India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 15, 2026
காந்திபுரம் பாலத்தில் இருந்து குதித்தவர் உயிரிழப்பு
கோவையைச் சேர்ந்தவர் ரமேஷ் (43). இவரது மகன் ஜெகன் (17). இவர் காந்திபுரம் மேம்பாலத்தில் இருந்து கடந்த 7-ம் தேதி கீழே குதித்தார். பின்னர் படுகாயம் அடைந்த அவர் கோவை GH-ல் சிகிச்சை பெற்று வந்தார். இந்நிலையில் நேற்று சிகிச்சை பலனின்றி கோவை அரசு மருத்துவமனையில் உயிரிழந்தார். இதுகுறித்து போலீசார் விசாரணை செய்து வருகின்றனர்.
News January 15, 2026
உதகையில் அதிரடி காட்டிய அதிகாரிகள்
உதகை படகு இல்லம் பகுதியில் சுற்றுலா பேருந்தில் தண்ணீா் பாட்டில்கள் எடுத்து வரப்பட்டுள்ளதாக நகராட்சி அதிகாரிகளுக்கு தகவல் கிடைத்தது. இதனையடுத்து அங்கு நகராட்சி ஊழியா்கள் சோதனை செய்த போது, மகாராஷ்டிரா மாநிலத்தை சோ்ந்த சுற்றுலா பேருந்தில் 400-க்கும் மேற்பட்ட அரை லிட்டா் தண்ணீா் பாட்டில்கள் இருந்தது கண்டுபிடிக்கப்பட்டது. இதனையடுத்து அதை பறிமுதல் செய்ததுடன், ரூ.45,000 அபராதம் விதித்தனா்.
News January 15, 2026
CRIME TIME: தகாத உறவால் அரங்கேறிய பகீர் சம்பவம்!
ஓமலூர் எஸ்.ஐ பூபதிக்கும், பூசாரிப்பட்டியைச் சேர்ந்த அலமேலு என்ற பெண்ணுக்கும் இடையே முறையற்ற பழக்கம் இருந்துள்ளது. இந்நிலையில், பூபதியை வீட்டிற்கு வரவழைத்த அலமேலு 4 பேருடன் சேர்ந்து பூபதியை தாக்கியுள்ளார். பின்னர் அவரிடமிருந்து ரூ.1 லட்சம் மற்றும் 4 சவரன் நகையைப் பறித்துக் கொண்டனர். இதுகுறித்த புகாரின் பேரில், முறையற்ற உறவு வைத்திருந்த பெண் உட்பட 5 பேரையும் தீவட்டிப்பட்டி போலீசார் கைது செய்தனர்.
News January 15, 2026
அறிவித்தார் கரூர் கலெக்டர்!
கரூர் மாவட்டத்தில் விசைத்தறிகளை நவீனமயமாக்கும் திட்டத்தின் கீழ், தகுதியான சப்ளையர்கள் (Suppliers) வரிசையில் சேர நெசவாளர்களிடமிருந்து விண்ணப்பங்கள் வரவேற்கப்படுவதாக மாவட்ட ஆட்சியர் தெரிவித்துள்ளார். இத்திட்டம் குறித்த விரிவான வழிகாட்டுதல்கள் மற்றும் கூடுதல் விவரங்களுக்கு, 9750044550 என்ற எண்ணில் சரக கைத்தறி உதவி இயக்குநரைத் தொடர்பு கொண்டு பயன்பெறலாம் என அறிவிக்கப்பட்டுள்ளது.
News January 15, 2026
ஏல சீட்டு நடத்தி மோசடி செய்த ஒருவர் கைது
பெரியகுமட்டியை சேர்ந்த அசோகன் மற்றும் அவரது மனைவி கலைச்செல்வி ஆகியோர் ஏல சீட்டு நடத்துவதாக கூறி கடலூர் பகுதி சேர்ந்த பலரிடம் சீட்டு பிடித்து சீட்டு முடிந்த பிறகும் பணம் கொடுக்காமல் ஏமாற்றி உள்ளனர். கிருபாகரன், சிவராமகிருஷ்ணன், திருஞான செல்வம், செல்வராஜ் ஆகியோர் கடலூர் குற்றப்பிரிவு போலீசாரிடம் அளித்த புகாரில் ரூ.13,98,912 ஏல சீட்டு பணத்தை ஏமாற்றிய அசோகன் (43) என்பவரை இன்று கைது செய்தனர்.
News January 15, 2026
திருப்பத்தூரில் பகுஜன் சமாஜ் கட்சியினர் புகார்
திருப்பத்தூர் மாவட்ட காவல் கண்காணிப்பாளர் அலுவலகத்தில் நேற்று (ஜன.14) நடைபெற்ற மக்கள் குறைத்தீர்வு நாள் கூட்டத்தில் பகுஜன் சமாஜ் கட்சியினரை தொடர்ந்து இழிவுபடுத்தி பேசி வரும் சவுக்கு சங்கர் மீது நடவடிக்கை எடுக்க கோரி அக்கட்சியை சேர்ந்த அஸ்லம் பாஷா புகார் மனு அளித்தார். உடன் ஆல்பர்ட், ரஞ்சித் குமார், ராஜேந்திரன் ஆகியோர் சென்று மனு அளித்தனர்.
News January 15, 2026
திருப்பத்தூர் காவல்துறையினர் விழிப்புணர்வு
வாணியம்பாடி அடுத்த சின்னகல்லுபள்ளி பகுதியில் உள்ள சென்னை – பெங்களூர் தேசிய நெடுஞ்சாலையில் நேற்று (ஜன.14) வாணியம்பாடி கிராமிய காவல் துறையினர் சார்பில் விழிப்புணர்வு ஏற்படுத்தப்பட்டது. இதில் இரு சக்கர வாகன ஓட்டிகளுக்கு சாலை பாதுகாப்பு குறித்து பிரச்சார துண்டுகள் வழங்கி சாலை பாதுகாப்பு விழிப்புணர்வு ஏற்படுத்தபட்டது.
News January 15, 2026
மருதமலையில் இதற்கு தடை!
பொங்கல் தொடர் விடுமுறையை முன்னிட்டு ஜன.15-ம் தேதி முதல் 18-ம் தேதி வரை மருதமலை சுப்ரமணிய சாமி கோயிலுக்கு காரில் மலை மேல் செல்ல கோயில் நிர்வாகம் தடை விதித்துள்ளது. மேலும் பக்தர்கள் மலைப்படிகள் மற்றும் கோயில் பேருந்து வாயிலாகவும் மலைக்கு செல்லலாம். (இத்தகவலை SHARE பண்ணுங்க)
News January 15, 2026
கடலூர்: சாதிச்சான்றிதழ் வழங்க சிறப்பு முகாம்
கடலூர் மாவட்டத்தில் புதிரை வண்ணார் சமூகத்தினருக்கு சாதிச்சான்றிதழ், ஆதார், வாக்காளர் அடையாள அட்டை வழங்குவதற்கு சிறப்பு முகாம்கள் நடத்தப்படுகிறது என மாவட்ட ஆட்சியர் சிபி ஆதித்யா செந்தில்குமார் தெரிவித்துள்ளார். ஆதிதிராவிடர் நலத்துறை சார்பில் விருத்தாசலம், வேப்பூர், திட்டக்குடி, பண்ருட்டி, ஸ்ரீமுஷ்ணம், சிதம்பரம், குறிஞ்சிப்பாடி ஆகிய வட்டாட்சியர் அலுவலகத்தில் வருகிற ஜன. 20 முதல் 23 வரை நடைபெறும்.
News January 15, 2026
புதுச்சேரி: கெட்ட வாரத்தை பேசிய இளைஞர் கைது
புதுவை முதலியார்பேட்டை உதவி ஆய்வாளர் ஜெயபிரகாஷ் மற்றும் போலீசார் ரோந்து பணியில் ஈடுபட்டனர். அப்போது தேங்காய்திட்டு மீன்பிடி துறைமுகம் அருகே ஒருவர் மதுபோதையில் ஆபாச வார்த்தைகளால் பொதுமக்களை திட்டியுள்ளார். உடனே போலீசார் அவரை பிடித்து விசாரித்த போது, அவர் வேல்ராம்பட்டு சேர்ந்த பாரூக்(31) என்பது தெரியவந்தது. இதனையடுத்து போலீசார் அவரை கைது செய்தனர்.
Featured News
Sorry, no posts matched your criteria.