India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thanjavur
News March 22, 2024
தஞ்சாவூர் திமுகவில் உட்கட்சி பூசல்?
தஞ்சை மாவட்ட திமுகவில் உட்கட்சி பூசல் தீவிரம் அடைந்திருப்பதால், மு.மத்திய அமைச்சரும் தற்போதைய எம்பியுமான பழனி மாணிக்கத்திற்கு 2024 மக்களவை தேர்தலில் வாய்ப்பு மறுக்கப்பட்டுள்ளதாக கூறப்படுகிறது. இதை தொடர்ந்து, இந்த தேர்தலில் திமுக தஞ்சை தொகுதி வேட்பாளராக வடக்கு ஒன்றிய செயலாளர் முரசொலியை திமுக தலைமை அறிவித்துள்ளது. இதனால் பழனி மாணிக்கம் ஆதரவாளர்கள் அதிருப்தியில் இருப்பதாக செய்திகள் வெளியாகியுள்ளது.
News March 21, 2024
தஞ்சாவூர்: திமுகவில் உட்கட்சி பூசல்?
தஞ்சாவூர் மாவட்ட திமுகவில் கோஷ்டி பூசல் தீவிரம் அடைந்திருப்பதால், முன்னாள் மத்திய அமைச்சர் பழனி மாகாணத்திற்கு தலைமையால் சீட்டு மறுக்கப்பட்டுள்ளது. மக்களவை தேர்தலுக்கு தஞ்சை திமுக வேட்பாளராக தஞ்சை வடக்கு ஒன்றிய செயலாளர் முரசொலி என்பவரை திமுக தலைமை அறிவித்துள்ளது. பழனி மாணிக்கம் ஆதரவாளர்கள் கடும் அதிருப்தியில் இருப்பதாக செய்திகள் வெளியாகியுள்ளது.
News March 21, 2024
தஞ்சாவூர்: மூத்த குடிமக்களுக்கு 12 D படிவம்
மக்களவை தேர்தலை முன்னிட்டு வாக்கு சாவடிக்கு நேரில் வர இயலாத வாக்காளர்களுக்கான 12D க்கான படிவத்தினை தஞ்சாவூர் மாநகராட்சி பகுதியில் உள்ள வங்கி ஊழியர் காலணியில் வசிக்கும் 88 வயது மூத்த குடிமகன் சீனிவாசன் என்பவருக்கு ஆட்சியர் தீபக் ஜேக்கப் இன்று வழங்கினார்.
உடன் கோட்டாட்சியர் இலக்கியா, வட்டாட்சியர் அருள்ராஜ் மற்றும் பலர் இருந்தனர்.
News March 21, 2024
தஞ்சாவூர்: ஆட்சியர் முதல் கையெழுத்து
தஞ்சையில் வாக்காளர் விழிப்புணர்வு பேரணி நடைபெற்றது. வாக்காளர் என்பதில் பெருமைப்படுங்கள் , வாக்களித்து ஜனநாயகததை காப்பாற்றுங்கள் என எழுதப்பட்ட பலகையில் மாவட்ட ஆட்சியர் தீபக் ஜேக்கப், ஆணையர் மகேஷ்வரி, கோட்டாட்சியர் இலக்கியா மற்றும் கல்லூரி மாணவ, மாணவிகள் கையெழுத்து இட்டனர். பின்னர் தொடங்கிய பேரணியை இன்று மாவட்ட ஆட்சியர் தீபக் ஜேக்கப் கொடியசைத்து துவக்கி வைத்தார்.
News March 21, 2024
தஞ்சாவூர்: இளைஞர் கொலை… அதிரடி தீர்ப்பு
திருவிடைமருதூர் தாலூகா ஆவணியாபுரத்தில் இன்ஜினியரிங் மாணவர் முஹம்மது முன்தஸிரை (19), காதல் விவகாரத்தில் நண்பர்களே கொலை செய்த சம்பவம் பெரும் பரபரப்பை ஏற்படுத்தியது. இந்த கொலை வழக்கில் இஜாஸ் அகமது (20), ஜலாலுதீன் (19), சிறுவன் உட்பட 3 பேர் கைது செய்யப்பட்டனர். இந்நிலையில் கொலை வழக்கில் இஜாஸ் அகமது, ஜலாலூதின் ஆகியோருக்கு இன்று ஆயுள் தண்டனை விதிக்கப்பட்டது.
News March 21, 2024
தஞ்சாவூர் தொகுதியின் புதிய திமுக வேட்பாளர்
திமுக-வில் தஞ்சாவூர் தொகுதியில் 1996ஆம் ஆண்டிலிருந்து ஆறு தேர்தல்களாக தொடர்ந்து வெற்றி பெற்று வருபவர் பழனிமாணிக்கம். இந்த முறையும் அவருக்கே வாய்ப்புக் கிடைக்கும் என எதிர்பார்த்த நிலையில், புதுமுகமான முரசொலியைக் களமிறக்கியிருக்கிறது திமுக தலைமை. முரசொலி, 2014 முதல் 20 வரை திமுக-வின் பொதுக்குழு உறுப்பினராக இருந்தார். 2022இல் இருந்து தஞ்சாவூர் வடக்கு ஒன்றியச் செயலாளராக உள்ளார்.
News March 21, 2024
தஞ்சாவூர்: முதியோர், மாற்றுத் திறனாளிகள் கவனத்திற்கு!
தமிழ்நாட்டில் மக்களவைத் தேர்தல் ஏப்ரல் 19ம் தேதி நடைபெறவுள்ள நிலையில், முதியோர்கள்(85 வயதிற்கு மேற்பட்ட) மற்றும் மாற்றுத்திறனாளிகள் வீட்டிலிருந்தே வாக்களிக்கும் வகையில் தபால் வாக்கு வசதி ஏற்படுத்தப்பட்டுள்ளது. அதன்படி, பகுதி வாக்குச்சாவடி அலுவலரிடம் படிவம் 12D-ஐ பெற்று பூர்த்திசெய்து மார்ச் 24ம் தேதிக்குள் சமர்ப்பிக்குமாறு அறிவுறுத்தப்பட்டுள்ளது.
News March 21, 2024
தஞ்சையில் மழைக்கு வாய்ப்பு
தஞ்சாவூர் மாவட்டத்தில் இன்று(மார்ச் 21) மழைக்கு வாய்ப்புள்ளதாக சென்னை வானிலை ஆய்வு மையம் அறிவித்துள்ளது. அடுத்த 3 மணி நேரத்தில், தஞ்சாவூர், திருவள்ளூர், நாகை, திருவாரூர், புதுக்கோட்டை, ராமநாதபுரம் ஆகிய 6 மாவட்டங்களில் லேசான மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது. வெயில் வாட்டி வதைத்து வரும் நிலையில் இந்த மழை குளுமையை ஏற்படுத்தும்.
News March 21, 2024
தஞ்சை: 6 முறை எம்பியாக இருந்தவருக்கு வாய்ப்பு மறுப்பு!
2024 மக்களவை தேர்தலில், தஞ்சாவூர் தொகுதிக்கு திமுக சார்பில் புதுமுக வேட்பாளராக அறிவிக்கப்பட்டுள்ள முரசொலி, இளங்கலை பட்டப் படிப்பும், இளங்கலை சட்டப்படிப்பும் முடித்துள்ளார். கடந்த 2019 மக்களவை தேர்தலில் திமுக சார்பில் போட்டியிட்டு வெற்றி பெற்ற பழனி மாணிக்கம் எம்பிக்கு வாய்ப்பு வழங்கப்படவில்லை. இவர் 6 முறை போட்டியிட்டு வென்று எம்பியானது குறிப்பிடத்தக்கது.
News March 20, 2024
தஞ்சாவூரில் முதல்வர் ஸ்டாலின்
நாடாளுமன்ற தேர்தல் அடுத்த மாதம் ஏப்ரல்19ம் தேதி நடைபெறவுள்ளது. இதனையடுத்து அரசியல் கட்சிகள் பிரச்சாரத்தை தீவிரப்படுத்தியுள்ளனர். இந்நிலையில் திமுக தலைவர் மு.க.ஸ்டாலின் மார்ச் 22 ஆம் தேதி முதல் ஏப்ரல் 17 ஆம் தேதி வரை மேற்கொள்ளவுள்ள தேர்தல் பரப்புரை சுற்றுப்பயணம் வெளியிடப்பட்டுள்ளது. அதில் மார்ச் 23ம் தேதி தஞ்சையில் பிரச்சாரம் செய்யவுள்ளார்.
Featured News
Sorry, no posts matched your criteria.