India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 27, 2024
மண்பானை விற்பனை அமோகம்
கடலூர் சுற்று வட்டார பகுதிகளில் வெயிலின் தாக்கம் அதிகரித்து காணப்படுகிறது. இதனை முன்னிட்டு கடலூர் செம்மண்டலம் பகுதியில் கோடை வெயிலுக்கு குளிர்ச்சியான குடிநீர் வழங்கும் மண் பானைகள் விற்பனை அதிகரித்துள்ளது. இதுகுறித்து மண்பானை விற்பனையாளர்கள் கூறுகையில், வெயிலின் தாக்கம் அதிகரித்துள்ளதால் வீடு, அலுவலகத்திற்கு என பொதுமக்கள் மண் பானைகள் வாங்க ஆர்வம் காட்டி வருவதாக தெரிவித்தனர்.
News April 27, 2024
ஆக்கிரமிப்பு அகற்ற அதிகாரிகள் நடவடிக்கை
குன்னூர் பேருந்து நிலைய பகுதியில் ஆக்கிரமித்து கட்டப்பட்ட 7 கடைகளுக்கு நேற்று (ஏப். 26) வருவாய் துறை அதிகாரிகள் நோட்டீஸ்களை நேரில் சமர்ப்பித்தனர். கோர்ட் உத்தரவின் பேரில் ஆக்கிரமிப்பு அகற்றப்பட்டு வருகிறது. முதல் கட்டமாக 42 கடைகளும், இரண்டாம் கட்டமாக 2 கடைகளும் என 44 கடைகள் அகற்றப்பட்டன. விரைவில் 7 கடைகள் இடிக்கப்பட உள்ளது என இன்று வருவாய் துறையினர் தெரிவித்தனர்.
News April 27, 2024
மதுரை வழியாக செல்லும் வந்தே பாரத் ரயில் சேவை நீட்டிப்பு
எழும்பூர் – நாகர்கோவில் இடையே செல்லும் வந்தே பாரத் சிறப்பு ரயில் சேவை நீட்டிக்கப்படுவதாக தெற்கு ரயில்வே தெரிவித்துள்ளது. வண்டி எண் (06067) எழும்பூர்- நாகர்கோவில் வாரந்திர வந்தே பாரத் சிறப்பு ரயில் மே.2ஆம் தேதி முதல் ஜூன் 27ஆம் தேதி வரை நீட்டிக்கப்படுகிறது. எழும்பூர்- நாகர்கோவில் இடையே இயக்கப்படும் சிறப்பு ரயில் (06057) சேவையும், மே.3ஆம் தேதி முதல் ஜூன்.30 ஆம் தேதி வரை நீட்டிக்கப்பட்டுள்ளது.
News April 27, 2024
விழுப்புரம் அருகே கும்பாபிஷேகம்
விழுப்புரம் மாவட்டம், திருப்பாச்சனூர் கிராமத்தில் எழுந்தருளியுள்ள ஸ்ரீ பொன்னியம்மன், சப்த மாதாக்கள், ஸ்ரீ காளியம்மன் ஆலயத்தை புதுப்பித்து பஞ்சவர்ணம் தீட்டி புதியதாக நுழைவாயில் அமைத்து அஷ்டபந்தன மகா கும்பாபிஷேகம் நேற்று விமர்சியாக நடைபெற்றது. இவ்விழாவில் திரளான பக்தர்கள் கலந்து கொண்டு அம்மன் அருளைக் கண்டுகளித்தனர்.
News April 27, 2024
ஸ்ரீ ராமர் கோவிலில் உழவாரப் பணி தொடக்கம்
நாமக்கல் மாவட்டம் வளையப்பட்டி அருகே அ.மேட்டுப்பட்டியில் ஸ்ரீ ராமர் கோவில் உள்ளது. இக்கோவிலில் இன்று உழவாரப் பணி மேற்கொள்ளப்பட்டது. இதில் நாமக்கல், வலையபட்டி, மோகனூர் உள்ளிட்ட பகுதிகளைச் சேர்ந்த கிராம மக்கள் ஒன்று இணைந்து உழவாரப் பணி மேற்கொண்டனர். இதன் முதல் தொடக்கமாக மரக்கன்றுகளை நட்டு வைத்தனர். இதில் அப்பகுதியைச் சேர்ந்த ஏராளமான பொதுமக்கள் கலந்து கொண்டனர்.
News April 27, 2024
செங்கல்பட்டு: ஆட்சியர் அதிரடி உத்தரவு
திருக்கழுக்குன்றத்தில் உள்ள பிரசித்தி பெற்ற கோவில் தலமாக விளங்கும் ஸ்ரீ வேதகிரீஸ்வரர் கோவிலுக்கு சொந்தமான சங்க தீர்த்த களத்தில் கழிவு நீர்கள் கலந்து அசுத்தம் ஏற்பட்டுள்ளது. அதனை தூர்வாரி பராமரிக்க வேண்டும் என பொதுமக்கள் கோரிக்கை வைத்தனர். இதையடுத்து, செங்கல்பட்டு ஆட்சியர் அருண்ராஜ் நேரில் ஆய்வு மேற்கொண்டு குளத்தை தூர்வார உத்தரவு பிறப்பித்துள்ளார்.
News April 27, 2024
நிலை கண்காணிப்பு குழுக்கள் கலைப்பு
கர்நாடகாவில் முதற்கட்ட நாடாளுமன்ற தேர்தல் நேற்று நடைபெற்று முடிந்தது. எனவே கர்நாடக நாடாளுமன்ற தேர்தலுக்காக ஈரோடு மாவட்டத்தில் உள்ள தமிழ்நாடு – கர்நாடக மாநில எல்லையில், அந்தியூர் மற்றும் பவானிசாகர் சட்டமன்ற தொகுதிகளில் 10 நிலை கண்காணிப்பு குழுவினர் சோதனையில் ஈடுபட்டு வந்தனர். தேர்தல் நேற்று முடிந்த நிலையில், நிலை கண்காணிப்பு குழுக்கள் இன்று, கலைக்கப்பட்டதாக தேர்தல் பிரிவு அதிகாரிகள் தெரிவித்தனர்.
News April 27, 2024
ராம்நாடு அருகே விழிப்புணர்வு பேரணி
ராமநாதபுரம் அருகே ஆர்.எஸ்.மடை கிராமத்தில் மதுரை தமிழ்நாடு அரசு வேளாண்மை பல்கலைக்கழக கல்லூரி மாணவிகள் ஒரு மாதம் தங்கி விவசாயிகளை சந்தித்து பயிர்கள், பயிர் சுழற்சி முறைகள், நீர்ப்பாசன வசதிகளை தெரிந்து ஆராய்ச்சி செய்து வருகின்றனர். வெள்ளரி சாகுபடியில் பூச்சி தாக்குதல், அதில் வரும் விளக்கெண்ணெய் நோய் பற்றியும், கட்டுப்பாடு முறையை தெரிந்து கொண்டனர். நேற்று இயற்கை விவசாய விழிப்புணர்வு பேரணி நடத்தினர்.
News April 27, 2024
தர்மபுரியின் எழில்மிகு ஒகேனக்கல் அருவி!
தர்மபுரி மத்தியிலிருந்து 47 கிமீ தொலைவில் அமைந்துள்ளது ஒகேனக்கல் அருவி. இது ஒரு அருவியை மட்டும் குறிக்காது. பல அருவிகளைக் குறிக்கும் ‘உகுநீர்க்கல்’ என்ற தமிழ் சொல்லே ஒகேனக்கல் என்றானது. இதன் கன்னட அர்த்தம் ‘புகையும் கல்பாறை’ ஆகும். பழங்காலத்தில் இதனைச் சுற்றியுள்ள பகுதியை தலைநீர் நாடு என்றழைத்தனர். கர்நாடகாவின் எல்லையில் இருப்பதால் கன்னட மொழி இந்த பகுதிகளில் ஆரம்பகாலத்திலிருந்து இங்கு பரவியுள்ளது.
News April 27, 2024
தென்காசி அணைகளின் இன்றைய நிலவரம்
தென்காசி மாவட்ட அணைகளின் நீர்மட்டம் தொடர்ந்து இறங்கி வருகிறது. கடனா அணை நீர் இருப்பு இன்று (ஏப்ரல் 27) 28 அடியாக உள்ளது. ராமநதி அணை நீர் இருப்பு 42 அடியாக சரிந்துள்ளது. கருப்பாநதி நீர் இருப்பு 40 அடியாக உள்ளது. குண்டாறு அணை 15 அடியாக குறைந்துள்ளது. அடவிநயினார் அணை நீர் இருப்பு 62 அடியாக உள்ளது. கடந்த 24 மணி நேரத்தில் மாவட்டத்தில் எங்கும் மழை இல்லை.
Featured News
Sorry, no posts matched your criteria.