• Download our app

Vellore

News April 3, 2024

பிரதமர் மோடி வேலூர் வருகை

image

மக்களவைத் தேர்தலை முன்னிட்டு தேசிய ஜனநாயக கூட்டணி சார்பில் போட்டியிடும் வேட்பாளர்களை ஆதரித்து வாக்கு சேகரிக்க பிரதமர் நரேந்திர மோடி தமிழகம் வர இருக்கிறார். ஏப்ரல் 9ஆம் தேதி மாலை 4 மணியளவில் வேலூர் மக்களவைத் தொகுதியில் போட்டியிடும் புதிய நீதிக் கட்சித் தலைவர் ஏ.சி.சண்முகத்தை ஆதரித்து பிரச்சாரம் (ரோட் ஷோ) செய்ய உள்ளதாக தகவல் வெளியாகி உள்ளது.

News April 3, 2024

கோட்டை கோயில் விநாயகருக்கு சிறப்பு பூஜை

image

வேலூர் மாவட்டம், பிரசித்தி பெற்ற கோட்டை ஸ்ரீ ஜலகண்டேஸ்வரர் கோயிலில் இன்று ஸ்ரீ விநாயகர் சுவாமிக்கு சிறப்பு பூஜை நடைபெற்றது. இதில் விநாயகர் சுவாமிக்கு மலர் அலங்காரம் மற்றும் சிறப்பு மகா தீபாராதனை காண்பிக்கப்பட்டது. இதில் பக்தர்கள் சாமி தரிசனம் மேற்கொண்டனர். பின்னர் பக்தர்களுக்கு விபூதி பிரசாதம் வழங்கப்பட்டது.

News April 3, 2024

வேலூர் தொகுதியில் அன்புமணி நாளை பிரச்சாரம்

image

மக்களவைத் தேர்தலில் தேசிய ஜனநாயக கூட்டணியின் சார்பில் வேலூர் மக்களவைத் தொகுதியில் போட்டியிடும் புதிய நீதிக்கட்சி வேட்பாளர் ஏ.சி.சண்முகத்தை ஆதரித்து நாளை (ஏப்ரல் 4) அணைக்கட்டு, கே.வி.குப்பம் ஆகிய சட்டமன்ற தொகுதிகளில் பாமக தலைவர் அன்புமணி வாக்கு சேகரிப்பில் ஈடுபடுகிறார். இந்த நிகழ்ச்சியில் புதிய நீதிக்கட்சி செயல் தலைவர் ஏ.ரவிக்குமார் உட்பட கூட்டணி கட்சி நிர்வாகிகள் கலந்து கொள்ள உள்ளனர்.

News April 3, 2024

தேர்தல் அலுவலர்களுக்கு 2ம் கட்ட பயிற்சி முகாம்

image

மக்களவை தேர்தலை முன்னிட்டு வேலூர் மாவட்டத்தில் உள்ள 5 சட்டமன்ற தொகுதிகளில்  6,272 அரசு அலுவலர்கள் தேர்தல் பணியில் ஈடுபட உள்ளனர். அவர்களுக்கு இரண்டாம் கட்டமாக தேர்தல் பயிற்சி முகாம் வருகிற ஏப்ரல் 7ஆம் தேதி நடைபெற உள்ளது. வேலூரில் டிகேஎம் மகளிர் கல்லூரி உள்ளிட்ட 5 இடங்களில் நடைபெறும் என மாவட்ட தேர்தல் அலுவலரும், கலெக்டருமான  சுப்புலட்சுமி தெரிவித்துள்ளார்.

News April 3, 2024

தொழிற்சாலை உரிமையாளர்கள் முதல்வருடன் சந்திப்பு

image

வேலூரில் தேர்தல் பிரசார பொதுக்கூட்டத்தில் கலந்து கொள்ள வருகை தந்த முதல் அமைச்சர் மு.க.ஸ்டாலினை நேற்று (மார்ச் 2) ஆம்பூர் தோல் தொழிற்சாலை உரிமையாளர்கள் சங்கத்தின் தலைவர் ரபீக் அகமது, ஆம்பூர் ஜமாத் தலைவர் அஷ்வக்அகமது ஆகியோர் சந்தித்து திமுக கூட்டணி வேட்பாளர்களுக்கு ஆதரவு தெரிவித்தனர். இதில் அமைச்சர்கள் துரைமுருகன், எ.வ.வேலு, வேட்பாளர் கதிர் ஆனந்த் உட்பட பலர் கலந்து கொண்டனர்.

News April 3, 2024

வேலூர் கோட்டையில் முதல்வர் பிரச்சார பொதுக்கூட்டம்

image

மக்களவைத் தேர்தலில் திமுக சார்பில் வேலூர் மக்களவைத் தொகுதியில் போட்டியிடும் வேட்பாளர் கதிர் ஆனந்த், அரக்கோணம் தொகுதியில் போட்டியிடும் வேட்பாளர் ஜெகத்ரட்சகன் ஆகியோரை ஆதரித்து வேலூர் கோட்டை மைதானத்தில் நேற்று (ஏப்ரல் 2) நடந்த பொதுக்கூட்டத்தில் தமிழக முதல்வரும், திமுக தலைவருமான மு.க.ஸ்டாலின் பேசினார். இதில் அமைச்சர்கள் துரைமுருகன், எ.வ.வேலு உள்ளிட்ட பலர் கலந்துகொண்டனர்.

News April 3, 2024

மத்திய அரசை எச்சரித்த தமிழக முதல்வர்

image

இலங்கையை கண்டிக்கவும் துணிச்சல் இல்லை, சீனாவை எதிர்க்கவும் துணிச்சல் இல்லை. இந்த லட்சனத்தில் பிரதமர் மோடி கச்சத்தீவை பற்றிப் பேசலாமா? நீங்கள் போடும் நாடகம் எல்லாம் இன்னும் சிறிது நாட்களுக்குத்தான் என்பதை எச்சரிக்கையாக சொல்ல விரும்புகிறேன் என்று வேலூர் கோட்டை மைதானத்தில் நேற்று (ஏப்ரல் 2) நடந்த தேர்தல் பிரச்சார பொதுக்கூட்டத்தில் முதல்வர் மு.க.ஸ்டாலின் பேசினார்.

News April 2, 2024

வேலூரில் இன்று 104.2°F வெயில் கொளுத்தியது

image

வேலூர் மாவட்டத்தில் கடந்த சில நாட்களாக 96 பாரன்ஹீட் பதிவாகி வந்த நிலையில் இன்று (ஏப்ரல் 2)  அதிகபட்ச வெயிலாக இன்று 104.1°F வெயில் பதிவானது. மேலும் வேலூரில் வெயிலுடன் அனல் காற்றும் வீசுவதால் பொதுமக்கள் கடும் அவதியடைந்து வருகின்றனர். வெளியே செல்லும் பொதுமக்கள் தண்ணீர் மற்றும் முன்னெச்சரிக்கையாக செல்ல மாவட்ட நிர்வாகம் சார்பில் அறிவுரை வழங்கப்பட்டுள்ளது.

News April 2, 2024

துணை மின்னணு வாக்குப்பதிவு இயந்திரம் தேர்வு

image

பாராளுமன்ற பொதுத்தேர்தல் முன்னிட்டு  வேலூர் மாவட்டத்தில் உள்ள 5 சட்டமன்ற தொகுதிகளில் வாக்குப்பதிவுக்கு தேவையான துணை மின்னணு வாக்குப்பதிவு  இயந்திரங்களை கணினி குலுக்கல் முறையில் தேர்வு செய்யும் பணி வேலூர் மாவட்ட தேர்தல் அலுவலரும், கலெக்டருமான சுப்புலெட்சுமி தலைமையில் இன்று (ஏப்ரல் 2) நடந்தது. இதில் தேர்தல் பொது பார்வையாளர் ரூபேஷ்குமார், மாவட்ட வருவாய் அலுவலர் மாலதி உள்ளிட்ட பலர் கலந்து கொண்டனர்.

News April 2, 2024

வேலூர்: அண்ணன் மகனை சந்தித்த முதல்வர் ஸ்டாலின்

image

வேலூர் மாவட்டம் சிஎம்சி மருத்துவமனையில் சிகிச்சைக்காக அனுமதிக்கப்பட்டுள்ள மு.க.அழகிரியின் மகன் துரை தயாநிதியை தமிழ்நாடு முதலமைச்சர் மு‌.க.ஸ்டாலின் இன்று (ஏப்ரல் 2) நேரில் சந்தித்து நலம் விசாரித்தார். மேலும் மருத்துவர்களிடம் துரை தயாநிதிக்கு வழங்கப்பட்டு வரும் சிகிச்சை முறைகள் குறித்து கேட்டறிந்தார்.

Featured News

Sorry, no posts matched your criteria.

↑