India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News August 7, 2024
இரவு 7 மணி வரை மழைக்கு வாய்ப்பு
தமிழ்நாட்டின் கடலோரப் பகுதிகளின் மேல் நிலவும் வளிமண்டல கீழடுக்கு சுழற்சி காரணமாகவும், மேற்கு திசை காற்றின் வேக மாறுபாடு காரணமாகவும் தமிழ்நாட்டில் பரவலாக மழை பெய்துள்ளது. இதனால் பல்வேறு பகுதிகளில் மழைநீர் குளம்போல தேங்கியுள்ளது. இந்நிலையில் இன்று(ஆக.7) சிவகங்கை உள்ளிட்ட 14 மாவட்டங்களில் இரவு 7 மணி வரை இடி,மின்னலுடன் கூடிய மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது.
News August 7, 2024
தேர்தல் மாறுதலால் காவலர்கள் அதிருப்தி
சிவகங்கை மாவட்டத்தில் மக்களவைத் தேர்தலின் போது செந்த உட்கோட்டத்தில் பணிபுரிந்த காவலர்கள் வேறு உட்கோட்டத்திற்கு இடமாற்றம் செய்யப்பட்டனர். பின்னர் தேர்தல் முடிந்தவுடன் காவலர்கள் மீண்டும் பழைய உட்கோட்டங்களுக்கே இடமாற்றம் செய்யப்பட்டனர். ஆனால் சிவகங்கை மாவட்டத்தில் மட்டும் போலீசார் இடமாற்றம் செய்யப்படவில்லை. இதனால் இடமாற்றம் கேட்டு போலீசார் எஸ்பி அலுவலகத்துக்கு அலைந்து வருகின்றனர்.
News August 7, 2024
தேசிய குத்துச்சண்டை போட்டியில் சிவகங்கை மாணவர்
தேசிய அளவிலான குத்துச்சண்டை போட்டிக்கு சிவகங்கை மாணவா் தகுதி பெற்றார். வேலூர் மாவட்டம், தக்கோலம் பகுதியில் கடந்த 1ஆம் தேதி முதல் 3ஆம் தேதி வரை இந்தப் போட்டி நடைபெற்றது. இதில் மதுரை கேந்திர வித்யாலயா பள்ளியில் 10ஆம் வகுப்பு பயிலும் மாணவர் பிரணவ் குமார் 17 வயதுக்குட்பட்டோருக்கான 50 முதல் 52 கிலோ எடைப் பிரிவில் பங்கேற்று, முதலிடம் பெற்றார். இதன் மூலம் தேசிய அளவிலான போட்டியில் பங்கேற்க உள்ளார்.
News August 7, 2024
திருப்புவனம் விவசாயிகளுக்கு வனத்துறை அறிவிப்பு
தமிழ்நாடு அரசு வனத்துறை மூலம் தேக்கு, மகாகோனி, செம்மரம், வேங்கை, ரோஸ்வுட் மரக்கன்றுகள் திருப்புவன வட்டார விவசாயிகளுக்கு இலவசமாக வழங்க ஏற்பாடு செய்யப்பட்டுள்ளது. ஒரு விவசாயிக்கு அதிகபட்சம் 400 மரக்கன்றுகள் வழங்கப்படும். விவசாயிகள் பயன்படுத்திக் கொள்ளலாம் என்று வனச்சரக அலுவலர் அ. தாஹிர்அலி தெரிவித்துள்ளார்.
News August 6, 2024
சிவகங்கையில் விளையாட்டு வீரர்களுக்கு அறிவிப்பு
சிவகங்கை மாவட்டத்தில் செப்டம்பர் மற்றும் அக்டோபர் மாதங்களில், 5 பிரிவுகளில் மாவட்ட/மண்டல மற்றும் மாநில அளவில் 2024 ஆம் ஆண்டிற்கான தமிழ்நாடு முதலமைச்சர் கோப்பைக்கான விளையாட்டுப் போட்டிகள் நடைபெற உள்ளன. இதில், பங்கேற்க வருகின்ற 25.08.2024 ஆம் தேதிக்குள் https://sdat.tn.gov.in/ என்ற இணையதள முகவரியின் வாயிலாக விண்ணப்பிக்கலாம் என மாவட்ட ஆட்சியர் ஆஷா அஜீத் தகவல் தெரிவித்துள்ளார்.
News August 6, 2024
சிவகங்கையில் வேலைவாய்ப்பு முகாம்
சிவகங்கை மாவட்ட வேலை வாய்ப்பு மற்றும் தொழில்நெறி வழிகாட்டு மையத்தில் ஆக.9 அன்று காலை 10.30 மணிக்கு தனியார் துறை வேலை வாய்ப்பு நடைபெற உள்ளது. இதில் 10 ஆம் வகுப்பு, ஐடிஐ. டிம்ளமோ, பட்டப்படிப்பு படித்த இளைஞர்கள் தங்களது கல்விச்சான்று, குடும்ப அட்டை, ஆதார் அட்டை, வேலைவாய்ப்பு அடையாள அட்டையுடன் கலந்து கொள்ளலாம் என ஆட்சியர் அஷா அஜீத் தெரிவித்துள்ளார்.
News August 6, 2024
நியாய விலைக்கடையில் துவரம் பருப்பு, பாமாயில்
சிவகங்கை மாவட்டத்தில் உள்ள 881 நியாய விலைக்கடைகளிலும் ஜூலை மாதத்திற்குரிய துவரம் பருப்பு மற்றும் பாமாயில் பாக்கெட்டுகள் பெறாத குடும்ப அட்டைதாரர்களுக்கு ஆகஸ்ட் மாதம் முழுவதும் வழங்க உத்தரவிடப்பட்டுள்ளது. குடும்ப அட்டைதாரர்கள் ஆகஸ்ட் மாதம் முழுவதும் நியாய விலைக்கடைகளில் பருப்பு மற்றும் பாமாயில் பெற்றுக்கொள்ளலாம் என மாவட்ட ஆட்சியர் ஆஷா அஜீத் தெரிவித்துள்ளார்.
News August 6, 2024
கார்த்திக் சிதம்பரத்திற்கு எதிராக காங்கிரசார் புகார்
சிவகங்கையில் நடைபெற்ற மாவட்ட காங்கிரஸ் கமிட்டி செயற்குழுக் கூட்டத்துக்கு கட்சி நிர்வாகிகள் பலரை அழைக்கவில்லை என குற்றம்சாட்டி கார்த்தி சிதம்பரத்திற்கு எதிராக சென்னை சத்தியமூர்த்தி பவனில் நூற்றுக்கணக்கானோர் கோஷமிட்டதால் திடீர் பரபரப்பு ஏற்பட்டது. இதுபற்றி கார்த்தி சிதம்பரம், ‘எனக்கு எதிராகப் புகார் கொடுத்தது பற்றி தெரியாது. இதைப்பற்றி எனக்கு ஒரு கருத்தும் கிடையாது’ என தெரிவித்தார்.
News August 5, 2024
குறைதீர் கூட்டத்தில் 375 மனுக்கள் பெறப்பட்டன
சிவகங்கை ஆட்சியர் அலுவலகத்தில் இன்று மக்கள் குறைதீர்க்கும் நாள் கூட்டம் மாவட்ட ஆட்சியர் ஆஷா அஜித் தலைமையில் நடைபெற்றது. இதில் இலவச வீட்டு மனை பட்டா, சமூக பாதுகாப்பு திட்டத்தின் கீழ் உதவித்தொகை, மாவட்ட ஊனமுற்றோர் மற்றும் மறுவாழ்வுத்துறை உதவித்தொகை போன்ற பல்வேறு கோரிக்கைகளை வலியுறுத்தி 375 மனுக்கள் பெறப்பட்டன. அம்மனுக்கள் மீது உடனடி நடவடிக்கை எடுக்க அலுவலர்களுக்கு மாவட்ட ஆட்சியர் உத்தரவிட்டார்.
News August 5, 2024
சுற்றுலா விருதுக்கு விண்ணப்பிக்க அழைப்பு
உலக சுற்றுலா தினத்தில் விருதுகள் பெற சுற்றுலா தொழில் முனைவோர் விண்ணப்பிக்கலாம் என மாவட்ட ஆட்சியர் ஆஷா அஜித் தெரிவித்துள்ளார். இதற்கு தகுதியும் விருப்பமும் உள்ளவர்கள் www.tntourismawards.com என்ற இணையதளத்தில் ஆக.20 க்குள் விண்ணபிக்க வேண்டும். மேலும் விவரங்களுக்கு மாவட்ட சுற்றுலா அலுவலர் அல்லது 89398 96400 என்ற எண்ணில் தொடர்பு கொள்ளலாம்.
Featured News
Sorry, no posts matched your criteria.