India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 28, 2026
Power Shutdown: கோவையில் இங்கெல்லாம் மின்தடை
கோவையில் இன்று(ஜன.28) பல்வேறு பகுதியில் மின்தடை ஏற்படவுள்ளது. அதன்படி, மைலம்பட்டி, சின்னியம்பாளையம், ஆர்.ஜி.புதூர், குனியமுத்தூர், சுந்தராபுரம் பகுதி, கோவைப்புதூர், பி.ஜி.பாளையம், குமாரபாளையம், யமுனாநகர், காளப்பநாயக்கன்பாளையம், ஜிசிடி நகர், கேஎன்ஜி புதூர், தாடாகம் சாலை, சோமையம்பாளையம், வேடவேடம்பட்டி, வதம்பச்சேரி பகுதியில் இன்று காலை 9 மணி முதல் மாலை 4 மணி வரை மின்விநியோகம் இருக்காது. (SHARE)
News January 28, 2026
விழுப்புரம் அருகே துடிதுடித்து தொழிலாளி பலி!
விக்கிரவாண்டி அருகே பனையபுரம் கிராமத்தைச் சேர்ந்தவர் சரத்குமார் இவர் விழுப்புரம் காய்கறி மார்க்கெட்டில் சுமை தூக்கும் தொழிலாளியாக இருந்து வருகிறார். லாரியிலிருந்து மூட்டைகளை இறக்க லாரியில் ஏற முயன்ற சரத்குமார் மின்சார கம்பியில் உரசி தூக்கி வீசப்பட்டு உயிரிழந்தார். இது தொடர்பாக தாலுக்கா காவல் நிலையம் வழக்கு பதிவு செய்து விசாரணை மேற்கொண்டு வருகின்றனர்.
News January 28, 2026
திருப்பூர் ஆட்சியர் உத்தரவு: மீறினால் கடும் நடவடிக்கை!
வடலூர் ராமலிங்க அடிகளார் நினைவு நாளை முன்னிட்டு, பிப்ரவரி 1-ம் தேதி திருப்பூர் மாவட்டம் முழுவதும் உள்ள டாஸ்மாக் கடைகள், மதுபானக்கூடங்கள் மற்றும் தனியார் மதுபான விடுதிகளை நாள் முழுவதும் மூடுவதற்கு மாவட்ட ஆட்சியர் மனிஷ் உத்தரவிட்டுள்ளார். இந்த உத்தரவை மீறி மது விற்பனையில் ஈடுபடுபவர்கள் மீது கடும் நடவடிக்கை எடுக்கப்படும் எனவும் அவர் எச்சரிக்கை விடுத்துள்ளார்.
News January 28, 2026
கிருஷ்ணகிரி அருகே பரபரப்பு!
தேன்கனிக்கோட்டை அருகே தடிக்கல் கிராமத்தில் வனத்துறையினர் புலிகள் கணக்கெடுப்பில் ஈடுபட்டிருந்தனர். அப்போது அந்த பகுதியில் சுற்றித்திரிந்த காட்டு யானை ஒன்று வனத்துறையினரை துரத்தி உள்ளது. இதில் வனக்காப்பாளர் உத்தர குமார் கீழே விழுந்துள்ளார். அவரை யானை தாக்கியுள்ளது. பின் படுகாயம் அடைந்த அவரை வனத்துறையினர் கிருஷ்ணகிரி மருத்துவ கல்லூரி மருத்துவமனையில் சிகிச்சைக்காக சேர்த்துள்ளனர்.
News January 28, 2026
திருப்பத்தூர்: நடுவழியில் நின்ற ரயில்; அதிர்ந்து போன பயணிகள்
பீகார் மாநிலம் தானாபூரிலிருந்து பெங்களூரு வரை செல்லும் சங்கமித்ரா எக்ஸ்பிரஸ் ரெயில் நேற்று பெங்களூரு நோக்கி சென்று கொண்டிருந்தது. வாணியம்பாடி அடுத்த விண்ணமங்கலம் – வாணியம்பாடி ரயில் நிலையத்திற்கு இடையே சென்றபோது கிரீன் சிக்னல் இருந்த நிலையில் திடீரென ரெட் சிக்னலுக்கு மாறியது. சிக்னல் கோளாறால் 15 நிமிடம் தாமதமாக ரயில் புறப்பட்டு சென்றது. திடீரென ரயில் நின்றதால் பயணிகள் அச்சமடைந்தனர்.
News January 28, 2026
காஞ்சிபுரத்தில் தூக்கிட்டு தற்கொலை!
மாங்காடு அடுத்த முகலிவாக்கம் பகுதியைச் சேர்ந்தவர் அக்சிதா(20). இவர் 2 ஆண்டுகளுக்கு முன்பு +2 படித்து முடித்தார். இந்நிலையில், இவரை வெளிநாட்டில் மருத்துவம் படிக்க வைக்க பெற்றோர்கள் ஏற்பாடு செய்தனர். இந்நிலையில், நேற்று முன் தின ம் இரவு, தனது அறையிலேயே தூக்கிட்டு தற்கொலை செய்துகொண்டார். சம்பவ இடத்திற்கு உடனே விரைந்த மவுலிவாக்கம் போலீசார், இதுகுறித்து விசாரணை மேற்கொண்டுள்ளனர்.
News January 28, 2026
கிருஷ்ணகிரியில் அரங்கேறிய அட்டூழியம்!
போச்சம்பள்ளி அருகே உள்ள மடத்தானூரை சேர்ந்தவர் ஆறுமுகத்தை கத்திமுனையில் மிரட்டி ரூ.5,100 த்தை பறித்து சென்றார். இது குறித்து ஆறுமுகம் போச்சம்பள்ளி போலீசில் புகார் செய்தார். அதன் பேரில் காவல்துறையினர் வழக்குப்பதிவு செய்து விசாரணை நடத்தினர். அப்போது விவசாயியிடம் பணத்தை பறித்து சென்றது கீழ்மயிலம்பட்டியை சேர்ந்த தொழிலாளி சரவணன் தெரியவந்த நிலையில் காவல்துறையினர் கைது செய்தனர்.
News January 28, 2026
தி.மலையில் மளமளவென உயர்வு
வாணாபுரம், தச்சம்பட்டு, வெறையூர் உள்ளிட்ட பல பகுதிகளில் பூண்டு விலை உயர்ந்து ரூ.200-க்கு விற்பனை செய்யப்படுவதால் இல்லத்தரசிகள் அதிர்ச்சி அடைந்தனர். கடந்த மாதம் கிலோ ரூ.100 – ரூ.120 வரை விற்பனை செய்யப்பட்ட பூண்டின் விலை தற்போது தரத்திற்கு ஏற்றவாறு கிலோ ரூ.200 – ரூ.250 வரை விற்பனை செய்யப்பட்டு வருகிறது. பூண்டின் வரத்து குறைவால் விண்ணை முட்டும் அளவிற்கு விலை உயர்ந்துள்ளதாக வியாபாரிகள் கூறுகின்றனர்.
News January 28, 2026
சென்னை: நடுரோட்டில் தீ பிடித்து எரிந்த கார்!
குரோம்பேட்டையைச் சேர்ந்த செல்வகுமார் (40) நேற்று இரவு வேலை முடித்து காரில் வீடு திரும்பிக் கொண்டிருந்தார். பூந்தமல்லி- பெங்களூரு நெடுஞ்சாலையில், பாரிவாக்கம் சிக்னல் அருகே அவர் சென்ற காரின் முன் பகுதியில் புகை வந்துள்ளது. சில நொடிகளில் கார் குபுகுபுவென பயங்கரமாக தீ பிடித்து எரிந்தது. தகவலறிந்து வந்த தீயணைப்பு வீரர்கள் தீயை அணைத்தனர். நல்வாய்ப்பாக செல்வகுமார் உயிர் தப்பினார்.
News January 28, 2026
அரக்கோணத்தில் சாலை விபத்து!
ராணிப்பேட்டை: அரக்கோணம், சென்னை – திருப்பதி நெடுஞ்சாலையில் பைக் மீது கார் மோதி விபத்து ஏற்பட்டது. இதில், வாலிபர் ஒருவர் நல்வாய்ப்பாக உயிர் தப்பினார். காயமடைந்த அவரை அன்னை தெரசா அறக்கட்டளையினர் மீட்டு 108 ஆம்புலன்ஸ் மூலம் திருத்தணி அரசு மருத்துவமனையில் அனுமதித்தனர். அவருக்கு தற்போது சிகிச்சை அளிக்கப்பட்டு வருகிறது.
Featured News
Sorry, no posts matched your criteria.