ளார். அதேபோல, மேலப்பாளையம் துணை ஆணையர் G.கண்ணதாசன் இடமாற்றம் செய்யப்பட்டு R.ராஜமுரளி புதிய துணை ஆணையராக நியமனம் செய்யப்பட்டுள்ளார்.
News January 11, 2026
உதகை அருகே காட்டெருமை தாக்கி பெண் பலி
உதகை அருகே கொதுமுடி கிராமத்தில் காட்டெருமை தாக்கி மலர்க்கொடி (45) என்பவர் உயிரிழந்தார். வேலைக்கு செல்லும்போது தேயிலை தோட்டத்தில் இருந்த காட்டெருமை தாக்கியதில் மலர்கொடி சம்பவ இடத்திலேயே பலியாகினார். தொடர்ந்து இப்பகுதியில் வனவிலங்குகள் நடமாட்டம் அதிகரித்துள்ளதால், இதுகுறித்து வனத்துறையினர் நடவடிக்கை எடுக்க கோரிக்கை எழுந்துள்ளது.
News January 11, 2026
திருப்பத்தூர்: வாலிபர் துடிதுடித்து பலி
ஆம்பூர் அருகே சுமார் 25 வயது தக்க வாலிபர் நேற்று (ஜன-10) தண்டவாளத்தை கடக்க முயன்றார். அப்போது ஜோலார்பேட்டை பகுதியிலிருந்து காட்பாடி நோக்கி சென்ற எக்ஸ்பிரஸ் ரெயிலில் அடிப்பட்டு பரிதாபமாக உயிரிழந்தார். இது குறித்து தகவல் அறிந்ததும் ஜோலார்பேட்டை ரயில்வே போலிசார் இறந்தவர் யார் எந்த ஊரைச் சேர்ந்தவர் என குறித்து விசாரணை செய்து வருகின்றனர்.
News January 11, 2026
பரமத்தி வேலூர் அருகே பயங்கரம்
நாமக்கல் மாவட்டம் பரமத்தி வேலூர் அருகே பொத்திக்காட்டைச் சேர்ந்த ராசம்மாள் (73) என்ற மூதாட்டியை, அவரது வீட்டிற்குள் புகுந்த மர்ம நபர்கள் வாயில் துணியை அடைத்து, கை கால்களைச் சேலையால் கட்டிப்போட்டனர். பின்னர் அவரிடமிருந்து ஏழரை பவுன் தங்கச் செயின் மற்றும் 10 ஆயிரம் ரூபாய் பணத்தைத் திருடிக்கொண்டு தப்பினர். இதுகுறித்து வேலூர் போலீசார் தீவிர விசாரணை நடத்தி வருகின்றனர்.
News January 11, 2026
ஸ்ரீபெரும்புதூரில் துடிதுடித்து பலி!
ஸ்ரீபெரும்புதூர் அருகே சேலத்தைச் சேர்ந்த சஞ்சீவி (24), தனது நண்பர்கள் தமிழரசன் மற்றும் வீரமணியுடன் வல்லம் வடகால் சிப்காட் சாலையில் பைக்கில் சென்றுகொண்டிருந்தார். அப்போது எதிரே வந்த லோடு வேன் மீது பைக் மோதியதில், சஞ்சீவி சம்பவ இடத்திலேயே பலியானார். காயமடைந்த மற்ற இருவரும் மருத்துவமனையில் அனுமதிக்கப்பட்டுள்ளனர். இதுகுறித்து ஒரகடம் போலீசார் வழக்குப்பதிவு செய்து விசாரணை நடத்தி வருகின்றனர்.
News January 11, 2026
செங்கல்பட்டில் கோர விபத்து
மதுராந்தகம் அருகே புளிபுரக்கோவில் பகுதியில் கூலி வேலைக்குச் செல்லும் சின்னப்பொண்ணு (72) என்பவரது குடிசையில் ஏற்பட்ட மின்கசிவு காரணமாக தீப்பிடித்தது. இதில், அங்கிருந்த அவரது பேரன் திவேஷ் (15) உடல் கருகி சம்பவ இடத்திலேயே பலியானார். வாய் பேச முடியாத மற்றும் பார்வையற்ற மாற்றத்திறனாளியான அச்சிறுவன் தீயிலிருந்து தப்பிக்க முடியாமல் போனது சோகத்தை ஏற்படுத்தியது.
News January 11, 2026
கோவையில் வடமாநில இளைஞர் மர்ம மரணம்
மேற்குவங்க மாநிலத்தைச் சேர்ந்தவர் பிரசென்ஜித் சன்ரா(32). இவர் கோவையில் தங்கி அங்குள்ள தனியார் நிறுவனத்தில் பணிபுரிந்து வந்துள்ளார். இவர் நேற்று முன்தினம் நீண்ட நேரமாக நிறுவனத்திற்கு வராததால், சக ஊழியர்கள் அவரது வீட்டில் சென்று பார்த்துள்ளனர். அப்போது, அவர் உயிரிழந்து கிடப்பது தெரியவந்தது. இதுகுறித்த புகாரின் பேரில் போலீசார் வழக்கு பதிவு செய்து எப்படி இறந்தார் என விசாரணை செய்து வருகின்றனர்.
News January 11, 2026
திருச்சி: பொங்கல் பரிசால் பறிபோன உயிர்
கருங்குளம் மேற்கு தெருவை சேர்ந்தவர் அருள் ஜெனிபர். பழ வியாபாரியான இவருக்கும், இவரது கணவருக்கும் இடையே தமிழக அரசு அறிவித்துள்ள ரூ.3000 பொங்கல் பரிசுத் தொகையை யார் வாங்குவது என்பதில் நேற்று தகராறு ஏற்பட்டடுள்ளது. இதில் மனமுடைந்த அருள் ஜெனிபர் வீட்டில் தூக்கிட்டு தற்கொலை செய்து கொண்டார். தகவலின் பேரில் சம்பவ இடத்திற்கு விரைந்த வையம்பட்டி போலீசார் உடலை கைப்பற்றி விசாரணை மேற்கொண்டு வருகின்றனர்.
News January 11, 2026
மயிலாடுதுறை: ஓட்டுநர் துடிதுடித்து பலி
சீர்காழியில் இருந்து கொள்ளிடம் செல்லும் புறவழிச் சாலையில் சாமியம் பகுதியில் சிதம்பரம் நோக்கி சென்று கொண்டிருந்த வேன், சீர்காழியிலிருந்து இரண்டு மிக்சர் மிஷின்களுடன் சென்ற டிராக்டர் பின்னால் மோதியது. இதில், வேன் வேகத்தை கட்டுப்படுத்த முடியாத டிரைவர் முகமது யாசின்(34), வேனில் இருந்து குதித்தபோது வேனின் முன் சக்கரம் ஏறி துடிதுடித்து சம்பவ இடத்திலேயே பரிதாபமாக உயிரிழந்தார்.
Featured News
Sorry, no posts matched your criteria.