• Download our app

Pondicherry

News October 1, 2024

புதுச்சேரி மாநில மதிப்பீட்டுக்குழு கூட்டம்

image

புதுச்சேரி மாநில மதிப்பீட்டு குழுவின் கூட்டம் குழுவின் தலைவர் சட்டமன்ற உறுப்பினர் நாஜிம் அவர்கள் தலைமையில் இன்று நடைபெற்றது.புதுச்சேரி சட்டப்பேரவை தலைவர் செல்வம் கூட்டத்தை துவக்கி வைத்தார். இந்த கூட்டத்தில் சட்டமன்ற உறுப்பினர்கள் அனைவரும் கலந்து கொண்டனர். இக்கூட்டத்தில் சுகாதாரத் துறையில் உள்ள பல்வேறு நிலைகள் குறித்து விரிவாக விவாதிக்கப்பட்டது.

News October 1, 2024

போக்ஸோ வழக்கில் இளைஞருக்கு 20 ஆண்டுகள் சிறை தண்டனை

image

காரைக்கால் அடுத்த திருநள்ளாறு சேர்ந்த ராஜ்குமார். இவர் 16 வயது சிறுமியுடன் பழகி, கடந்த ஆண்டு திருமணம் செய்து சரமாரியாக தாக்கி கொலை மிரட்டல் விடுத்துள்ளார். இது தொடர்பாக சிறுமியின் தாயார் காவல் நிலையத்தில் புகார் அதன்பேரில் போலீஸார் வழக்கு பதிவு செய்து அவரை கைது செய்தனர். பின்னர் நீதிமன்றத்தில் ராஜ்குமாருக்கு 20 ஆண்டுகள் சிறை தண்டனை மற்றும் ரூ.7 ஆயிரம் அபராதம் விதித்து நீதிபதி தீர்ப்பளித்தார்.

News October 1, 2024

புதுவையில் சிவாஜி கணேசன் பிறந்தநாள் விழா

image

செவாலியே சிவாஜி கணேசன் பிறந்த நாள் புதுச்சேரி அரசு சார்பில் இன்று கொண்டாடப்பட்டது. இதனையொட்டி கிழக்குக் கடற்கரைச் சாலை – கருவடிக்குப்பம் சாலை சந்திப்பில் அமைந்துள்ள அவரது திருவுருவச்சிலைக்கு புதுச்சேரி முதலமைச்சர் ரங்கசாமி, சட்டப்பேரவைத் தலைவர் செல்வம், அமைச்சர்கள் மற்றும் சட்டமன்ற உறுப்பினர்கள் மாலை அணிவித்து மரியாதை செலுத்தினர்.

News October 1, 2024

ஆன்லைன் மோசடி கும்பல்: சைபர் கிரைம் எஸ்.பி. உத்தரவு

image

புதுச்சேரி சைபர் கிரைம் எஸ்.பி. கலைவாணன் நேற்று கூறியதாவது: உங்கள் வங்கி கணக்கை நாங்கள் பயன்படுத்திக் கொள்கிறோம், உங்கள் வங்கி கணக்கிற்கு எவ்வளவு பணம் வருகிறதோ அதற்கு இரண்டு சதவீதம் கமிஷன் தருகிறோம் என்று யாரும் உங்களுடைய வங்கி கணக்கை கேட்டால் கொடுக்க வேண்டாம். பெரும்பாலும் இணைய வழி மோசடிக்காரர்கள் இதுபோன்று மற்றவர்களுடைய வங்கிக் கணக்கை மோசடி செய்யப்பட்ட பணத்தைப் பெற பயன்படுத்துகின்றனர் என்றார்.

News October 1, 2024

புதுச்சேரியில் மின்சார ரயில் சேவை 2 நாட்கள் ரத்து

image

தெற்கு ரெயில்வே இன்று வெளியிட்டுள்ள செய்திக்குறிப்பில் திருச்சி கோட்டத்தில் பராமரிப்பு பணிகள் நடைபெறுவதால் மின்சார ரெயில்கள் ரத்து செய்யப்படுகின்றன. அதன்படி, விழுப்புரத்தில் இருந்து புதுச்சேரி செல்லும் மின்சார ரயிலும், புதுச்சேரியில் இருந்து விழுப்புரம் வரும் மின்சார ரயிலும் வரும் 7 மற்றும் 9-ஆம் தேதிகளில் முழுவதுமாக ரத்து செய்யப்படுகின்றன.

News October 1, 2024

ஓட்டுநர் உரிமம் ரத்து: புதுவை அரசு எச்சரிக்கை

image

புதுவையில் போக்குவரத்து விதிமீறல்களுக்கு E-Challan Spot Fine Machine மூலம் வழக்கு பதியப்பட்டு SMS அனுப்பியும் பலர் அபராதம் தொகையை செலுத்தாமல் உள்ளனர். 7 நாட்களுக்குள் சம்பந்தப்பட்ட போலிஸ் ஸ்டேஷன் (அ) https://echallan.parivahan.gov.in ஆன்லைன் மூலம் அபராதத்தை செலுத்த வேண்டும். தவறும்பட்சத்தில் ஓட்டுநர் உரிமம் ரத்து, இடைக்கால தடை செய்யப்படும் என காவல்துறை ஆணையர் செல்வம் எச்சரிக்கை செய்துள்ளார்.

News October 1, 2024

புதுவையில் தொழிற்பயிற்சிக்கு விண்ணப்பிக்கலாம்

image

புதுவை மாவட்ட தொழில் மைய பொது மேலாளர் கோவிந்தராஜ் நேற்று வெளியிட்டுள்ள செய்தி குறிப்பில், மாவட்ட தொழில் மையம் சார்பில் ஆண்டு தோறும் தொழில் பயிற்சிகள் அரசு, அரசு சார்ந்த நிறுவனங்கள் மூலம் நடத்தப்படுகிறது. இந்த ஆண்டு ஊக்கத்தொகையுடன் கூடிய தொழில் கூட பயிற்சிகள் நடத்தப்பட உள்ளது. இதற்கு மாவட்ட தொழில் மைய இணையதளத்தில் அக்டோபர் 7ஆம் தேதி வரை விண்ணப்பிக்கலாம் என அவர் தெரிவித்துள்ளார். ஷேர் செய்யவும்

News September 30, 2024

புதுவை முதல்வர் சர்வதேச முதியோர் தினம் வாழ்த்து

image

உலக அளவில் முதியோர்களுக்கான பராமரிப்பு மற்றும் ஆதரவு அமைப்புகளை வலுப்படுத்துவதன் முக்கியத்துவத்தை இந்நாள் வலியுறுத்துகிறது. முதியோர்கள் வாழ்வில் கூடுதல் கவனிப்பு தேவைப்படும் ஒரு கட்டத்தை எட்டும் போது அவர்களுக்கு உதவிக்கரம் நீட்ட வேண்டிய நமது பொறுப்பை இந்நாளில் உறுதி செய்வோம் என்று புதுச்சேரி மாநில முதலமைச்சர் ரங்கசாமி சர்வதேச முதியோர் தினம் வாழ்த்துக்களை தெரிவித்தார்.

News September 30, 2024

கூடைப்பந்து வீரர்களுக்கு முதல்வர் ரங்கசாமி நிதி உதவி

image

இந்திய சக்கர நாற்காலி கூடை பந்து கூட்டமைப்பு சார்பில் மாற்றுத்திறனாளிக்கான 8-வது தேசிய கூடைப்பந்து போட்டிகள் வரும் அக்டோபர் மாதம் 5ஆம் தேதி குவாலியரில் தொடங்க உள்ளது. இந்த போட்டியில் கலந்து கொள்ளும் புதுச்சேரி வீரர்களுக்கு முதலமைச்சர் ரங்கசாமி சென்றுவர பயண செலவை முதல்வர் நிவாரணையில் இருந்து 3.20 லட்சத்திற்கான காசோலையை இன்று சட்டப்பேரவையில் வழங்கினார்.

News September 30, 2024

புதுச்சேரியில் மதுபான கடைகளை மூட உத்தரவு

image

புதுச்சேரி மாநிலத்தில் உள்ள யூனியன் பிரதேசங்கள் வரும் அக்டோபர் 2ஆம் தேதி காந்தி ஜெயந்தியை முன்னிட்டு அனைத்து கள்ளுக்கடை மற்றும் மதுக் கடைகளையும் மூட வேண்டும் என புதுச்சேரி கலால்துறை இன்று உத்தரவு பிறப்பித்துள்ளது.‌ மேலும் மதுபானபாருடன் கூடிய உணவகங்களிலும் மதுபானம் விற்க தடை விதிக்கப்பட்டுள்ளது.

Featured News

Sorry, no posts matched your criteria.

↑