News August 27, 2025

நெல்லையப்பர் கோவில் வளாக கடைகள் அகற்ற காலக்கெடு

திருநெல்வேலி நெல்லையப்பர் கோயில் மர மண்டபத்தில் உள்ள கடைகள் பாதுகாப்புக்கு அச்சுறுத்தல் என்பதால், சென்னை உயர்நீதிமன்றம் 12 வாரங்களுக்குள் அவற்றை அகற்ற உத்தரவிட்டது. இந்து அறநிலையத் துறை இணை ஆணையர் கவிதா பிரியதர்ஷினி நேரில் விளக்கமளித்தார். கோயிலை புராதன நினைவுச்சின்னமாக அறிவிக்கக் கோரிய மனுவை விசாரித்த நீதிபதிகள், பழைமையான மரச்சிற்பங்களை பாதுகாக்க வலியுறுத்தி, வழக்கை முடித்து வைத்தனர்.

News August 27, 2025

தூய்மை பணியாளர்கள் மனு மீது விரைந்து நடவடிக்கை – ஆட்சியர்

திருநெல்வேலி மாவட்ட ஆட்சியர் அலுவலகத்தில் தூய்மைப் பணியாளர்களின் கோரிக்கைகளை நிவர்த்தி செய்ய குறைதீர் கூட்டம் நடைபெற்றது. ஆட்சியர் இரா.சுகுமார், பணியிட பாதுகாப்பு, சீருடை, ஊதியம் உறுதி செய்ய உத்தரவிட்டார். நான்கு பணியாளர்களுக்கு ரூ.59,000 மதிப்பில் இறப்பு, கல்வி, மகப்பேறு உதவித்தொகை வழங்கப்பட்டது. மாவட்ட வருவாய் அலுவலர், உதவி இயக்குநர்கள் உள்ளிட்ட பலர் கலந்துகொண்டனர்.

News August 27, 2025

நெல்லை மாவட்டத்தில் 47,392 மாணவர்கள் பயன்

தமிழ்நாடு முதலமைச்சரால் தொடங்கப்பட்ட காலை உணவு திட்டத்தில், நெல்லை மாவட்டத்தில் 804 பள்ளிகளில் 34,277 குழந்தைகள் பயன்பெற்று வருகின்றனர். நேற்று 5-ம் கட்டமாக, நகர்ப்புற உள்ளாட்சிப் பகுதிகளில் உள்ள 210 அரசு உதவி பெறும் பள்ளிகளில் 13,115 மாணவர்களுக்கு இத்திட்டம் விரிவாக்கம் செய்யப்பட்டது. மொத்தம் 1,014 பள்ளிகளில் 47,392 மாணவர்கள் இப்போது பயனாளிகளாக உள்ளனர்.

News August 27, 2025

நெல்லை: CM Cell-ல் புகார் பதிவு செய்வது எப்படி?

▶️முதலில் http://cmcell.tn.gov.in என்ற இணையதளத்திற்கு செல்லுங்கள்.

▶️ பின்னர் ‘புதிய பயனாளர் பதிவு’ என்ற ஆப்ஷனை க்ளிக் செய்து, உங்களுக்கான ‘ஐடி’ யை உருவாக்க வேண்டும்.

▶️ இதனை தொடர்ந்து கோரிக்கை வகை என்ற ஆப்ஷனை கிளிக் செய்து, உங்கள் கோரிக்கையை பதிவு செய்யுங்கள்.

▶️ பின்னர் ‘track grievance’ என்ற ஆப்சனை கிளிக் செய்து, உங்க புகாரின் நிலை குறித்து தெரிந்து கொள்ளலாம். SHARE செய்யுங்கள்

News August 27, 2025

பற்கள் பிடுங்கிய வழக்கு செப்.15ம் தேதிக்கு ஒத்திவைப்பு

அம்பாசமுத்திரம் காவல் நிலையங்களில் 2023ல் விசாரணை கைதிகளின் பற்களை பிடுங்கியதாக ஏ எஸ் பி பல்வீர் சிங் உள்பட 14 பேர் மீது சிபிசிஐடி 4 வழக்குகள் பதிவு செய்தது. திருநெல்வேலி குற்றவியல் நீதிமன்றத்தில் விசாரணை நடைபெறுகிறது. பாதிக்கப்பட்டவர்கள் வழக்கை மனித உரிமை மீறலாகக் கருதி மாவட்ட நீதிமன்றத்துக்கு மாற்றக் கோரினர். பல்வீர் சிங் உள்ளிட்டோர் ஆஜராகினர். வழக்கு செப்.15ம் தேதிக்கு ஒத்திவைக்கப்பட்டது .

News August 27, 2025

நெல்லை: LIC நிறுவனத்தில் ரூ.88,635 சம்பளத்தில் வேலை!

காப்பீட்டு நிறுவனமான LIC நிறுவனத்தில் காலியாக உள்ள 841 Assistant Administrative Officers (AAO) பணியிடங்களை நிரப்ப அறிவிப்பு வெளியாகியுள்ளது. இதற்கு ஏதேனும் ஒரு டிகிரி முடித்திருந்தால் போதும். மாத சம்பளமாக ரூ.88,635 வரை வழங்கப்படும். விருப்பம் உள்ளவர்கள் 08.09.2025 தேதிக்குள் <>இங்கே கிளிக் <<>>செய்து விண்ணப்பிக்கலாம். அனைவருக்கும் இதனை ஷேர் செய்து தெரியப்படுத்துங்க.

News August 27, 2025

நெல்லை: உங்க நிலத்தை காணமா??

நெல்லை மக்களே நீங்கள் வாங்கிய நிலங்கள் (அ) உங்க தாத்தா மற்றும் அப்பா வாங்கிய பழைய நிலங்களின் பத்திரம் இருக்கு ஆனா நிலம் எங்க இருக்கன்னு தெரியலையா? சர்வேயர்க்கு காசு கொடுக்கனுமான்னு யோசீக்கிறீங்களா?? உங்க நிலங்களை கண்டுபிடிக்க EASYயான வழி. இங்க <>க்ளிக்<<>> பண்ணி LOGIN செய்து நெல்லை மாவட்டம், பத்திர எண், சர்வே எண் மற்றும் சப்டிவிஷன் எண்ணை பதிவிட்டு உங்க இடத்தை பைசா செலவில்லாமல் கண்டுபிடியுங்க… SHARE பண்ணுங்க..

News August 27, 2025

நெல்லையில் நகையை விழுங்கிய ஊழியர்

வி.கே.புரத்தை சேர்ந்தவர் சுப்பம்மாள்(70). இவர் உடல்நலக்குறைவு ஏற்பட்டு நெல்லை, கொக்கிரகுளம் பகுதி ஆஸ்பத்திரியில் சிகிச்சை பெற்றார். இவர் அணிந்திருந்த 3 பவுன் நகையை ஆஸ்பத்திரி ஊழியர் ராமர் (25) திருடினார். உடனே சுப்பம்மாள் சத்தம் போடவே என்ன செயவதென்று தெரியாமல் நகையை விழுங்கியுள்ளார். ஆஸ்பத்திரியில் ராமருக்கு இனிமா மருந்து கொடுத்து நகை வெளியில் எடுக்கப்பட்டது. இதுக்குறித்து பாளை போலீசார் விசாரணை.

News August 27, 2025

டாஸ்மாக் பாரில் 17 ஆயிரம் பணம் கொள்ளை

மேலப்பாளையத்தை அடுத்த கருங்குளம் பகுதியில் அரசு மதுபான கடை செயல்பட்டு வருகிறது. இந்த கடையின் அருகிலேயே டாஸ்மாக் பார் இயங்கி வருகிறது.நேற்று இரவு கடையில் விற்பனை முடிவடைந்த நிலையில் அங்கு பணியாற்றிய ஊழியர்கள் பாரை பூட்டி விட்டு சென்றனர். இன்று காலை வழக்கம் போல் பாரை திறப்பதற்கு ஊழியர்கள் சென்ற போது கதவு உடைக்கப்பட்டு 17,000 ரொக்க பணம் கொள்ளை போயிருந்தது. இதுக்குறித்து மேலப்பாளையம் போலீசார் விசாரணை.

News August 27, 2025

கவின் கொலை வழக்கு காணொளி காட்சி மூலம் விசாரணை

கவின் கொலை வழக்கில் சுர்ஜித் அவருடைய தந்தை சப்-இன்ஸ்பெக்டர் சரவணன் மற்றும் ஜெயபால் ஆகியோர் இன்று நெல்லை இரண்டாவது கூடுதல் அமர்வு நீதிமன்றம் (தீண்டாமை தடுப்பு) ஆஜர் படுத்தப்படுவதாக இருந்தது. ஆனால் பாதுகாப்பு கருதி 3 பேரும் வீடியோ கான்பரசிங் காணொளி காட்சி மூலம் நீதிபதி ஹேமா முன்னிலையில் ஆஜர்ப்படுத்தப்பட்டனர். பின்னர் இந்த வழக்கு வேறு தேதிக்கு தள்ளி வைக்கப்பட்டது.