India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ramanathapuram
News September 10, 2024
ராமநாதபுரத்தில் டாஸ்மாக் கடைகளுக்கு விடுமுறை
ராமநாதபுரம் மாவட்டம் பரமக்குடியில் நாளை இமானுவேல் சேகரனார் நினைவு தினம் அனுசரிக்கப்படுகிறது. இதனையொட்டி இன்றும் நாளையும் டாஸ்மாக் கடைகளுக்கு விடுமுறை என மாவட்ட ஆட்சியர் சிம்ரன் ஜீத் காலோன் தெரிவித்துள்ளார். மேலும், மாவட்டத்தில் 144 தடை விதிக்கப்பட்டுள்ளது குறிப்பிடத்தக்கது.
News September 10, 2024
பரமக்குடியில் தீவிர கண்காணிப்பு
ராமநாதபுரம் மாவட்டம் பரமக்குடியில் செப்.,11 ஆம் தேதி தியாகி இம்மானுவேல் சேகரனாரின் 67ஆம் ஆண்டு நினைவு தினம் அனுசரிக்கப்படுகிறது. இதையொட்டி பரமக்குயில் பல்வேறு மாவட்டங்களில் இருந்தும் 3,000க்கும் மேற்பட்ட போலீசார்கள் பாதுகாப்பு பணிக்கு ஈடுபட்டுள்ளனர். மேலும், பரமக்குடி நகர் முழுவதிலும் 26 இடங்களில் 76 கண்காணிப்பு கேமரா பொருத்தப்பட்டு போலீசார்கள் தீவிர சோதனையில் ஈடுபட்டு வருகின்றனர்.
News September 9, 2024
தென் கடலில் படகுகள் நாளை தொழிலுக்கு செல்ல தடை
நாளை (10.9.2024) கடலில் காற்றின் வேகம் மணிக்கு 45 முதல் 55 கி.மீ. வரையிலும் அதிகபட்சமாக 65 கி.மீ. வரையிலும் வீசக்கூடும். கடல் அலை 2.3 முதல் 2.5 மீட்டர் உயரத்தில் எழக்கூடும். இதனால் மண்டபம் தென் கடல் பகுதி விசைப்படகுகள், நாட்டுப்படகுகளுக்கு மீன்பிடி அனுமதி சீட்டு வழங்கப்பட மாட்டாது என உதவி மீன்வளம் மற்றும் மீனவர் நலத்துறை இயக்குநர் சிவக்குமார் இன்று(செப்.,9) தெரிவித்துள்ளார்.
News September 9, 2024
பெண்ணுக்கு பாலியல் தொல்லை கொடுத்த அரசு அதிகாரி
ராமநாதபுரம் மாவட்டம் கீழக்கரையில் பெண்ணுக்கு வனத்துறை அலுவலர் பாலியல் தொல்லை எனப் புகார் எழுந்துள்ளது. புகாரையடுத்து அந்தப் பெண் தனது உறவினர்களுடன் வனத்துறை அலுவலகத்தை முற்றுகையிட்டுள்ளார். அப்போது அந்த வனத்துறை அலுவலர் செந்தில்குமார்
அலுவலகத்தை பூட்டிக்கொண்டு உள்ளேயே பதுங்கி கொண்டார். தகவல் அறிந்து வந்த போலீசார் புகார் அளித்த பெண் மற்றும் உறவினர்களிடம் விசாரணை மேற்கொண்டு வருகின்றனர்.
News September 9, 2024
ராமநாதபுரம் சிறுவர்களுக்கு ஆட்சியர் அறிவிப்பு
தமிழக அரசின் கலை பண்பாட்டு துறையின் சார்பில் ஜவகர் சிறுவர் மன்றம் மூலம் 5-16 வயது சிறுவர்களுக்கு குரலிசை, பரதநாட்டியம், ஓவியம், கிராமிய நடனம் ஆகிய கலைப்பயிற்சி அளிக்கப்பட்டு போட்டி நடத்தப்படுகிறது. இதன்படி, ராமநாதபுரம் மாவட்ட அளவிலான கலை போட்டிகள் வரும் செப்.,14 தேதி நடைபெற உள்ளது. மேலும், விவரங்களுக்கு 9842567308 என்ற எண்ணை தொடர்பு கொள்ளலாம் என ஆட்சியர் சிம்ரன்ஜீத காலோன் தெரிவித்துள்ளார்.
News September 9, 2024
கிரிக்கெட் போட்டிக்கு தேர்வான 20 தமிழக வீரர்கள்
ராமநாதபுரம்: திருப்புல்லாணி வாஹித் கிரிக்கெட் அகாடமி, நண்பர்கள் உதவிக்கரங்கள் அறக்கட்டளை இணைந்து நடத்திய மாற்றுத்திறனாளிகளுக்கான கிரிக்கெட் பயிற்சி முகாமானது, இந்திய மாற்று திறனாளிகள் கிரிக்கெட் போர்டு துணை தலைவரும், தமிழக மாற்று திறனாளிகள் கிரிக்கெட் சங்க தலைவர் ரமேஷ்கண்ணன் மேற்பார்வையில், நடந்தது. இந்த கிரிக்கெட் போட்டியில் தமிழக அணி வீரர்கள் 20 பேர் தேர்வாகினர்.
News September 8, 2024
இமானுவேல் சேகரன் நினைவு தினம்: திமுக அறிவிப்பு
பரமக்குடியில் செப்.,11 இமானுவேல் சேகரன் நினைவு அனுசரிக்கப்படவுள்ளது. இதில் பங்கேற்க தமிழக விளையாட்டு துறை அமைச்சரும், திமுக இளைஞரணி செயலாளருமான உதயநிதி ஸ்டாலின் வருகை தர உள்ளார். பிளக்ஸ் போர்டுகள் வைப்பதை முற்றிலும் தவிர்க்கும்மாறும், திமுக இரு வண்ண கொடிகளை கொண்டு சிறப்பான வரவேற்பு அளிக்க வேண்டும் எனவும் ராமநாதபுரம் மாவட்ட செயலாளர் காதர் பாட்சா முத்துராமலிங்கம் தெரிவித்துள்ளார்.
News September 8, 2024
சுற்றுலா கப்பல் சேவைக்கு நிறுவனங்கள் விண்ணப்பிக்கலாம்!
ராமநாதபுரம் மாவட்டத்திற்கு வரும் சுற்றுலா பயணிகளை மகிழ்விக்கும் வகையில் ராமேஸ்வரம், பாம்பன், தேவிப்பட்டினம் ஆகிய சுற்றுலா இடங்களை கடல் வழியாக கடல்வாழ் உயிரினங்களையும் கண்டு ரசிக்கும் வகையில் 3 மணிநேர கப்பல் போக்குவரத்து சேவை இயக்க தமிழக அரசு திட்டமிட்டுள்ளது. இதற்காக கப்பல் நிறுவனங்கள் விண்ணப்பிக்கலாம் என அரசு சார்பில் இன்று(செப்.,8) அரசாணை வெளியிடப்பட்டுள்ளது.
News September 8, 2024
இந்திய – இலங்கை கடல் எல்லையில் கஞ்சா கடத்தல்!
இந்திய-இலங்கை சர்வதேச கடல் எல்லையில் நேற்று(செப்.,7) நாட்டுப்படகில் கடத்திய ரூ.1 கோடி மதிப்பிலான 188 கிலோ கஞ்சாவை, இலங்கை கடற்படை ரோந்து படகை கண்டதும் கடத்தல்காரர்கள் கடலில் வீசி தப்பி ஓடினர். அவர்களை மடக்கி பிடிக்க முற்பட்டபோது படகில் தப்பி இந்திய எல்லைக்குள் நுழைந்தனர். கஞ்சா மூடைகளில் மணல்மேல்குடி என எழுதப்பட்டிருந்ததால் ராமநாதபுரம், கியூ பிரிவு போலீசார் தீவிர விசாரணையில் ஈடுபட்டுள்ளனர்.
News September 8, 2024
பாம்பனில் 1 ஆம் எண் புயல் எச்சரிக்கை கூண்டு ஏற்றம்
வங்ககடலில் காற்றழுத்த தாழ்வு மண்டலம் வலுப்பெற்றுள்ளதால் ராமேஸ்வரம் அடுத்த பாம்பன் துறைமுகத்தில் 1 ஆம் எண் புயல் எச்சரிக்கை கூண்டு ஏற்றப்பட்டுள்ளது. மீனவர்கள் மீன்பிடிக்க செல்ல வேண்டாம் எனவும், மீன்பிடிக்க சென்ற மீனவர்கள் கரைதிரும்பும் படியும் எச்சரிக்கை விடப்பட்டுள்ளது. மேலும், காற்றின் வேகம் வழக்கத்தை விட அதிகமாக இருக்கும் என தெரிவிக்கப்பட்டுள்ளது.
Featured News
Sorry, no posts matched your criteria.