India's largestHyperlocal short
news App
Get daily news updates that are tailored for you based on your preferred language & location.
download Way2News app now
Virudunagar
News February 28, 2025
வாகன உரிமையாளர்கள் கைபேசி எண்ணை இணைப்பது கட்டாயம்
அனைத்து வாகனங்களுக்கும் வாகன விபரங்களுடன் வாகன உரிமையாளர்களின் கைபேசி எண்ணை வாகன பதிவு சான்றுடன் இணைப்பது போக்குவரத்து துறையில் கட்டாயமாக்கப்பட்டுள்ளது. விருதுநகர் மாவட்டத்தில் அனைத்து வட்டாரப் போக்குவரத்து அலுவலகங்கள், மோட்டார் வாகன ஆய்வாளர் அலுவலகங்களை அணுகி ஆதார் எண்ணில் குறிப்பிடப்பட்டுள்ள கைபேசி எண் விபரத்தினை கொடுத்து இணைத்து பயன்பெறலாம் என ஆட்சியர் ஜெயசீலன் தெரிவித்துள்ளார்.
News February 28, 2025
காவல்துறை செயலுக்கு பாமக கண்டனம்
சீமான் வீட்டில் நடந்த காவல் துறையின் அராஜகம் வன்மையாக கண்டிக்கதக்கது என பாட்டாளி மக்கள் கட்சியின் மாநில பொருளாளர் கவிஞர் திலகபாமா கண்டனம் தெரிவித்துள்ளார். இதுகுறித்து அவர் வெளியிட்டுள்ள அறிக்கையில், தன்னை எதிர்க்கும் எல்லா இயக்கங்களையும் ஒடுக்க இல்லாமல் அழிக்க தொடர்ந்து திமுக முயல்கிறது. அதற்கு காவல்துறை ஏவல் துறையாகிறது எனவும், இது ஜனநாயகத்திற்கு ஆபத்தான போக்கு எனவும் கருத்து தெரிவித்துள்ளார்.
News February 28, 2025
நரிக்குடி அருகே பேருந்து கவிழ்ந்து விபத்து
விருதுநகர் மாவட்டம் நரிக்குடி ஒன்றியம் வீரசோழன் – மதுரைக்கு புதிய வழித்தடத்தில் அரசுப்பேருந்து இயங்கி வருகிறது. இந்த நிலையில் இன்று மதுரையில் இருந்து வீரசோழன் சென்ற அரசுப்பேருந்து மானாசாலை அருகேயுள்ள சம்பக்குளம் பகுதியில் கவிழ்ந்து விபத்துக்குள்ளானது. இந்த விபத்தில் சிலர் காயமடைந்தனர்.அவர்கள் சிகிச்சைக்காக நரிக்குடி அரசு மருத்துவமனையில் அனுமதிக்கப்பட்டுள்ளனர். விபத்து குறித்து போலீசார் விசாரணை
News February 28, 2025
நகை திருடிய முன்னாள் போலீஸ்காரர் கைது
காரியாபட்டியில் கடந்த பிப்., 4ல் எலக்ட்ரீசியன் சுப்புராஜ் வீட்டில் கதவு உடைக்கப்பட்டு வீட்டிலிருந்த 30 பவுன் நகை திருடப்பட்டது. இவ்வழக்கை காரியாபட்டி போலீசார் விசாரித்து வந்தனர்.இச்சம்பவத்தில் ஈடுபட்ட முன்னாள் ராணுவ வீரர் கணேசனை 39, சில நாட்களுக்கு முன் கைது செய்தனர். தொடர்ந்து அவர் கூட்டாளியான வ.புதுப்பட்டியைச் சேர்ந்த முன்னாள் போலீஸ்காரர் கண்ணன் குமாரை நேற்று காரியாபட்டி போலீசார் கைது செய்தனர்.
News February 28, 2025
இந்திய இராணுவக் கல்லூரியில் சேர்க்கை
டேராடுனில் உள்ள இராஷ்ட்ரிய இந்திய இராணுவக் கல்லூரியில் ஜனவரி 2026 பருவத்தில் 8-ம் வகுப்பில் மாணவர்கள் சேருவதற்கான தேர்வு ஜூன்.1 அன்று நடைபெற உள்ளது. இத்தேர்விற்கான விண்ணப்பப் படிவத்தை www.rimc.gov.in மூலமாக பெற்றுக் கொள்ளலாம். மேலும் விவரங்களுக்கு www.rimc.gov.in என்ற இராஷ்ட்ரிய இந்திய இராணுவக் கல்லூரியின் இணையதள சேவையினை பயன்படுத்தலாம் என ஆட்சியர் ஜெயசீலன் தெரிவித்துள்ளார்.
News February 27, 2025
சமூகப்பணி உறுப்பினர்கள் பதவிக்கு விண்ணப்பிக்கலாம்
விருதுநகர் மாவட்டத்தில் இளைஞர் நீதி குழுமத்திற்கு சமூகப்பணி உறுப்பினர்கள் நியமிக்க தகுதி வாய்ந்த நபர்களிடமிருந்து விண்ணப்பங்கள் வரவேற்கப்படுகின்றன. விண்ணப்பதாரர்கள் 35 – 65 வயதை பூர்த்தி செய்யாதவராக இருத்தல் வேண்டும். விண்ணப்பிக்க விரும்புவோர் https://virudhunagar.nic.in அல்லது www.dsdcpimms.tn.gov.in என்ற இணையதள முகவரியில் விண்ணப்பத்தை பதிவிறக்கம் செய்து விண்ணப்பிக்கலாம்.
News February 27, 2025
போதைப் பொருட்கள் தொடர்பாக APP மூலம் புகார் அளிக்கலாம்
விருதுநகர் மாவட்டத்தில் போதைப்பொருள், புகையிலைப் பொருட்கள் தொடர்பாக அதிகாரிகள் பல்வேறு நடவடிக்கைகள் மேற்கொண்டு வருகின்றனர். இந்நிலையில் போதைப்பொருட்கள் மற்றும் தடை செய்யப்பட்ட புகையிலைப் பொருட்கள் நடமாட்டம் குறித்து தங்களுடைய சுயவிவரங்கள் இன்றி புகார் செய்வதற்கு DRUG FREE TN என்ற அலைபேசி செயலியை(MOBILE APP) பதிவிறக்கம் செய்து புகார் அளிக்கலாம்.
News February 27, 2025
கல்வி உதவித்தொகைக்கு மாணவர்கள் விண்ணப்பிக்கலாம்
அரசு, அரசு உதவி பெறும் கல்வி நிறுவனங்கள் மற்றும் தனியார் தொழிற்கல்லூரிகளில் அரசு ஒதுக்கீட்டின் கீழ் பயிலும் பிற்படுத்தப்பட்ட மிகப்பிற்படுத்தப்பட்ட மற்றும் சீர்மரபினர் மாணவ, மாணவியருக்கு பள்ளி மேற்படிப்பு கல்வி உதவித்தொகை வழங்கப்படுகிறது. இதற்கு விண்ணப்பிக்க விரும்புவோர் https://umis.tn.gov.in என்ற இணையதளம் மூலம் விண்ணப்பிக்கலாம் என மாவட்ட ஆட்சியர் ஜெயசீலன் தெரிவித்துள்ளார். *மறக்காம ஷேர் பண்ணுங்க
News February 27, 2025
விருதுநகர் மக்களே..! அடுத்த மூன்று நாட்கள் கவனம்.
தமிழகத்தில் இன்று(பிப்.27) முதல் வரும் ஞாயிறு வரை தென் தமிழகத்தில் கன முதல் மிக கனமழையும், குறிப்பாக தூத்துக்குடி, கன்னியாகுமரி, திருநெல்வேலி,தென்காசி, விருதுநகர், ராமநாதபுரம் மாவட்டங்களில் வெள்ளிக்கிழமை முதல் மழை தீவிரமடையும் எனவும் தெரிவித்துள்ளனர். ஆகவே விருதுநகர் மக்கள் 3 நாட்கள் முன்னெச்சரிக்கையுடன் இருக்க வேண்டும் என அறிவுறுத்தப்பட்டுள்ளது.
News February 26, 2025
மாவட்டத்தில் 98 மையங்களில் பிளஸ் 2 தேர்வு
தமிழகம் முழுவதும் பிளஸ் 2 பொதுத் தேர்வு வருகின்ற மார்ச் மூன்றாம் தேதி தொடங்குகிறது. இந்த தேர்வை மாவட்டம் முழுவதும் உள்ள 222 பள்ளிகளைச் சேர்ந்த 22,313 மாணவர்கள் தேர்வு எழுத உள்ளனர். இவர்களுக்கு 98 தேர்வு மையங்கள் ஆயத்த நிலையில் வைக்கப்பட்டுள்ளன. மேலும் 137 மாற்றுத்திறனாளிகள் தேர்வுகளை எழுதுகின்றனர். மேலும் பிளஸ் 1 தேர்வில் 22,023 மாணவர்கள் தேர்வு எழுதுகின்றனர்.
Featured News
Sorry, no posts matched your criteria.