India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vellore
News March 22, 2025
வேலூரில் மாபெரும் புத்தகத் திருவிழா
வேலூர் மாவட்ட நிர்வாகம், பொது நூலகத் துறை சார்பில், 3-ஆம் ஆண்டு மாபெரும் புத்தகத் திருவிழா வேலூர் கோட்டை மைதானத்தில் இன்றுமுதல் 30-ஆம் தேதி வரை 9 நாள்களுக்கு தினமும் காலை 11 மணி முதல் இரவு 9 மணி வரை நடைபெற உள்ளது. இதில் 80 அரங்குகளில் 200-க்கும் மேற்பட்ட பதிப்பாளர்களின் 50 லட்சத்துக்கும் மேற்பட்ட புத்தகங்கள் காட்சிப்படுத்தப்பட உள்ளன.
News March 21, 2025
வேலூரில் 3,900 நீர்நிலை பறவைகள் கண்டறியப்பட்டுள்ளன
வேலூர் வனக்கோட்டத்தில் வேலூர், அமிர்தி உட்பட 6 வனச்சரகங்கள் உள்ளன. இங்குள்ள ஏரி, ஆறு, குளங்கள் உள்ளிட்ட நீர்நிலைகளை வசிக்கும் பறவை இனங்கள் கணக்கெடுக்கும் பணி நடந்து வருகிறது. இதில் 84 வகை நீர்நிலைகளை சுற்றிவாழும் 3,900 பறவைகள் இருப்பது தெரிய வந்துள்ளது. இதன் விவரங்கள் சென்னையில் உள்ள வனத்துறை தலைமை அலுவலகத்திற்கு அனுப்பி வைக்கப்பட்டுள்ளதாக வனத்துறையினர் தெரிவித்தனர்.
News March 21, 2025
ஓட்டுநர், நடத்துநர் பணிக்கு இன்று முதல் விண்ணப்பிக்கலாம்
ஓட்டுநர், நடத்துநர் பணியிடங்களுக்கு இன்று (மார்.21) முதல் விண்ணப்பிக்கலாம். சென்னை மாநகர போக்குவரத்து கழகம் – 364, மாநில அரசு விரைவு போக்குவரத்து கழகம் – 318, தமிழ்நாடு அரசு போக்குவரத்து கழகம் (விழுப்புரம்) – 322 பணியிடங்கள் உள்ளன. 24 வயது நிறைந்திருக்க வேண்டும். 10ஆம் வகுப்பு தேர்ச்சி பெற்றிருக்க வேண்டும். தமிழில் எழுத பேச தெரிந்திருக்க வேண்டும். ஓட்டுநர் உரிமம் கட்டாயம். <
News March 21, 2025
வேலூர் அருகே விபத்து; சம்பவ இடத்தில் மரணம்
சித்தூர் மாவட்டம் யாதமரி அடுத்த பட்டரபல்லி கிராமத்தை சேர்ந்தவர் ஜெயபிரகாஷ். இவரது மகன் ஜெயச்சந்திரன் (21). இவர் நேற்று மாலை மோட்டார் சைக்கிளில் குடியாத்தம் அடுத்த பரதராமி பகுதியில் உள்ள உறவினர் வீட்டுக்கு சென்று விட்டு வீடு திரும்பும் போது, பரதராமி அடுத்த எல்லையம்மன் கோவில் அருகில் ஆந்திராவிலிருந்து மக்காசோளம் ஏற்றி வந்த லாரி மோதி சம்பவ இடத்தில் ஜெயச்சந்திரன் உயிரிழந்தார்.
News March 21, 2025
காட்பாடி போலீசார் பணியிட மாற்றம்; வேலூர் எஸ்பி உத்தரவு
காட்பாடி அடுத்த பனமடங்கி காவல் நிலையத்தில் எஸ்எஸ்ஐயாக குமரேசன், தனிப்பிரிவு காவலராக ராஜன்பாபு ஆகியோர் பணியாற்றி வந்தனர். இவர்கள் 2 பேரும் பணியில் மெத்தனமாக இருந்ததாக பல்வேறு புகார்கள் வந்தன. இதையடுத்து 2 பேரையும் வேலூர் ஆயுதப்படைக்கு பணியிட மாற்றம் செய்து எஸ்பி மதிவாணன் நேற்று உத்தரவிட்டார். இச்சம்பவம் போலீசார் மத்தியில் பெரும் பரபரப்பை ஏற்படுத்தியுள்ளது.
News March 20, 2025
வேலூர் CMC கல்லூரியில் வேலை
வேலூர் கிறிஸ்டியன் மருத்துவக் கல்லூரியில் Senior Resident, Jr. Psychologist உள்ளிட்ட 3 பணியிடங்களுக்கு வேலைவாய்ப்பு அறிவிப்பு வெளியிடப்பட்டுள்ளது. தகுதியான விண்ணப்பதாரர்களின் விண்ணப்பங்கள் வரவேற்கப்படுகிறது. தகுதி: MA, M.Sc (Psychology), MS (Ophthalmology), MD (Dermatology). அதிகாரப்பூர்வ இணையதளத்தில் ஆன்லைன் மூலம் வரும் 29ஆம் தேதிக்குள் விண்ணப்பிலாம் எனத் தெரிவிக்கப்பட்டுள்ளது. SHARE IT
News March 20, 2025
வேலூரில் மாபெரும் வேலை வாய்ப்பு
வேலூரில் தனியார் வேலைவாய்ப்பு முகாம் நடைபெற உள்ளது. இதில் 40 க்கும் மேற்பட்ட தனியார் நிறுவனங்கள் பங்கு பெற உள்ளனர். இம்முகாமில் 10,12 மற்றும் பட்டப்படிப்பு படித்தவர்களுக்கு கல்வி தகுதிக்கு ஏற்ப பணியிடங்கள் தேர்வு செய்யப்படவுள்ளது. இம்முகாம் மார்ச் 22 அன்று காலை 10 மணி முதல் 2 மணி வரை வேலூர் அரசினர் தொழிற் பயிற்சி வளாகத்தில் நடைபெற உள்ளது. இதில் கலந்துகொள்ளுங்கள், ஷேர் பண்ணுங்கள்.
News March 20, 2025
டிராக்டர் மீது கார் மோதியதில் தொழிலதிபர் பலி
சென்னை-பெங்களூர் நெடுசாலையில் நேற்று சென்று கொண்டிருந்த டிராக்டர் மீது கார் மோதியதில் காரில் பயணித்த சேலம் பகுதியை சேர்ந்த முஹம்மத் யாகூப் (தொழிலதிபர்), முஹம்மத் யூசுப், சாலையோரம் நின்று கொண்டிருந்த ரேஷ்மா அவரது 2 வயது குழந்தை உட்பட நான்கு பேர் படுகாயம் அடைந்தனர். உடனடியாக அவர்களை மீட்டு மருத்துவமனையில் சேர்த்தனர். அங்கு சிகிச்சை பெற்று வந்த முஹம்மத் யாகூப் சிகிச்சை பலனின்றி உயிரிழந்தார்.
News March 20, 2025
விவசாய நிலத்திற்குள் நுழைந்த ஒற்றை யானை
குடியாத்தம் அடுத்த கணவாய்மோட்டூர் கிராமத்தில் நேற்று (மார்ச் 19) ஒற்றை யானை விவசாய நிலத்திற்குள் நுழைந்தது. இதைக்கண்டு அதிர்ச்சியடைந்த பொதுமக்கள் குடியாத்தம் வனத்துறையினருக்கு தகவல் அளித்தனர். அதன்பேரில் வனத்துறையினர் சம்பவ இடத்திற்கு விரைந்து சென்று பொதுமக்கள் உதவியுடன் பட்டாசுகளை வெடித்தும், மேளம் அடித்தும், தீப் பந்தங்களை காட்டியும் யானையை மீண்டும் வனப்பகுதிக்குள் விரட்டியடித்தனர்.
News March 19, 2025
வேலூர்: இன்றைய காவல்துறை இரவு ரோந்து பணி விவரம்
வேலூர், காட்பாடி, குடியாத்தம் அதன் சுற்றுவட்டார பகுதியில் இன்று மார்ச் 19 இரவு ரோந்து பணியில் ஈடுபடும் போலீசாரின் விவரங்கள் சற்று முன் வெளியிடப்பட்டது இதில் பகுதிகளாக ரோந்து பணி நடைபெறுகிறது ரோந்து பணியில் ஈடுபடும் போலீசாருக்கு தகவல்கள் மேலே உள்ள புகைப்படத்தில் கொடுக்கப்பட்டுள்ளது புகார்கள் மற்றும் தகவல்களை தெரிவிக்க தொடர்பு கொள்ளலாம்
Featured News
Sorry, no posts matched your criteria.