India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 21, 2026
ராம்நாடு காவல்துறையினர் தீவிர தேடுதல் வேட்டை
ஆர்.எஸ்.மங்கலத்தில் ரியல் எஸ்டேட் அதிபர் அர்ச்சுனன் வீட்டில், அவர் வெளியூர் சென்றிருந்தபோது 160 பவுன் நகை மற்றும் 18 லட்சம் ரூபாயை மர்ம நபர்கள் கொள்ளையடித்தனர். இப்பகுதியில் பரபரப்பை ஏற்படுத்திய இச்சம்பவத்தில் குற்றவாளிகளைப் பிடிக்க எஸ்.பி. உத்தரவின் பேரில் 5 தனிப்படைகள் அமைக்கப்பட்டன. சந்தேகத்திற்குரிய 100-க்கும் மேற்பட்ட நபர்களிடம் போலீசார் தீவிர விசாரணை மேற்கொண்டு வருகின்றனர்.
News January 21, 2026
தூத்துக்குடி: தண்ணீர் தொட்டியில் விழுந்து குழந்தை உயிரிழப்பு
செட்டியாபத்து கிராமத்தைச் சேர்ந்தவர்கள் மணி – சத்தியா தம்பதியினர். இவர்களுக்கு சந்தோஷயானா (4) என்ற பெண் குழந்தை உள்ளது. நேற்று மதியம் இந்த குழந்தை வீட்டில் உள்ள தண்ணீர் தொட்டிக்குள் விழுந்து விட்டதாக கூறி அவரது தாயார் குலசை G.H-க்கு கொண்டுசென்றார். மருத்துவமனையில் குழந்தையை பரிசோதனை செய்த டாக்டர் ஏற்கனவே குழந்தை இறந்து விட்டதாக தெரிவித்தனர். இது குறித்து குலசை போலீசார் விசாரிக்கின்றனர்.
News January 21, 2026
அறிவித்தார் திண்டுக்கல் ஆட்சியர்!
தமிழ்நாடு கண்ணாடி இழை வலையமைப்பு நிறுவனம் (TANFINET) பாரத்நெட் திட்டத்தின் கீழ், மாவட்ட அளவிலான தொழில் பங்கீட்டாளர்களை (DLFP) தேர்வு செய்கிறது. விண்ணப்பங்கள் 01.01.2026–25.01.2026 வரை https://tanfinet.tn.gov.in மூலம் வரவேற்கப்படுகிறது. தேர்வில் OFC/ONT பராமரிப்பு, தடையில்லா இணைய சேவை, SLA பின்பற்றுதல் போன்ற பணிகள் அடங்கும். விவரங்களுக்கு 044-24965595. மாவட்ட ஆட்சியர் சரவணன் தகவல் தெரிவித்துள்ளார்.
News January 21, 2026
மதுரை: சாலை விபத்தில் இளைஞர் பரிதாப பலி..!
திருவாதவூர் அருகே உள்ள பனங்காடியைச் சேர்ந்தவர் செல்வம் மகன் மணிகண்டன்(21). நேற்று முன்தினம் மாலை இவர் டூவீலரில் மேலூர் மேலவளவு சாலையில் அதிவேகமாக சென்ற போது, சுக்காம்பட்டி அருகே வேகத்தடையில் தடுமாறி கீழே விழுந்தார். இதில் தலையில் அடிபட்டு மதுரை அரசு மருத்துவமனை கொண்டு செல்லப்பட்ட அவர் அங்கு உயிரிழந்தார். இது குறித்து மேலூர் போலீசார் விசாரிக்கின்றனர்.
News January 21, 2026
உளுந்தூர்பேட்டை அருகே பாலியல் வன்கொடுமை!
கள்ளக்குறிச்சி: உளுந்தூர்பேட்டை அருகே உள்ள வடமாம்பாக்கம் கிராமத்தில் மாற்றுத்திறனாளிப் பெண்ணை பாலியல் வன்கொடுமை செய்த வழக்கில் உளுந்தூர்பேட்டை நீதிமன்றத்தில் வழக்கு நடைபெற்றது. இதில், நீதிமன்ற நீதிபதியால் 10 ஆண்டுகள் சிறை தண்டனை விதிக்கப்பட்ட பூவனூர் கிராமத்தைச் சேர்ந்த கோவிந்தராஜ் என்பவரை கைது செய்து கடலூர் மத்திய சிறையில் அடைத்தனர்
News January 21, 2026
மயிலாடுதுறை: இளைஞர் மீது பாய்ந்த குண்டாஸ்
மயிலாடுதுறை மாவட்டம் பூம்புகாரைச் சேர்ந்தவர் பாலமுருகன்(32). இவர் கடந்த ஆண்டு அதே பகுதியை சேர்ந்த வீரமணி என்பவரிடம் பணம் கேட்டு, அரிவாளை காட்டி கொலை மிரட்டல் விடுத்துள்ளார். இதுகுறித்து வீரமணி அளித்த புகாரின்படி, பாலமுருகன் கைது செய்யப்பட்டு நீதிமன்ற காவலில் அடைக்கப்பட்டார். இந்நிலையில், மாவட்ட எஸ்பி பரிந்துறையின் படி, மாவட்ட ஆட்சியர் பாலமுருகனை குண்டர் சட்டத்தில் அடைக்க உத்திரவிட்டார்.
News January 21, 2026
குமரி: குளத்தில் ஆண் சடலம் மீட்பு
கல்லன்குழி மண்விளையை சேர்ந்த தம்பதியர் செல்வின் ஜெபகுமார் – எல்சி. கருத்து வேறுபாடு காரணமாக இருவரும் பிரிந்துள்ளனர். இந்நிலையில் ஜன.18 அன்று வீட்டிலிருந்து சென்ற செல்வின் ஜெபகுமாரை காணவில்லை. இதையடுத்து நேற்று ஒட்டலிவிளை பகுதியில் உள்ள குளத்தில் இவர் இறந்த நிலையில் காணப்பட்டார். இதுகுறித்து திருவட்டார் போலீசாருக்கு தகவல் அளிக்கப்பட்ட நிலையில் போலீசார் அவரது உடலை கைப்பற்றி விசாரித்து வருகின்றனர்.
News January 21, 2026
தென்காசியில் கடைகளில் திடீர் சோதனை
தென்காசி நகராட்சி 29 வது வார்டு சுவாமி சன்னதி பஜார், மற்றும் 30வது வார்டு கீழ ரத வீதிகளில் உள்ள கடைகளில் நகராட்சி ஆணையாளர் உத்தரவு படி சுகாதார அலுவலர் மற்றும் சுகாதார ஆய்வாளர்கள் தலைமையில் தமிழக அரசால் தடை செய்யப்பட்ட நெகிழி பொருட்கள் பயன்படுத்தப்படுகிறதா என ஆய்வு செய்யப்பட்டது. மேலும் கடைகளில் நடத்திய சோதனையில் நெகிழிகள் பறிமுதல் செய்யப்பட்டு அபராதம் விதிக்கப்பட்டது.
News January 21, 2026
நெல்லையில் ஒருவர் மீது குண்டர் சட்டம்
நெல்லை சந்திப்பு மீனாட்சிபுரம் பிள்ளையார் கோவில் தெருவில் வசிக்கும் கண்ணன் என்பவரை ரெட்டியார்பட்டி எஸ்.ஆர்.குளத்தைச் சேர்ந்த ஜெகன் (32) பணம் பறிக்கும் நோக்கத்துடன் மிரட்டியுள்ளார். இந்த வழக்கில் சம்பந்தப்பட்டு பொது ஒழுங்கு பராமரிப்பிற்கு குந்தகம் விளைவிக்கும் செயல்களில் ஈடுபட்டு வந்த ஜெகன் ஆணையர் மணிவண்ணன் ஆணைப்படி இன்கு குண்டர் தடுப்புச் சட்டத்தின் கீழ் பாளை மத்திய சிறையில் அடைக்கப்பட்டார்.
News January 21, 2026
விழுப்புரத்தில் மாணவி பரிதாப பலி!
மரக்காணம், நம்பிக்கைநல்லூர் சுனாமி குடியிருப்பு, நடுத் தெருவைச் சேர்ந்தவர் பாலமுருகன். மீனவரான இவரது மகள் நட்சத்திரா 9-ஆம் வகுப்பில் பயின்று வந்தார். இந்நிலையில், மகளுடன் பைக்கில் புதுச்சேரி – சென்ன சாலையில் சென்றபோது, நட்சத்திரா அணிந்திருந்த துப்பட்டா பைக் சக்கரத்தில் சிக்கி இழுக்கப்பட்டு கீழே விழுந்தார். இதில், படுகாயமடைந்தவர், தீவிர சிகிச்சை அளிக்கப்பட்டும், பயனின்றி உயிரிழந்தார்.
Featured News
Sorry, no posts matched your criteria.