India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 17, 2026
குமரி: நாளை கடைசி நாள்; ஆட்சியர் அறிவிப்பு!
கன்னியாகுமரி மாவட்டத்தில் தீவிர வாக்காளர் சிறப்பு திருத்த முகாம் நடைபெற்று வருகிறது.
இந்நிலையில் வாக்காளர் பட்டியல் சிறப்பு தீவிர திருத்தத்தில் விடுபட்டவர்கள் மற்றும் புதியவர்கள் தங்கள் பெயர்களை இணைத்துக் கொள்ள ஜனவரி 18-ஆம் தேதி கடைசி நாளாக அறிவிக்கப்பட்டுள்ளது. இந்த இறுதி வாய்ப்பை பயன்படுத்தி பொதுமக்கள் தங்கள் பெயர்களை பதிவு செய்ய மாவட்ட ஆட்சியர் ஆர்.அழகு மீனா கேட்டுக் கொண்டுள்ளார்.
News January 17, 2026
தி.மலை: குளிக்க சென்றவர் பிணமாக வந்த சோகம்!
ஆரணி, குன்னத்தூரை சேர்ந்தவர் தமிம் அன்சாரி (56). கூலித் தொழிலாளி. இவர் நேற்று முன்தினம் மாலை கிணற்றுக்கு குளிக்க சென்றார். நீண்ட நேரமாகியும் அவர் மேலே வராததால், அங்கிருந்தவர்கள் ஊருக்குள் தகவல் தெரிவித்தனர். அதனை தொடர்ந்து ஆரணி தீயணைப்பு நிலைய அலுவலர் ஏழுமலை தலைமையில் நேற்று முன்தினம் இரவு முதல் அவரைத் தேடிய நிலையில், நேற்று காலை 10 மணியளவில் பிணமாக தமீம் அன்சாரி உடலை மீட்டனர்.
News January 17, 2026
கள்ளக்குறிச்சி: நிறைவேறாத ஆசையால் முதியவர் தற்கொலை!
மணலூர்பேட்டையை சேர்ந்த கண்ணன் (68), தனது மகன் ரகோத்தமனிடம் லாரி வாங்கி தருமாறு கேட்டுள்ளார். ஆனால் மகன் அவரது வயதை காரணம் காட்டி மறுத்துள்ளார். இதனால் மனமுடைந்த கண்ணன், வீட்டில் இருந்த பூச்சிக்கொல்லி மருந்தை எடுத்து குடித்துவிட்டார். அதைத்தொடர்ந்து மருத்துவமனையில் சிகிச்சைக்காக அனுமதிக்கப்பட்ட நிலையில், நேற்று உயிரிழந்தார். இதுகுறித்த புகாரில் போலீசார் விசாரித்து வருகின்றனர்.
News January 17, 2026
குமாரபாளையத்தில் துணிகர சம்பவம்!
குமாரபாளையம் ராஜராஜன் நகரைச் சேர்ந்த டெக்ஸ்டைல்ஸ் உரிமையாளர் செந்தில்குமார், குடும்பத்துடன் சுற்றுலா சென்றிருந்தபோது அவரது வீட்டின் பூட்டை உடைத்து மர்ம நபர்கள் திருடிச் சென்றுள்ளனர். வீடு திறந்து கிடப்பதாக அக்கம் பக்கத்தினர் அளித்த தகவலின் பேரில், செந்தில்குமார் போலீசில் புகாரளித்தார். சம்பவ இடத்திற்கு விரைந்த போலீசார் விசாரணை நடத்தி வருகின்றனர்.
News January 17, 2026
அறிவித்தார் நீலகிரி ஆட்சியர்!
நீலகிரி ஆட்சியர் செய்தி குறிப்பு ஒன்று வெளியிட்டுள்ளார். அதில் முதலமைச்சரின் விளையாட்டு திருவிழா இது நம்ம ஆட்டம் 2026 போட்டிகள் வரும் 22-ம் தேதி முதல் துவங்க உள்ளன.இதில் கலந்து கொள்ள விரும்பும் 10-35 வயதுக்குட்பட்டோர் தமிழ்நாடு விளையாட்டு ஆணையத்தின் இணையதளமான www.sadt.tn.gov.in-ல் வரும் 21-ம் தேதிக்குள் விண்ணப்பிக்கலாம்.மேலும் விவரங்களுக்கு 9514000777 என்ற எண்ணை தொடர்பு கொள்ளலாம் என தெரிவிப்பு.
News January 17, 2026
நெல்லை: மலம் கழிக்க சென்றவர் கொலை; பிண்ணனி இதோ!
பாப்பாக்குடி அருகே அடைச்சாணி பகுதியை சேர்ந்த சரவணன் (47) பைக் மற்றும் நான்கு சக்கர வாகனத்திற்கு டயர் பஞ்சர் பார்க்கும் கடை நடத்தி வருகிறார். இவருக்கு ஒரு மகனும் மகளும் உள்ளனர். இந்நிலையில் நேற்று பனை தோட்டத்துக்கு மலம் கழிக்க சென்றபோது மர்ம நபரால் வெட்டி கொல்லப்பட்டார். பாப்பாக்குடி போலீஸ் விசாரணையில் உறவினர் பாலமுருகன்(30) குடும்ப தகராறில் கொலை செய்தது தெரியவந்ததால் போலீஸார் அவரை கைது செய்தனர்.
News January 17, 2026
புதுக்கோட்டை: பைக்-கார் நேருக்கு நேர் மோதி விபத்து
புதுக்கோட்டை வடவாளத்தைச் சேர்ந்தவர் அபினேஷ் (23). இவர் நேற்று புதுக்கோட்டையிலிருந்து வடவாளத்திற்கு பைக்கில் சென்றுள்ளார். அப்போது, புதுகை கோட்டைக்காரர் தெரு கிளை சாலையில் அவருக்கு எதிரே காரை ஒட்டி இருந்த கைலாசம் (26) மோதியதில் அபினேஷிற்கு பலத்த காயம் ஏற்பட்டு மிகவும் ஆபத்தான நிலையில், மருத்துவமனையில் சிகிச்சை பெற்று வருகிறார். அவர் அளித்த புகாரில் கணேஷ் நகர் போலீசார் விசாரணை நடத்தி வருகின்றனர்.
News January 17, 2026
புதுவையில் ஆண்களுக்கான பொங்கல் விழா!
புதுவை மாநிலம் வானூர் அருகே அமைந்துள்ள வீரனார் கோயிலில், ஆண்கள் மட்டுமே கலந்து கொண்டு பொங்கல் வைக்கும் வினோத திருவிழா நடைபெற்றது. இதில் பொங்கல் வைப்பதற்காக ஊரில் உள்ள ஆண்கள் அனைவரும் ஒன்றிணைந்து, பானைகளை ஊர்வலமாக எடுத்து வந்து குளக்கரையில் பொங்கல் வைத்தனர். பின்பு பொங்கலை படையலிட்டு ஆண்கள் மட்டுமே உண்டனர். இப்பழக்கம் தங்களது மூதாதையர் காலத்தில் இருந்து தொன்று தொட்டு நடைபெறுவதாகவும் தெரிவித்தனர்.
News January 17, 2026
செங்கை: இளம்பெண்ணை ஏமாற்றிய மருத்துவர்!
தாம்பரம், நெடுங்குன்றத்தைச் சேர்ந்த மருத்துவர் ராம்கி. இவருக்கு ஏற்கனவே திருமணமாகியுள்ளது. இந்த நிலையில், தனக்கு திருமணமானதை மறைத்து, உடன் வேலை செய்யும் சக மருத்துவரை காதலிப்பதாகக் கூறி அவருடன் நெருக்கமாக இருந்துள்ளார். தான் ஏமாற்றப்பட்டதை அறிந்த இளம்பெண் அளித்த புகாரின் பேரில், ஓட்டேரி போலீசார் வழக்குப்பதிவு செய்து ராம்கியைச் சிறையில் அடைத்தனர்.
News January 17, 2026
திருவாரூர் மாவட்ட காவல்துறை எச்சரிக்கை!
திருவாரூர் மாவட்ட காவல்துறை சார்பில் “முன் பின் தெரியாத யாருக்கும் பணம் அனுப்ப வேண்டாம்; டிஜிட்டல் அரஸ்ட் செய்துள்ளதாகக் கூறி யார் பணம் கேட்டாலோ, அதே போல் மானியத்துடன் கடன் வாங்கி தருவதாகக் கூறி பணம் கேட்டாலோ யாருக்கும் பணம் அனுப்ப வேண்டாம்; தேவையற்ற லிங்க் வந்தால் அதனைத் தொட வேண்டாம்.” என பொதுமக்களுக்கு அறிவுறுத்தப்பட்டு அறிவிப்பு ஒன்று வெளியிடப்பட்டுள்ளது. இத்தகவலை அனைவருக்கும் ஷேர் பண்ணுங்க…
Featured News
Sorry, no posts matched your criteria.