India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thenilgiris
News July 30, 2024
தேசிய கால்பந்து: குன்னூர் சிறுவன் தேர்வு
நீலகிரி மக்கள் கிரிக்கெட் போன்ற விளையாட்டை விட கால்பந்து விளையாட்டில் மிகுந்த ஆர்வம் காட்டி விளையாடி வருகிறார்கள். இந்த நிலையில் தும்மனட்டி அருகே டி.மணியட்டியை சேர்ந்த குமார் என்பவரது மகன் தீக்சித் (15) தற்போது சத்தீஷ்கரில் நடந்து வரும் தேசிய ஜூனியர் கால்பந்து சாம்பியன்ஷிப் போட்டியில் விளையாட தேர்வு செய்யப்பட்டுள்ளார்.
News July 29, 2024
பள்ளி மேலாண்மைக்குழு மறுகட்டமைப்பு ஆயத்த கூட்டம்
உதகையில் மாவட்ட ஆட்சியர் அலுவலக அரங்கில் மாவட்ட பள்ளி கல்வி துறையின் சார்பில் பள்ளி மேலாண்மைக்குழு மறுகட்டமைப்பு ஆயத்த கூட்டம் இன்று நடைபெற்றது. இந்த கூட்டம் மாவட்ட ஆட்சி தலைவர் லட்சுமி பவ்யா தண்ணீரு தலைமையில் நடைபெற்றது. இதில், மாவட்ட முதன்மை கல்வி அலுவலர் கீதா மற்றும் மாவட்ட கல்வி அலுவலர்கள், உதவி கல்வி அலுவலர்கள் கலந்து கொண்டனர்.
News July 29, 2024
கூடலூர் – உதகை சாலையில் மண் சரிவு
கூடலூர் – உதகை தேசிய நெடுஞ்சாலை தவளை மலை பகுதியில் சற்று முன் (ஜூலை 29) மண் சரிவு ஏற்பட்டுள்ளதால் போக்குவரத்து பாதிப்பு ஏற்பட்டுள்ளது. இந்த சாலை சீரமைக்க பல மணி நேரம் ஆக வாய்ப்புள்ளதாக கூறப்படுகிறது. இதனால், உதகை – கூடலூர் சாலையில் இரவு நேரத்தில் பேருந்து மற்றும் வாகனங்கள் செல்ல முடியாத சூழ்நிலை நிலவி வருகிறது.
News July 29, 2024
பணியாளர்களுக்கு நலவாரிய அட்டை வழங்கிய கலெக்டர்
நீலகிரி மாவட்டத்தில் வாரந்தோறும் திங்கட்கிழமை அன்று பொது மக்களிடம் குறை கேட்கும் நிகழ்வு நடைபெறுவது வழக்கமான ஒன்றாகும். அந்தவகையில் இன்று மாவட்ட ஆட்சியர் லட்சுமி பவ்யா பொதுமக்களிடம் இருந்து மனுக்களை பெற்றார். பின்னர், கிருஸ்துவ தேவாலயங்களில் பணியாற்றும் 21 பணியாளர்களுக்கு நலவாரிய அட்டைகளை வழங்கினார். அப்போது துறை அதிகாரிகள் உடனிருந்தனர்.
News July 29, 2024
முன்னாள் எம்.பி மறைவு: பொன். ராதாகிருஷ்ணன் நேரில் ஆறுதல்
மறைந்த நீலகிரி மக்களவை தொகுதி முன்னாள் பாஜக உறுப்பினர் மாஸ்டர் மதன் குடும்பத்தினரை இன்று (29.07.24) பாஜக முன்னாள் அமைச்சர் பொன். ராதாகிருஷ்ணன் நேரில் சந்தித்து ஆறுதல் கூறினார். பின்னர் அவரது திருவுருவ படத்திற்கு மாலை அணிவித்து மரியாதை செலுத்தினார். இதையடுத்து மாஸ்டர் மதனின் மனைவி மற்றும் மகன்களிடம் கலந்துரையாடினர்.
News July 29, 2024
சவுக்கு சங்கருக்கு 24 மணி நேர போலீஸ் காவல்
நீலகிரி மாவட்டம் ஊட்டி புதுமந்து இன்ஸ்பெக்டர் அல்லிராணி கொடுத்த புகாரின் பேரில் ஊட்டி கோர்ட்டில் பிரபல யூடியூபர் சவுக்கு சங்கர் இன்று ஆஜர் படுத்தப்பட்டார். அவரை 5 நாள் காவலில் வைத்து விசாரிக்க அனுமதி கேட்ட நிலையில், நீதிபதி தமிழினியன் 24 மணி நேரம் மட்டும் காவலில் வைத்து விசாரிக்க அனுமதி அளித்தார். மேலும், 4 மணி நேரத்திற்கு ஒரு முறை அவரது வக்கீலை சந்திக்கவும் அனுமதி வழங்கி உத்தரவிட்டார்.
News July 29, 2024
முன்னாள் எம்.பி. மறைவு: பாஜக நிர்வாகி நேரில் ஆறுதல்
பாரதிய ஜனதா கட்சியின் மாநில செயற்குழு உறுப்பினரும், ஹட்கோ (HUDDCO) இயக்குனருமான சபிதா போஜன், மறைந்த நீலகிரி முன்னாள் மக்களவை தொகுதி உறுப்பினர் மாஸ்டர் மதன் இல்லத்திற்கு இன்று (29.7.24) நேரில் சென்று அவரது திருவுருவ படத்திற்கு மாலை அணிவித்து மரியாதை செலுத்தினார். பின்னர் அவரது மனைவி மற்றும் மகன்களிடம் துக்கம் விசாரித்து ஆறுதல் கூறினார்.
News July 29, 2024
நீலகிரி காவல் துறை சார்பில் விழிப்புணர்வு
நீலகிரியில் காவல் துறையினர் சார்பில் மாணவர்கள், தொழிலாளர்கள், பொதுமக்கள் உள்ளிட்டோருக்கு போதை, போக்குவரத்து, போக்சோ பற்றிய விழிப்புணர்வு ஏற்படுத்தப்பட்டு வருகிறது. இந்நிலையில் நேற்று (28-ம் தேதி) கீழ்கோத்தகிரியில் போலீஸ் எஸ்.பி.சுந்தரவடிவேல் பொதுமக்கள் மத்தியில் விழிப்புணர்வு உரை நிகழ்த்தினார். இதில் டி.எஸ்.பி.குமார், இன்ஸ்பெக்டர் ஜெயமுருகன் ஆகியோர் பங்கேற்றனர்.
News July 29, 2024
சிம்ஸ் பூங்காவில் பெர்சிமன் பழ சீசன் ஆரம்பம்
குன்னூர் சிம்ஸ் பூங்காவில் ‘பெர்சிமன்’ என்று அழைக்கப்படும் ஜப்பான் நாட்டின் தேசிய பழ விளைச்சல் தொடங்கியுள்ளது. சிம்ஸ் பூங்கா அருகே உள்ள பழ பண்ணையில் பெர்சிமன் விற்பனை தொடங்க உள்ளது. இந்நிலையில் நீலகிரி மாவட்டத்திற்கு வரும் சுற்றுலா பயணிகள் பெர்சிமன் பழங்களை பண்ணையில் இருந்து வாங்கிச் செல்லலாம் என தோட்டக்கலைத்துறை தெரிவித்துள்ளது.
News July 29, 2024
சவுக்கு சங்கர் ஊட்டி கோர்ட்டில் ஆஜர்
பெண் போலீசாரை பற்றி தவறாக பேசியதாக பிரபல யூடியூபர் சவுக்கு சங்கர் மீது வழக்குகள் நடந்து வருகின்றன. இந்நிலையில் ஊட்டி புதுமந்து காவல் நிலைய ஆய்வாளர் அல்லி ராணி, சவுக்கு சங்கர் மீது புகார் கொடுத்திருந்தார். அதன் பேரில் ஊட்டி கோர்ட் நீதிபதி தமிழினியன் முன்பு யூடியூபர் இன்று (29.7.24) ஆஜர் படுத்தப் பட்டார்.
Featured News
Sorry, no posts matched your criteria.