India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 11, 2025
தேர்தல் கூட்டணி.. 40 MLA-க்கள்.. ராமதாஸுன் வியூகம் என்ன?
2026 தேர்தலை கூட்டணியுடன் சந்திப்பதாக கூறிய ராமதாஸ் பாமகவுக்கு 40 MLA-க்கள் இருந்தால் வன்னியர்களுக்கான 10.5% இட ஒதுக்கீட்டை யாரிடமும் சென்று கேட்க வேண்டிய அவசியமில்லை என பேசியுள்ளார். கடலூர் வன்னியர் சங்க கூட்டத்தில் பேசிய அவரது இந்த பேச்சு அரசியல் களத்தை சூடுபடுத்தியுள்ளது. இதன் மூலம் கூட்டணியில் அவர் 40 தொகுதிகளை குறிவைக்கிறார் என அரசியல் நோக்கர்கள் கூறுகின்றனர். உங்கள் கருத்து என்ன?
News July 11, 2025
வரும் 18-ம் தேதி OTT-ல்….
தனுஷ், நாகர்ஜுனா, ரஷ்மிகா மந்தனா நடிப்பில் வெளியான ‘குபேரா’ படம் வரும் 18-ம் தேதி அமேசான் பிரைம் OTT-ல் வெளியாகும் என அறிவிக்கப்பட்டுள்ளது. தமிழ், தெலுங்கு, கன்னடம், மலையாளம், ஹிந்தி என 5 மொழிகளில் படம் வெளிவருகிறது. தெலுங்கு இயக்குநர் சேகர் கம்முலா இயக்கத்தில், DSP இசையில் கடந்த ஜூன் 20-ம் தேதி திரையரங்குகளில் வெளியான இந்த படம் நல்ல விமர்சனத்தை பெற்று ₹134 கோடியை வசூலித்தது.
News July 11, 2025
‘ராமதாஸை’ விடாத அன்புமணி
பாமக தலைவர் பதவி தொடர்பாக ராமதாஸ், அவரின் மகன் அன்புமணி ராமதாஸ் இடையே கடந்த சில வாரங்களாக மோதல் போக்கு நிலவி வருகிறது. 2 பேருக்கும் சமாதானம் செய்ய நடந்த முயற்சி தோல்வியில் முடிவடைய, தன் பெயரை இனி அன்புமணி தன் பெயருக்கு பின்னால் போடக் கூடாது என ராமதாஸ் தடை விதித்தார். எனினும் இதை கண்டுகாெள்ளாத அன்புமணி, கட்சியினருக்கு எழுதிய கடிதம், அறிக்கையை அன்புமணி ராமதாஸ் என்ற பெயரிலேயே வெளியிட்டார்.
News July 11, 2025
ஏற்ற இறக்கத்தில் தங்கம்.. வல்லுநர்கள் சொல்வது என்ன?
ஜூலை மாதம் தொடங்கியது முதலே தங்கம் விலை ஏற்ற இறக்கத்தை கண்டு வருகிறது. கடந்த 1-ம் தேதி சவரனுக்கு ₹840 அதிகரித்து மாதத்தின் வர்த்தகத்தைத் தொடங்கியது. ஆனால், சர்வதேச சந்தையில் நிலவும் மந்த நிலை காரணமாக, இந்த மாதம் <<17027983>>10 நாள்களை கடந்தும்<<>> கடந்த மாத இறுதி விலை நிலவரமே நீடிக்கிறது. மேலும், ஆடி மாதம் பிறந்த பிறகு தங்கம் விற்பனை சரியும் என்பதால் விலையும் சரிய வாய்ப்புள்ளதாக வல்லுநர்கள் கூறுகின்றனர்.
News July 11, 2025
மலை, காடு, கடல்.. மனதை நனைக்கும் ஒரு ரோடு!
சாலை பயணங்கள் தரும் அனுபவம் அளப்பறியது. மரங்களால் சூழப்பட்ட காடுகளும், மழையில் நனைந்த பசுமை மலைச்சுரங்கங்களும், கண்களை பறிக்கும் கடலின் அழகுடன் பயணிக்கும் போது, உண்டாகும் உற்சாகத்திற்கு ஈடு இணையில்லை. அலைகளின் இசை, காற்றின் சுழலும் மனதை வருடும். இந்தியாவில் மனதை மயக்கும் டாப் 6 Road Journey-ஸை லிஸ்ட் போட்டுள்ளோம். நீங்களும் ஒரு ட்ரிப் போய் பாருங்க!
News July 11, 2025
மீண்டும் காப்பிரைட் கேட்கும் இளையராஜா
Mrs & Mr படம் இன்று வெளியாகியுள்ளது. வனிதா விஜயகுமார் இயக்கி நடித்திருக்கும் இப்படத்தில் ‘ராத்திரி சிவராத்திரி’ என்ற மைக்கேல் மதன காமராஜன் படத்தில் உள்ள பாடல் இடம்பெற்றுள்ளது. இந்நிலையில், இப்பாடலை படத்தில் இருந்து நீக்க வேண்டும் என்று இளையராஜா தரப்பில் சென்னை HC-ல் அவசர வழக்கு தொடுக்கப்பட்டுள்ளது. இதனையடுத்து இவ்வழக்கு திங்கள்கிழமை விசாரிக்கப்படும் என கோர்ட் தெரிவித்துள்ளது.
News July 11, 2025
எமர்ஜென்சி ஒரு கருப்பு அத்தியாயம்: சசி தரூர்
‘எமர்ஜென்சி’ காலம் இந்தியாவின் கருப்பு அத்தியாயம் என்றும் காங்., MP சசி தரூர் கூறியுள்ளார். பிரபல நாளிதழில் அவர் எழுதியுள்ள கட்டுரையில், இந்திரா காந்தியின் மகன் சஞ்சய் காந்தி, கட்டாய கருத்தடை திட்டத்தை அமல்படுத்தியது அக்கால அவலத்துக்கு ஆகச் சிறந்த உதாரணம் என்றும் குறிப்பிட்டுள்ளார். MP-க்கள் குழுவுக்கு தலைமை தாங்கியது முதலே சசியின் காற்று பாஜக பக்கம் வீசுவதாக தகவல்கள் தெரிவிக்கின்றன.
News July 11, 2025
நாடக உலகின் ஜாம்பவான் ஃபிராங்க் பேர்ரி காலமானார்
5 தசாப்தங்களாக நாடக உலகில் அசத்தி ‘Acting legend’ அழைக்கப்பட்ட ஃபிராங்க் பேர்ரி(88) காலமானார். 1959-ல் நாடக உலகில் அறிமுகமான இவர், ‘Bristol Old Vic’ நாடகத்தை 53 நாடுகளில் அரங்கேற்றியுள்ளார். ஷேக்ஸ்பியரின் கதைகளில் நடித்துப் பிரபலமான இவருக்கு, உலக அளவில் ரசிகர் பட்டாளம் உள்ளது. உடல் நலக்குறைவால் காலமான ஃபிராங்க் பேர்ரிக்கு உலகம் முழுவதும் பலரும் இரங்கல் தெரிவித்து வருகின்றனர். #RIP
News July 11, 2025
முறியடிப்பதற்கே சாதனைகள்: லாரா
டெஸ்டில் 4 சதங்கள் சாதனையை முறியடிக்க <<16984490>>வாய்ப்பு கிடைத்தால்<<>>, அதை செய்ய வேண்டுமென வெ.இண்டீஸ் லெஜண்ட் பிரயன் லாரா தனக்கு ஆலோசனை கூறியதாக SA கேப்டன் வியான் முல்டர் தெரிவித்துள்ளார். ‘உங்களுடைய லெகசியை நீங்கள் உருவாக்க வேண்டும். சாதனைகள் முறியடிப்பதற்கே’ என்று லாரா அப்போது கூறியுள்ளார். லாராவின் சாதனையை(400*) முறியடிக்க முனையாமல், 367* ரன்னில் முல்டர் டிக்ளேர் செய்தது குறிப்பிடத்தக்கது.
News July 11, 2025
உங்களை தவிர யாருமில்லை.. அன்புமணி உருக்கம்
டாக்டர் ராமதாஸுடன் மோதல் போக்கு நிலவும் நிலையில், பாமகவினருக்கு அன்புமணி உருக்கமாக கடிதம் எழுதியுள்ளார். அதில் அவர், பாமகவினருக்காக தான் இருப்பதாகவும், கட்சித் தொண்டர்களைத் தவிர தனக்கு வேறு எவருமில்லை என தெரிவித்துள்ளார். நாம் அனைவரும் இணைந்து உழைத்து புதிய வரலாற்றை படைப்போம் என்றும், இது உறுதி என்றும் கட்சியினரை அன்புமணி ராமதாஸ் கேட்டுக் கொண்டுள்ளார்.
Featured News
Sorry, no posts matched your criteria.