• Download our app

Pondicherry

News September 23, 2024

மத்திய உள்துறை செயலரிடம் முதல்வர் ரங்கசாமி மனு

image

மத்திய உள்துறை செயலாளர் கோவிந்த் மோகன் கூடுதல் செயலாளர் அசுதோஷ் அக்னிகோத்ரி ஆகியோர் அரசு முறை பயணமாக புதுவைக்கு வந்துள்ளனர். இன்று சட்டப்பேரவைக்கு வந்த அவர்களிடம் புதுச்சேரியில் ஏர்போர்ட் விரிவாக்கம், புதிய சட்டப்பேரவை கட்டிடம் கட்ட, மருத்துவ பல்கலைக்கழகம் மற்றும் தேசிய சட்டப் பல்கலைக்கழகம் அமைக்க ரூ.5,828 கோடி தேவை என்று மத்திய உள்துறை செயலரிடம் முதல்வர் ரங்கசாமி மனு அளித்துள்ளார்.

News September 23, 2024

புதுச்சேரியில் கஞ்சா விற்ற 4 பேர் கைது

image

புதுச்சேரி நகர பகுதியில் சுற்றுலா பயணிகளுக்கு கஞ்சா விற்பனை செய்யப்படுவதாக போலீசாருக்கு ரகசிய தகவல் கிடைத்தது. பெரியக்கடை சப் இன்ஸ்பெக்டர் முருகன் தலைமையிலான போலீசார் நேற்று சின்ன வாய்க்கால் வீதி சந்திப்பு அருகே சந்தேகத்திற்கு இடமாக நின்றிருந்த 4 பேரை பிடித்து, விசாரித்தனர். நடத்திய சோதனையில், சிறிய பிளாஸ்டிக் பைகளில் கஞ்சா மறைத்து வைத்து விற்பனை செய்வது தெரியவந்தது. அவர்களை கைது செய்தனர்.

News September 23, 2024

மாநில அளவிலான விளையாட்டு போட்டிகள்

image

புதுச்சேரி அரசு பள்ளிக் கல்வித்துறை சார்பாக மாநில அளவிலான பள்ளி மாணவ – மாணவியருக்கான விளையாட்டுப் போட்டிகள் காரைக்காலில் உள் விளையாட்டரங்கில் கடந்த 2 நாட்களாக நடைபெற்றது. இன்று மாலை, இதற்கான பரிசளிப்பு விழா அமைச்சர் திருமுருகன் தலைமையில் நடைபெற்றது. 576 மாணவ மாணவிகள் கலந்து கொண்ட இப்போட்டியில் கைப்பந்து, கைஉந்து போட்டி, கால்பந்து மற்றும் சதுரங்க போட்டிகள் நடைபெற்றன.

News September 22, 2024

பாஜக மேலிட பொறுப்பாளரை வரவேற்ற அமைச்சர்

image

புதுச்சேரியில் இன்று பல்வேறு நிகழ்ச்சிகளில் கலந்து கொள்ள வருகை புரிந்த பாஜக மேல் இட பொறுப்பாளர் நிர்மல் குமார் சுரானாவை இந்திரா காந்தி சிலை அருகே உள்ள புதுச்சேரி பாரதிய ஜனதா கட்சியின் தலைமை அலுவலகத்தில் உள்துறை அமைச்சர் நமச்சிவாயம் மற்றும் காமராஜர் நகர் தொகுதி பாஜக சட்டமன்ற உறுப்பினர் ஜான் குமார் ஆகியோர் சந்தித்து பொன்னாடை போற்றி வரவேற்றனர்.

News September 22, 2024

புதுச்சேரியில் 51 பேருக்கு டெங்கு பாதிப்பு

image

புதுச்சேரியில் கடந்த சில நாட்களாக மக்கள் அதிகளவில் காய்ச்சலால் பாதிக்கப்பட்டு அரசு ஆஸ்பத்திரிக்கு சிகிச்சைக்காக வருகின்றனர். நேற்று ஒரே நாளில் மட்டும் புதுச்சேரியில் 23 பேருக்கும், காரைக்காலில் 14 பேருக்கும் டெங்கு காய்ச்சல் இருப்பது உறுதி செய்யப்பட்டுள்ளது. இவர்கள் தவிர, புதுச்சேரியில் வசிக்கும் தமிழக பகுதியை சேர்ந்தவர்கள் 14 பேருக்கும் டெங்கு காய்ச்சல் பாதிப்பு இன்று கண்டறியப்பட்டுள்ளது.

News September 22, 2024

புதுச்சேரியில் மத்திய அமைச்சர் நிர்மலா சீத்தாராமன்

image

அரசு முறைப் பயணமாக புதுச்சேரி வந்துள்ள மத்திய நிதியமைச்சர் நிர்மலா சீதாராமனை மரியாதை நிமித்தமாக ஆளுநர் மாளிகையில் துணைநிலை ஆளுநர் கைலஷ்நாதன், முதலமைச்சர் ரங்கசாமி ஆகியோர் மத்திய நிதி அமைச்சரை பூங்கொத்து அளித்து வரவேற்றனர். இந்நிகழ்வில் தலைமைச் செயலர் சரத் சௌகான், அமைச்சர்கள் சட்டமன்ற உறுப்பினர்கள் உடன் இருந்தனர்.

News September 22, 2024

புதுச்சேரியில் நகர அமைப்பு குழும உள் புகார் குழு நியமனம்

image

புதுச்சேரி எல்லைப்பிள்ளை சாவடியில் நகர அமைப்பு குழுமம் உள்ளது இங்கு பணிபுரியும் பெண்களுக்கு ஏற்படும் பாலியல் தொந்தரவு குறித்து புகார் அளிக்க நாலு பேர் கொண்ட உள் புகார் குழு அமைக்கப்பட்டுள்ளது. குழு தலைவராக விஜயலட்சுமி உறுப்பினராக சாந்தினி லாவண்யா தினேஷ் ஆகியோர் நியமிக்கப்பட்டுள்ளனர். இதற்கான உத்தரவை நகர அமைப்பு குழு கண்காணிப்பாளர் இன்று பிறப்பித்துள்ளார்.

News September 21, 2024

புதுச்சேரி முதலமைச்சர் நேரில் ஆய்வு

image

புதுச்சேரியில் தற்போதைய துணைநிலை ஆளுநர் மாளிகை புனரமைக்கப்பட்டு வரும் நிலையில் தற்காலிக துணைநிலை ஆளுநர் இல்லம் மற்றும் அலுவலகத்தை பழைய சாராய ஆலை வளாகத்தில் புதிதாக கட்டப்பட்டுள்ள கட்டிடத்திற்கு இடமாற்றம் செய்யப்பட உள்ளது. இதனை முதலமைச்சர் ரங்கசாமி இன்று அதிகாரிகளுடன் சென்று பார்வையிட்டு ஆய்வு செய்தார். மேலும் இந்த பணிகளை விரைந்து முடிக்குமாறு அதிகாரிகளுக்கு உத்தரவிட்டார்.

News September 21, 2024

பள்ளிகளுக்கு விடுமுறை அளிக்க அதிமுக கோரிக்கை

image

புதுச்சேரியில் இன்று அதிமுக அலுவலகத்தில் செய்தியாளர்களை சந்தித்த மாநில செயலாளர் அன்பழகன், புதுச்சேரியில் பொண்ணுக்கு வீங்கி என்ற அம்மை நோய் பள்ளி மாணவர்களுக்கு வேகமாக பரவி வருகிறது. இதனால் மாணவ மாணவிகள் கடுமையாக பாதிக்கப்பட்டுள்ளனர். இதை கருத்தில் கொண்டு 1-ஆம் வகுப்பு முதல் 8-ஆம் வகுப்பு வரை படிக்கும் மாணவ மாணவிகளுக்கு புதுச்சேரி அரசு ஒரு வாரம் விடுமுறை அளிக்க வேண்டும் என வலியுறுத்தினார்.

News September 21, 2024

சர்வதேச கடற்கரை தூய்மை தினம் நிகழ்ச்சியில் ஆளுநர் பங்கேற்பு

image

இந்திய கடலோரக் காவல்படை சார்பில் இன்று புதுச்சேரி கடற்கரை சாலை, காந்தி சிலை அருகில் நடைபெற்ற சர்வதேச கடற்கரை தூய்மை தினம் நிகழ்ச்சியை புதுச்சேரி துணை நிலை ஆளுநர் கைலாசநாதன் மற்றும் உள்துறை அமைச்சர் நமச்சிவாயம் ஆகியோர் கலந்து கொண்டு நிகழ்ச்சியை தொடங்கி வைத்தனர். இதில் ஏராளமான இந்திய கடலோரக் காவல்படை மற்றும் அரசு அதிகாரிகள் கலந்து கொண்டனர்.

Featured News

Sorry, no posts matched your criteria.

↑