India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News November 17, 2024
வாக்காளர் சிறப்பு முகாமை பார்வையிட்ட அமைச்சர்
சேலம் மாநகராட்சியின் கிச்சிப்பாளையம், 43- வது வார்டிற்குட்பட்ட புதுத்தெரு நகராட்சி உயர்நிலைப்பள்ளியில் இன்று (நவ.17) நடைபெற்று வரும் வாக்காளர் பட்டியலில் பெயர் சேர்ப்பு, நீக்கம் மற்றும் திருத்தம் பணிகளுக்கான சிறப்பு முகாமை திமுகவின் சேலம் மத்திய மாவட்டச் செயலாளரும், சுற்றுலாத்துறை அமைச்சருமான ராஜேந்திரன் நேரில் பார்வையிட்டார். இந்நிகழ்வின் போது, திமுக நிர்வாகிகள் உடனிருந்தனர்.
News November 17, 2024
சேலம் மாவட்டத்தில் இன்றைய நிகழ்வுகள்
1) சேலம் சின்னக்கடை வீதி அருள்மிகு ராஜகணபதி கோவிலில் காலை 10 மணிக்கு மணிமண்டபம் கட்டுவதற்கான பூமி பூஜையில் சுற்றுலாத்துறை அமைச்சர் பங்கேற்கிறார். 2). தமிழக முன்னாள் முதலமைச்சரும், சட்டமன்ற எதிர்க்கட்சித் தலைவரும், அதிமுக பொதுச் செயலாளருமான எடப்பாடி பழனிசாமிக்கு மேச்சேரியில் மாலை 3 மணிக்கு விவசாயிகள் சங்கம் சார்பில் பாராட்டு விழா.
News November 17, 2024
2ஆவது நாள் வாக்காளர் சிறப்பு முகாம்
சேலத்தில் வாக்காளர் சிறப்பு முகாம் 2ம் நாள் நடைபெறுகிறது. இதில் வாக்காளர் பட்டியலில் பெயர் சேர்க்க விரும்பும் வாக்காளர்கள், ஆதார் எண் இணைப்பவர்கள், பெயர் நீக்கம், பெயர், வயது, பாலினம், கதவு எண், முகவரி பதிவுகளில் திருத்தம் செய்வதற்கும், தொகுதிக்குள்ளேயே வசிப்பிடம் மாற்றுதல் போன்ற பணிகளுக்கு தங்கள் பகுதியில் உள்ள ஓட்டுசாவடிகளில் இன்று நடைபெறும் சிறப்பு முகாம்களில் திருத்தங்கள் செய்யலாம்.
News November 17, 2024
சேலம் வரும் எடப்பாடி பழனிச்சாமி
சேலம், மேட்டூர் அணையில் இருந்து 100 ஏரி நிரம்பும் உபரி நீர் திட்டத்தை தொடங்கி வைத்த தமிழக முன்னாள் முதலமைச்சரும், தற்போதைய தமிழக சட்டமன்ற எதிர்க்கட்சித் தலைவருமான எடப்பாடி பழனிச்சாமிக்கு காவேரி உபரி நீர் நடவடிக்கை குழு சார்பில் பாராட்டு விழா மேச்சேரி அருகே உள்ள எம்.காளிப்பட்டியில் இன்று நடைபெற உள்ளது. இதில் அதிமுக பொதுச்செயலாளர் எடப்பாடி பழனிச்சாமி பங்கேற்க உள்ளார்.
News November 16, 2024
சேலம்: இன்றைய தலைப்பு செய்திகள்
➤புதிய கோயில் கட்ட எதிர்ப்பு: பொதுமக்கள் போராட்டம் ➤கல்வி உதவித் தொகைக்கு விண்ணப்பிக்க அழைப்பு ➤அடக்கம் செய்யப்பட்டவரின் உடல் மறுபரிசோதனை ➤போக்குவரத்து விதிகளை மீறுபவர்களுக்கு அபராதம் ➤ஏற்காட்டிற்கு ரோப் கார் வசதி: அதிகாரிகள் ஆய்வு ➤சேலத்தில் மல்லிகை பூ விலை அதிகரிப்பு ➤ஹேண்ட்பேக் தயாரிக்க இலவச பயிற்சி ➤மாலையிட்டுக் கொள்ளும் ஐயப்ப பக்தர்கள் ➤சங்ககிரியில் பரவும் வாட்ஸ்அப் தகவலால் ஆய்வு.
News November 16, 2024
வாக்காளர் சிறப்பு முகாமில் ஆய்வு மேற்கொண்ட அமைச்சர்
சேலம், நாராயண நகரில் உள்ள மாநகராட்சி பாவடி மகளிர் மேல்நிலைப் பள்ளியில் இன்று வாக்காளர் பட்டியல் சுருக்க முறை திருத்தம் சிறப்பு முகாம் நடைபெற்றது. இதில் சுற்றுலாத்துறை அமைச்சர் ராஜேந்திரன் மற்றும் கட்சியின் சேலம் தெற்கு தொகுதி பார்வையாளர் வழக்கறிஞர் பார். இளங்கோவன் ஆகியோர் நேரில் பார்வையிட்டனர்.
News November 16, 2024
கல்வி உதவித்தொகைக்கு விண்ணப்பிக்கலாம்
பிற்படுத்தப்பட்டோர், மிகவும் பிற்படுத்தப்பட்டோர், சீர்மரபின மாணவ, மாணவிகளிடமிருந்து கல்வி உதவிதொகை பெற விண்ணப்பங்கள் வரவேற்கப்படுகின்றன. புதிய, புதுப்பித்தல் விண்ணப்பங்கள் செய்ய விரும்பும் மாணாக்கர்கள், சேலம் மாவட்ட ஆட்சியர் அலுவலகத்தில் அறை எண்.110ல் செயல்பட்டு வரும் மாவட்ட பிற்படுத்தப்பட்டோர், சிறுபான்மையினர் நல அலுவலகத்திலோ (அ) https://bcmbcmw.tn.gov.in இணையதளத்தில் விண்ணப்பத்தை பதிவிறக்கலாம்.
News November 16, 2024
வாக்காளர் பட்டியல் சிறப்பு முகாம்: கலெக்டர் ஆய்வு
சேலம் மாவட்டத்தில் வாக்காளர் பட்டியல் சுருக்க முறை திருத்தம் சிறப்பு முகாம் இன்று (நவ.16) காலை 9 மணிக்கு தொடங்கி நடைபெற்று வருகிறது. இந்நிலையில் வாக்குச்சாவடிகளில் ஒன்றான நான்கு ரோடு சிறுமலர் மேல்நிலைப்பள்ளியில் மாவட்டத் தேர்தல் அலுவலரும், மாவட்ட ஆட்சியருமான டாக்டர்.பிருந்தாதேவி இன்று (நவ.16) நேரில் பார்வையிட்டு ஆய்வு மேற்கொண்டார்.
News November 16, 2024
சேலத்தில் மல்லிகை பூ விலை உயர்வு
சேலத்தில் உள்ள புகழ்பெற்ற வ.உ.சி. பூ மார்க்கெட்டில் மல்லிகை பூ விலை இன்று (நவ.16) வரலாறு காணாத அளவில் புதிய உச்சத்தைத் தொட்டுள்ளது. ஒரு கிலோ மல்லிகை ரூ.2,000க்கும், முல்லை ரூ.800-க்கும், காக்கட்டான், மலைக்காக்கட்டான் தலா ரூ.550-க்கும், ஜாதி மல்லி ரூ.480-க்கும், சி.நந்திவட்டம் ரூ.1,000-க்கும், நந்தியாவட்டம் ரூ.600-க்கும் விற்பனை செய்யப்படுகிறது.
News November 16, 2024
வாக்காளர் பட்டியல் சுருக்க முறை திருத்தம்
சேலம் மாவட்டத்திற்கு உட்பட்ட 11 சட்டசபை தொகுதிகளில் உள்ள 1,269 வாக்குச்சாவடி மையங்களில் சிறப்பு முகாம்கள் இன்று (நவ.16), நாளை (நவ.17) மற்றும் வருகிற 23, 24-ந் தேதிகள் ஆகிய 4 நாட்கள் நடக்கிறது. இந்த முகாம்கள் காலை 9 மணி முதல் மாலை 5 மணி வரை சேலம் மாவட்டத்தில் உள்ள 3,264 வாக்குச்சாவடிகளில் நடைபெறும்.
Featured News
Sorry, no posts matched your criteria.