India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvallur
News August 27, 2024
பூந்தமல்லியில் 10 டன் போதைப் பொருள் பறிமுதல்
பூந்தமல்லியில் போலீசாரின் வாகன சோதனையின் போது லாரியில் கொண்டு வரப்பட்ட 10 டன் எடையில் போதைப் பொருட்கள் சிக்கியுள்ளன. லாரி கண்டெய்னர் முழுவதும் இருந்த புகையிலை குட்கா உள்ளிட்ட போதைப் பொருட்கள் பூந்தமல்லி மற்றும் சுற்று வட்டார பகுதிகளில் விற்பனை செய்வதற்காக கொண்டு வரப்பட்டது. பூவிருந்தவல்லி மதுவிலக்கு போலீசாரால் பறிமுதல் செய்யப்பட்ட இதன் மதிப்பு ரூ.75 லட்சம் என தெரிவிக்கப்பட்டுள்ளது.
News August 27, 2024
முன்னாள் முதன்மைக் கல்வி அலுவலர் மரணம்
திருவள்ளூர் மாவட்டம் இராகி பேட்டை ஒன்றியத்திற்கு உட்பட்ட அம்மையார்குப்பத்தைச் சேர்ந்த ஓய்வு பெற்ற முதன்மைக் கல்வி அலுவலர் சரவண ச.மு.அவினாசி இன்று காலை காலமானார். இவர், அம்மையார்குப்பம் பகுதியில் உள்ள அருள்மிகு சுப்பிரமணிய சுவாமி திருக்கோயிலில் அறங்காவலர் குழு தலைவராகவும் இருந்துள்ளார். இவரது உடல், அம்மையார்குப்பம் சுடுகாட்டில் நாளை மாலை 3 மணி அளவில் தகனம் செய்யபடும் என அறிவிக்கப்பட்டுள்ளது.
News August 27, 2024
திருவள்ளூரில் இன்று மின்தடை ஏற்படும் இடங்கள்
திருவள்ளூர் மாவட்டம் செம்பரம்பாக்கம் ஊராட்சி, நசரத் பேட்டை ஊராட்சி, மேப்பூர், வரதராஜபுரம், பெங்களூர் டிரங்க் ரோடு, செம்பரம்பாக்கத்தின் ஒரு பகுதி, திருமழிசையின் ஒரு பகுதி, அம்பத்தூர், மலயாயம்பாக்கம், அகரம்மேல் பகுதிகளில் இன்று காலை 9.00 மணி முதல் 2.00 மணி வரை மின் தடை செய்யப்பட உள்ளதாக மின் வாரியம் தெரிவித்துள்ளது.
News August 26, 2024
திருவள்ளூரின் வேடந்தாங்கல் பழவேற்காடு ஏரி
புலிகாட் ஏரி என அறியப்படும் பழவேற்காடு ஏரி, இந்தியாவின் இரண்டாவது பெரிய உப்பு நீர் ஏரி ஆகும். இது சென்னையில் இருந்து 60 கி.மீ தொலைவில் அமைந்துள்ளது. கழிமுகப்பகுதியாக இந்த ஏரி விளங்குகிறது. பழவேற்காடு ஏரி பறவைகள் காப்பகத்திற்கு, அக்டோபர் மற்றும் மார்ச் மாதங்களில் ஒவ்வொரு ஆண்டும், ஆயிரகணக்கான புலம்பெயர் பறவைகள் வருகின்றன. சுற்றுலா தலத்திற்கும் பெயர் போன இடமாக பழவேற்காடு ஏரி உள்ளது .
News August 26, 2024
திருவள்ளூர் ஆட்சியர் அலுவலகத்தில் நவீன நூலகம்
திருவள்ளூர் ஆட்சியர் அலுவலகத்தில் ஊரக வளர்ச்சி முகமை, மாவட்ட காவல் கண்காணிப்பாளர், மாவட்ட கல்வி அலுவலர் வளாகம் உள்ளிட்ட பல துறை அலுவலகங்கள் உள்ளன. இந்நிலையில், ஆட்சியர் அலுவலக வளாகத்தில் நவீன் வசதியுடன் கூடிய புதிய நூலகம் அமைக்கப்பட்டு வருகிறது. போட்டி தேர்வுக்கு தயாராகும் மாணவர்களுக்கு நூலகத்தில் கற்றல் மையம் ஏற்படுத்தப்படவுள்ளதாக ஆட்சியர் பிரபு சங்கர் கூறியுள்ளார்.
News August 26, 2024
ஆம்ஸ்ட்ராங் கொலை குற்றவாளிக்கு நெஞ்சுவலி
ஆம்ஸ்ட்ராங் கொலை வழக்கில் கைதான விசாரணை கைதி ரவுடி திருமலைக்கு, நேற்றிரவு திடீரென நெஞ்சுவலி ஏற்பட்டுள்ளது. ஆற்காடு சுரேஷ் கூட்டாளியான இவர், ஆம்ஸ்ட்ராங் கொலை வழக்கில் கைதாகி புழல் சிறையில் அடைக்கப்பட்டிருந்தார். நேற்றிரவு சுமார் 9 மணியளவில் திடீரென அவருக்கு நெஞ்சுவலி ஏற்பட்டது. இதையடுத்து, போலீசார் அவரை சென்னை ஸ்டான்லி மருத்துவமனையில் அனுமதித்துள்ளதாகத் தெரிகிறது.
News August 26, 2024
கும்மிடிப்பூண்டியில் 2 கல்லூரி மாணவர்கள் கைது
கும்மிடிப்பூண்டி மின்சார ரயிலில் நேற்று பட்டாக்கத்தியுடன் சென்ற 2 கல்லூரி மாணவர்கள் கைது செய்யப்பட்டனர். சென்னை கல்லூரியில் முதலாம் ஆண்டு படித்து வரும் 2 கல்லூரி மாணவர்கள் பட்டாக்கத்தியை மறைத்து வைத்துக் கொண்டு மின்சார ரயிலில் சென்றுள்ளனர். இதைக் கண்ட பயணிகள் ரயில்வே போலீசாருக்கு தகவல் கொடுத்தனர். விரைந்து வந்த போலீசார் அவர்களிடம் கத்தியை பறிமுதல் செய்து இருவரையும் கைது செய்தனர்.
News August 25, 2024
கனகம்மாசத்திரம் அருகே விபத்தில் 14 பேர் காயம்
திருத்தணி அடுத்த கனகம்மாசத்திரத்தில் சரக்கு வேன் கவிழ்ந்து 14 பேர் காயமடைந்தனர். சென்னை-திருப்பதி தேசிய நெடுஞ்சாலையில் சரக்கு வேனில் மீன் வியாபாரிகள் சென்றுள்ளனர். அப்போது டயர் வெடித்து வேன் கவிழ்ந்து விபத்துக்குள்ளானது. காயமடைந்த அனைவரும் திருவள்ளூர் அரசு பொது மருத்துவமனைக்கு 108 ஆம்புலன்ஸ் மூலம் அனுப்பி வைக்கப்பட்டுள்ளனர்.
News August 25, 2024
கொரட்டூரில் ஜிபே மூலம் ரூ.87,000 பணம் பறிப்பு
சென்னை மூலக்கொத்தளத்தைச் சேர்ந்த லோகேஷ் என்பவர் தனியார் நிறுவனத்தில் வேலை செய்து வருகிறார். நேற்று இரவு ரயில் மூலம் கொரட்டூர் ரயில் நிலையத்தில் இறங்கியுள்ளார். அப்போது, பின் தொடர்ந்து வந்த இருவர் அவரை வழிமறித்து ஜிபே மூலம் ரூ.87,000 பணம் மற்றும் போனை பறித்துச் சென்றனர். இது குறித்து பெரம்பூர் போலீசார் விசாரணை மேற்கொண்டு வருகின்றனர்.
News August 25, 2024
அம்பத்தூரில் பாழடைந்த பங்களாவுக்குள் இறந்தநிலையில் பெண் சடலம்
அம்பத்தூர் டன்லப் மைதானத்தின் அருகே பாழடைந்த கட்டிடத்தில் இறந்த நிலையில் பெண் ஒருவரின் சடலத்தை போலீசார் மீட்டனர். கும்பகோணத்தை சேர்ந்த அந்த பெண்ணும், பெரம்பூரைச் சேர்ந்த ராஜா என்பவரும் பல்மருத்துவமனையில் வேலை பார்த்து வந்துள்ளனர். பெண்ணின் கணவர், குழந்தையுடன் பேசக்கூடாது என்று ராஜா கண்டிப்புடன் சொல்லியிருக்கிறார். இதில் கள்ள ஜோடிக்கு தகராறு முற்றி, ஆத்திரமடைந்த ராஜா, பெண்ணை கொலை செய்துள்ளார்.
Featured News
Sorry, no posts matched your criteria.