India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanyakumari
News April 30, 2024
கன்னியாகுமரி மழைப்பொழிவு விவரம்
கோடை வெய்யில் வாட்டி வதைத்து வந்த நிலையில், நேற்று குமரி மாவட்டத்தில் மழை பெய்தது. கன்னியாகுமரியின் மழைபொழிவு அளவை சென்னை வானிலை ஆய்வு மையம் வெளியிட்டுள்ளது. தக்கலையில் 5 செ.மீட்டரும், கோழிப்போர்விளை, சுருளக்கோடு ஆகிய பகுதிகளில் 3 செ.மீட்டரும், குழித்துறை, முள்ளங்கான விளை ஆகிய பகுதிகளில் 2 செ.மீட்டரும், சித்தார், சிவலோகம், திருப்பரப்பு, பெருஞ்சாணி அணை ஆகிய பகுதிகளில் 1 செ.மீட்டரும் பதிவானது.
News April 30, 2024
குமரியில் இதற்கு தடை
கன்னியாகுமரி மாவட்டத்தில் நடைப்பெற்று முடிந்த பாராளுமன்ற தேர்தல் மற்றும் விளவங்கோடு சட்டமன்ற இடைதேர்தலில் வாக்குபதிவு செய்யப்பட்ட மின்னணு எந்திரங்கள் வைக்கப்பட்டுள்ள கோணம் அரசு கல்லூரியினை சுற்றி பாதுகாப்பினை கருதி 2 கி.மீ சுற்றளவிற்கு சிவப்பு மண்டலமாக அறிவிக்கப்படுகிறது. மேலும் டிரோன்கள் பறக்க தடை விதிக்கப்படுவதாகவும் மாவட்ட ஆட்சியர் திரு. ஸ்ரீதர் (இ.ஆ.ப ) தெரிவித்துள்ளார்.
News April 30, 2024
குமரி: ஒருதலைக் காதல் பிரச்னையில் அடிதடி!
குமரி மாவட்டம் தெள்ளாந்தியை சேர்ந்தவர் ஜெர்ஷின்(19), நர்சிங் மாணவர். நேற்று ஜெர்ஷினும், அவரது நண்பர் சேம் பிரிட்டோவும் கோட்டாரில் நின்றபோது வட்டவிளையை சேர்ந்த ஜினோ(20) ஜெர்ஷினுடன் தகராறு செய்து பைக் சாவியால் அவரை குத்தியுள்ளார். கோட்டார் போலீஸ் விசாரணையில், சேம் பிரிட்டோவும், ஜினோவும் ஒரே பெண்ணை ஒருதலையாக காதலித்ததும், இந்த தகராறில் கைகலப்பானதும் தெரிய வந்துள்ளது.
News April 29, 2024
குமரி மாவட்ட நீதித்துறையில் வேலை!
குமரி மாவட்ட நீதித்துறையில் 65 காலியிடங்கள் உள்ளன. கல்வித் தகுதி: 10ஆம் வகுப்பு தேர்ச்சி. வயது வரம்பு: ஜூலை 1ஆம் தேதி 2024 அன்று 32 வயதுக்குள் இருக்க வேண்டும். பணி இடங்கள் தொடர்பான கூடுதல் விவரங்களை https://www.mhc.tn.gov.in/recruitment/notification_dist தளத்தின் மூலம் அறிந்து கொள்ளலாம். இதற்கான விண்ணப்பங்களை மே 27ஆம் தேதிக்குள் சமர்ப்பிக்க வேண்டும்.
News April 29, 2024
குமரி: பத்மநாபபுரம் அரண்மனையின் சிறப்பு
தக்கலை அருகே பத்மநாதபுரம் என்னும் ஊரில் கிபி.1601 இல் வர்மா குலசேகரபெருமாள் என்ற மன்னரால் கட்டப்பட்டது. திருவாங்கூர் மன்னர்களின் உறைவிடமாக இந்த அரண்மனை திகழ்ந்தது. கி.பி. 1795 வரை பத்மநாபபுரம் திருவாங்கூரின் தலைநகரமாக திகழ்ந்தது. இந்த அரண்மனை வளாகம் 185 ஏக்கரில் மேற்கு தொடா்ச்சிமலை அடிவாரத்தில் உள்ள வேலி மலையில் உள்ளது. இந்த அரண்மனை கேரள தொல்லியல் துறை கட்டுப்பாட்டில் உள்ளது.
News April 29, 2024
குமரி அருகே தவறி விழுந்தவர் உயிரிழப்பு
குமரி வெள்ளிச்சந்தை அருகே சரல் அய்யா கோயில் தெருவை சேர்ந்தவர் ராதாகிருஷ்ணன்(35), கொத்தனார். இவரது வீட்டின் பின்பக்கம் மின் விளக்கு எரியாததால் சரிசெய்வதற்காக, ஜன்னல் மீது ஏறியுள்ளார். அப்போது ஜன்னல் சரிந்து ராதா கிருஷ்ணன் வயிற்றுப் பகுதியில் விழுந்தது. ஆபத்தான நிலையில் ஆசாரிப்பள்ளம் மருத்துவமனையில் சேர்க்கப்பட்டவர் சிகிச்சை பலனின்றி உயிரிழந்தார். வெள்ளிச் சந்தை போலீசார் விசாரித்து வருகின்றனர்.
News April 28, 2024
குமரியில் குவிந்த சுற்றுலா பயணிகள்
சர்வதேச சுற்றுலா தலமான கன்னியாகுமரியில் பள்ளிகளுக்கு பொது விடுமுறை அளிக்கப்பட்டுள்ளதால் இன்று சுற்றுலா பயணிகளின் கூட்டம் இன்று காலை முதலே வரத் தொடங்கியுள்ளனர். சூரிய உதயத்தை கண்டு ரசித்தனர். பின்னர் விவேகானந்தர் நினைவு மணிமண்டபத்திற்கு சுற்றுலா படகில் சென்றும் கடலில் குளித்தும் மகிழ்ந்தனர். உள்ளூர் மட்டுமின்றி வெளி மாநிலங்களிலிருந்தும் ஏராளமான சுற்றுலா பயணிகள் வருகை தந்தனர்.
News April 28, 2024
குமரி மாவட்டத்திற்கு மழை
தமிழகத்தில் கடந்த சில நாட்களாக வெயிலின் தாக்கம் அதிகமாக இருந்து வரும் நிலையில், அடுத்த 2 மணி நேரத்தில் 5 மாவட்டங்களில் மழை பெய்யும் என சென்னை வானிலை ஆய்வு மையம் மஞ்சள் எச்சரிக்கையை கொடுத்திருக்கிறது. அந்த வகையில் குமரி, தென்காசி, விருதுநகர், தேனி, நெல்லை ஆகிய மாவட்டங்களில் இன்று இரவு 10 மணி வரைக்கும் லேசானது முதல் மிதமான மழை பெய்யக்கூடும்.
News April 28, 2024
முன்விரோதத்தில் தொழிலாளிக்கு அரிவாள் வெட்டு
கருங்கல் கொல்லன்விளை சேர்ந்தவர் சதீஷ்குமார்(35). இவருக்கும் ஐயன்விளையை ஜான் கோசி(34) என்பவருக்கும் முன்விரோதம் இருந்தது. சம்பவத்தன்று சதீஷ்குமாரின் வீட்டிற்கு மதுபோதையில் சென்ற ஜான்கோசி அவரிடம் தகராறில் ஈடுபட்டு அரிவாளால் சதீஷ்குமாரின் கழுத்தில் வெட்டி விட்டு தப்பிச்சென்றார். சதீஷ்குமார் மருத்துவமனையில் சிகிச்சை பெற்று வரும் நிலையில், போலீசார் விசாரணை செய்து வருகின்றனர்.
News April 28, 2024
கன்னியாகுமரி அருகே விபத்து
அருமனையை சேர்ந்தவர் விஜித் (20). பிளம்பர். நேற்று மாலையில் தனது இரு சக்கர வாகனத்தில் குலசேகரத்தில் இருந்து வீட்டுக்கு சென்று கொண்டு இருந்தார். திருவரம்பு சிஎஸ்ஐ சர்ச் அருகில் விஜித்தின் கட்டுபாட்டை இழந்து சர்ச் அருகில் இருந்த வீட்டு காம்பவுண்ட் சுவரில் பைக் மோதியதில் அவரது தலையில் பலத்த காயம் ஏற்பட்டது. விஜித் மருத்துவமனையில் சிகிச்சை பெற்று வருகிறார்.
Featured News
Sorry, no posts matched your criteria.