Pondicherry

News March 9, 2025

புதுவையில் நடக்கும் பாலியல் தொழில்

image

புதுவை அதிமுக துணை செயலாளர் வையாபுரி மணிகண்டன் ஆளுநருக்கு அனுப்பியுள்ள மனுவில், “சமூக வலைத்தளங்களில் பாலியல் தொழிலில் ஈடுபடும் கும்பல் வெளிப்படையாகவே விளம்பரங்களை செய்கிறது. அதில், எந்த ஜோடிகள் வேண்டுமானாலும் எங்கள் எண்ணை தொடர்புகொண்டு, அறை எடுத்து தங்கி உல்லாசமாக இருக்கலாம் என கூறியுள்ளனர். இது மாநிலத்தின் பெருமைக்கு மிகப்பெரும் தலைகுனிவு என தெரிவிக்கப்பட்டுள்ளது.

News March 9, 2025

ஆன்லைனில் பகுதி நேர வேலை – 1.24 லட்சம் மோசடி

image

புதுச்சேரி சண்முகாபுரம் வி.பி.சிங் நகரை சேர்ந்தவர் கவிதா. இவரை டெலிகிராம் மூலம் தொடர்பு கொண்ட நபர், பகுதிநேர வேலையாக ஆன்லைனில் முதலீடு செய்து, வீட்டில் இருந்தபடி அதிக பணம் சம்பாதிக்கலாம் என கூறினார். இதை நம்பிய, கவிதா 1 லட்சத்து 24 ஆயிரத்து 991 ரூபாய் அனுப்பி, ஏமாந்தார். இதுகுறித்து நேற்று கோரிமேட்டில் உள்ள சைபர் குற்றப்பிரிவில் புகார் அளித்தார். விழிப்புடன் இருங்கள்..

News March 9, 2025

புதுச்சேரி: தீபாவளி சீட்டு மோசடி, எஸ்.ஐ சஸ்பெண்ட்

image

புதுவை, நெல்லித்தோப்பைச் சோ்ந்த ஜான்பியா்- பிலோமினா தம்பதியினர் தீபாவளி சீட்டு நடத்தி அந்தப் பணத்தை மீண்டும் தராமல் ஏமாற்றியதாகக் கூறப்படுகிறது. இருவரையும் முதலியார்பேட்டை போலீசார் கைது செய்தனர். இவர்களுக்கு துணைநிலை ஆளுநர் மாளிகையில் வாகன ஓட்டுநராக பணியாற்றும் எஸ்.ஐ சிற்றரசன் உதவியதாகக் கூறப்படுகிறது. ஆகையால் எஸ்.ஐ சிற்றரசனை, காவல்துறை தலைமை இயக்குநா் ஷாலினி சிங் பணியிடை நீக்கம் செய்துள்ளார்.

News March 8, 2025

சங்கடம் தீர்க்கும் சனீஸ்வர பகவான்

image

காரைக்கால் திருநள்ளாறு பகுதியில் அமைந்துள்ள சிவனின் தர்ப்பாரண்யேஸ்வரர் ஆலய சனீஸ்வரன் புகழ்பெற்று விளங்குகிறார். நளன் என்னும் மன்னனை சனீஸ்வரர் துன்பப்படுத்தினார். அப்போது நளன் இத்தலத்தில் உள்ள சிவனை வணங்கியதால், சனீஸ்வரன் நளனை தன் துன்பப் பிடியிருந்து விடுவித்தார். ஆகையால் இத்தலத்தில் வழிபட்டால் நம்மை பிடித்த சனி நீங்கும் என்பது ஐதிகம். உங்கள் சங்கடங்கள் தீர ஒருமுறை இத்தலத்திற்கு செல்லுங்கள்..

News March 8, 2025

பயிர் காப்பீடு செய்ய விண்ணப்பங்கள் வரவேற்பு

image

புதுச்சேரி அரசு வேளாண் மற்றும் விவசாயிகள் நலத் துறை கூடுதல் வேளாண் இயக்குனர் நேற்று வெளியிட்டுள்ள செய்தி குறிப்பில் விவசாயிகள் தற்போது சாகுபடி செய்துள்ள நெல், கரும்பு மற்றும் வாழை சாகுபடி பிரதம மந்திரியின் பயிர் காப்பு திட்டத்தில் காப்பீடு செய்து பயனடையலாம் விவசாயிகள் அடுத்த மாதம் ஏப்ரல் 30ஆம் தேதிக்குள் பயிர் காப்பீடு செய்ய வேண்டும் என்று அவர் தெரிவித்துள்ளார்.

News March 8, 2025

சிறுமிக்கு பாலியல் வன்கொடுமை சினிமா ஊழியருக்கு 20 ஆண்டு சிறை

image

புதுச்சேரி கண்டாக்டர் தோட்டத்தைச் சேர்ந்தவர் கார்த்திக். சினிமா வெளிப்புற படப்பிடிப்பு ஊழியர். இவர், 17 வயது சிறுமியை காதலிப்பதாகக் கூறி சென்னைக்கு அழைத்து சென்றார். தாம்பரத்தில் வீடு எடுத்து பாலியல் வன்கொடுமை செய்துள்ளார். இதுகுறித்து ஒதியஞ்சாலை போலீசார் வழக்கு பதிந்தனர். வழக்கை விசாரித்த நீதிபதி சுமதி, குற்றவாளி கார்த்திக்கிற்கு, 20 ஆண்டு சிறை தண்டனை விதித்து நேற்று தீர்ப்பளித்தார்.

News March 7, 2025

செய்தி மற்றும் விளம்பரத்துறையை கண்டித்தும் செய்தியாளர்கள் ஆர்ப்பாட்டம்

image

காரைக்கால் மாவட்டத்தில் பணிபுரியும் பத்திரிகையாளர்களுக்கு அரசு அடையாள அட்டை வழங்க வலியுறுத்தியும் காரைக்கால் மாவட்ட செய்தியாளர்களுக்கு பல ஆண்டுகளாக அரசு அடையாள அட்டை வழங்காமல் உள்ள புதுச்சேரி மாநில செய்தி மற்றும் விளம்பரத்துறையை கண்டித்தும் செய்தியாளர்கள் இன்று மாவட்ட ஆட்சியர் அலுவலகம் முன்பு முற்றுகைப் போராட்டத்தில் ஈடுபட்டுள்ளனர்.

News March 7, 2025

புதுவை : 6-மாதத்தில் தற்போதைய ஆட்சி முடிவுக்கு வரும்

image

புதுவை முன்னாள் முதல்வர் நாராயணசாமி இன்று செய்தியாளர் சந்திப்பில் முதல்வர் ரங்கசாமி நாற்காலியை காப்பாற்றிக்கொள்ள வாய் முடிக்கொண்டு டம்மி அரசாங்கம் நடைபெற்றுக்கொண்டு இருக்கிறது. அதிகாரிகள் ஒத்துழைப்பு அளிக்கவில்லை என முதல்வர் தெரிவிக்கிறார். ஆளத் திறமை இல்லாமல் அதிகாரியை குறை சொல்கிறார். அரசு ஊழியர்களின் பல்வேறு கோரிக்கைகளை நிறைவேற்றக்கோரி புதுவை போராட்ட களமாக மாறி உள்ளதும், என்று கூறினார்.

News March 7, 2025

போலீஸ் புகார்கள் ஆணைய தலைவர் பதவிக்கு விண்ணப்பங்கள் வரவேற்பு

image

புதுவை உள்துறை அமைச்சகம் நேற்று வெளியிட்டுள்ள செய்தி குறிப்பில் புதுச்சேரி மாநிலத்தில் போலீஸ் புகார்கள் ஆணையத்தின் தலைவர் பதவிக்கு தகுதியானவர்களிடமிருந்து விண்ணப்பங்கள் வரவேற்கப்படுகின்றன. இதற்கு ஓய்வு பெற்ற ஹைகோர்ட் மாவட்ட கோர்ட் நீதிபதிகள் மற்றும் ஓய்வு பெற்ற ஐ.ஏ.எஸ் அதிகாரிகள் விண்ணப்பிக்கலாம். பதவிக்காலம் 3 ஆண்டுகள் ஆகும். விண்ணப்பத்தினை www.py.gov.in இணையதளத்தில் பதிவிறக்கம் செய்து கொள்ளலாம்.

News March 7, 2025

புதுச்சேரி மணக்குள விநாயகர் கோயில் சிறப்புக்கள்!!

image

புதுச்சேரி மணக்குள விநாயகர் ஆலயம் மிகவும் பிரசித்தி பெற்ற ஆலயங்களில் ஒன்று. இத்திருத்தலத்தின் மேல் பகுதியில் ஒரு குளம் இருந்ததாகவும் அது கடற்கரைக்கு அருகில் இருந்ததால் அவ்விடத்தில் மணல் அதிகமாக வந்ததாகவும் ஆகவே அக்குளத்திற்கு மணற்குளம் என்று பெயர் வந்தது. கோபுரம் முழுக்கவே தங்கத்தால் வேயப்பட்ட கோயில் இந்த கோயில் மட்டுமே. உற்சவர் வில்புருவமும் மூன்று பதமாகவும் நிற்கிறார். ஷேர் செய்யவும்

error: Content is protected !!