India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 16, 2026
கிருஷ்ணகிரியில் உடல் கருகி பலி!
நாகரசம்பட்டி அருகே உள்ள வீரமலையை சேர்ந்த தம்பதி ஜெயராஜ் – மீனா (28). கணவன்-மனைவி இடையே ஏற்பட்ட குடும்ப பிரச்சினையினால் மனமுடைந்த மீனா கடந்த 25-ந் தேதி மண்எண்ணெயை உடலில் ஊற்றி தீ வைத்துக் கொண்டார். அவரை உறவினர்கள் மீட்டு சிகிச்சைக்காக பெங்களூரு தனியார் ஆஸ்பத்திரியில் சேர்த்தனர். அங்கு சிகிச்சை பலனின்றி மீனா உயிரிழந்தார். இது குறித்து நாகரசம்பட்டி போலீசார் விசாரணை நடத்தி வருகின்றனர்.
News January 16, 2026
தருமபுரி: கணவன் தூக்கிட்டு தற்கொலை!
அரூர், இட்லபட்டியை சேர்ந்த தொழிலாளி வேடியப்பன் (40). இவரது மனைவி குடும்ப பிரச்சினையினால் சில நாட்களுக்கு முன் தாயார் வீட்டிற்கு சென்று விட்டார். கடந்த 10 நாட்களுக்கு முன் வேடியப்பன் அவரை சமாதானம் செய்து அழைத்து வந்தார். மீண்டும் அவர் தாயார் வீட்டிற்கு சென்றதால் மனமுடைந்த வேடியப்பன் வீட்டில் தூக்குப்போட்டு தற்கொலை செய்து கொண்டார். இது பற்றி அரூர் போலீசார் விசாரித்து வருகின்றனர்.
News January 16, 2026
கடலூர்: கஞ்சா விற்ற 3 பேர் கைது
ரெட்டிச்சாவடி எஸ்.ஐ எழிலரசி தலைமையிலான போலீசார் நேற்று ரோந்து பணியில் ஈடுபட்டனர். அப்போது புதுக்கடை பைபாஸ் நிறுத்தம் அருகே சந்தேகம் அளிக்கும் வகையில் நின்று கொண்டிருந்த 3 பேரை பிடித்து விசாரித்தனர். அப்போது ரோஹித் (18), சக்திவேல் (18), மனோஜ் குமார் (23) ஆகியோர் கஞ்சா விற்க வைத்திருந்தது தெரியவந்தது. இதையடுத்து மூன்று பேரையும் கைது செய்த போலீசார், 300 கிராம் கஞ்சாவை பறிமுதல் செய்தனர்.
News January 16, 2026
திருவள்ளூரில் டாஸ்மாக், கறிக் கடைகள் இயங்காது!
திருவள்ளுவர் தினத்தை முன்னிட்டு தமிழ்நாடு முழுவதும் இன்று(ஜன.16) டாஸ்மாக் கடைகள் மற்றும் இறைச்சி விற்பனை கடைகளுக்கு தமிழ்நாடு அரசு விடுமுறை அறிவித்துள்ளது. இந்த உத்தரவை மீறி கள்ளத் தனமாக விற்பனை செய்பவர்கள் மீது கடுமையாக நடவடிக்கை எடுக்கப்படுமென தெரிவிக்கப்பட்டுள்ளது.
News January 16, 2026
வாணியம்பாடியில் பரபரப்பு
வாணியம்பாடி அருகே உள்ள நெக்குந்தி அரசு உயர்நிலைப் பள்ளியில் தமிழாசிரியராகப் பணியாற்றி வந்த சி.பலராமன், நேற்று (ஜனவரி 15) சாலை விபத்தில் உயிரிழந்தார். பொங்கல் பண்டிகையை முன்னிட்டு நேற்று காலை தனது சொந்த ஊருக்கு வாகனத்தில் சென்றபோது இந்த விபத்து நேரிட்டது. பட்டதாரி ஆசிரியரின் இந்தத் துயரமான மறைவு அப்பகுதி மக்களிடையேயும், கல்வி வட்டாரத்திலும் பெரும் சோகத்தையும் பரபரப்பையும் ஏற்படுத்தியுள்ளது.
News January 16, 2026
ராம்நாடு: ஊரணியில் மூழ்கி இளைஞர் பலி!
திருவாடனை பகுதியை சேர்ந்தவர் கிரிஷ் (27). இவர் நேற்று மாலை வானியேந்தல் கிராமத்தில் உள்ள ஊரணியில் குளித்த போது எதிர்பாராத விதமாக ஆழமான பகுதிக்கு சென்றவர் நீரில் மூழ்கினார். அங்கிருந்தவர்கள் அவரை மீட்க முயன்றும், முடியாததால் தீயணைப்பு துறையினருக்கு தகவல் அளித்தனர். திருவாடனை தீயணைப்பு வீரர்கள் நீண்ட நேரம் தேடி சகதியில் சிக்கி உயிரிழந்த கிரிஷ் உடலை மீட்டனர். இதுகுறித்து திருவாடனை போலீசார் விசாரனை.
News January 16, 2026
மதுரை: பேருந்துகள் மோதிய விபத்தில் 5 பேர் காயம்
சிவகங்கை காளையார்கோவிலில் இருந்து ஆம்னி பேருந்து ஒன்றை டிரைவர் கிருஷ்ணன்(24) ஓட்டி வந்தார். மற்றொருபுறம் திருநெல்வேலி மாவட்டம் முக்கூடலைச் சேர்ந்த ஜான்சன் அரசு பஸ்சை ஓட்டி வந்தார். இரு பஸ்களும் திண்டுக்கல் சாலையில் துவரிமான் அருகே நேற்று ஒன்றின் பின் ஒன்றாக மோதியது. இதில் ஆம்னி பஸ்சில் பயணம் செய்த விஜய மாணிக்கம் உட்பட 5 பேர் காயமடைந்த நிலையில் நாகமலை புதுக்கோட்டை போலீசார் வழக்கு பதிந்துள்ளனர்.
News January 16, 2026
நெல்லை: தொழில் போட்டியில் முதியவர் மீது தாக்குதல்
பேட்டையை சேர்ந்தவர் ஜெயபாலன் (74). இவர் மளிகை கடை நடத்தி வருகிறார். அதே பகுதியை சேர்ந்த அரிசி வியாபாரம் செய்யும் செல்லையா என்பவர் தொழில் போட்டி காரணமாக நேற்று முன் தினம் ஜெயபாலனை தாக்கினார். காயமடைந்த ஜெயபாலன் அரசு மருத்துவமனையில் சிகிச்சை பெற்று வருகிறார். அவர் அளித்த புகாரின் படி பேட்டை போலீசார் விசாரித்து வருகின்றனர்.
News January 16, 2026
தேனி: கார் மோதி பெண் பரிதாப பலி..!
தேனி அருகே வடபுதுப்பட்டியை சேர்ந்தவர் பாலமுருகன். இவரது மனைவி லலிதாரஸ் (37). இருவரும் தங்களது இரு சக்கர வாகனத்தில் தேனி-போடி ரோட்டில் சென்று கொண்டிருந்தனர். அப்போது தோப்புபட்டி அருகே சென்ற போது பின்னால் வந்த கார் டூவீலர் மீது மோதியது. இதில் பலத்த காயமடைந்த லலிதாரஸ் மருத்துவமனைக்கு கொண்டு செல்லும் வழியில் பரிதாபமாக உயிரிழந்தார். விபத்து குறித்து பழனிசெட்டிபட்டி போலீசார் வழக்குப்பதிந்து விசாரணை.
News January 16, 2026
குமரி: பொங்கல் கொண்டாட்டத்தில் ஒருவர் வெட்டிக் கொலை
நாகர்கோவில் அருகே சரலூரில் நேற்று நடைபெற்ற பொங்கல் விழா கலை நிகழ்ச்சியில் நண்பர்களுக்கிடையே தகராறு ஏற்பட்டுள்ளது. இதையடுத்து போலீசார் நிகழ்ச்சிகளை ரத்து செய்து அனைவரையும் வீட்டிற்கு அனுப்பி வைத்தனர். அதன் பின்னர் ரமேஷ் என்பவரை மர்ம நபர்கள் வெட்டிக் கொலை செய்தனர். மணிகண்டன் என்பவர் படுகாயம் அடைந்த நிலையில் GH-ல் அனுமதிக்கப்பட்டுள்ளார். இச்சம்பவம் குறித்து கோட்டாறு போலீசார் வழக்குப்பதிந்து விசாரணை.
Featured News
Sorry, no posts matched your criteria.