India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2024
ஏ.கே.எஸ்.அன்பழகன் மாரடைப்பால் காலமானார்
அதிமுக முன்னாள் எம்எல்ஏவும், எம்ஜிஆர் கழக இணை செயலாளருமான ஏ.கே.எஸ்.அன்பழகன் (53) திடீர் மாரடைப்பு காரணமாக உயிரிழந்தது தெரியவந்துள்ளது. கடந்த சில நாட்களாக உடல்நிலை பாதிக்கப்பட்டு மருத்துவமனையில் சிகிச்சை பெற்று வந்த நிலையில், இன்று காலை மாரடைப்பு ஏற்பட்டு உயிரிழந்துள்ளார். தேர்தலுக்கு இன்னும் 10 நாட்களே உள்ள நிலையில், ஏ.கே.எஸ்.அன்பழகன் மறைவுச் செய்தி அதிமுகவினரை அதிர்ச்சி அடைய செய்துள்ளது.
News April 8, 2024
மக்களை கிறுகிறுக்க வைக்கும் ‘போதை’ அரசியல்
கோக்கைன் போன்றவற்றைவிட போதைப் பொருள் கடத்தல் விவகாரத்தை வைத்து தமிழ்நாட்டில் நடக்கின்ற அரசியல் மக்களை கிறுகிறுக்க வைக்கிறது. அதிமுக ஆட்சியில் குட்கா விவகாரத்தை திமுக கையிலெடுத்தது. அதேபோல் இப்போது பாஜக, அதிமுக ஆகிய இரு கட்சிகளும் போதைப் பொருள் கடத்தல் விவகாரம் தேர்தல் பரபரப்பை கூட்டி வருகின்றன. எது எப்படியோ தமிழகத்தில் போதைப்பொருள் பயன்பாடு ஒழிக்கப்பட்டால் போதும் என்று மக்கள் நினைக்கின்றனர்.
News April 8, 2024
நிதிஷை கிண்டலடிக்கும் நெட்டிசன்கள்
4,000க்கும் அதிக தொகுதிகளில் பாஜக கூட்டணி வெல்லும் என பிஹார் முதல்வர் நிதிஷ் குமார் தெரிவித்ததை நெட்டிசன்கள் கிண்டலடித்து வருகின்றனர். பிஹாரில் நேற்று நடைபெற்ற பிரசாரக் கூட்டத்தில் பிரதமர் மோடி முன்னிலையில் பேசிய நிதிஷ், பாஜக கூட்டணி 4,000க்கும் அதிக தொகுதிகளில் வெல்லும் என கூறியிருந்தார். இதை ஆர்ஜேடி கட்சியினரும், நெட்டிசன்களும் சமூகவலைதளங்களில் கிண்டலடித்து பதிவு வெளியிட்டு வருகின்றனர்.
News April 8, 2024
சூரிய கிரகணத்தை நேரலை செய்யும் நாசா
முழு சூரிய கிரகணத்தை அமெரிக்க விண்வெளி ஆராய்ச்சி மையமான நாசா தனது இணையதளத்தில் நேரலை செய்யவுள்ளது. இந்திய நேரப்படி இன்றிரவு 9.12 மணிக்கு தொடங்கும் கிரகணத்தை இரவு நேரம் என்பதால் இந்தியாவில் காண முடியாது. அமெரிக்கா உள்ளிட்ட நாடுகளில் பகல் நேரம் என்பதால் காண முடியும். இந்த கிரகணத்தை நாசா நேரலை செய்வதுடன், சர்வதேச விண்வெளி மையத்திற்குள் இருந்து கிரகணம் தெரியும் காட்சியை ஒளிபரப்பவுள்ளது.
News April 8, 2024
சர்வாதிகாரியாகி விட்டார் இபிஎஸ்
சர்வாதிகாரி போல இபிஎஸ் செயல்படுவதாக முன்னாள் முதல்வர் ஓபிஎஸ் விமர்சித்துள்ளார். இதுகுறித்து அவர் கூறுகையில், அதிமுகவை தாம் எதிர்க்கவில்லை, அதிமுகவை கைப்பற்றுவது தனது விருப்பமில்லை என்று தெரிவித்தார். அதிமுகவை காக்கவும், எம்ஜிஆரின் கொள்கைகள் அடிப்படையில் அதிமுக நடத்தப்படவே தாம் போராடுவதாகவும், இந்தத் தேர்தலில் இபிஎஸ் தலைமையிலான அதிமுக படுதோல்வியடையும் என்றும் ஓபிஎஸ் தெரிவித்தார்.
News April 8, 2024
தங்கம் விலை ரூ.53,000-ஐ தாண்டியது
கடந்த சில நாட்களாக உயர்ந்து வரும் தங்கம் விலை இன்று வரலாறு காணாத வகையில் புதிய உச்சம் தொட்டு சவரன் ரூ.53,000-ஐ தாண்டியுள்ளது. சென்னையில், 22 கேரட் ஆபரணத் தங்கத்தின் விலை சவரனுக்கு ₹360 உயர்ந்து ₹53,280க்கும், கிராமுக்கு ₹45 உயர்ந்து ₹6,660க்கும் விற்பனையாகிறது. அதேபோல், வெள்ளியின் விலை ரூ.1 உயர்ந்து ஒரு கிராம் ரூ.88க்கும், கிலோ வெள்ளி ரூ.1000 உயர்ந்து ரூ.88,000க்கும் விற்பனையாகிறது.
News April 8, 2024
கூட்டணி கட்சிகளுக்கு திமுக அறிவுறுத்தல்
தமிழகத்தில் I.N.D.I.A கூட்டணி 8 தொகுதிகளில் இழுபறியைச் சந்திக்கும் என ரகசிய தகவலை ஆளும் தரப்புக்கு உளவுத்துறை ரிப்போர்ட்டாக அளித்துள்ளதாம். அதில், நான்கு தொகுதிகள் கூட்டணிக் கட்சிகளின் தொகுதிகள் என்பதால் அக்கட்சிகளிடம் திமுகவின் தலைமை நேரடியாக பேசியுள்ளதாகக் கூறப்படுகிறது. அதற்கான காரணத்தை ஆராய்ந்து, உடனடியாக சிக்கல்களை எப்படியாவது சரிசெய்யவும் அவர்களிடம் திமுக அறிவுறுத்தியுள்ளதாம்.
News April 8, 2024
ஆவாரம்பூ சர்பத் செய்வது எப்படி?
நீரிழிவு நோயாளிகளுக்கு வரக்கூடிய பாத எரிச்சல், மயக்கம் போன்ற பிரச்னைகளுக்கு நிவாரணம் தரக்கூடிய ஆற்றல் கொண்டது ஆவாரம்பூ. ஆவாரம்பூவை வைத்து உடலுக்கு நன்மை தரும் சர்பத் செய்வது எப்படி எனப் பார்க்கலாம். ஒரு பாத்திரத்தில் எலுமிச்சை, ஏலக்காய், இஞ்சி துண்டுகளை போட்டு, கரண்டியால் லேசாக நசுக்கிக் கொள்ளவும். பின்னர் அதில் ஆவாரம்பூ (ஊற வைத்தது) நீரை ஊற்றி, தேன் & சப்ஜா விதை சேர்த்தால் சுவையான சர்பத் ரெடி.
News April 8, 2024
விரைவில் OTT-க்கு வரும் ‘மஞ்சுமெல் பாய்ஸ்’
‘மஞ்சுமெல் பாய்ஸ்’ திரைப்படம், எப்போது OTT-க்கு வரும் என ரசிகர்கள் இணையத்தில் கேள்வி எழுப்பி வருகின்றனர். கடந்த பிப்.23ஆம் தேதி வெளியான இப்படம், ரசிகர்களிடையே மிகப்பெரிய வரவேற்பை பெற்றது. தமிழகத்தில் ₹50 கோடிக்கும் அதிகமாக வசூலித்த இந்தப் படம், உலகளவில் ₹225 கோடிக்கும் அதிகமாக வசூலித்துள்ளது. இந்த நிலையில், இப்படம் தமிழ், மலையாளம் உள்ளிட்ட மொழிகளில் டிஸ்னி+ ஹாட்ஸ்டாரில் விரைவில் வெளியாகவுள்ளது.
News April 8, 2024
அணுகுண்டு தாக்குதல் மிரட்டல் விடுத்த 2 பேர் கைது
டெல்லியில் அணுகுண்டு தாக்குதல் மிரட்டல் விடுத்த 2 பேர் கைது செய்யப்பட்டுள்ளனர். டெல்லி விமான நிலையத்துக்கு கடந்த 5ஆம் தேதி வந்த பயணிகளிடம் பாதுகாப்புப் படையினர் சோதனை நடத்தினர். அப்போது 2 பயணிகள், அணுகுண்டு தாக்குதல் நடத்தப்படுமென திடீரென மிரட்டல் விடுத்தனர். இதனால் பரபரப்பு ஏற்பட்ட நிலையில், அந்த 2 பேரையும் கைது செய்து, விமான நிலையை காவல்துறையினர் விசாரணை நடத்தி வருகின்றனர்.
Featured News
Sorry, no posts matched your criteria.