India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 28, 2026
தருமபுரி: +1 மாணவன் பரிதாப பலி!
ஏரியூர் அருகே குருக்கலையனூரைச் சேர்ந்த +1 மாணவன் சர்மா 16, தனது தாய் செடிகளுக்கு அடித்த களைக்கொல்லி மருந்தை கவனக்குறைவாகத் தொட்டுள்ளார். பின்னர் கையை சரியாகக் கழுவாமல் உணவு உண்டதால், வாந்தி மயக்கம் ஏற்பட்டு சிகிச்சைக்காகக் கோவையில் உள்ள தனியார் மருத்துவமனையில் அனுமதிக்கப்பட்டார். அங்கு சிகிச்சை பலனின்றி சர்மா பரிதாபமாக உயிரிழந்தார். இச்சம்பவம் குறித்து ஏரியூர் போலீசார் விசாரணை நடத்தி வருகின்றனர்.
News January 28, 2026
குரோம்பேட்டை: ஓடும் காரில் பற்றி எரிந்த தீ
குரோம்பேட்டையைச் சேர்ந்த செல்வகுமார் (40) என்பவர், நேற்று இரவு பணி முடிந்து பாரிவாக்கம் சிக்னல் அருகே காரில் சென்றுகொண்டிருந்தபோது, முன்பகுதியில் புகை வருவதைக் கண்டார். சுதாரித்துக்கொண்ட அவர் உடனடியாக காரை நிறுத்திவிட்டு கீழே இறங்கியதால், கார் தீப்பிடித்து எரிந்தபோதும் காயமின்றி உயிர் தப்பினார். விரைந்து வந்த பூந்தமல்லி தீயணைப்பு வீரர்கள் தீயை அணைத்தனர். இதனால் அங்கு போக்குவரத்து பாதிக்கப்பட்டது.
News January 28, 2026
கள்ளக்குறிச்சி அருகே நடந்த கொடூர சம்பவம்!
கொடியனூரை சேர்ந்த கவிதா என்பவரது குழந்தை கட்டிலில் இருந்து கீழே விழுந்ததை கவிதா கவனிக்காத நிலையில் இதனை அவரது கணவர் மாசிலாமணி கண்டித்துள்ளார்.இதனால் மனமடைந்த கவிதா வீட்டிலிருந்த பூச்சிக்கொல்லி மருந்தை குடித்து மருத்துவமனையில் அனுமதிக்கப்பட்டிருந்த நிலையில் தொடர்ந்து அவர் சேலத்தில் உள்ள தனியார் மருத்துவமனையில் சிகிச்சைக்காக அழைத்துச் செல்லப்பட்ட நிலையில் இன்று காலை சிகிச்சை பலனின்றி உயிரிழந்தார்.
News January 28, 2026
விழுப்புரத்தில் பயங்கர தகராறு!
ஆவுடையார்பட்டு கிராமத்தைச் சேர்ந்த சுந்தரமூர்த்தி அதே கிராமத்தை சேர்ந்த விழுப்புரம் அரசு கல்லூரி மாணவரான சஞ்சய் சுந்தரமூர்த்தியிடம் சென்று சிகரெட் தரும்படி கேட்டுள்ளார்.அதற்கு சுந்தரமூர்த்தி வயது வித்தியாசம் பார்க்காமல் ஏன் என்னிடம் கேட்கின்றாய் என்று கேட்டதற்கு ஆதாரம் அடைந்த சஞ்சய் உருட்டு கட்டையால் அவரை தாக்கியுள்ளார்.இது குறித்த புகாரில் வழக்கு பதிவு செய்த போலீசார் சஞ்சயை கைது செய்தனர்.
News January 28, 2026
வேலூரில் துடிதுடித்து பலி!
வேலூர் சத்துவச்சாரி அருகே மோட்டார் சைக்கிளில் சென்ற எலக்ட்ரீஷியன்கள் சுரேஷ் (45) மற்றும் தாமஸ்பெர்லின் மீது பின்னால் வந்த லாரி பயங்கரமாக மோதியது. இதில் சுரேஷ் சம்பவ இடத்திலேயே துடிதுடிக்க உயிரிழந்தார். படுகாயமடைந்த தாமஸ்பெர்லின் மருத்துவமனையில் அனுமதிக்கப்பட்டுள்ளார். விபத்தை ஏற்படுத்திவிட்டு தப்ப முயன்ற லாரி ஓட்டுநரைப் பொதுமக்கள் மடக்கிப் பிடித்து போலீசாரிடம் ஒப்படைத்தனர்.
News January 28, 2026
திருச்சி மாவட்டத்தில் மின்தடை அறிவிப்பு!
திருச்சி மாவட்டம் நீதிமன்ற வளாகம், வையம்பட்டி, குணசீலம், வேங்கமண்டலம், நடுப்பட்டி ஆகிய துணை மின் நிலையங்களில் நாளை (ஜன.29) மின் பராமரிப்பு பணிகள் நடைபெற உள்ளது. இதனால் அந்த துணை மின் நிலையங்களில் இருந்து மின்விநியோகம் பெறும் பகுதிகளில் காலை 9:45 மணி முதல் 4 மணி வரை மின் தடை ஏற்படுமென அறிவிக்கப்பட்டுள்ளது. இத்தகவலை SHARE பண்ணுங்க!
News January 28, 2026
பந்தலூர் அருகே பாம்பால் பரபரப்பு
பந்தலூர், அய்யங்கொல்லி பிரதான சாலையில் கொடிய விஷமுள்ள நாகபாம்பு ஒன்று படம் எடுத்து நின்றது. இதனால் அச்சமடைந்த வாகன ஓட்டிகள் வாகனங்களை நிறுத்தியதால் சிறிது நேரம் போக்குவரத்து பாதிக்கப்பட்டது. தகவலறிந்து விரைந்து வந்த வனத்துறையினர், லாவகமாகப் பாம்பைப் பிடித்து அடர்ந்த வனப்பகுதிக்குள் கொண்டு சென்று விட்டனர். அதன் பின்னரே போக்குவரத்து சீரானது.
News January 28, 2026
மதுரை மக்களே பண்டிகைக்கு ரெடியா?
மதுரை மீனாட்சி அம்மன் கோவில் சித்திரை திருவிழா ஏப்ரல் 19-ம் தேதி கொடியேற்றத்துடன் தொடங்குகிறது. அதன்படி விழாவின் முக்கிய நிகழ்வுகளான மீனாட்சி அம்மன் பட்டாபிஷேகம் ஏப்ரல் 26, திருக்கல்யாணம் 28, தேரோட்டம் 29-ல் நடைபெறுகின்றன. சிகர நிகழ்ச்சியாக கள்ளழகர் வைகை ஆற்றில் எழுந்தருளும் வைபவம் மே 1-ம் தேதி நடைபெற உள்ளது. இதற்காக தற்போது ஏற்பாடுகள் செய்யப்பட்டு வருகின்றன.
News January 28, 2026
கோவை: அடுத்தடுத்து மயக்கம்.. 10 நாள்கள் கல்லூரி விடுமுறை
கோவை, துடியலூர் பகுதியில் உள்ள தனியார் செவிலியர் கல்லூரி விடுதியில் கடந்த ஞாயிற்றுக்கிழமை இரவு உணவு சாப்பிட்ட 33 மாணவிகளுக்கு வாந்தி, மயக்கம் மற்றும் வயிற்றுப்போக்கு ஏற்பட்டது. தகவல் அறிந்து வந்த உணவு பாதுகாப்பு துறையினர் விடுதியில் இருந்த உணவு (ம) குடிநீர் மாதிரிகளை ஆய்வுக்காக எடுத்துச் சென்றுள்ளனர். இந்நிலையில் அந்த செவிலியர் கல்லூரிக்கு 10 நாட்கள் விடுமுறை அளித்து நிர்வாகம் உத்தரவிட்டுள்ளது.
News January 28, 2026
சிவகங்கை: பைக் மீது அரசு பஸ் மோதி விபத்து
அழகப்பாபுரம் பகுதியைச் சேர்ந்தவர் ராமசாமி. இவர் கல்லூரி சாலை பகுதியில் உள்ள ஒரு கடையில் மளிகைப் பொருட்கள் வாங்கிவிட்டு தனது பைக்கில் சென்று கொண்டிருந்தார். அப்போது அந்த வழியாக வந்த அரசு பஸ் ராமசாமி சென்ற இருசக்கர வாகனத்தின் மீது மோதியது. இதில் காயமடைந்த அவர் மருத்துவமனையில் அனுமதிக்கப்பட்டார். இதுகுறித்து காரைக்குடி வடக்கு போலீசார் வழக்குப்பதிவு செய்து விபத்து தொடர்பாக விசாரணை நடத்தி வருகின்றனர்.
Featured News
Sorry, no posts matched your criteria.