India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 13, 2026
பாதயாத்திரையில் சோகம்: திருப்பூர் பெண் பலி
திருப்பூரைச் சேர்ந்த சத்யா (57) என்பவர், பழனி முருகனை தரிசிக்கத் திருப்பூரில் இருந்து பாதயாத்திரையாக புறப்பட்டார். நேற்று பழனி – தாராபுரம் சாலையில் நடந்து சென்று கொண்டிருந்தபோது, அடையாளம் தெரியாத வாகனம் ஒன்று அவர் மீது மோதிவிட்டு சென்றது. இதில் பலத்த காயமடைந்த சத்யா சம்பவ இடத்திலேயே உயிரிழந்தார். இச்சம்பவம் குறித்து கீரனூர் போலீசார் வழக்கு பதிவு செய்து விசாரணை நடத்தி வருகின்றனர்.
News January 13, 2026
ராமநாதபுரம் மீனவர் உடல் மீட்பு; ஒருவரை தேடும் பணி
பாம்பன் குந்துகால் பகுதியிலிருந்து கடலுக்குச் சென்ற 5 மீனவர்களில், தனுஷ்கோடி அருகே ஏற்பட்ட சூறாவளி காற்றால் சரத்குமார், டைசன் ஆகிய இருவரும் கடலில் விழுந்தனர். தீவிர தேடுதல் வேட்டைக்குப் பிறகு சரத்குமாரின் உடல் மீட்கப்பட்டது. மாயமான டைசனை இந்திய கடலோரக் காவல் படையினர் மற்றும் உள்ளூர் மீனவர்கள் தொடர்ந்து தேடி வருகின்றனர். இச்சம்பவம் மீனவ கிராமங்களில் சோகத்தை ஏற்படுத்தியுள்ளது.
News January 13, 2026
திருவள்ளூர் கலெக்டர் அறிவித்தார்!
திருவள்ளுர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் படித்து முடித்து பதிவு செய்து எவ்வித வேலைவாய்ப்பும் கிடைக்காமல் ஐந்து ஆண்டுகளுக்கும் மேலாக காத்திருக்கும் இளைஞர்களுக்கு உதவித்தொகை வழங்கப்படும். மேலும் தொழில்நெறி வழிகாட்டும் மையத்தில் அசல் கல்விச் சான்று மற்றும் உரிய படிவத்தில் சுய உறுதிமொழி ஆவணத்தினை அளித்து உதவித் தொகையை பெற்று பயன்பெறுமாறு ஆட்சியர் தெரிவித்துள்ளார்.
News January 13, 2026
திருவள்ளூர் கலெக்டர் அறிவித்தார்!
திருவள்ளுர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் படித்து முடித்து பதிவு செய்து எவ்வித வேலைவாய்ப்பும் கிடைக்காமல் ஐந்து ஆண்டுகளுக்கும் மேலாக காத்திருக்கும் இளைஞர்களுக்கு உதவித்தொகை வழங்கப்படும். மேலும் தொழில்நெறி வழிகாட்டும் மையத்தில் அசல் கல்விச் சான்று மற்றும் உரிய படிவத்தில் சுய உறுதிமொழி ஆவணத்தினை அளித்து உதவித் தொகையை பெற்று பயன்பெறுமாறு ஆட்சியர் தெரிவித்துள்ளார்.
News January 13, 2026
சிவகங்கை: பெண் பக்தர் பலியான சம்பவம்; ஒருவர் கைது.!
சிவகங்கை மாவட்டம், கீழடி அருகே ஒரு குழுவினர் ஜன.9ம் தேதி பழனிக்கு பாதயாத்திரை சென்றனர். அப்போது சரக்கு வாகனம் மோதிய விபத்தில், பரமக்குடியைச் சேர்ந்த வைஜெயந்திமாலா (35) என்ற பெண் படுகாயமடைந்து, மதுரை G.H-ல் சிகிச்சை பலனின்றி உயிரிழந்தார். CCTV காட்சிகளை கொண்டு போலீசார் விசாரணை செய்ததில், சரக்கு வாகனத்தை ஓட்டி வந்த மதுரை மாவட்டத்தை சேர்ந்த டிரைவர் திருப்பதி (42) என்பவரை கைது செய்துள்ளனர்.
News January 13, 2026
கடலூர்: 9-ம் வகுப்பு மாணவன் தற்கொலை
விழுப்புரம் மாவட்டம், ஆனத்தூரை சேர்ந்த மணிகண்டன் மகன் சிவவிஷ்ணு (13), கடலூரில் உள்ள தனது தாத்தா வீட்டில் தங்கியிருந்து, தனியார் பள்ளியில் 9-ம் வகுப்பு படித்து வந்துள்ளார். இந்நிலையில் நடந்து முடிந்த அரையாண்டு தேர்வில் அனைத்து பாடங்களிலும் பெயில் ஆனதால் மனமுடைந்த சிவவிஷ்ணு நேற்று வீட்டில் தூக்கிட்டு தற்கொலை செய்து கொண்டார். இதுகுறித்து போலீசார் வழக்கு பதிந்து விசாரிக்கின்றனர்.
News January 13, 2026
காஞ்சிபுரம் கலெக்டர் அறிவித்தார்!
காஞ்சிபுரம் மாவட்டத்தில் நாளை(ஜன.14) புகையில்லா போகி பண்டிகை கொண்டாட மாவட்ட ஆட்சித் தலைவர் வேண்டுகோள் விடுத்துள்ளார். பிளாஸ்டிக் பொருட்கள் பழைய டயர் டியூப்கள் ரசாயனம் கலந்த இழைகள் ஆகியவற்றை எரிப்பதை தவிர்த்து சுற்றுச்சூழலை பாதுகாத்து மாசு இல்லாத போகி பண்டிகை கொண்டாட பொது மக்களுக்கு அறிவுரை வழங்கியுள்ளார்.
News January 13, 2026
மயிலாடுதுறை: வாகன ஏலம் அறிவிப்பு – போலீஸ்
மயிலாடுதுறை மாவட்டத்தில் பல்வேறு குற்ற வழக்குகளில் பறிமுதல் செய்யப்பட்ட 46 டூவீலர்கள், 11 நான்கு சக்கர வாகனங்கள் உட்பட 58 வாகனங்கள் வரும் ஜன.21-ம் தேதி மயிலாடுதுறை டிஎஸ்பி முகாம் அலுவலக வளாகத்தில் நடைபெற உள்ளது. ஏலத்தில் பங்கேற்க விரும்புவோர் 21.01.2026 அன்று காலை 6 மணி முதல் 9 மணிக்குள் தங்களது பெயர்களை பதிவு செய்து டோக்கன் பெற்றுக்கொள்ள வேண்டும் என காவல்துறை சார்பில் தெரிவிக்கப்பட்டுள்ளது.
News January 13, 2026
கம்பம் அருகே இளைஞா் வெட்டிக் கொலை.!
கம்பம் அருகேயுள்ள கருநாக்கமுத்தன்பட்டியை சேர்ந்தவர் அஜய் (25). இவர் சென்னையில் தனியாா் நிறுவனத்தில் வேலை செய்து வந்தாா். பொங்கல் பண்டிகைக்காக சொந்த ஊருக்கு வந்த இவரை நேற்று (ஜன.12) மா்ம நபா்கள் சிலர் சுருளிப்பட்டி – சுருளிஅருவி இடையே செல்லும் நெடுஞ்சாலையில் வைத்து அரிவாளால் வெட்டிக் கொலை செய்தனா். இதுகுறித்து ராயப்பன்பட்டி போலீசார் வழக்கு பதிவு செய்து தீவிர விசாரணை நடத்தி வருகின்றனர்.
News January 13, 2026
மதுரை: ஒன்றரை வயது குழந்தை பலியான சோகம்..
அலங்காநல்லூர் கல்லணையை சேர்ந்தவர் கணேசன். இவரது மனைவி சையது அலி பாத்திமா (22), இவர்களுக்கு ஒன்றரை வயதில் தன்விகா என்ற பெண் குழந்தை உள்ளது. நேற்று முன்தினம் கட்டிலில் அமர்ந்து விளையாடி கொண்டிருந்த குழந்தை கீழே விழுந்ததில் தலையில் அடிபட்டு மயங்கியது. மதுரை அரசு மருத்துவமனைக்கு கொண்டு செல்லப்பட்ட நிலையில், குழந்தை சிகிச்சை பலனின்றி உயிரிழந்தது. இதுகுறித்து அலங்காநல்லூர் போலீசார் விசாரிக்கின்றனர்.
Featured News
Sorry, no posts matched your criteria.