India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 28, 2026
ஈரோட்டில் தட்டி தூக்கிய போலீஸ்: 4 பேர் அதிரடி கைது!
ஈரோட்டில் போலீசார் தீவிர கண்காணிப்பில் ஈடுபட்டனர். இதில் ஈரோடு வளையக்கார வீதி மணிவேல் (21), ஈரோடு கொல்லம் பாளையம் கட்டபொம்மன் வீதி ராஜிவ்(19), வெண்டிபாளையம் கோணவாய்க்கால் நேதாஜி வீதி கவுதம் (21), ராமநாதபுரம் மாவட்டம் மண்டபம் முகமது கைப்(21) என நான்கு பேரை கைது செய்து, 3,250 கிராம் கஞ்சாவை பறிமுதல் செய்தனர். நால்வரையும் நீதிமன்றத்தில் ஆஜர் படுத்தி சிறையில் அடைத்தனர்.
News January 28, 2026
வீடியோவால் பரபரப்பு: பந்தலூர் வனத்துறை எச்சரிக்கை!
பந்தலூர் அருகே அத்திகுன்னா எஸ்டேட் தொழிலாளர் குடியிருப்பு பகுதியில் சிறுத்தை நடமாட்டம் குறித்து வனத்துறையினர் ஆய்வு மேற்கொண்டனர். சிறுத்தை நடமாட்டம் குறித்த வீடியோ பரவிய நிலையில் வனவர் சுரேஷ் குமார் தலைமையிலான வனக்குழுவினர் ஆய்வு செய்து வருகின்றனர். கோடை காலம் துவங்கியுள்ள நிலையில் சிறுத்தை உள்ளிட்ட வனவிலங்குகள் உணவு தேடி வர வாய்ப்புள்ளது. எனவே பாதுகாப்புடன் இருக்க அறிவுரை வழங்கினர்.
News January 28, 2026
காஞ்சிபுரத்தில் பயங்கர தகராறு!
எம்..ஜி.ஆர் நகர் பகுதியைச் சேர்ந்தவர் நாகராஜ்(28). ஆட்டோ டிரைவரான இவர், தனது நண்பர் பிரகாஷுடன் தேனாம்பாக்கம் அருகே உள்ள டாஸ்மாக் கடைக்கு சென்றார். மது வாங்கச் சென்ற இடத்தில் இவருக்கும் பிரகாஷின் நண்பர்களுக்கும் தகராறு ஏற்பட்டது. இதில், நாகராஜின் கழுத்தில் கத்தியால் குத்தி விட்டு அவர்கள் தப்பிச் சென்றனர். நாகராஜ் தற்போது சிகிச்சை பெற்று வருகிறார். இதுகுறித்து போலீசார் விசாரிக்கின்றனர்.
News January 28, 2026
ராணிப்பேட்டை கலெக்டர் அறிவித்தார்!
ராணிப்பேட்டை மாவட்ட விவசாயிகள் குறைதீர்வு நாள் கூட்டம் வருகிற ஜன30ஆம் தேதி காலை 11:00 மணி அளவில் கலெக்டர் அலுவலக கூட்டரங்கில் நடைபெற உள்ளது. இதை மாவட்ட கலெக்டர் அதிகாரப்பூர்வமாக அறிவித்துள்ளார். இதில், பல்வேறு துறை அலுவலர்கள் விவசாயிகள், விவசாய சங்கத்தினரின் குறைகளுக்கு பதிலளிக்க உள்ளனர். ஆகையால், மாவட்டத்தைச் சேர்ந்த விவசாயிகள் தவறாது இதில் கலந்துகொள்ள கேட்டுக்கொள்ளப்படுகிறார்கள்.
News January 28, 2026
திருவள்ளூரில் நாளை பவர் கட்!
ஊத்துக்கோட்டை துணை மின் நிலையத்தில் நாளை(ஜன.29) பராமரிப்புப் பணிகள் நடைபெறுவதால் ஊத்துக்கோட்டை, தாரட்சி, போந்தவாக்கம், அனந்தேரி, மாம்பாக்கம், மாமண்டூர், வேலகாபுரம், வேலகமகண்டிகை, பென்னலூர்பேட்டை, காசிரெட்டிப்பட்டி ஆகிய பகுதிகளில் காலை 9:00 – மாலை 5:00 மணி வரை மின் தடை அறிவிக்கப்பட்டுள்ளது. இந்தத் தகவலை உடனே அனைவருக்கும் SHARE பண்ணுங்க!
News January 28, 2026
செங்கை: 85 பேர் அதிரடி கைது!
மறைமலைநகரில் மூடப்பட்ட பிளாஸ்டிக் கோணிப்பை நிறுவன ஊழியர்கள், தங்களுக்குச் சேர வேண்டிய நிலுவைத் தொகையைக் கோரி போராடி வந்தனர். இந்நிலையில், தொழிற்சாலை எந்திரங்களை நிர்வாகம் லாரிகளில் ஏற்றிச் செல்வதைக் கண்டு ஆத்திரமடைந்த 85 தொழிலாளர்கள் லாரியைச் சிறைபிடித்தனர். தகவலறிந்து வந்த போலீசார் போராட்டக்காரர்களைக் கைது செய்து திருமண மண்டபத்தில் தங்க வைத்தனர்.பின்னர் மதியம் அவர்கள் அனைவரும் விடுவிக்கப்பட்டனர்.
News January 28, 2026
தருமபுரி: பெண் அதிரடி கைது!
காரிமங்கலம் போலீசார் பாலக்கோடு சாலையில் ரோந்து பணியில் ஈடுபட்டிருந்தபோது, சட்டவிரோதமாக மது விற்ற அனுமந்தபுரம் பகுதியைச் சேர்ந்த சிவகாமி (45) என்பவரைப் பிடித்தனர். அவரிடமிருந்து 26 மது பாட்டில்களைப் பறிமுதல் செய்த போலீசார், சிவகாமியைக் கைது செய்து விசாரணை நடத்தி வருகின்றனர். மேலும் நேற்று பல்வேறு பகுதிகளில் போலீசார் சோதனை செய்தனர்.
News January 28, 2026
திண்டுக்கல் கலெக்டர் அதிரடி உத்தரவு
வடலூர் இராமலிங்கர் நினைவு நாளை முன்னிட்டு வரும் பிப்1-ம் தேதி (ஞாயிற்றுக்கிழமை) திண்டுக்கல் மாவட்டம் முழுவதும் மதுக்கடைகள் மூட கலெக்டர் சரவணன் உத்தரவிட்டுள்ளார். அதன்படி, மாவட்டம் முழுவதும் உள்ள டாஸ்மாக் கடைகள் (FL1), அதனுடன் இணைந்த மதுபானக்கூடங்கள் மற்றும் தனியார் தங்கும் விடுதிகளில் உள்ள மதுபானக் கூடங்கள் அனைத்தும் அன்றைய தினம் இயங்காது. மீறினால் கடும் நடவடிக்கை எடுக்கப்படும் என்றார்.
News January 28, 2026
வேலூர் அருகே கோர விபத்து!
அணைக்கட்டு அடுத்த கீழ்கொத்தூர் கிராமத்தை சேர்ந்தவர் ராமன் (31), கட்டிட மேஸ்திரி. இவர் தனது வீட்டின் மாடியில் வைத்துள்ள இரும்பு பொருட்களை எடுத்து கொண்டு கீழே வந்தார். அங்கிருந்த மின் கம்பி மீது இரும்பு கம்பி உரசியது. அப்போது அதிலிருந்து மின்சாரம் பாய்ந்து ராமன் சம்பவ இடத்திலேயே பரிதாபமாக இறந்தார். இதுகுறித்து தகவலறிந்த வேப்பங்குப்பம் போலீசார் இன்று வழக்குப்பதிவு செய்து விசாரணை நடத்தி வருகின்றனர்.
News January 28, 2026
மதுரை: பெட்ரோல் குண்டு வீசிய போலீசார் மீது வழக்கு
கள்ளிக்குடியை சேர்ந்த மாணிக்கத்திற்கும் அவரது உறவினர்களுக்கும் சொத்து பிரச்சினை காரணமாக, அரிவாள், கத்தியுடன் வீடு புகுந்து மாணிக்கத்தை நேற்று முன்தினம் தாக்கி, பெட்ரோல் குண்டை வீசினர். சென்னை ஆயுதப்படை போலீஸ் மருதுபாண்டி(29), பெரியசாமி(55), சின்ன மாரிச்சாமி(50), சூர்யா(32) உட்பட 10 பேர் மீது வழக்கு பதிவு செய்து கள்ளிக்குடி போலீசார் சூர்யாவை கைது செய்தனர்.
Featured News
Sorry, no posts matched your criteria.