India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 11, 2026
பொங்கல் பண்டிகை: ஆம்னி பஸ் கட்டணம் ₹4,200 ஆக உயர்வு!
பொங்கல் விடுமுறையையொட்டி, ஆம்னி பஸ்களின் திடீர் கட்டண உயர்வு மக்களை அதிர்ச்சியில் ஆழ்த்தியுள்ளது. சென்னை – நெல்லை செல்ல வழக்கமாக ₹1,800 வரை வசூலிக்கப்படும் நிலையில், தற்போது ₹4,200 வரை கட்டணம் உயர்ந்துள்ளது. அதேபோல், சென்னை – கோவைக்கு (முன்பு ₹1,200) ₹3,000 வரையும், சென்னை – மதுரை செல்ல (முன்பு ₹1,200) ₹3,500 வரையும் கட்டணம் அதிகரித்துள்ளது. நீங்க எவ்வளவுக்கு டிக்கெட் புக் பண்ணீங்க?
News January 11, 2026
FLASH: பிப்.8-ல் திமுக பூத் ஏஜெண்டுகள் மாநாடு!
பேரவைத் தேர்தலுக்காக கூட்டணி பேச்சுவார்த்தையை தீவிரப்படுத்தியுள்ள திமுக, மறுபுறம் தேர்தலின் ஆணிவேரான பூத் ஏஜெண்டுகள் மாநாட்டை அறிவித்துள்ளது. அடுத்த மாதம் 8-ம் தேதி விழுப்புரத்தில் வடக்கு மண்டல பூத் ஏஜெண்டுகள் மாநாடு, ஸ்டாலின் தலைமையில் நடைபெறும் என திமுக அறிவித்துள்ளது. இதில், திண்ணை பிரசாரம், புதிய வாக்காளர்கள் சேர்க்கை உள்ளிட்ட பல்வேறு விவகாரங்கள் குறித்து ஸ்டாலின் எடுத்துரைக்க உள்ளாராம்.
News January 11, 2026
இதை செய்யாவிட்டால் வங்கிக் கணக்கு முடங்கும்: SBI
ஜன.15-க்குள் KYC அப்டேட் செய்யாத வாடிக்கையாளர்களின் வங்கிக் கணக்கு முடக்கப்படலாம் என SBI எச்சரித்துள்ளது. உடனே வங்கிக் கிளைக்கு சென்று உங்களுடைய KYC அப்டேட் செய்யப்பட்டுள்ளதா, ஆதார், பான் கார்டு உள்ளிட்டவை வங்கிக் கணக்குடன் இணைக்கப்பட்டுள்ளதா என்பதை சரிபார்த்து கொள்ளுங்கள். வங்கிக் கணக்கு ஆக்டிவாக இருக்க, ஆண்டுக்கு ஒருமுறையாவது பணப் பரிவர்த்தனை மேற்கொள்ளவும் அறிவுறுத்தப்பட்டுள்ளது. SHARE IT.
News January 11, 2026
இபிஎஸ் முன்னிலையில் அதிமுகவில் இணைந்தார்
தொழிலதிபர் லாட்டரி மார்டினின் மனைவி லீமா ரோஸ் அதிமுகவில் இணைந்துள்ளார். வரும் தேர்தலில் திருவாடனை தொகுதியில் போட்டியிட விருப்பம் தெரிவித்துள்ளதாகவும் தகவல் வெளியாகியுள்ளது. ஆதவ் அர்ஜுனா தவெகவில் உள்ள நிலையில், அவரது மைத்துனர் ஜோஸ் சார்லஸ் அண்மையில் புதுவையில் LJK என கட்சியைத் தொடங்கினார். அடுத்த அரசியல் நகர்வாக லீமா ரோஸ் அதிமுகவில் இணைந்துள்ளது அரசியல் களத்தில் பேசுபொருளாகியுள்ளது.
News January 11, 2026
நடிகர் நானிக்கு பதில் ரஜினி?
தற்போது ரஜினியை இயக்க கமிட் ஆகியிருக்கும் சிபி சக்கரவர்த்தி இதற்கு முன் நடிகர் நானிக்காக ஒரு கதையை எழுதியிருந்தாராம். இதுகுறித்து ஆலோசிக்க 6 மாதங்களாக அவர் ஹைதராபாத்தில் முகாமிட்டதாகக் கூறப்படுகிறது. ஆனால், எந்த முன்னேற்றமும் இல்லாமல் போக, ரஜினியை இயக்கும் ஜாக்பாட் வாய்ப்பு கிடைத்திருக்கிறது. இதனால், நானிக்காக எழுதிய கதையில் தற்போது ரஜினி நடிக்கப்போகிறார் என பேசப்படுகிறது.
News January 11, 2026
அமித்ஷா பேச்சுக்கு உதயநிதி கொடுத்த ரிப்ளை
தமிழ்நாடுதான் அடுத்த டார்கெட் என அமித்ஷா கூறியதை குறிப்பிட்ட உதயநிதி, மக்களின் அன்பை திமுகவே வெல்லும் எனத் தெரிவித்துள்ளார். பாசிச சக்திகளுக்கு எதிராக குரல் கொடுத்துவரும் முதல்வராக ஸ்டாலின் இருப்பதாகவும் அவர் கூறினார். தேர்தல் வருவதால், இனி பாஜகவினர் அடிக்கடி தமிழகம் வருவார்கள் எனத் தெரிவித்த உதயநிதி, ஸ்டாலினை 2-வது முறையாக முதல்வராக்க தீவிர களப்பணியாற்றுமாறு கட்சியினருக்கு அறிவுறுத்தினார்.
News January 11, 2026
EXCLUSIVE: விஜய்க்கு நிம்மதி.. முக்கிய தகவல் கசிந்தது
கரூர் விவகாரத்தில் விஜய்க்கு அனுப்பப்பட்ட CBI-ன் சம்மன் குறித்த முக்கிய தகவல் கசிந்துள்ளது. விஜய்க்கு BNSS 179 பிரிவின் கீழ் சம்மன் அனுப்பப்பட்டுள்ளது. அதாவது, விஜய் குற்றம் செய்த நபர் இல்லை. ஆனால், குற்றம் நடந்த விதம், குற்றம் தொடர்பான தகவல் விஜய்க்கு தெரிந்திருக்கலாம் என்ற சந்தேகத்தின் அடிப்படையில் அனுப்பப்பட்டுள்ளது. அதனால், அவர் நீதிமன்றத்தை நாடாமல் <<18824844>>நாளை காலை விசாரணையை<<>> எதிர்கொள்ள உள்ளாராம்.
News January 11, 2026
கரூர் துயர வழக்கு.. நாளை டெல்லி செல்கிறார் விஜய்
கரூர் கூட்ட நெரிசலில் 41 பேர் பலியான வழக்கு தொடர்பாக, டெல்லி சிபிஐ அலுவலகத்தில் நாளை காலை 11 மணிக்கு விஜய் ஆஜராகவுள்ளார். சென்னையில் இருந்து தனி விமானத்தில் இன்று அவர் டெல்லி புறப்படுவதாக முதலில் கூறப்பட்டது. இந்நிலையில், நாளை காலை 7 மணிக்கு அவர் புறப்பட இருப்பதாக தகவல் வெளியாகியுள்ளது. இதனையடுத்து, வழக்கு தொடர்பாக அனுப்பப்பட்ட சம்மனுக்கு, CBI அதிகாரிகளிடம் விஜய் விளக்கம் அளிக்கவுள்ளார்.
News January 11, 2026
செல்போன் ரீசார்ஜ் அதிரடியாக உயர்கிறது
இந்தியாவில் 2026 ஜூன் மாதம் முதல் மொபைல் ரீசார்ஜுக்கான கட்டணம் சுமார் 15% வரை உயர்த்தப்படலாம் என தகவல் வெளியாகியுள்ளது. 4G/5G நெட்வொர்க் கட்டமைப்பு, பராமரிப்பு மற்றும் தொழில்நுட்ப மேம்பாடுகளுக்கான செலவுகள் அதிகமாக உள்ளதால், வருமானத்தை அதிகரிக்க வேண்டிய சூழல் தொலை தொடர்பு நிறுவனங்களுக்கு இருப்பதாக கூறப்படுகிறது. கடைசியாக 2 ஆண்டுகளுக்கு முன்பு கட்டணம் உயர்த்தப்பட்டது என்பது குறிப்பிடத்தக்கது.
News January 11, 2026
193 வயதிலும் ‘வாழும் அதிசயம்’!
உலகம் மாறிவிட்டாலும், செயின்ட் ஹெலினா தீவில் ஒரு ‘வாழும் அதிசயம்’ இன்றும் நிதானத்துடன் உலா வருகிறது! என்னவென்று யோசிக்கிறீர்களா? உலகின் மிக வயதான நிலவாழ் உயிரினமான, 193 வயதை தொட்டுள்ள ராட்சத ஆமை. ஜோனதன் என்று அழைப்படும் இது, 1832-ல் பிறந்ததாக கணிக்கப்படுகிறது. போட்டோ, செல்போன், கார் எல்லாம் வருவதற்கு முன்பே இது பிறந்துவிட்டது. கண்பார்வை மங்கினாலும், சிறந்த செவித்திறனுடன் கெத்தாக சுற்றி வருகிறது!
Featured News
Sorry, no posts matched your criteria.