India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 17, 2026
குடியாத்தம்: தாயை பார்க்கச் சென்ற மகளுக்கு ஏற்பட்ட சோகம்!
குடியாத்தம் பகுதியைச் சேர்ந்த ரேவதிக்கு (27) 3 குழந்தைகள் உள்ளனர். இந்நிலையில், நேற்று முன்தினம் ரேவதி தனது தங்கை ராதிகாவுடன் ஆம்பூர் பகுதியில் உள்ள தாய் வீட்டிற்கு பைக்கில் சென்று வந்துள்ளார். அப்போது பின்னால் வந்த தனியார் பேருந்து மோதியதில், படுகாயமடைந்த ரேவதி மருத்துவமனையில் சேர்க்கப்பட்டார். அங்கு அவர் சிகிச்சை பலனின்றி உயிரிழந்தார். இது குறித்த புகாரில் போலீசார் விசாரித்து வருகின்றனர்.
News January 17, 2026
கும்மிடிப்பூண்டி அருகே வாலிபர் தற்கொலை!
திருவள்ளூர்; கும்மிடிப்புண்டி அருகே பெரிய ஓபுளாபுரம் பகுதியைச் சேர்ந்தவர் கூலித் தொழிலாளி ரஞ்சித்(25). இவரது தந்தை சில ஆண்டுகளுக்கு முன் உயிரிழந்தார். இந்நிலையில், தாயும் மூன்று மாதங்களுக்கு முன் மறைந்தார். இதனால், மன உளைச்சலில் இருந்த வந்த இவர், நேற்று முன் தினம் வயலுக்கு தெளிக்கும் பூச்சி மருந்தை குடித்தார். இதையடுத்து, மருத்துவமனையில் அனுமதிக்கப்பட்டும், சிகிச்சை பலனின்றி உயிரிழந்தார்.
News January 17, 2026
ராணிப்பேட்டையில் பயங்கர தகராறு!
கலவை அடுத்த மேட்டுமுள்ளுவாடியில் வசிப்பவர் பாரி. இவரின் மகன்கள் ஹரிதாஸ்(31), ராமதாஸ்(30). அதே கிராமத்தைச் சேர்ந்த ராஜேந்திரனின் மகன் பூவரசன்(25), இரு தரப்பினருக்கும் இடையே முன்விரோதம் இருந்து வருகிறது. நேற்று ஊர் திருவிழா நடந்த போது இரு தரப்பினரும் கட்டைகளால் தாக்கிக் கொண்டனர். இதில், ஹரிதாஸ், பூவரசன் ஆகியோர் பலத்த காயமடைந்து, வேலூர் அரசு மருத்துவமனையில் சிகிச்சை பெற்று வருகின்றனர்.
News January 17, 2026
காஞ்சிபுரத்தில் துடிதுடித்து பலி!
மதுரையைச் சேர்ந்தவர் சேகர்(43). கூலித் தொழிலாளியான இவர், பொங்கல் பண்டிகையை முன்னிட்டு பஸ் மூலம் சொந்த ஊர் செல்ல நேற்று முன் தினம் குன்றத்தூரில் இருந்து ஷேர் ஆட்டோவில் கிளாம்பாக்கம் பஸ் நிலையம் நோக்கி சென்றார். மண்ணிவாக்கம் பகுதியில் டிரைவரின் கட்டுப்பாட்டை இழந்த ஆட்டோ தடுப்புச் சுவரில் மோதியது. இதில், படுகாயமடைந்த சேகர், மருத்துவமனைக்கு அழைத்துச் செல்லும் வழியிலேயே உயிரிழந்தார்.
News January 17, 2026
திருச்சி: மனைவி இறந்த சோகத்தில் தற்கொலை
காட்டுப்புத்தூர் அடுத்த சூரம்பட்டியைச் சேர்ந்தவர் ரவி (55). இவரது மனைவி கடந்த 5 ஆண்டுகளுக்கு முன் இறந்ததால், அவர் மிகுந்த மனவேதனையில் இருந்து வந்துள்ளார். இந்நிலையில் நேற்று முன்தினம் இரவு விரக்தியில் ரவி வீட்டில் இருந்த களைக்கொல்லி மருந்தை குடித்ததில், கரூர் அரசு மருத்துவமனையில் அவர், சிகிச்சை பலனின்றி நேற்று உயிரிழந்தார். இதுகுறித்து காட்டுப்புத்தூர் போலீசார் வழக்குப்பதிந்து விசாரிக்கின்றனர்.
News January 17, 2026
பெரம்பலூர்: பகுதிநேர ஆசிரியர் தற்கொலை
சென்னையில் கடந்த 13-ம் தேதி போராட்டத்தில் ஈடுபட்டு கைதான பகுதிநேர ஆசிரியர்களில், பெரம்பலூர் மாவட்டத்தைச் சேர்ந்த அரசு பள்ளியின் பகுதிநேர உடற்கல்வி ஆசிரியர் கண்ணனும் (50) ஒருவர். மன உளைச்சலில் இருந்த கண்ணன் போராட்டதின்போதே திடீரென தற்கொலைக்கு முயன்றுள்ளார். இதனை கண்ட சக பகுதிநேர ஆசிரியர்கள் அவரை மீட்டு சிகிச்சைக்காக மருத்துவமனையில் சேர்த்தனர். ஆனால் அவர் கடந்த 14-ம் தேதி உயிரிழந்துள்ளார்.
News January 17, 2026
தருமபுரி: கிணற்றில் விழுந்து பலி!
நல்லம்பள்ளியை அடுத்த தேவர் ஊத்துப்பள்ளத்தை சேர்ந்த கட்டிட மேஸ்திரி குமரேசன் (34). இவர் சம்பவத்தன்று இரவு அவருக்கு சொந்தமான விவசாய கிணற்றில் தவறி விழுந்துள்ளார். அக்கம் பக்கத்தினர் முயற்சித்தும் காப்பாற்ற முடியாத நிலையில் தீயணைப்பு துறையினருக்கு தகவல் தெரிவித்தனர். தீயணைப்பு துறையினர் வருவதற்குள் குமரேசன் கிணற்றில் மூழ்கி இறந்தார். இதுகுறித்து அதிய மான்கோட்டை போலீசார் விசாரணை நடத்தினர்.
News January 17, 2026
தஞ்சை மேம்பாலத்தில் கார் கவிழ்ந்து விபத்து: வாலிபர் பலி
பாபநாசம் அடுத்த காஞ்சிமேடு பகுதியைச் சேர்ந்தவர் வில்சன் (28). இவர் நண்பர்களுடன் தஞ்சை வந்துவிட்டு வீடு திரும்பும் போது, தஞ்சை மேம்பாலம் அருகே டயர் வெடித்ததில், கார் தலைகீழ் கவிழ்ந்து விபத்துக்குள்ளானது. இதில் பலத்த காயமடைந்த வில்சன் தஞ்சை மருத்துவக் கல்லூரி மருத்துவமனையில் சிகிச்சை பலனின்றி உயிரிழந்தார். மேலும் காரை ஓட்டி சென்ற லோகேஷ் என்பவருக்கு தீவிர சிகிச்சை அளிக்கப்பட்டு வருகிறது.
News January 17, 2026
ராமேஸ்வரத்தில் 14 மீனவர்கள் சிறைபிடிப்பு!
காரைக்கால் மீனவர்கள் ராமேஸ்வர கடல் பகுதியில் மீன் பிடிப்பது வழக்கமாக இருந்து வந்துள்ளது. இதனால் அப்பகுதி மீனவர்களுக்கு மீன்வரத்து குறைந்துள்ளது. இந்நிலையில் நேற்று ராமேஸ்வரம் கடல் பகுதியில் காரைக்கால் மீனவர்கள் மீன் பிடிப்பதாக தகவல் அறிந்த ராமேஸ்வர மீனவர்கள் 50 பேர் 4 படகில் சென்று, காரைகால் மீனவர்கள் 14 பேரை சுற்றி வளைத்து சிறை பிடித்தனர். அவர்களை மீன்வளத்துறை அதிகாரியிடம் ஒப்படைத்தனர்.
News January 17, 2026
தேனி: பைக் விபத்தில் இளைஞர் பரிதாப பலி
ஆண்டிபட்டி பகுதியை சேர்ந்தவர் வேல்முருகன் (21). இவர் நேற்று முன்தினம் (ஜன.15) அவரது பைக்கில் ஆண்டிபட்டியில் இருந்து தேனிக்கு சென்றுள்ளார். பைக் அதிவேகமாக சென்ற நிலையில் எதிர்பாராத விதமாக விபத்து ஏற்பட்டது. இந்த விபத்தில் வேல்முருகன் படுகாயம் அடைந்த நிலையில் சிகிச்சைக்காக மருத்துவமனைக்கு அழைத்துச் செல்லும் வழியில் உயிரிழந்தார். இச்சம்பவம் குறித்து க.விலக்கு போலீசார் விசாரிக்கின்றனர்.
Featured News
Sorry, no posts matched your criteria.