India's largestHyperlocal short
news App
Get daily news updates that are tailored for you based on your preferred language & location.
download Way2News app now
Cuddalore
News January 17, 2025
கடலூர் மாவட்டத்தில் நாளை மின்தடை
கடலூர் பல்வேறு மின் நிலையத்தில் பராமரிப்பு பணிகள் நடைபெறுவதால் நாளை (19-ம் தேதி) காலை 9 மணி முதல் மாலை 4 மணி வரை பி முட்லூர், செம்மங்குப்பம், செம்மண்டலம், மஞ்சக்குப்பம், தேவனாம்பட்டினம், விருதாச்சலம், காட்டுமன்னார்கோயில், பரங்கிப்பேட்டை, ஆலப்பாக்கம், சிதம்பரம், முதலை கடலூர் டவுன், புதுப்பாளையம், அய்யம்பேட்டை, அன்னப்பன்பேட்டை ஆகிய பகுதிகளில் மின்தடை செய்யப்பட உள்ளது.
News January 16, 2025
கடலூர் கடற்கரையில் 144 ஆமை முட்டைகள் சேகரிப்பு
கடலூர் கடற்கரை பகுதியில் ஆலிவ் ரெட்லி ஆமை வகைகளின் முட்டை சேகரிப்பு பணிகள் துவங்கியது. அதன்படி இன்று (ஜனவரி 16) காலை வனத்துறை சார்பில் சமூக ஆர்வலர் செல்லா உள்ளிட்டோர் கடற்கரையில் ஆமை முட்டைகளை சேகரிக்கும் பணியில் ஈடுபட்டனர். இதில் இன்று மட்டும் 144 ஆமை முட்டைகள் சேகரிக்கப்பட்டுள்ளன. பின்னர் அந்த முட்டைகள் குஞ்சு பொரிப்பதற்காக பாதுகாப்பாக வைக்கப்பட்டுள்ளன.
News January 16, 2025
கடலூர் கடற்கரையில் பொதுமக்கள் கூட்டம்
தைப்பொங்கல், மாட்டுப் பொங்கல் முடிந்து வரும் அடுத்த நாள் காணும் பொங்கலாக கொண்டாடப்படுகிறது. மேலும் கடலூர் மாவட்டத்தில் காணும் பொங்கல் என்றாலே பொதுமக்கள் அதிக அளவில் வந்து ஒன்று சேர்ந்து கொண்டாடும் இடமான தேவனாம்பட்டினம், வெள்ளி கடற்கரையில் இன்று (ஜன.,16) காலை முதலே ஏராளமான பொதுமக்கள் வந்திருந்தனர். மேலும் நேரம் செல்ல செல்ல பொதுமக்கள் கூட்டம் அதிகரிக்கும் என எதிர்பார்க்கப்படுகிறது.
News January 16, 2025
கடலூர்: மது கடத்தலில் ஈடுபட்ட 17 பேர் கைது
பொங்கல் பண்டிகையை முன்னிட்டு கடலூர் மாவட்ட எஸ்.பி. ஜெயக்குமார் அவர்கள் தலைமையில் கடலூர் ஆல்பேட்டை சோதனை சாவடியில் போலீசார் சோதனை மேற்கொண்டனர். இதில் மாவட்டத்தில் 15 மதுவிலக்கு வழக்குகள் பதிவு செய்யப்பட்டு, 17 குற்றவாளிகள் கைது செய்யப்பட்டனர். இவர்களிடமிருந்து 226 மது பாட்டில்கள், 40.68 லிட்டர் சாராயம் கைப்பற்றப்பட்டும், மது கடத்தலுக்கு பயன்படுத்தப்பட்ட 5 வாகனங்கள் பறிமுதல் செய்யப்பட்டது.
News January 16, 2025
கடலூரில் ஆற்று திருவிழாவுக்கான முன்னேற்பாடு பணிகள்
பொங்கல் பண்டிகை கொண்டாடப்பட்டதில் இருந்து 5-ம் நாளில் ஒவ்வொரு ஆண்டும் ஆற்றுத் திருவிழா சிறப்பாக கொண்டாடப்பட்டு வருகிறது. அந்த வகையில் இந்த ஆண்டுக்கான ஆற்றுத் திருவிழா வருகிற 19ம் தேதி கடலூர் தென்பெண்ணை ஆற்றில் கொண்டாடப்பட உள்ளது. இதற்காக கடலூர் மாநகராட்சி நிர்வாகம் சார்பில் ஜேசிபி இயந்திரம் மூலம் பல்வேறு முன்னேற்பாடு பணிகள் செய்யப்பட்டு வருகிறது.
News January 16, 2025
பணம் வைத்து சூதாடிய 7 பேர் கைது
மருதூர் போலீஸ் இன்ஸ்பெக்டர் லட்சுமி மற்றும் போலீசார் நேற்று மாலை வத்தராயன்தெத்து பகுதியில் ரோந்து பணி மேற்கொண்டனர். அப்போது அங்குள்ள கொட்டகையில் பணம் வைத்து சூதாடிக் கொண்டிருந்த அதே பகுதியை சேர்ந்த கார்த்திக் (35), நீலமேகம் (43), ராஜசேகர் (35), செல்வழகன் (35), முத்துக்குமரன் (38), ராஜவேல் (43), முத்துவேல் ராஜா (41) ஆகியோரை மடக்கி பிடித்து கைது செய்தனர்.
News January 15, 2025
செய்தியாளர்களுக்கு வாழ்த்து கலெக்டர் (ம) மாவட்ட எஸ்.பி
கடலூரில் செய்தியாளர்கள் அனைவரும் ஒன்று கூடி இன்று கடலூரில் உள்ள பிரஸ் கிளப் வளாகத்தில் பொங்கல் வைத்து பொங்கலை சிறப்பாக செய்தியாளர்கள் கொண்டாடினர். இந்நிகழ்ச்சியில் சிறப்பு விருந்தினர்களாக கடலூர் மாவட்ட ஆட்சித் தலைவர் சி.பி. ஆதித்ய செந்தில்குமார், கடலூர் மாவட்ட காவல் கண்காணிப்பாளர் எஸ். ஜெயக்குமார் ஆகியோர் கலந்துகொண்டு பத்திரிகையாளர்களுக்கு பொங்கல் வாழ்த்து தெரிவித்தனர்.
News January 15, 2025
கடலூர் எஸ்பி அதிரடி உத்தரவு
கடலூர் அரசு மருத்துவமனை எதிர்நோக்கினர் பகுதியை சேர்ந்த விஜயபாரதி என்பவரை அடையாளம் தெரியாத 4 நபர்கள் தாக்கியதாக கடலூர் புதுநகர்காவல்துறையினர் வழக்குபதிவு செய்து தேடிவந்த நிலையில், கடலூர் மாவட்ட எஸ்.பி ஜெயக்குமார் அதிரடி உத்தரவிட்டார். புதுநகர் எஸ்.ஐ.பிரசன்னா இவ்வழக்கில் சம்பந்தப்பட்டஆகாஷ், ஹரிஷ்குமார், விஜய கணேஷ் கைது செய்தும்16 வயது சிறுவர் ஒருவரை கையகப்படுத்தி விசாரணை மேற்கொண்டனர்.
News January 14, 2025
கடலூர் எஸ்.பி பொங்கல் வாழ்த்து தெரிவிப்பு
போகி பண்டிகை நேற்று கொண்டாடப்பட்ட நிலையில் தமிழர் திருநாளாம் பொங்கல் திருநாள் விழா நாடு முழுவதும் இன்று சிறப்பாக கொண்டாடப்பட்டு வருகிறது. இந்த நிலையில் கடலூர் மாவட்ட காவல் கண்காணிப்பாளர் எஸ். ஜெயக்குமார் ஐ.பி.எஸ் வெளியிட்டுள்ள பொங்கல் வாழ்த்துச் செய்தியில் ” அனைவருக்கும் இனிய பொங்கல் நல்வாழ்த்துக்கள்” என்று தெரிவித்துள்ளார்.
News January 13, 2025
கடலூர் மாணவர்களுக்கு முக்கிய அறிவிப்பு
கடலூர் மாவட்ட மாணவர்களுக்கு கவிதை, கட்டுரை மற்றும் பேச்சுப்போட்டிகள் வருகிற 21, 22-ஆம் தேதிகளில் நடக்கிறது. கடலூர் மாவட்டத்தில் உள்ள பள்ளிகளில் 11, 12-ம் வகுப்பு படிக்கும் மாணவர்களுக்கு வரும் 21 ஆம் தேதி காலை 9 மணி அளவில் திருப்பாதிரிப்புலியூர் புனித வளனார் பள்ளியில் போட்டிகள் நடைபெறுகிறது. 3 பிரிவுகளில் தனித்தனியே முதல்பரிசு ரூ.10,000, 2வது பரிசு ரூ.7,000, 3வது பரிசு ரூ.5,000 என வழங்கப்பட உள்ளது.
Featured News
Sorry, no posts matched your criteria.