Thiruvallur

News July 14, 2024

திருவள்ளூரில் நாளை முதல்வர் தொடங்கி வைக்கிறார்

image

காமராஜர் பிறந்த நாளான நாளை (ஜூலை 15) காலை உணவுத் திட்ட விரிவாக்கத்தை திருவள்ளூரில் முதல்வர் தொடங்கி வைக்கிறார். கடம்பத்தூர் ஒன்றியம், கீழச்சேரி கிராமத்தில் உள்ள புனித அன்னாள் அரசு உதவி பெறும் தொடக்கப் பள்ளியில் முதலமைச்சரின் காலை உணவுத் திட்டத்தைத் தமிழ்நாடு அரசின் சார்பில் முதல்வர் தொடங்கி வைக்கிறார் என தமிழக அரசு வெளியிட்டப்பட்டிருக்கும் செய்திக் குறிப்பில் தெரிவிக்கப்பட்டுள்ளது.

News July 13, 2024

திருவள்ளூரில் மழைக்கு வாய்ப்பு

image

திருவள்ளூர் உட்பட 12 மாவட்டங்களுக்கு இன்று இரவு 7 மணி வரை இடி மின்னலுடன் கூடிய லேசானது முதல் மிதமான மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது. இதனால் சாலைகளில் தண்ணீர் தேங்கி, போக்குவரத்து பாதிப்பு எற்பட வாய்ப்பு இருப்பதாக தெரிவிக்கப்பட்டுள்ளது. இதனால் இரவு குளிர்ச்சியான சீதோஷன நிலை உருவாக வாய்ப்புள்ளது.

News July 13, 2024

திமுக வெற்றி: திருவள்ளூரில் கொண்டாட்டம்

image

விக்கிரவாண்டி இடைத்தேர்தலில் திமுக சார்பில் அன்னியூர் சிவா போட்டியிட்டு அமோக வெற்றிபெற்றார். இந்த வெற்றியை தமிழகம் முழுவதும் திமுகவினர் உற்சாகத்துடன் இன்று கொண்டாடிவருகின்றனர். அந்த வகையில் திருத்தணியில் எம்எல்ஏ சந்திரன் இனிப்பு வழங்கி கொண்டாடினார். உடன் ஒன்றிய செயலாளர்கள் வழக்கறிஞர் சி.ஜே.சீனிவாசன், என்.கிருஷ்ணன், பி.டி.சந்திரன், உதயசூரியன் மற்றும் திமுக நிர்வாகிகள் உடன் இருந்தனர்.

News July 13, 2024

திருவள்ளூர் மாவட்டத்தில் மழை அளவு விவரம்

image

திருவள்ளூர் மாவட்டத்தில் நேற்று காலை 6 மணி முதல் இன்று காலை 6 மணி வரை பெய்த மழை அளவு விவரம் பின்வருமாறு: ஆவடியில் 108 மி.மீ, திருவாலங்காட்டில் 72 மி.மீ, திருவள்ளூரில் 63 மி.மீ, பொன்னேரியில் 61மி.மீ, கும்மிடிப்பூண்டியில் 50 மி.மீ, செங்குன்றத்தில் 49 மி.மீ, ஊத்துக்கோட்டையில் 42 மி.மீ மழை பெய்துள்ளது. மாவட்டத்தில் மொத்த மழை அளவு 750 மி.மீ ஆகும். இதனால் ஏரிகளுக்கு நீர் வரத்து அதிகரித்துள்ளது.

News July 12, 2024

திருவள்ளூரில் மழைக்கு வாய்ப்பு

image

திருவள்ளூர் உட்பட சில மாவட்டங்களுக்கு இன்று இரவு 7 மணி வரை இடி மின்னலுடன் கூடிய லேசானது முதல் மிதமான மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது. இதனால் சாலைகளில் தண்ணீர் தேங்கி, போக்குவரத்து பாதிப்பு எற்பட வாய்ப்பு இருப்பதாக தெரிவிக்கப்பட்டுள்ளது. பகல் முழுவதும் வெயில் வாட்டிய நிலையில் இரவு குளிர்ச்சியான வானிலை நிலவ வாய்ப்புள்ளது.

News July 12, 2024

ஆட்சியரைக் கண்டித்து பல்வேறு கட்சிகள் ஆர்ப்பாட்டம்

image

திருவள்ளூரில் உள்ள சிபிஎம் அலுவலகத்தில் காங்கிரஸ், சிபிஎம், விசிக, சிபிஐ, மதிமுக உள்ளிட்ட கட்சிகள் சார்பில் மதிமுக மாவட்ட செயலாளர் மு.பாபு தலைமையில் கூட்டம் நடைபெற்றது. இதில் மாவட்ட ஆட்சியர் த.பிரபுசங்கர் மற்றும் வருவாய் துறையினரின் அடாவடி போக்கை கண்டித்து, வரும் 23ஆம் தேதி திருவள்ளூர் ரயில் நிலையம் அருகே கண்டன ஆர்ப்பாட்டம் நடத்துவது என தீர்மானிக்கப்பட்டது.

News July 12, 2024

கல்லூரி மாணவர்களுக்கு விண்ணப்பம்

image

திமுக இளைஞரணி சார்பில் கருணாநிதி நூற்றாண்டு பேச்சுப்போட்டி விரைவில் நடைபெற உள்ளது. இதில் கல்லூரி மாணவர்கள் பங்கேற்கும் வகையில், அதற்கான விண்ணப்பப் வடிவங்களை சா.மு.நாசர் எம்எல்ஏ இன்று (ஜூலை 12) ஆவடி, பட்டாபிராம் இந்து கல்லூரி நிர்வாகத்திடம் வழங்கினார். நிகழ்வில் கல்லூரி முதல்வர் கல்விக்கரசி, திமுக நிர்வாகிகள் ராஜி, விஜயன் தேசிங்கு, சுரேஷ்குமார் உள்ளிட்டோர் கலந்துகொண்டனர்.

News July 12, 2024

திருவள்ளூர்: துறைவாரியாக நலத்திட்டம் வழங்கிய அமைச்சர்

image

திருவள்ளூர் மாவட்டம் கே.ஜி.கண்டிகையில் உள்ள தனியார் திருமண மண்டபத்தில் 2ம் கட்ட மக்களுடன் முதல்வர் திட்டத்தினை அமைச்சர் காந்தி, கலெக்டர் பிரபுசங்கர், திருத்தணி எம்எல்ஏ சந்திரன் ஆகியோர் முன்னிலையில் தொடங்கி வைத்தார். பின்னர் மனு வழங்கிய பயனாளிகளுக்கு உடனடி தீர்வு கண்டு அதற்கான ஆணைகளை வழங்கினார். மேலும், துறை வாரியாக பயனாளிகளுக்கு நலத்திட்டங்களை வழங்கினார். இதில் டிஆர்ஓ உள்ளிட்டோர் கலந்துகொண்டனர்.

News July 11, 2024

இரவு ரோந்து காவல் அதிகாரிகளின் விவரம்

image

திருவள்ளூர் சரகத்தில் உதவி ஆய்வாளர் கர்ணன், ஊத்துக்கோட்டை சரகத்தில் உதவி ஆய்வாளர் பூபாலன், திருத்தணி சரகத்தில் உதவி ஆய்வாளர் சீனிவாசன், கும்மிடிப்பூண்டி சரகத்தில் உதவி ஆய்வாளர் ஆறுமுகம் ஆகியோர் இன்று (ஜூலை11) இரவு ரோந்து பணியில் ஈடுபடுகின்றனர். மேற்கண்ட அதிகாரிகளின் கைப்பேசி எண்கள் வெளியிடப்பட்டுள்ளது. பொதுமக்கள் அவசர உதவிக்கு மேற்கண்ட காவல் அதிகாரிகளை தொடர்பு கொள்ளலாம் என தெரிவிக்கப்பட்டுள்ளது.

News July 11, 2024

ஆசிரியர்கள் கைது: மாணவிகள் சாலை மறியல்

image

திருவள்ளூர் அருகே செவ்வாப்பேட்டை அரசு பள்ளியில் மாணவிகளை பாலியல் தொல்லை கொடுத்ததாக இரு ஆசிரியர்களை நேற்று போலீசார் போக்சோவில் கைது செய்தனர். இதனைக் கண்டித்து இன்று (ஜுலை 11) காலை 9.15 மணி அளவில் சுமார் 200 மாணவிகள் அங்குள்ள சி.டி.எச் சாலையில் மறியலில் ஈடுபட்டனர். இதனால் அங்கு போக்குவரத்து பாதிக்கப்பட்டது. இதையடுத்து வட்டாட்சியர் வாசுதேவன் தலைமையில் போலீசார் பேச்சுவார்த்தை நடத்திவருகின்றனர்.

error: Content is protected !!