India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News March 28, 2024
பூத் ஏஜெண்டுகளை போடுங்கள் – எஸ்.பி வேலுமணி
சூலூர் தொகுதியில் அதிமுக செயல் வீரர்கள் கூட்டம் நேற்று முன்னாள் அமைச்சர் எஸ்.பி வேலுமணி தலைமையில் நடைபெற்றது. அப்போது, பேசிய எஸ்.பி.வேலுமணி வெறும் 4% ஓட்டுகளை மட்டுமே வைத்துக்கொண்டு அண்ணாமலை ட்விட்டர் மற்றும் ஃபேஸ்புக்கில் அரசியல் செய்து வருகிறார். களத்தில் இல்லாத அண்ணாமலை அதிமுகவுக்கு போட்டியில்லை. அதிமுகவுடன் போட்டியிட முதலில் பூத் வாரியாக ஏஜெண்டுகளை போடுங்கள் என கிண்டல் அடித்தார்.
News March 28, 2024
ஒருங்கிணைந்த சேவை மையத்தில் காலிப் பணியிடங்கள்
கோவை, பொள்ளாச்சியில் உள்ள ஒருங்கிணைந்த சேவை மைய வழக்கு பணியாளர், பாதுகாவலர், பல்நோக்கு உதவியாளர் உள்ளிட்ட பணியிடங்களுக்கு காலி பணியிட அறிவிப்பு வெளியிடப்பட்டுள்ளது. கோவை மாவட்ட இணையதள முகவரி https://coimbatore.nic.in யில் விண்ணப்பங்கள் உள்ளது. அதை பதிவிறக்கம் செய்து உரிய சான்றுகளுடன் கோவை அலுவலகம் முகவரிக்கு அஞ்சல் மூலமோ (அ) நேரிலோ அனுப்பலாம் என கோவை மாவட்ட ஆட்சியர் அலுவலகம் அறிவுறுத்தியுள்ளது.
News March 27, 2024
கோவை மாவட்டத்தில் மொத்தமாக 103 வேட்பு மனுக்கள் தாக்கல்
தமிழகத்தில் மக்களவை தேர்தல் வரும் ஏப்.19ஆம் தேதியன்று நடைபெற உள்ளது. இதனை தொடர்ந்து கடந்த ஏப்.20 ஆம் தேதி முதல் வேட்பு மனுக்கள் வேட்பாளர்களிடம் பெறப்பட்டன. இன்று (ஏப். 27) மாலை 3 மணியுடன் வேட்பு மனு தாக்கல் முடிவடைந்தது. கோவை மாவட்டத்தில் கோவையில் 59 மனுக்களும், பொள்ளாச்சியில் 44 மனுக்களும் இன்று வரை பெறப்பட்டுள்ளன. வேட்பு மனுக்கள் மீதான பரிசீலனை நாளை (ஏப். 28) நடைபெற உள்ளது குறிப்பிடத்தக்கது.
News March 27, 2024
கோவை வேட்பாளர் அண்ணாமலை சொத்து விபரம்
கோவையில் திமுக-அதிமுக-பாஜக ஆகிய கட்சிகள் நேரடியாக மோதுகின்றன. இதனால் கோவை மிகவும் பரபரப்பான தொகுதியான உருவெடுத்துள்ளது. இந்நிலையில் பாஜக மாநில தலைவரும் கோவை மக்களவைத் தொகுதி வேட்பாளருமான அண்ணாமலையின் சொத்து விவரம் வெளியாகியுள்ளது. அதன்படி, அவர் அசையும் சொத்து 36 லட்சம், அசையா சொத்து ரூ.1.12 கோடி, அவரது மனைவி பெயரில் அசையும் சொத்து ரூ.2 கோடி, அசையா சொத்து 53 லட்சம் இருப்பதாக தகவல் வெளியாகியுள்ளது.
News March 27, 2024
கோவை திமுக வேட்பாளர் வேட்பு மனு
கோவை மக்களவைத் தொகுதியில் அதிமுக சார்பில் சிங்கை ராமச்சந்திரனும், பாஜக சார்பில் மாநில தலைவர் அண்ணாமலையும், திமுக சார்பில் முன்னாள் மேயர் கணபதி ராஜ்குமாரும் போட்டியிடுகின்றனர். இந்நிலையில் இன்று திமுக வேட்பாளர் கணபதி ராஜ்குமார் கலெக்டர் கிராந்தி குமார் பாடியிடம் தனது வேட்பு மனுவை தாக்கல் செய்தார். அப்போது அமைச்சர் டிஆர்பி ராஜா, எம்பி நடராஜன், மாநகர் மா.செயலாளர் கார்த்தி உள்ளிட்ட பலர் உடனிருந்தனர்
News March 27, 2024
அண்ணாமலை வேட்புமனு தாக்கல்
மக்களவைத் தேர்தல் வரும் 19ஆம் தேதி நடைபெறவுள்ளது. இந்நிலையில் கோவை மக்களவைத் தொகுதியில் பாஜக சார்பில் போட்டியிடும் அண்ணாமலை இன்று, தேர்தல் நடத்தும் அலுவலர் கிராந்திகுமார் பாடியிடம் தனது வேட்புமனுவை தாக்கல் செய்தார். அப்போது எம்எல்ஏ வானதி சீனிவாசன் மற்றும் பாஜகவினர் உடன் இருந்தனர். கோவையில் அதிமுக, திமுக, பாஜக என மும்முனை போட்டி நிலவுவதால், தேர்தல் களம் சூடுபிடித்துள்ளது.
News March 27, 2024
அண்ணாமலை மார்ச் 31 முதல் பரப்புரை
தமிழக பாஜக மாநில தலைவரும், கோவை தொகுதியின் வேட்பாளருமான அண்ணாமலை வரும் ஞாயிறு (மார்ச். 31) முதல் கோவையில் 9 நாட்கள் பரப்புரை செய்ய உள்ளார் என பாஜக கோவை அலுவலகம் தெரிவித்துள்ளது. இம்முறை கோவை தொகுதியில் பாஜக, திமுக, அதிமுக, நாம் தமிழர் என நான்கு முனை போட்டி நிலவி வருவது குறிப்பிடத்தக்கது. கடந்த தேர்தலில் திமுக கூட்டணி கட்சியில் இருக்கும் சிபிஎம் வெற்றி பெற்றது குறிப்பிடத்தக்கது.
News March 27, 2024
இதுவரை ரூ.2.9 கோடி பணம் பறிமுதல்
மக்களவை தேர்தல் வரும் ஏப்.19ஆம் தேதி நடைபெற உள்ளதால் தேர்தல் நடத்தை விதிமுறைகள் அமலில் உள்ளன. கோவை மாவட்ட நிர்வாகம் சார்பில் தேர்தல் பறக்கும் படை அமைக்கப்பட்டுள்ளது. இந்த பறக்கும் படைகள் உரிய ஆவணங்கள் இன்றி கொண்டு எடுத்து வரும் ரூ.50 ஆயிரத்திற்கும் மேலான பணத்தை பறிமுதல் செய்து வருகின்றனர். அதன்படி கோவை மாவட்டத்தில் இதுவரை ரூ.2,09,46,060 பறிமுதல் செய்துள்ளதாக கோவை மாவட்ட நிர்வாகம் தெரிவித்துள்ளது.
News March 26, 2024
பாஜக வேட்பாளர் அண்ணாமலை நாளை வேட்பு மனு தாக்கல்
கோவையில் பாஜக மாநில தலைவர் அண்ணாமலையும், அதிமுக சார்பில் ஐடி விங் மாநில செயலாளர் சிங்கை ராமச்சந்திரனும், திமுக சார்பில் முன்னாள் மேயர் கணபதி ராஜ்குமாரும் போட்டியிடுகின்றனர். இந்த நிலையில் நாளை (மார்ச்.27) ஆம் தேதி புதன்கிழமையன்று பாஜக மாநில தலைவர் அண்ணாமலை வேட்பு மனு தாக்கல் செய்ய உள்ளார் என இன்று (மார்ச்.26) தகவல் வெளியாகி உள்ளது.
News March 26, 2024
எஸ்பி வேலுமணி வேட்பாளரை அறிமுகம் செய்து வைத்தார்
கோவை தொண்டாமுத்தூர் சட்டமன்ற தொகுதிக்குட்பட்ட கோவை குளத்துபாளையம் பகுதியில் இன்று (மார்ச்.26) நடைபெற்ற அறிமுக கூட்டத்தில் முன்னாள் அமைச்சர்கள் எஸ்பி வேலுமணி, உடுமலை ராதாகிருஷ்ணன், சட்டமன்ற உறுப்பினர்கள் மகேந்திரன், செ.தாமோதரன், அமுல்கந்தசாமி மற்றும் பலர் கலந்து கொண்டனர். இதனை தொடர்ந்து எஸ்.பி.வேலுமணி பொள்ளாச்சி மக்களவை அதிமுக வேட்பாளர் கார்த்திகேயனை அறிமுகப்படுத்தி சிறப்புரையாற்றினார்.
Featured News
Sorry, no posts matched your criteria.