India's largestHyperlocal short
news App
Get daily news updates that are tailored for you based on your preferred language & location.
download Way2News app now
Theni
News December 12, 2024
குகேஷ்-க்கு வாழ்த்து தெரிவித்த ஓபிஎஸ்
சிங்கப்பூரில் நடைபெற்ற உலக செஸ் சாம்பியன்ஷிப் போட்டியில் தமிழ்நாட்டைச் சேர்ந்த குகேஷ் வெற்றி பெற்றார். சிறுவயதிலேயே சாம்பியன் பட்டத்தை வென்றுள்ளதற்கு எனது பாராட்டுகளை தெரிவித்துக் கொள்கிறேன் என முன்னாள் முதல்வரும் போடிநாயக்கனூர் எம்எல்ஏவுமான ஓ.பன்னீர் செல்வம் தனது வாழ்த்துக்களை தெரிவித்துள்ளார். மேலும் பல சாதனை படைக்கவும் தனது வாழ்த்துக்களை தெரிவிக்கிறேன் என அவர் தெரிவித்துள்ளார்.
News December 12, 2024
முன்னாள் படை வீரர்களுக்கான சிறப்பு குறைதீர் கூட்டம்
தேனி மாவட்டம் முன்னாள் படை வீரர்கள் மற்றும் படையில் பணி புரிபவர்கள் சார்ந்தோருக்கான சிறப்பு குறைதீர் கூட்டம் வரும் டிசம்பர் 16ஆம் தேதி மாவட்ட ஆட்சியர் அலுவலக கூட்டரங்கில் நடைபெற இருக்கிறது. இதில் முன்னாள் படை வீரர்கள் கலந்து கொண்டு தங்களது குறைகள் குறித்த மனுவினை வழங்கி பயன் பெற்றுக் கொள்ளலாம் என மாவட்ட ஆட்சித் தலைவர் ஷஜீவனா இன்று (டிச.12) தெரிவித்துள்ளார்.
News December 12, 2024
பெரியார் நூற்றாண்டு நிறைவு விழா – தேனி எம்.பி புகழாரம்
சனாதனக் கொடுமைகளிலிருந்து மீண்டெழ அடித்தளமிட்ட வைக்கம் போராட்டத்தின் நூற்றாண்டு நிறைவு விழா இன்று. தாழ்த்தப்பட்டோர் தெருக்களில் நடப்பதற்குத் தடை விதித்ததற்காக ஆரம்பித்த போராட்டம், இன்று கோவில் கருவறை வரை சென்று அர்ச்சனை செய்யும் அளவிற்கு உரிமைகளைப் பெற்றுள்ளோம். இது தந்தை பெரியாருக்கும், திராவிட இயக்கத்திற்கும் கிடைத்த மாபெரும் வெற்றி என தேனி எம்.பி தங்கத்தமிழ்ச் செல்வன் தெரிவித்துள்ளார்.
News December 12, 2024
தேனிக்கு நாளை கனமழை – வானிலை மையம்
தென் தமிழக மாவட்டங்களில் நாளை (டிச.13) கனமழைக்கு வாய்ப்புள்ளதாக சென்னை வானிலை ஆய்வு மைய இயக்குநர் பாலச்சந்திரன் தெரிவித்துள்ளார். சென்னையில் தற்போது செய்தியாளர்களைச் சந்தித்து வரும் அவர்; சிவகங்கை, மதுரை, தேனி ஆகிய மாவட்டங்களில் ஓரிரு இடங்களில் நாளை கனமழை பெய்யும் என்றும், மன்னார் வளைகுடா, குமரிக்கடல் பகுதிகளில் மணிக்கு 45 கி.மீ வேகத்தில் காற்று வீசக்கூடும் என்றும் தெரிவித்துள்ளார்.
News December 12, 2024
நடிகர் ரஜினிகாந்த்க்கு தேனி எம்.பி வாழ்த்து
இன்று(டிச.12) 74வது பிறந்தநாள் காணும், தமிழ் திரையுலகில் மட்டுமின்றி உலகமெங்கும் உள்ள மக்களின் மனதில் தனித்த இடத்தைப் பிடித்துள்ள சூப்பர்ஸ்டார் ரஜினிகாந்த் அவர்களுக்கு தனது இதயம் கனிந்த பிறந்தநாள் நல்வாழ்த்துகளை தெரிவித்துக் கொண்டு மேலும் அவர்கள் நீண்ட ஆயுளோடு திரையுலகில் பல சாதனைகளை படைக்க வேண்டும் என தேனி நாடாளுமன்ற உறுப்பினர் தங்க. தமிழ்ச்செல்வன் சமூக வலைத்தளங்களில் தெரிவித்துள்ளார்.
News December 12, 2024
கபீா் புரோஸ்காா் விருதுக்கு விண்ணப்பிக்கலாம்
தேனி: குறிப்பிட்ட ஜாதி, இனத்தை சேர்ந்தவர்கள் பிற ஜாதி, இனத்தை சோ்ந்தவா்களையோ, அவா்களது உடமைகளையோ ஜாதி, வகுப்பு கலவரத்தின் போது அல்லது வன்முறை சம்பவங்களின் போது காப்பாற்றியது வெளிப்படையாக தெரிந்தால் அவர்களை பாராட்டும் வகையில் அரசு சாா்பில் கபீா் புரோஸ்காா் விருது வழங்கப்படுகிறது. இதனை பெற தகுதியுள்ளவர்கள் இணையதளம் மூலம் வரும் டிச.15-ம் தேதிக்குள் விண்ணப்பிக்கலாம் என மாவட்ட நிர்வாகம் தகவல்
News December 12, 2024
தேனி: கலெக்டர் அலுவலகம் எதிரே ரயில் நிறுத்தம் அமைக்கும் பணி
தேனியில் இரயில்வே மீட்டர் கேஜ் பாதையாக இருந்த பொழுது தேனி கலெக்டர் அலுவலகம் எதிரே ரயில்வே பிளாட்பாரம் அமைக்கப்பட்டிருந்தது. அகல ரயில்பாதை பணியில் அந்த பிளாட்பாரம் அகற்றப்பட்டது. பொதுமக்கள் பலரும் கோரிக்கை வைத்த நிலையில் தற்பொழுது தெற்கு ரயில்வே நிர்வாகம் இங்கு மீண்டும் பிளாட்பாரம் அமைக்கும் பணியை மேற்கொண்டுள்ளது. இதற்கான பணி 2025 மார்ச் மாதம் நிறைவு பெறும் என தெரிவிக்கப்பட்டுள்ளது.
News December 12, 2024
தேனி: தனியார் துறை வேலைவாய்ப்பு முகாம்
தேனி வேலைவாய்ப்பு, தொழில்நெறி வழிகாட்டும் மையத்தில் வருகிற டிச.20ஆம் தேதியன்று தனியார் துறை சார்பில் வேலைவாய்ப்பு முகாம் நடைபெற உள்ளது. இதில் தேனி மாவட்டத்தில் உள்ள பல்வேறு தனியார் நிறுவனங்கள் பங்கேற்று பணியாளா்களை தோ்வு செய்ய உள்ளனர். மேலும் விவரங்களுக்கு 04546-254510, கைபேசி எண்: 76959 73923 ஆகியவற்றில் தொடர்பு கொண்டு தெரிந்து கொள்ளலாம் என மாவட்ட நிர்வாகம் சார்பில் தெரிவிக்கப்பட்டுள்ளது.
News December 12, 2024
மாவட்ட இரவு நேர ரோந்து காவலர்கள் விவரம் வெளியீடு
தேனி மாவட்டத்தில் இன்று 11.12.2024 இரவு 10 மணி முதல் காலை 6 மணி வரை இரவு ரோந்து பணிக்கு நியமிக்கப்பட்ட அதிகாரிகள் மற்றும் அவர்களை தொடர்பு கொள்ள வேண்டிய உதவி எண்களை மாவட்ட காவல்துறை நிர்வாகம் தெரிவித்துள்ளது. தேவையுள்ளவர்கள் அந்தந்த உட்கோட்ட காவல் அதிகாரிகளை தொடர்பு கொண்டு பயனடையலாம் எனவும் தெரிவித்துள்ளது.
News December 11, 2024
கைலாசநாதர் கோவில் கார்த்திகை தீப திருவிழா சிறப்பு ஏற்பாடு
தேனி, பெரியகுளம் அருகே மலைமேல் கைலாசநாதர் உடனுறை பெரியநாயகி அம்மன் திருக்கோவிலில் நாளை மறுநாள் 24ஆம் ஆண்டு மகா கார்த்திகை தீபத் திருவிழா நடைபெற உள்ளது. திருவிழாவில் பக்தர்கள் கலந்து கொள்வதற்கு ஏதுவாக முழுநேர அன்னதானம், ஆண்,பெண் தனி கழிப்பிட வசதி, சிறப்பு பேருந்துகள் வசதிகள் என பல்வேறு ஏற்பாடுகள் செய்துள்ளனர். இதற்கான ஏற்பாடுகளை அன்பர் பணி செய்யும் பராமரிப்பு குழு நிர்வாகிகள் செய்து வருகின்றனர்.
Featured News
Sorry, no posts matched your criteria.