India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 21, 2026
கிருஷ்ணகிரி அருகே படுபயங்கர விபத்து
கேரளா மாநிலம் ஏருணாகுளத்தை சேர்ந்தவர் முரளி. இவர் நேற்று (ஜன.20) மாலை சிம்பல்திராடி கிராமத்தின் அருகே இருசக்கர வாகனத்தில் சென்று கொண்டிருந்தார். அப்போது கட்டுப்பாட்டை இழந்து பைக் சாலையோரம் பள்ளத்தில் கவிழ்ந்தது விபத்துக்குள்ளானது. இதில் படுகாயமடைந்த அவர் மருத்துவமனைக்கு கொண்டு செல்லப்பட்டார், அங்கு அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்தனர்.
News January 21, 2026
காஞ்சிபுரத்தில் அடுத்தடுத்து 35 இடங்களில் திருட்டு!
காஞ்சிபுரம் அருகே 35 இடங்களில் மின் மாற்றிகளின் உதிரிபாகங்கள் மற்றும் எண்ணெயை மர்ம நபர்கள் திருடிச் சென்றுள்ளனர். இதனால் ஆழ்துளை கிணற்றுப் பாசனத்தை நம்பியுள்ள விவசாயிகள் பயிர்களுக்கு நீர் பாய்ச்ச முடியாமல் தவிக்கின்றனர். இதுகுறித்து மின்வாரிய அதிகாரிகள் போலீசில் புகாரளித்துள்ளனர். எப்.ஐ.ஆர் பதிவு செய்தபின், புதிய மின் மாற்றிகள் அமைக்க நடவடிக்கை எடுக்கப்படும் என மாவட்ட நிர்வாகம் தெரிவித்துள்ளனர்.
News January 21, 2026
தருமபுரி: விடுமுறைக்கு வந்து பிணமாக திரும்பிய வாலிபர்!
திண்டுக்கல் அடுத்த ரத்தினகிரி கிராமத்தை சேர்ந்தவர் சுகன் (21). பெங்களூரு தனியார் நிறுவனத்தில் வேலை செய்து வந்த இவர், பொங்கல் பண்டிகை முடிந்து நேற்று (ஜன.21) பெங்களூருக்கு புறப்பட்டார். அப்போது தருமபுரி, கொலசனஅள்ளி அருகே சென்றபோது பைக் சாலை தடுப்புச்சுவரில் மோதி விபத்துக்குள்ளானாது. இதில் சுகன் சம்பவ இடத்திலேயே உயிரிழந்தார். இதுகுறித்து மகேந்திரமங்கலம் போலீசார் விசாரணை நடத்தி வருகின்றனர்.
News January 21, 2026
செங்கல்பட்டில் அதிர்ச்சி!
செங்கல்பட்டு கே.கே.நகர் பகுதியில் நேற்று மாலை நிறுத்தி வைக்கப்பட்டிருந்த ஹோண்டா சைன் இருசக்கர வாகனம் தீப்பற்றி எரிந்தது. தகவலறிந்து வந்த தீயணைப்பு வீரர்கள் தீயை அணைத்தனர். போலீசாரின் முதற்கட்ட விசாரணையில், திருமணி பகுதியைச் சேர்ந்த விக்ரம் (25) என்பவர் மது போதையில் தனது சொந்த வாகனத்திற்கு தானே தீ வைத்தது தெரியவந்தது. இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.
News January 21, 2026
பெரம்பலூர்: கல்லூரி மாணவி தற்கொலை – சோகம்
பெரம்பலூர் மாவட்டம் வரகூர் அருகே உள்ள வேப்பூர் கிராமத்தைச் சேர்ந்தவர் செம்மொழி(20). இவர் வேப்பூர் அரசு மகளிர் கலை கல்லூரியில் 2-ஆம் ஆண்டு பயின்று வருகிறார். இந்நிலையில் செம்மொழி வீட்டில் தூக்கிட்டு தற்கொலை செய்து கொண்டார். இதுகுறித்து குன்னம் போலீசார் வழக்கு பதிந்து, தற்கொலைக்கான கரணம் குறித்து விசாரணை நடத்தி வருகின்றனர். இச்சம்பவம் அப்பகுதியில் பெரும் சோகம் ஏற்படுத்தியுள்ளது.
News January 21, 2026
தி.மலையில் கூண்டோடு கைது
காலமுறை ஊதியம், குடும்ப பாதுகாப்புடன் கூடிய ஓய்வூதியத்தை வழங்க வலியுறுத்தி திருவண்ணாமலை–யில் மறியலில் ஈடுபட்ட சத்துணவு ஊழியர்கள் நேற்று திருவண்ணாமலை மாவட்ட கலெக்டர் அலுவலகம் முன்பு மறியல் போராட்டதில் ஈடுபட்டனர். பின்னர் அவர்கள் போளூர் சாலையில் அமர்ந்து மறியல் போராட்டத்தில் ஈடுபட்டனர். இதனால் போக்குவரத்து பாதிப்பு ஏற்பட்டது. மேலும், போராட்டத்தில் ஈடுபட்ட சுமார் 693 பேர் கைது செய்யப்பட்டனர்.
News January 21, 2026
திருச்சி: விபத்தில் கார் ஓட்டுநர் மூச்சுத் திணறி பலி
வளநாடு அடுத்த புதுக்குடியைச் சேர்ந்தவர் செந்தில். இவர் தனது மனைவியுடன் நேற்று திருச்சி – மதுரை தேசிய நெடுஞ்சாலையில் சொரியம்பட்டி அருகே இ-பைக்கில் சென்றபோது, எதிர்பாராதவிதமாக பின்னால் வந்த கார் மோதி காயமடைந்தனர். இந்நிலையில் கார் ஓட்டுநர் கஸ்தூரிராஜ் என்ப்வருக்கு திடீரென அதிர்ச்சியில் மூச்சுத்திணறல் ஏற்பட்டு சம்பவ இடத்திலேயே உயிரிழந்தார். இதுகுறித்து வளநாடு போலீசார் வழக்கு பதிவு செய்துள்ளனர்.
News January 21, 2026
கடலூர்: இளைஞர் மீது பாய்ந்த குண்டாஸ்
கடலூர் மாவட்டம் திருமாந்துறை சேர்ந்தவர் வேல்முருகன். இவர் ராமநத்தத்தில் தொழுதுரை சேர்ந்த பிரவீன்(26) என்பவரிடம், கத்தியை காட்டி மிரட்டி ரூ.500 பறித்த வழக்கில், ராமநத்தம் போலீசார் வேல்முருகனை கைது செய்து சிறையில் அடைத்தனர். மேலும் அவர் மீது பல்வேறு குற்ற வழக்குகள் நிலுவையில் இருப்பதால், எஸ்பி ஜெயக்குமார் பரிந்துரையில் ஆட்சியர் சிபி ஆதித்ய செந்தில்குமார் குண்டர் சட்டத்தில் அடைக்க உத்தரவிட்டார்.
News January 21, 2026
சேலம்: ஒரே ஆண்டில் 377 போ் பலி!
சேலம் ரயில்வே கோட்டத்திற்குட்பட்ட பகுதிகளில் ரயில் விபத்துகளில் சிக்கி உயிரிழப்போர் எண்ணிக்கை அதிகரித்து வருகிறது. கடந்த ஒரு ஆண்டில் மட்டும் சேலம், தருமபுரி, ஓசூர், காட்பாடி மற்றும் ஜோலார்பேட்டை ரயில்வே காவல் எல்லைகளில் மொத்தம் 377 பேர் உயிரிழந்துள்ளதாக அதிகாரிகள் தெரிவித்துள்ளனர். தண்டவாளத்தைக் கடப்பது மற்றும் கவனக்குறைவே இதற்கு முக்கியக் காரணமாகக் கூறப்படுகிறது.
News January 21, 2026
திருப்பூர் அருகே சோகம்: தூக்கிட்டு தற்கொலை!
தாராபுரம் அருகே கொளஞ்சிவாடி சொக்கநாதபாளையத்தை சேர்ந்தவர் தண்டபாணி. இவரது மனைவி பாப்பாத்தி. இருவருக்கும் இடையே அடிக்கடி குடும்பத்தகராறு ஏற்பட்டு வந்ததால், பாப்பாத்தி கணவரை பிரிந்து சென்றுவிட்டார். இதனால் மிகுந்த மனவேதனையில் இருந்துவந்த தண்டபாணி, வீட்டில் தூக்கிட்டு தற்கொலை செய்துகொண்டார். இது குறித்து தாராபுரம் போலீசார் வழக்குப்பதிந்து விசாரித்து வருகின்றனர்.
Featured News
Sorry, no posts matched your criteria.