• Download our app

Pondicherry

News September 30, 2024

புதுச்சேரியில் மதுபான கடைகளை மூட உத்தரவு

image

புதுச்சேரி மாநிலத்தில் உள்ள யூனியன் பிரதேசங்கள் வரும் அக்டோபர் 2ஆம் தேதி காந்தி ஜெயந்தியை முன்னிட்டு அனைத்து கள்ளுக்கடை மற்றும் மதுக் கடைகளையும் மூட வேண்டும் என புதுச்சேரி கலால்துறை இன்று உத்தரவு பிறப்பித்துள்ளது.‌ மேலும் மதுபானபாருடன் கூடிய உணவகங்களிலும் மதுபானம் விற்க தடை விதிக்கப்பட்டுள்ளது.

News September 30, 2024

புதுச்சேரி முதலமைச்சர் சற்றுமுன் தொடக்கம்

image

ஆயுஷ்மான் பார்த் இலவச மருத்துவக்காப்பீடு திட்டம் புதுச்சேரியில் 2019ஆம் ஆண்டு துவங்கப்பட்டது. இத்திட்டம் 6 ஆம் ஆண்டில் அடி எடுத்து வைக்கிறது. இதன் துவக்கத்தை கொண்டாடும் வகையில் மத்திய அரசும் மாநில அரசும் இணைத்து ‘ஆயுஷ்மான் பார்த் பக்வாரா என்ற நடைப்பயணத்தை புதுச்சேரி அரசால் இன்று கொண்டாடப்படுகிறது. இந்த நடைப்பயணத்தை முதலமைச்சர் ரங்கசாமி இன்று சட்டப்பேரவை முன்பு துவக்கி வைத்தார்.

News September 30, 2024

புதுச்சேரி ஆளுநரின் மகிழ்ச்சியான செய்தி

image

புதுச்சேரி கேரள சமாஜம் சார்பில் நேற்று நடைபெற்ற நிகழ்ச்சியில் கலந்து கொண்டு பேசிய துணை நிலை ஆளுநர் கைலாஷ்நாதன் புதுச்சேரியிலிருந்து வெளி மாநிலங்களுக்கு விமான சேவை தொடங்கப்படவுள்ளது. அதே நேரத்தில், புதுச்சேரியிருந்து கேரளத்துக்கு விமான சேவை தேவை என்ற கோரிக்கையும் எழுந்துள்ளது. அதன்படி, புதுச்சேரியிலிருந்து கொச்சிக்கு விமான சேவை இயக்க பரிசீலிக்கப்படும் என்றார்.

News September 30, 2024

சிறுமிக்கு பாலியல் தொல்லை: முதியோர் மீது போக்சோ வழக்கு

image

பாகூர் பகுதியை சேர்ந்தவர் ராதாகிருஷ்ணன். இவர் 7 வயது சிறுமிக்கு கடந்த சில தினங்களுக்கு முன்பு சாக்லெட் வாங்கி தருவதாக கூறி வீட்டிற்கு அழைத்து சென்று பாலியல் தொந்தரவு கொடுத்துள்ளார். தகவலறிந்த சிறுமியின் பெற்றோர் பாகூர் போலீசில் புகார் தெரிவித்தனர். அதன்பேரில், பாகூர் துணை ஆய்வாளர் நந்தக்குமார், நேற்று போக்சோ பிரிவின் கீழ் வழக்குப் பதிந்து ராதாகிருஷ்ணனை தேடி வருகின்றனர்.

News September 30, 2024

காரைக்காலில் பெண் நில அளவர் கைது

image

காரைக்கால் புகழ்பெற்ற ஸ்ரீ பார்வதீஸ்வரர் கோயில் பல ஏக்கர் நில மோசடி செய்து போலி பட்டா போலி கையெழுத்து என விசாரணை நீண்டு கொண்டு போகும் விவகாரத்தில் பெண் அரசு நில அளவர் ரேணுகாதேவி கைது செய்யப்பட்டார். லட்சக்கணக்கில் பணம் பெற்று கோயில் நில மோசடிக்கு ஸ்கெட்ச் போட்டு கொடுத்தது விசாரணையில் தெரியவந்துள்ளது.

News September 29, 2024

உதயநிதிக்கு புதுவை மாநில திமுக அமைப்பாளர் வாழ்த்து

image

தமிழ்நாடு துணை முதல்வராக இன்று பொறுப்பேற்றுக் கொண்ட உதயநிதி ஸ்டாலினுக்கு புதுச்சேரி மாநில திமுக அமைப்பாளரும், சட்டமன்ற எதிர்க்கட்சித் தலைவருமான சிவா சென்னையில் அவரை நேரில் சந்தித்து வாழ்த்து தெரிவித்தார். அப்போது திமுக நிர்வாகிகள் பலர் உடன் இருந்தனர்.

News September 29, 2024

புதுவையில் தலைமறைவான திருடன்

image

புதுச்சேரியில் பல்வேறு இடங்களில் தங்க நகைகளை பொதுமக்களிடமிருந்து பரித்த சுரேஷ்குமாரை போலீசார் கைது செய்த நிலையில், அவனது கூட்டாளி மற்றும் முக்கிய குற்றவாளியான சையது பாஷா தப்பியோடிய நிலையில் தற்போது அவரது புகைப்படத்தை போலீசார் வெளியிட்டுள்ளனர். இவரை பற்றிய தகவல் தெரிந்தால் அருகில் உள்ள காவல் நிலையத்தில் தகவல் தெரிவிக்க காவல்துறை கேட்டுக் கொண்டுள்ளது.

News September 29, 2024

2 லட்சம் பேரை சேர்க்க இலக்கு: புரந்தேஸ்வரி எம்.பி.

image

பாஜக-வின் முதற்கட்ட உறுப்பினர் சேர்க்கைக்கான கலந்தாய்வு ஆய்வுக்கூட்டம் கட்சி தலைமை அலுவலகத்தில் நேற்று நடந்தது. இதற்கு மாநில தலைவர் செல்வகணபதி எம்.பி தலைமை தாங்கினார். மாநில பாஜக தலைவரும் புதுச்சேரி உறுப்பினர் சேர்க்கை பொறுப்பாருமான புரந்தேஸ்வரி எம்.பி பேசுகையில் பேசுகையில், 2 லட்சம் பேரை கட்சியில் சேர்க்க இலக்கு நிர்ணயிக்கப்பட்டுள்ளது. பொறுப்பாளர்கள் அதற்கேற்ப பணியாற்ற வேண்டும் என்றார்.

News September 29, 2024

புதுச்சேரியில் ஓடும் ரயிலில் ஓவிய போட்டி

image

புதுவை திருவள்ளுவர் கலைக்கூடம் ஆண்டுதோறும் ஓடும் ரயிலில் ஓவியப் போட்டியை நடத்தி வருகிறது. இந்தாண்டு 20ஆவது முறையாக வரும் அக்டோபர் 13ஆம் தேதி மாலை 5:40 மணிக்கு விழுப்புரம் சந்திப்பு ரயில் நிலையத்திலிருந்து புறப்படும் புதுவை பயணிகள் ரயிலில் ஓடும் ரயிலில் ஓவிய போட்டி நடக்கிறது. இத்தகவலை புதுவை திருவள்ளுவர் கலைக்கூட செயலாளர் சிவக்குமார் தெரிவித்துள்ளார்.

News September 29, 2024

வெள்ளவாரி வாய்க்காலில் ஆண் சடலம்

image

புதுச்சேரி, கருவடிக்குப்பம் அருகே வெள்ளவாரி வாய்க்காலில், நேற்று ஆண் சடலம் ஒன்று மிதந்தது. தகவலறிந்த, லாஸ்பேட்டை போலீசார், சம்பவ இடத்திற்கு விரைந்து சடலத்தை தீயணைப்பு படையினர் உதவியுடன் மீட்டு, அரசு மருத்துவமனைக்கு அனுப்பினர். இதுகுறித்து, லாஸ்பேட்டை போலீசார் வழக்குப் பதிந்து, விசாரணை நடத்தியதில் இறந்தவர், சோலை நகரை சேர்ந்த வேலு, எனவும், இவர் அடிக்கடி, மது குடித்து வந்ததும் தெரிய வந்தது.

Featured News

Sorry, no posts matched your criteria.

↑