• Download our app

Pondicherry

News April 14, 2024

தனது வாழ்நாளை அர்ப்பணித்தவர் அம்பேத்கர்

image

புதுச்சேரியில் இன்று செய்தியாளர்களிடம் பேசிய ஆளுநர் சி.பி.ராதாகிருஷ்ணன், அண்ணல் அம்பேத்கார் பிறப்பால் ஒருவன் தாழ்ந்தவன் இல்லை என்ற உயர்ந்த நீதியை நிலை நாட்ட தனது வாழ்நாளை அர்ப்பணித்தவர் எனத் தெரிவித்தார். மேலும், அவரை போன்ற மகத்தான தலைவர் அரசியல் சாசனத்தையே இந்த தேசத்திற்காக உருவாக்கி தந்தபோது எதிலும் அவர் தலைக்கனம் கொள்ளவில்லை என்று தெரிவித்தார்.

News April 14, 2024

புதுச்சேரி: நாளை மல்லிகார்ஜுன கார்கே கார்கே வருகை

image

இந்தியா கூட்டணி சார்பில் புதுச்சேரி மக்களவைத் தொகுதியில் போட்டியிடும் காங்கிரஸ் வேட்பாளர் வைத்திலிங்கத்தை ஆதரித்து நாளை மாபெரும் பொதுக்கூட்டம் தட்டாஞ்சாவடி ஒழுங்குமுறை விற்பனை கூட வளாகத்தில் நடைபெறுகிறது. இக்கூட்டத்தில், காங்கிரஸ் கட்சியின் அகில இந்திய தலைவர் மல்லிகார்ஜுன கார்கே கலந்து கொண்டு உரையாற்றுகிறார். இதற்கான ஏற்பாடுகள் தீவிரமாக நடைபெற்று வருகிறது.

News April 14, 2024

புதுச்சேரி: மீன்பிடி தடைக்காலம் நாளை தொடங்குகிறது

image

மீன்களின் இனப்பெருக்க காலமாக கருதி ஏப்.15 முதல் ஜூன் 14 வரை 61 காரைக்கால் மாவட்டத்தில் தடைக்காலத்தில் விசைப்படகுகள் மூலம் மீன்பிடிப்பதை நிறுத்திவிடுவர். இவை மீன்பிடித் துறைமுகத்தில் நிறுத்தப்பட்டு, படகு, வலைகள் சீரமைக்கும் பணிகளை மீனவர்கள் மேற்கொள்வர். மாவட்டத்தில் உள்ள கடலோர கிராமங்களில் இருந்து குறுகிய தூரம் செல்லக்கூடிய வகையில் ஃபைபர் படகு மூலம் தினமும் மீன்பிடிப்பதில் மீனவர்கள் ஈடுபடுவர்.

News April 14, 2024

புதுச்சேரி: துறவறம் ஏற்ற 13 வயது சிறுவன்

image

புதுச்சேரி சித்தன்குடியைச் சேர்ந்த தொழிலதிபர் விகாஷ் சம்தர்யா, பிரியங்கா சம்தர்யா தம்பதியின் இளைய மகன் ஹார்திக் (13) துறவறம் மேற்கொள்ள முன்வந்துள்ளார். இதனை அந்த குடும்பத்தினர் ஏற்றனர். அதையடுத்து புதுவை சித்தன்குடியில் உள்ள ஜெயின் கோயிலில் இருந்து ஆன்மிக ஊர்வலம் இன்று நடைபெற்றது. இந்நிகழ்வை அடுத்து அகமதாபாத் புறப்பட்டு சென்று வரும் 28-ல் ஹார்திக்கு தீட்சை அளிக்கப்படுவதாக தெரிவித்தனர்.

News April 14, 2024

“ராஜீவ்காந்தியின் ஆன்மா கூட மன்னிக்காது”

image

புதுவை பாராளுமன்ற தொகுதி அதிமுக வேட்பாளர் தமிழ்வேந்தனை ஆதரித்து நேற்று உப்பளம் தொகுதியில் அதிமுக மாநில செயலாளர் அன்பழகன் பிரசாரத்தில் ஈடுபட்டார். அப்போது, “ராஜீவ்காந்தி கொலை குற்றவாளி விடுதலையான பிறகு அவரை சட்டமன்றத்திற்கு அழைத்து பொன்னாடை போர்த்தி முத்தம் கொடுத்தவர்  ஸ்டாலின்.
அவரை ராகுல்காந்தி கட்டி பிடித்து ஆரத்தழுவியதை ராஜீவ்காந்தியின் ஆன்மா கூட மன்னிக்காது” என பேசினார்.

News April 14, 2024

புதுவை நகராட்சி எச்சரிக்கை

image

புதுவையில் மகாவீர் ஜெயந்தி ஏப்.21 இல் கொண்டாடப்படுகிறது. அதனை முன்னிட்டு புதுவை நகராட்சி வெளியிட்டுள்ள செய்தியில், “புதுவை நகராட்சிப் பகுதிகளில் கால்நடை அறுவை நிலையங்கள், ஆடு, மாடு, பன்றி, கோழி இறைச்சி விற்பனை நிலையங்கள், மீன்கடைகள் ஆகியவை வரும் 21 ஆம் தேதி மூடப்பட்டிருக்க வேண்டும். உத்தரவை மீறி இறைச்சி, மீன்கடைகள் செயல்பட்டால் கடும் நடவடிக்கை எடுக்கப்படும்” எனக் குறிப்பிடப்பட்டுள்ளது.

News April 14, 2024

முதலமைச்சரின் தமிழ் புத்தாண்டு வாழ்த்து செய்தி

image

தமிழ்ப் புத்தாண்டு தினத்தையொட்டி புதுவை முதலமைச்சர் ரங்கசாமி வாழ்த்து செய்தி வெளியிட்டுள்ளார். அதில், “தமிழ்ப் புத்தாண்டு தமிழா் வாழ்வோடு ஆழமாக வேரூன்றியுள்ள பாரம்பரிய கலாசாரப் பெருமைகளை உலகிற்கு எடுத்துக்கூறும் உன்னதப் பண்டிகை. பிறக்கும் தமிழ்ப் புத்தாண்டு அனைவரது வாழ்விலும், நிறைந்த வளம், மிகுந்த மன மகிழ்ச்சியைக் கொண்டு வந்து சேர்ப்பதாக அமையட்டும்” என குறிப்பிட்டுள்ளார்.

News April 14, 2024

முதல் பாஜக சட்டமன்ற உறுப்பினர் மரணம்

image

புதுச்சேரி பாரதிய ஜனதா கட்சியின் முதல் சட்டமன்ற உறுப்பினர் A.M.கிருஷ்ணமூர்த்தி நேற்று இயற்கை எய்தினார். அவர் முதன்முதலாக 2001 ஆம் ஆண்டு புதுச்சேரியின் சட்டமன்ற உறுப்பினராக தேர்ந்தெடுக்கப்பட்டு 2006 ஆம் ஆண்டுவரை சட்டமன்ற உறுப்பினராக இருந்துள்ளார். இந்நிலையில், கடந்த சில வருடங்களாக உடல்நிலை பாதிக்கப்பட்டு சிகிச்சையில் இருந்த அவர் நேற்று சிகிச்சை பலனின்றி உயிரிழந்தார்.

News April 14, 2024

காரைக்கால் பேருந்து நிலையத்தில் விழிப்புணர்வு செல்பி பாயிண்ட்

image

மக்களவைத் தேர்தல் முன்னிட்டு காரைக்கால் மாவட்டத்தில் 100% வாக்கினை பெறுவதற்காக விழிப்புணர்வு ஏற்படுத்தும் வகையில் தேர்தல் துறை சார்பில் காரைக்கால் பேருந்து நிலையத்தில் தேர்தல் விளம்பரங்கள் அடங்கிய விளம்பரப் பலகையில் பொதுமக்கள் ஆர்வமாக செல்பி எடுத்து தங்கள் தேர்தல் விழிப்புணர்வை ஏற்படுத்தினர். இந்நிகழ்வில் ஏராளமான பொதுமக்கள் கலந்து கொண்டனர்.

News April 13, 2024

காங்.கட்சி தேசிய தலைவர் வருகையொட்டி ஆலோசனை

image

புதுச்சேரி மக்களவை வேட்பாளர் வைத்திலிங்கத்தை ஆதரித்து பிரச்சாரம் மேற்கொள்வதற்கு காங்கிரஸ் கட்சி தேசிய தலைவர் மல்லிகார்ஜுனா கார்கே 15 ஆம் தேதி புதுவை வருகிறார். அதற்காக தட்டாஞ்சாவடி ஒழுங்கு முறை விற்பனை கூடத்தில் பந்தல் அமைக்கும் பணி மற்றும் பாதுகாப்பு பணி குறித்து முன்னாள் துணை சபாநாயகர் பாலன் தலைமையில் காவல்துறை அதிகாரிகளுடன் இன்று ஆலோசனை நடைபெற்றது.

Featured News

Sorry, no posts matched your criteria.

↑