India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 11, 2026
நடிகர் நானிக்கு பதில் ரஜினி?
தற்போது ரஜினியை இயக்க கமிட் ஆகியிருக்கும் சிபி சக்கரவர்த்தி இதற்கு முன் நடிகர் நானிக்காக ஒரு கதையை எழுதியிருந்தாராம். இதுகுறித்து ஆலோசிக்க 6 மாதங்களாக அவர் ஹைதராபாத்தில் முகாமிட்டதாகக் கூறப்படுகிறது. ஆனால், எந்த முன்னேற்றமும் இல்லாமல் போக, ரஜினியை இயக்கும் ஜாக்பாட் வாய்ப்பு கிடைத்திருக்கிறது. இதனால், நானிக்காக எழுதிய கதையில் தற்போது ரஜினி நடிக்கப்போகிறார் என பேசப்படுகிறது.
News January 11, 2026
அமித்ஷா பேச்சுக்கு உதயநிதி கொடுத்த ரிப்ளை
தமிழ்நாடுதான் அடுத்த டார்கெட் என அமித்ஷா கூறியதை குறிப்பிட்ட உதயநிதி, மக்களின் அன்பை திமுகவே வெல்லும் எனத் தெரிவித்துள்ளார். பாசிச சக்திகளுக்கு எதிராக குரல் கொடுத்துவரும் முதல்வராக ஸ்டாலின் இருப்பதாகவும் அவர் கூறினார். தேர்தல் வருவதால், இனி பாஜகவினர் அடிக்கடி தமிழகம் வருவார்கள் எனத் தெரிவித்த உதயநிதி, ஸ்டாலினை 2-வது முறையாக முதல்வராக்க தீவிர களப்பணியாற்றுமாறு கட்சியினருக்கு அறிவுறுத்தினார்.
News January 11, 2026
EXCLUSIVE: விஜய்க்கு நிம்மதி.. முக்கிய தகவல் கசிந்தது
கரூர் விவகாரத்தில் விஜய்க்கு அனுப்பப்பட்ட CBI-ன் சம்மன் குறித்த முக்கிய தகவல் கசிந்துள்ளது. விஜய்க்கு BNSS 179 பிரிவின் கீழ் சம்மன் அனுப்பப்பட்டுள்ளது. அதாவது, விஜய் குற்றம் செய்த நபர் இல்லை. ஆனால், குற்றம் நடந்த விதம், குற்றம் தொடர்பான தகவல் விஜய்க்கு தெரிந்திருக்கலாம் என்ற சந்தேகத்தின் அடிப்படையில் அனுப்பப்பட்டுள்ளது. அதனால், அவர் நீதிமன்றத்தை நாடாமல் <<18824844>>நாளை காலை விசாரணையை<<>> எதிர்கொள்ள உள்ளாராம்.
News January 11, 2026
கரூர் துயர வழக்கு.. நாளை டெல்லி செல்கிறார் விஜய்
கரூர் கூட்ட நெரிசலில் 41 பேர் பலியான வழக்கு தொடர்பாக, டெல்லி சிபிஐ அலுவலகத்தில் நாளை காலை 11 மணிக்கு விஜய் ஆஜராகவுள்ளார். சென்னையில் இருந்து தனி விமானத்தில் இன்று அவர் டெல்லி புறப்படுவதாக முதலில் கூறப்பட்டது. இந்நிலையில், நாளை காலை 7 மணிக்கு அவர் புறப்பட இருப்பதாக தகவல் வெளியாகியுள்ளது. இதனையடுத்து, வழக்கு தொடர்பாக அனுப்பப்பட்ட சம்மனுக்கு, CBI அதிகாரிகளிடம் விஜய் விளக்கம் அளிக்கவுள்ளார்.
News January 11, 2026
செல்போன் ரீசார்ஜ் அதிரடியாக உயர்கிறது
இந்தியாவில் 2026 ஜூன் மாதம் முதல் மொபைல் ரீசார்ஜுக்கான கட்டணம் சுமார் 15% வரை உயர்த்தப்படலாம் என தகவல் வெளியாகியுள்ளது. 4G/5G நெட்வொர்க் கட்டமைப்பு, பராமரிப்பு மற்றும் தொழில்நுட்ப மேம்பாடுகளுக்கான செலவுகள் அதிகமாக உள்ளதால், வருமானத்தை அதிகரிக்க வேண்டிய சூழல் தொலை தொடர்பு நிறுவனங்களுக்கு இருப்பதாக கூறப்படுகிறது. கடைசியாக 2 ஆண்டுகளுக்கு முன்பு கட்டணம் உயர்த்தப்பட்டது என்பது குறிப்பிடத்தக்கது.
News January 11, 2026
193 வயதிலும் ‘வாழும் அதிசயம்’!
உலகம் மாறிவிட்டாலும், செயின்ட் ஹெலினா தீவில் ஒரு ‘வாழும் அதிசயம்’ இன்றும் நிதானத்துடன் உலா வருகிறது! என்னவென்று யோசிக்கிறீர்களா? உலகின் மிக வயதான நிலவாழ் உயிரினமான, 193 வயதை தொட்டுள்ள ராட்சத ஆமை. ஜோனதன் என்று அழைப்படும் இது, 1832-ல் பிறந்ததாக கணிக்கப்படுகிறது. போட்டோ, செல்போன், கார் எல்லாம் வருவதற்கு முன்பே இது பிறந்துவிட்டது. கண்பார்வை மங்கினாலும், சிறந்த செவித்திறனுடன் கெத்தாக சுற்றி வருகிறது!
News January 11, 2026
பராசக்தி முதல் நாள் வசூல் இவ்வளவு கோடியா..!
மிகுந்த எதிர்பார்ப்புடன் வெளியான பராசக்தி படத்தின் முதல்நாள் வசூல் உலகளவில் ₹20 கோடியை கடந்திருப்பதாக தகவல் வெளியாகியுள்ளது. TN-ல் ₹8 கோடி உள்பட இந்தியா முழுவதும் ₹11 கோடி வரை வசூலித்துள்ளதாக TIMES OF INDIA செய்தி வெளியிட்டுள்ளது. அதிகாரப்பூர்வ அறிவிப்பை படக்குழு விரைவில் வெளியிட உள்ளது. சிவகார்த்திகேயனின் கரியரில் முதல்நாளில் அதிகம் வசூலித்த படமாக ‘அமரன்’ (₹42 கோடி) இருப்பது குறிப்பிடத்தக்கது.
News January 11, 2026
காலை உணவாக முட்டையை மட்டும் சாப்பிடலாமா?
முட்டை ஒரு முழுமையான ஊட்டச்சத்து மிகுந்த உணவு என்பதால், காலையில் முட்டை மட்டும் சாப்பிடலாம் என்கின்றனர் நிபுணர்கள். *ஒரு முட்டையில் சுமார் 6 கிராம் புரதம் உள்ளது *வைட்டமின் D எலும்புகள், பற்களுக்கு வலிமையை தருகிறது *ஆன்டி ஆக்ஸிடன்ட்கள் கண் நோய்கள் வராமல் தடுக்க உதவுகின்றன *உடல் எடையை குறைக்க விரும்புபவர்களுக்கு சிறந்த உணவு *1 நாளில் 3 முட்டைகள் வரை சாப்பிடலாம் (ஒருவரின் தேவைக்கேற்ப மாறுபடலாம்)
News January 11, 2026
விஜய்யுடன் பேசுவது தனிப்பட்ட விஷயம்: காங்., MP
காங்., தரப்பிலிருந்து பிரவின் சக்ரவர்த்தி தவெக உடன் பேச்சுவார்த்தை நடத்தியாக வந்த தகவல் திமுக கூட்டணியில் சலசலப்பை ஏற்படுத்தியது. இந்நிலையில், கூட்டணி பற்றி பேச தலைமை அதிகாரப்பூர்வமாக யாரையும் அனுப்பவில்லை என கார்த்தி சிதம்பரம் வெளிப்படையாக கூறியுள்ளார். மற்றபடி யார் எதை செய்தாலும் அது அவரது தனிப்பட்ட செயல்பாடுதான் என்ற அவர், பிற கட்சிகளிடம் பேசுவது தனிப்பட்ட விஷயம் எனவும் குறிப்பிட்டுள்ளார்.
News January 11, 2026
வெனிசுலா எண்ணெய் இனி இந்தியாவுக்குமா?
வெனிசுலாவின் கச்சா எண்ணெய்யை இந்தியாவிற்கு விற்பனை செய்ய டிரம்ப் நிர்வாகம் பச்சைக்கொடி காட்டியுள்ளது. இதற்கான பேச்சுவார்த்தையில் ரிலையன்ஸ் நிறுவனம் ஏற்கனவே ஈடுபட்டுள்ளதாகவும் கூறப்படுகிறது. ரஷ்ய எண்ணெயை சார்ந்து இந்தியா இருப்பதை USA விரும்பவில்லை என்பதால், இந்த முடிவை எடுத்துள்ளதாக தகவல் வெளியாகியுள்ளது. அதேநேரம், <<18786451>>டிரம்ப்<<>> அறிவித்ததுபோல, இந்த வர்த்தகம் மூலம் கிடைக்கும் பணமும் USA-யிடமே இருக்கும்.
Featured News
Sorry, no posts matched your criteria.