India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 16, 2026
உடன்குடி அருகே சொகுசு காரில் ஆடுகள் திருட்டு
மெய்ஞானபுரம் அருகே கல்விளை பகுதியை சேர்ந்த கோமதி என்பவர் ஆடு வளர்க்கும் தொழில் செய்து வருகிறார். இந்நிலையில் இவரது வீட்டிலிருந்த 2 ஆடுகள் திருடு போனது. இது குறித்து அளித்த புகாரின் பேரில் விசாரணை நடத்திய போலீசார், அப்பகுதியில் வாலிபர்கள் சிலர் சொகுசு காரில் ஆடுகளை கடத்தி சென்றதை கண்டுபிடித்தனர். தொடர்ந்து சம்பவத்தில் ஈடுபட்ட சங்கர் (20) என்பவரை கைது செய்து மேலும் சிலரை தேடி வருகின்றனர்.
News January 16, 2026
சிவகங்கை: கஞ்சா வைத்திருந்ததாக இருவர் கைது
பூவந்தி காவல் நிலையத்தில் எஸ்ஐ ஆக பணியாற்றி வரும் ஸ்ரீதர், கே. பெத்தானேந்தல் பகுதியில் ரோந்து பணியில் ஈடுபட்டிருந்தனர். அப்போது மதுரையை சேர்ந்த அரவிந்தன் மற்றும் அதே பகுதியை சேர்ந்த ஆதீஸ்வரன் ஆகிய இருவரும் அரசால் தடை செய்யப்பட்ட சுமார் 200 கிராம் கஞ்சாவை வைத்திருந்ததாக கூறப்படுகிறது. பிறகு அவர்களிடமிருந்து இருசக்கர வாகனமும் கஞ்சாவும் பறிமுதல் செய்யப்பட்டு, இருவரும் கைது செய்யப்பட்டனர்.
News January 16, 2026
செங்கல்பட்டு: கடலில் குளிக்க சென்றவர் பிணமாக வந்த சோகம்!
செய்யூர், சோத்துப்பாக்கம் பூங்கா நகர் பகுதியை சேர்ந்தவர் சரவணன் மகன் சத்யபிரியன் (16) 11ஆம் வகுப்பு படித்து வருகிறார். இந்நிலையில், இவர் நேற்று காலை முகத்துவாரம் பகுதிக்கு குளிக்க சென்றபோது கடலில் மூழ்கி மாயமானார். அங்கிருந்த மீனவர்கள் இவரை மீட்டு, செய்யூர் அரசு மருத்துவமனைக்கு அனுப்பி வைத்தனர். மருத்துவர்கள் அவர் ஏற்கனவே இறந்துவிட்டதாக தெரிவித்தனர். சூணாம்பேடு போலீசார் விசாரிக்கின்றனர்.
News January 16, 2026
களத்தில் அதிரடி: கரூர் கலெக்டர் கொடுத்த அப்டேட்
குளித்தலை ராச்சாண்டார்திருமலையில் நாளை (ஜனவரி 17) ஜல்லிக்கட்டு நடைபெறும். இதில் சுமார் 700 காளைகளுக்கு அனுமதி வழங்கப்பட உள்ளது. மாடுபிடி வீரர்கள் 5 குழுக்களாகப் பிரிக்கப்பட்டு பனியன்கள் வழங்கப்படும். காளைகளுக்கும், வீரர்களுக்கும் சுவாச பரிசோதனை கட்டாயமாக்கப்பட்டுள்ளது. விருப்பமுள்ளவர்கள் karur.nic.in இணையதளம் வாயிலாக பதிவு செய்யலாம் என கரூர் கலெக்டர் தங்கவேல் தெரிவித்துள்ளார்.
News January 16, 2026
பள்ளிப்பாளையம் அருகே வசமாக சிக்கிய நபர்: அதிரடி கைது
பள்ளிப்பாளையம் அருகே பூலக்காட்டூர் பகுதியை சேர்ந்த அருண் குமார்(28). இவர் கஞ்சா விற்பனை செய்து கொண்டிருப்பதாக போலீசாருக்கு தகவல் வந்தது. இதையடுத்து பள்ளிப்பாளையம் போலீசார், அப்பகுதியில் கண்காணித்தனர். அப்போது கஞ்சா விற்பனை செய்து கொண்டிருந்த அருண்குமாரை, போலீசார் இரவு கைது செய்தனர். இவரிடம் இருந்து அரை கிலோ கஞ்சாவை போலீசார் பறிமுதல் செய்தனர்.
News January 16, 2026
சென்னை: ஊருக்கு சென்றவருக்கு காத்திருந்த அதிர்ச்சி!
போரூர் ஹெரிடேஜ் வெங்கடேஸ்வரா நகர் பகுதியில் வசிக்கும் இளவரசன் (36) பொங்கல் கொண்டாட சொந்த ஊருக்கு சென்றிருந்தார். இந்த நிலையில், கடந்த 12 ஆம் தேதியன்று அவரது வீட்டின் பூட்டு உடைக்கப்பட்டு, வீட்டில் இருந்த ரூ.13.20 லட்சம் பணம், தங்க நாணயங்கள் திருடப்பட்டன. புகாரின் பேரில் வானகரம் போலீசார், சூர்யா, முரளி, டில்லிபாபு, வாணி, யுவஸ்ரீ, ஆர்த்தி ஆகியோரை நேற்று கைது செய்து ரூ.2 லட்சம் பணத்தை மீட்டனர்.
News January 16, 2026
திண்டுக்கல்லில் சிக்கிய 2 பேர்.. அதிரடி கைது!
திண்டுக்கல் சிறுமலை வனச்சரகத்தில் தாளக்கடை பகுதி தனியார் இடத்தில் மாவட்ட வன அலுவலர் நாகசதிஷ் கிடிஜாலா உத்தரவின் படி, ரேஞ்சர் சுரேஷ் தலைமையிலான வனக்காவலர்கள் ரோந்தில் ஈடுபட்டனர். அப்போது, நத்தம் கொட்டாம்பட்டியை சேர்ந்த வனராஜ் (35), கணேசன் (37) இருவரும் சந்தன மரத்தை வெட்டி கடத்த முற்பட்டனர். இதையடுத்து அவர்களை வனக்காவலர்கள் கைது செய்தனர்.
News January 16, 2026
விழுப்புரத்தில் பாஜக பெண் நிர்வாகிக்கு பளார்!
திண்டிவனத்தில் நேற்று விழுப்புரம் வடக்கு மாவட்ட பாஜக நிர்வாகிகள் கூட்டம் நடைபெற்றது. அப்போது, திண்டிவனம் தொகுதி அமைப்பாளர் சந்திரலேகா எழுந்து, செயற்குழு உறுப்பினர் ராதிகா தன்னை தரக்குறைவாக பேசியதாக முறையிட்டார். இதனால் ஆத்திரமடைந்த ராதிகா, அவரை கன்னத்தில் பளார் என அறைந்தார். இதனால் இருதரப்பினருக்கும் இடையே மோதல் ஏற்பட்டது. பின்னர் மற்ற நிர்வாகிகள் சமாதானம் செய்து வைத்தனர்.
News January 16, 2026
வேலூர்: பெண்ணிடம் நூதன முறையில் மோசடி!
ரங்காபுரத்தைச் சோ்ந்த 43 வயது பெண்ணின் வாட்ஸ் ஆப் எண்ணுக்கு, ஆன்லைன் பங்கு வா்த்தக முதலீட்டில் அதிக லாபம் ஈட்டலாம் என ஒரு லிங்க் வந்துள்ளது. அதன்மூலம் ஒரு செயலியை பதிவிறக்கம் செய்து ஒரு சிறிய தொகையை முதலீடு செய்துள்ளார். அதில் அதிக லாபம் கிடைத்ததால், தொடர்ந்து ரூ.61,38,745 பணத்தை முதலீடு செய்துள்ளார். ஆனால் இந்த பணம் திரும்ப கிடைக்காத நிலையில் மாவட்ட சைபா் குற்றப்பிரிவில் புகாா் அளித்துள்ளார்.
News January 16, 2026
கள்ளக்குறிச்சி: மனைவி கண்முன்னே நேர்ந்த கொடூரம்!
கள்ளக்குறிச்சி: தகடியைச் சேர்ந்தவர் ஏழுமலை (38). நேற்று முன்தினம் தனது மனைவி வைத்தீஸ்வரியுடன் மருத்துவமனைக்கு சென்று வீடு திரும்பினார். அப்போது அதே பகுதியைச் சேர்ந்த ஆகாஷ் (23) மற்றும் அவரது நண்பர்கள் என 3 பேர் வந்த பைக், ஏழுமலையின் பைக் மீது பின்பக்கமாக மோதியது. இதில் கீழே விழுந்த ஏழுமலையை, மூவரும் கொடூரமாக தாக்கி கொலை மிரட்டல் விடுத்தனர். இதுகுறித்த புகாரில் போலீசார் விசாரித்து வருகின்றனர்.
Featured News
Sorry, no posts matched your criteria.