India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News October 7, 2024
சேலம் மாவட்ட இளைஞர்களுக்கு வேலைவாய்ப்பு!
சேலம் மாவட்டத்தில் Way2News நிறுவனத்தின் ‘மார்கெட்டிங் எக்ஸிகியூட்டிவ்’ ஆக பணிபுரிய ஆட்களை தேர்வு செய்ய உள்ளோம். 10ஆம் வகுப்பு முதல் பட்டப்படிப்பு படித்தவர்கள் வரை விண்ணப்பிக்கலாம். இதற்கு மாத ஊதியமாக ரூ.18,000 வரை வழங்கப்படும். விருப்பமுள்ளவர்கள் 9965860996, 6382786648, 9791731249 ஆகிய எண்களை தொடர்பு கொள்ளவும்.
News October 7, 2024
சேலத்தில் இபிஎஸ் பேட்டி
மிகப்பெரிய கால்நடை பூங்கா அதிமுக ஆட்சியில் கொண்டு வரப்பட்டது. அதற்கு தேவையான தண்ணீருக்காக தனி குடிநீர் திட்டம் கொண்டு வந்தோம். அதனை சிப்காட் தொழிற்சாலைக்கு கொண்டு செல்வது சரியா? கால்நடைப் பூங்காவிற்காக தண்ணீரை சிப்காட்டுக்கு கொண்டு செல்வதை ஏற்க மாட்டோம். சட்டரீதியாக சந்திப்போம் அதிமுக ஆட்சி வரும்போது இதனை ரத்து செய்வோம் என்று சேலத்தில் அதிமுக பொதுச்செயலாளர் இபிஎஸ் இன்று பேட்டியளித்தார்.
News October 7, 2024
மேட்டூர் அணைக்கு நீர்வரத்து 15,000 கன அடியாக அதிகரிப்பு
இன்று (அக்.07) காலை நிலவரப்படி, மேட்டூர் அணைக்கான நீர்வரத்து வினாடிக்கு 12,713 கனஅடியிலிருந்து 15,710 கனஅடியாக அதிகரித்துள்ளது. அணையின் நீர்மட்டம் 92.58 அடியாக உள்ள நிலையில், நீர் இருப்பு 55.64 டி.எம்.சி.யாக உள்ளது. அணையிலிருந்து காவிரி டெல்டா பாசனத்திற்கு வினாடிக்கு 15,000 கனஅடியும், கிழக்கு, மேற்கு கால்வாய் பாசனத்திற்கு 800 கனஅடி நீரும் வெளியேற்றப்படுகிறது.
News October 7, 2024
சேலத்தில் உதவித்தொகை: விண்ணப்பிக்க அழைப்பு
அகவை முதிர்ந்த தமிழறிஞர்களுக்கு உதவித் தொகைக்கான விண்ணப்பத்தை மண்டல தமிழ் வளர்ச்சித் துணை இயக்குநர்/ உதவி இயக்குநர் அலுவலகத்திலேயே நேரடியாகப் பெற்றுக் கொள்ளலாம் (or) www.tamilvalarchithurai.tn.gov.inஇல் பதிவிறக்கம் செய்து கொள்ளலாம். விண்ணப்பங்களை சேலம் ஆட்சியர் அலுவலகத்தில் உள்ள மண்டலத் தமிழ் வளர்ச்சித் துணை இயக்குநர் அலுவலகத்தில் அக்.31-க்குள் அளிக்க வேண்டும் என கேட்டுக்கொள்ளப்பட்டுள்ளது.
News October 7, 2024
சேலத்தில் Ex படைவீரர்கள் தொழில் தொடங்க கடனுதவி
முன்னாள் படைவீரர்கள் தொழில் தொடங்க “முதல்வரின் காக்கும் கரங்கள்” திட்டத்தின்கீழ் கடனுதவி பெறுவதற்கு விண்ணப்பித்து பயன்பெறலாம் என சேலம் ஆட்சியர் பிருந்தாதேவி தெரிவித்துள்ளார். விருப்பமுள்ள முன்னாள் படைவீரர்கள், கைம்பெண்கள் இத்திட்டத்தில் பயன்பெற சேலம் மாவட்ட முன்னாள் படைவீரர் நல அலுவலகத்தில் மனுவினை சமர்ப்பித்து பயன்பெறலாம்.
News October 6, 2024
ரூ.17.83 கோடி மதிப்பீட்டில் பயனாளிகளுக்கு கடனுதவிகள்!
சேலம் தொங்கும் பூங்கா பல்நோக்கு அரங்கில் கூட்டுறவுத்துறையின் சார்பில் இன்று (அக்.06) நடைபெற்ற விழாவில் கலந்து கொண்ட சுற்றுலாத்துறை அமைச்சர் ராஜேந்திரன் கலந்து கொண்டார். இதில் பயிர்க்கடன், மகளிர் சுயஉதவிக்குழு கடன், கல்விக்கடன் உள்ளிட்ட ரூ.17.83 கோடி மதிப்பீட்டில் பல்வேறு கடனுதவிகளைப் பயனாளிகளுக்கு வழங்கினார். விழாவில், ஆட்சியர், சேலம் எம்.பி., எம்.எல்.ஏ.க்கள் உள்ளிட்டோர் கலந்து கொண்டனர்.
News October 6, 2024
எடப்பாடிக்கு வருகை தரும் இபிஎஸ்
சேலம் மாவட்டம் எடப்பாடி பயணியர் மாளிகைக்கு நாளை தமிழக சட்டமன்ற எதிர்க்கட்சித் தலைவரும், அதிமுக பொதுச்செயலாளருமான எடப்பாடி கே.பழனிச்சாமி வருகை தர உள்ளதால் எடப்பாடி நகர கழக நிர்வாகிகள் ஒன்றிய கழக நிர்வாகிகள், வார்டு செயலாளர்கள், நகர மன்ற உறுப்பினர்கள், மகளிர் அணி நிர்வாகிகள் மற்றும் சார்பு பணி நிர்வாகிகள் கலந்து கொள்ள வேண்டும் என்று எடப்பாடி நகர செயலாளர் முருகன் அறிவித்துள்ளார்.
News October 6, 2024
மேட்டூர் அணைக்கு நீர்வரத்து அதிகரிப்பு
மேட்டூர் அணையில் இன்றைய நிலவரப்படி, நீர்வரத்து வினாடிக்கு 8,268 கன அடியிலிருந்து 12,713 கன அடியாக அதிகரித்துள்ளது. அணையின் நீர்மட்டம் 92.600 அடியாக உள்ள நிலையில், நீர் இருப்பு 55.673 டி.எம்.சி.யாக உள்ளது. அணையிலிருந்து பாசனத் தேவைக்காக வினாடிக்கு 15,000 கனஅடி தண்ணீரும், கிழக்கு, மேற்கு கால்வாய் பாசனத்திற்கு வினாடிக்கு 800 கனஅடி தண்ணீரும் வெளியேற்றப்படுகிறது.
News October 6, 2024
வெண்ணங்கொடி முனியப்பன் கோயிலில் தேங்கிய மழைநீர்
சேலம் மாவட்டத்தில் நேற்றிரவு இடி, மின்னலுடன் பெய்த கனமழை காரணமாக, ஜாகீர் அம்மாப்பாளையத்தில் அமைந்துள்ள பிரசித்திப் பெற்ற பழமை வாய்ந்த அருள்மிகு வெண்ணங்கொடி முனியப்பன் திருக்கோயிலில் மழைநீர் தேங்கியுள்ளது. குறிப்பாக, முனியப்பன் சிலைக்கு பாதியளவில் மழைநீர் தேங்கியுள்ளது. இது தொடர்பான புகைப்படங்கள் சமூக வலைதளங்களில் வேகமாக பரவி வருகிறது.
News October 6, 2024
செஸ் போட்டியில் கோப்பையை வென்ற மாணவி
சேலம் மாவட்ட அளவிலான செஸ் விளையாட்டுப் போட்டியில் கலந்து கொண்டு சிறப்பாக விளையாடிய சேலம் உடையாப்பட்டி கைலாஷ் மான்சரோவர் சிபிஎஸ்இ பள்ளியில் 5-ம் வகுப்பு பயிலும் மாணவி மோஷிகா, கோப்பையும் மற்றும் சான்றிதழையும் பெற்றார். மாணவிக்கு பள்ளியின் தலைமையாசிரியர், ஆசிரியர்கள் மற்றும் பள்ளி நிர்வாகத்தினர் உள்ளிட்டோர் வாழ்த்தும், பாராட்டும் தெரிவித்துள்ளனர்.
Featured News
Sorry, no posts matched your criteria.