• Download our app

Pondicherry

News March 28, 2024

புதுவையில் ரூ.7 லட்சம் பணம் பறிமுதல்

image

புதுச்சேரி நாடாளுமன்ற தேர்தலையொட்டி நேற்று சாலையில் பறக்கும்படையினர் ரோந்து பணியில் ஈடுபட்டனர். அப்போது புதுவையை மற்றும் திருவண்ணாமலையை சேர்ந்த 2 பேர் உரிய ஆவணங்கள் இல்லாமல் ரூ.7 லட்சம் பணம் எடுத்து வந்துள்ளனர். இந்நிலையில் தேர்தல் பறக்கும் படை அதிகாரிகள் அவர்களிடம் இருந்து பணத்தை பறிமுதல் செய்து உருளையன்பேட்டை போலீசில் ஒப்படைத்தனர்.

News March 28, 2024

பாஜக வேட்பாளருக்கு சிறப்பு பூஜை

image

புதுச்சேரியில் பாராளுமன்ற தேர்தலில் தேசிய ஜனநாயக கூட்டணி சார்பில் போட்டியிடும் பாஜக வேட்பாளர் நமச்சிவாயம் வெற்றி பெற வேண்டும் என என்ஆர் காங்கிரஸ் தலைமை பொதுக்குழு உறுப்பினர் ஓம் சக்தி ரமேஷ் மற்றும் உப்பளம் தொகுதி தலைவர் பாஸ்கர் ஆகியோர் தலைமையில் மறைமலை அடிகள் சாலையில் உள்ள பாதாள பேச்சியம்மன் ஆலயத்தில் நடைபெற்ற சிறப்பு பூஜையில் பாஜக வேட்பாளர் நமச்சிவாயம் கலந்து கொண்டு சாமி தரிசனம் செய்தார்.

News March 27, 2024

புதுச்சேரியில் 34 வேட்பாளர்கள் வேட்பு மனு தாக்கல்

image

புதுச்சேரியில் 34 வேட்பாளர்கள் வருகின்ற நாடாளுமன்ற தேர்தலுக்காக வேட்புமனுவை தாக்கல் செய்துள்ளார்கள். புதுச்சேரி மக்களவை தொகுதிக்கு பாஜக சார்பில் உள்துறை அமைச்சர் நமச்சிவாயம், காங்கிரஸ் கட்சி சார்பில் வைத்திலிங்கம் எம்.பி உட்பட 34 வேட்பாளர்கள் 45 வேட்புமனுக்களை தாக்கல் செய்துள்ளதாக புதுச்சேரி தேர்தல் நடத்தும் அதிகாரி தகவல் தெரிவித்தார்.

News March 27, 2024

புதுவை அருகே காவல்நிலையம் முற்றுகை

image

உருளையன்பேட்டை சேர்ந்த அய்யூப் பெரியமார்க்கெட்டில் மளிகை கடை நடத்தி வந்தார். இந்த கடையை அபகரிக்க திட்டமிட்டு ஒரு கும்பல் மிரட்டியதால் அவர் மனமுடைந்து தற்கொலை செய்து கொண்டதாக தெரிகிறது. இதையடுத்து நில அபகரிப்பு கும்பல் மீது பெரியகடை போலீசார் வழக்குப்பதிவு செய்யவில்லை என அத்தொகுதி எம்எல்ஏ நேரு, பொது நல அமைப்பினருடன் இணைந்து இன்று திடீரென பெரியகடை காவல் நிலையத்தை முற்றுகையிட்டு போராட்டம் நடத்தினர்.

News March 27, 2024

காங்கிரஸ் வேட்பாளர் வைத்திலிங்கம் வேட்பு மனு

image

பாராளுமன்ற தேர்தலின் வேட்புமனு தாக்கல் இன்று கடைசி நாள் ஆகும். எனவே புதுச்சேரியில் இந்திய கூட்டணி சார்பில் போட்டியிடும் காங்கிரஸ் கட்சி மாநில தலைவர் வைத்திலிங்கம் இன்று புதுச்சேரி மாவட்ட ஆட்சியர் அலுவலகத்தில் வேட்புமனு தாக்கல் செய்தார். இதில் முன்னாள் முதல்வர் நாராயணசாமி, எதிர்கட்சி தலைவர் சிவா, விடுதலை சிறுத்தைகள் கட்சி, இந்திய கம்யூனிஸ்ட் கட்சி உள்ளிட்ட கூட்டணி கட்சியினர் பலர் கலந்து கொண்டனர்.

News March 27, 2024

கடல் அலையில் சிக்கி மாணவி பலி 

image

கேரளாவைச் சேர்ந்தவர் ஜெயதாஸ். இவரது மகள் ஜெயலட்சுமி, புதுச்சேரி ஜிப்மரில் செவிலியர் படிப்பு படித்து வருகிறார். நேற்று ஜெயலட்சுமி உள்ளிட்ட மாணவிகள் புதுச்சேரி சின்ன வீராம்பட்டினம் கடற்கரையில் குளித்துள்ளனர். அப்போது அலையில் சிக்கி ஜெயலட்சுமி மாயமானார். தகவலறிந்த மீனவர்கள் ஜெயலட்சுமியை மீட்டு மருத்துவமனையில் சிகிச்சைக்காக அனுமதித்தனர். அவர் உயிரிழந்து விட்டதாக மருத்துவர்கள் கூறினர்.

News March 27, 2024

பாஜகவை புறக்கணிக்க தயார்: ஜி.ராமகிருஷ்ணன்

image

புதுவையில் செய்தியாளர்களிடம் பேசிய மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர் ஜி.ராமகிருஷ்ணன்: புதுவையில் பாஜக கூட்டணி ஆட்சி நடைபெறுகிறது. ஆனால் புதுவை மக்களின் நலன் காக்கப்படும் வகையில் எந்த திட்டமும் செயல்படுத்தப்படவில்லை. கடந்த 10 ஆண்டுகளில் மத்திய பாஜக ஆட்சியில் பிரதமர் தனது வாக்குறுதிகள் எதையும் நிறைவேற்றவில்லை. எனவே பாஜகவை புறக்கணிக்க மக்கள் தயாராகிவிட்டனர் என்றார்.

News March 27, 2024

எடப்பாடி பழனிசாமி பிரசாரம்- தேதி அறிவிப்பு 

image

புதுவை மக்களவைத் தொகுதியில் அதிமுக சாா்பில் போட்டியிடும் வேட்பாளா் தமிழ்வேந்தனை ஆதரித்து மார்ச் 30ஆம் தேதி மாலை புதிய துறைமுக வளாகப் பகுதிகளில் அதிமுக பொதுச் செயலரும், தமிழக முன்னாள் முதல்வருமான எடப்பாடி பழனிசாமி பிரச்சாரம் செய்யவுள்ளார். இதனையடுத்து ஏப்ரல் 1ம் தேதி முதல், புதுவை மாநிலம் முழுவதும் அதிமுக சார்பில் தேர்தல் பிரச்சாரம் நடைபெறும் என மாநில அதிமுக செயலாளர் அன்பழகன் கூறினார்.

News March 27, 2024

தேர்தல் பிரச்சார துவக்க பொதுக்கூட்டம்

image

புதுவை நாடாளுமன்ற தேர்தலில் இண்டியா கூட்டணி அணியை வெற்றி பெறச் செய்வோம் என சிபிஎம் கட்சியின் சார்பில் தேர்தல் பிரச்சார துவக்க பொதுக்கூட்டம் சாரம் ஜீவானந்தம் சிலை அருகில் நேற்று மாலை நடைபெற்றது. இதில் அக்கட்சியின் மாநில செயலாளர் ராஜாங்கம், இந்திய கம்யூ கட்சியின் மாநில செயலாளர் சலீம், காங்கிரஸ் கட்சியின் நாராயணசாமி, தி.க வீரமணி (ம) ராமகிருஷ்ணன் அரசியல் தலைமை குழு உறுப்பினர் ஆகியோர் பங்கேற்றனர்.

News March 26, 2024

புதுவையில் ஆட்சியர் உத்தரவின் பேரில் கொடிக்கம்பங்கள் அகற்றம்

image

புதுவையில் பாராளுமன்ற தேர்தல் தேதி அறிவித்த நிலையில் தேர்தல் நடத்தும் அதிகாரியும் மாவட்ட கலெக்டருமான குலோத்துங்கன் உத்தரவின் பேரில் இன்று அரியாங்குப்பம் கொம்யூன் பஞ்சாயத்து ஆணையர் ரமேஷ் தலைமையிலான குழுவினர் அரியாங்குப்பம் புறவழி சாலை சிக்னல் அருகே சுமார் 15 வருடங்களுக்கு மேலாக இருந்து வந்த அரசியல் கட்சிகள் மற்றும் சமூக அமைப்பு கொடிகள் தாங்கிய கம்பங்களை ஜேசிபி மூலமாக அகற்றினர்.

Featured News

Sorry, no posts matched your criteria.

↑