India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vellore
News December 12, 2024
வேலூர் பள்ளி மாணவர்களுக்கு கலெக்டர் அறிவிப்பு
வேலூர் மாவட்டத்தில் கலை பண்பாட்டுத்துறை சார்பில் 5 வயது முதல் 13 வயது வரை மாணவ, மாணவியர்களுக்கு மாவட்ட அளவிலான கலைப்போட்டிகள் வருகிற டிசம்பர் 15-ம் தேதி வேலூர் அண்ணா சாலையில் உள்ள ஊரிஸ் மேல்நிலை பள்ளியில் நடைபெறவுள்ளது. இதில் பங்கேற்க விரும்புவோர் தொலைபேசி எண்044 27269148 அல்லது 9443429521 என்ற எண்ணில் தொடர்பு கொள்ளலாம் என மாவட்ட ஆட்சித்தலைவர் சுப்புலட்சுமி இன்று தனது அறிக்கையில் தெரிவித்துள்ளார்.
News December 12, 2024
டிசம்பர் 18-ம் தேதி உங்களை தேடி உங்கள் ஊரில்
உங்களை தேடி, உங்கள் ஊரில் திட்டத்தின் கீழ் ஒவ்வொரு மாதமும் 3வது புதன்கிழமை தாலுகா அளவில் கலெக்டர் தங்கி கள ஆய்வில் ஈடுபட வேண்டும் என முதல்வர் மு.க.ஸ்டாலின் அறிவுறுத்தியுள்ளார். அதன்படி வருகிற (டிசம்பர் 18) வேலூர் வட்டத்தில் ‘உங்களை தேடி, உங்கள் ஊரில்’ திட்டம் கலெக்டர் சுப்புலட்சுமி தலைமையில் நடைபெற உள்ளது. இதில் பொதுமக்கள் மனுக்களை அளித்து பயன் பெறலாம் என தகவல் தெரிவிக்கப்பட்டுள்ளது.
News December 12, 2024
வேலூரிலிருந்து 580 போலீசார் திருவண்ணாமலைக்கு சென்றனர்
வேலூர் மாவட்டத்திலிருந்து பாதுகாப்பு பணிக்காக முதற்கட்டமாக 200 போலீசாரும், 2வது கட்டமாக 350 போலீசாரும், 3வது கட்டமாக நேற்று காலை மேலும் 30 போலீசார் திருவண்ணாமலைக்கு புறப்பட்டு சென்றனர். தீபத் திருவிழாவுக்காக வேலூர் மாவட்டத்திலிருந்து இதுவரை 580 போலீசார் திருவண்ணாமலைக்கு சென்றுள்ளது குறிப்பிடத்தக்கது.
News December 12, 2024
BREAKING: வேலூர் மாவட்டத்தில் பள்ளிகளுக்கு விடுமுறை
தொடர் கனமழை காரணமாக வேலூரில் இன்று (டிச.12) பள்ளிகளுக்கு மட்டும் விடுமுறை அறிவிக்கப்பட்டுள்ளது. வங்கக்கடலில் நிலவியுள்ள காற்றழுத்த தாழ்வு பகுதி காரணமாக, வேலூர் மாவட்டத்தில் நேற்று முதல் பல்வேறு இடங்களில் கனமழை பெய்து வருகிறது. இதையடுத்து, மாணவர்களின் பாதுகாப்பு நலன் கருதி வேலூர் மாவட்டத்தில் உள்ள பள்ளிகளுக்கு மட்டும் இன்று விடுமுறை அறிவித்து ஆட்சியர் தெரிவித்துள்ளார். ஷேர் பண்ணுங்க
News December 12, 2024
வேலூரிலிருந்து 80 சிறப்பு பேருந்துகள் இயக்கம்
திருவண்ணாமலை தீப திருவிழா முன்னிட்டு வேலூர் போக்குவரத்து மண்டலம் சார்பில் இன்று (டிசம்பர் 12) மாலை முதல் திருவண்ணாமலைக்கு சிறப்பு பஸ்கள் இயக்கப்படுகின்றன. அதன்படி வேலூரில் இருந்து 80 சிறப்பு பஸ்களும், திருப்பத்தூரில் இருந்து 40 பஸ்களும், ஆற்காட்டில் இருந்து 30 பஸ்களும் என மொத்தம் 150 சிறப்பு பஸ்கள் இயக்கப்படுகின்றன. தேவைக்கு ஏற்ப கூடுதலாக பஸ்கள் இயக்கப்படும் என்றும் அதிகாரிகள் தெரிவித்தனர்.
News December 11, 2024
வேலூரில் நாளை தேசிய நுகர்வோர் விழிப்புணர்வு பேரணி
உணவுப் பொருள் வழங்கல் மற்றும் நுகர்வோர் பாதுகாப்பு துறை சார்பில் தேசிய நுகர்வோர் தினம் மற்றும் உலக நுகர்வோர் உரிமைகள் தினத்தை முன்னிட்டு மாவட்ட அளவிலான நுகர்வோர் தின விழிப்புணர்வு பேரணியை மாவட்ட ஆட்சியர் அலுவலக வளாகத்தில் இருந்து மாவட்ட ஆட்சியர் சுப்புலெட்சுமி நாளை (டிசம்பர் 12) கொடியசைத்து துவக்கி வைக்க உள்ளார். என மாவட்ட நிர்வாகம் சார்பில் தெரிவிக்கப்பட்டுள்ளது.
News December 11, 2024
திருவள்ளுவர் பல்கலைக்கழகத்தின் ஆட்சி மன்ற குழு உறுப்பினர் தேர்வு
வேலூர் மாவட்டம் சேர்க்காடில் உள்ள திருவள்ளுவர் பல்கலைக்கழகத்தின் ஆட்சி மன்ற குழு உறுப்பினராக அணைக்கட்டு சட்டமன்ற தொகுதி உறுப்பினரும் தமிழ்நாடு சட்டமன்றப் பேரவை பொது நிறுவனங்கள் குழு தலைவருமான ஏ.பி.நந்தகுமார் மூன்றாவது முறையாக தேர்ந்தெடுக்கப்பட்டுள்ளார். அவருக்கு, பலர் தங்களது வாழ்த்துகளை தெரிவித்து வருகின்றனர்.
News December 11, 2024
சிறுமிக்கு பாலியல் தொல்லை; 20 ஆண்டுகள் சிறை
வேலூர் கணியம்பாடி பகுதியை சேர்ந்தவர் சம்பத் (58). இவர் கடந்த 2020-ம் ஆண்டு வேலூர் பலவன்சாத்து பகுதியில் 9 வயது சிறுமிக்கு பாலியல் தொல்லை கொடுத்துள்ளார். இதுதொடர்பாக மகளிர் போலீசார் சம்பத்தை கைது செய்து சிறையில் அடைத்தனர். இந்த வழக்கின் விசாரணை வேலூர் போக்சோ கோர்ட்டில் நடந்து வந்தது. நேற்று இறுதி விசாரணை முடிந்து சம்பத்துக்கு 20 ஆண்டுகள் சிறை தண்டனை விதித்து நீதிபதி சிவக்குமார் உத்தரவிட்டார்.
News December 10, 2024
இரவு ரோந்து பணி: போலீசார் விவரம் வெளியீடு
வேலூர் மாவட்டத்தின் அதன் சுற்றுவட்டார பகுதியில் இன்று (டிசம்பர் 10.12.2024) இரவு ரோந்து பணியில் ஈடுபடும் போலீசாரின் விவரங்கள் சற்று முன் வெளியிடப்பட்டன. ரோந்து பணியில் ஈடுபடும் போலீசாருக்கான தகவல்கள் மேலே உள்ள புகைப்படத்தில் கொடுக்கப்பட்டுள்ளன. புகார்கள் மற்றும் தகவல்களை தெரிவிக்க தொடர்பு கொள்ளலாம்.
News December 10, 2024
ஃ பெஞ்சல் புயலால் 159.19 ஹெக்டேர் நெற்பயிர் சேதம்
வேலூர் மாவட்டத்தில் ஃபெஞ்சல் புயலால் கடந்த வாரத்தில் பெய்த தொடர் மழையால் காட்பாடி, பொன்னை, குடியாத்தம், அணைக்கட்டு உள்ளிட்ட சில பகுதிகளில் 253 விவசாயிகள் நெற்பயிர்களை பயிரிட்டிருந்தனர். இதில், அறுவடைக்கு தயாராக இருந்த 159.19 ஹெக்டேர் நெற்பயிர்கள் சேதமடைந்துள்ளதாக வேளாண் துறை அதிகாரிகள் தெரிவித்தனர்.
Featured News
Sorry, no posts matched your criteria.