India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 21, 2026
ஆசியாவின் மிகப்பெரிய யானை!
அரியலூர் மாவட்டம், சலுப்பை கிராமத்தின் எல்லையில் பழங்கால யானை சுதை சிற்பம் ஒன்று உள்ளது. வெல்லம், கடுக்காய் மற்றும் சுண்ணாம்புக் கலவையால், சுட்ட செங்கற்களை கொண்டு 33 அடி நீளமும், 12 அடி அகலமும், 60 அடி உயரமும் கொண்ட அந்த யானை சிற்பம் அமைக்கப்பட்டுள்ளது. ஆசியாவிலேயே மிகப்பெரிய யானை சுதை சிற்பமாக காட்சியளிக்கிறது. இந்த சுதை சிற்பத்தை தமிழக தொல்லியல் துறை புராதன சின்னமாக 2020ஆம் ஆண்டு அறிவித்துள்ளது.
News January 21, 2026
தஞ்சை: 2000 ஆண்டுகள் பழமை வாய்ந்த கோயில்!
வரலாற்றுச் சிறப்புமிக்க கும்பகோணத்தில் அமைந்துள்ள சக்ரபாணி கோயில் மிகவும் விஷேசமான கோயில்களுள் ஒன்றாகும். சுமார் 2000 ஆண்டுகளுக்கு மேல் பழமையான இக்கோவிலில் மூலவர் ஸ்ரீ சக்கரபாணி பெருமாள் சக்கர வடிவமான தாமரைப்பூவில், மூன்று கண்களுடனும், எட்டு ஆயுதங்களை எட்டுத் திருக்கரங்களில் ஏந்தி காட்சி தருகிறார். சக்கரபாணி சுவாமிக்கென்று தனிக்கோவில் இருப்பது, இத்தலத்தில் மட்டும்தான் என்பது தனிச்சிறப்பாகும்
News January 21, 2026
ராணிப்பேட்டையில் திடீர் மாற்றம்!
ராணிப்பேட்டை காவல் ஆய்வாளராக இருந்த சசிகுமார் கண்ணமங்கலத்திற்கு மாற்றப்பட்ட நிலையில், தற்போது சுரேஷன் நியமனம் செய்யப்பட்டுள்ளார். மேலும் அரக்கோணம் மகளிர் காவல் நிலைய ஆய்வாளர் பாரதி, செங்கத்திற்கு மாற்றப்பட்ட நிலையில், தற்போது ஆய்வாளராக நிர்மலா நியமனம் செய்யப்பட்டுள்ளார்.
News January 21, 2026
குமரி: 2 மையங்களில் JEE மெயின் தேர்வு
JEE மெயின் தேர்வு இன்று (ஜன.21) தொடங்குகிறது. இந்த தேர்வினை குமரி ராமநாதிச்சன் புதூர் லார்டு ஜெகன்நாத் காலேஜ் ஆப் இன்ஜினியரிங் கல்லூரியில் 986 பேரும், அஞ்சுகிராமம் ரோகிணி இன்ஜினியரிங் கல்லூரியில் 1448 பேரும் எழுதுகிறார்கள். மொத்தம் 2434 பேர் எழுதும் இந்த தேர்வானது இன்று தொடங்கி ஜன.22, 23, 24, 28, 29 ஆகிய தேதிகளில் தொடர்ந்து நடைபெறுகிறது. மேலும், இதற்கான ஏற்பாடுகளை மாவட்ட நிர்வாகம் செய்து வருகிறது.
News January 21, 2026
பவானி அருகே சோகம்: பெண் விபரீத முடிவு!
பவானியில் குடும்பத் தகராறு காரணமாக தனலட்சுமி (38) பெண் தூக்கிட்டுத் தற்கொலை. இவருக்கும் இவரது கணவர் மணிகண்டனுக்கும் இடையே அடிக்கடி வாக்குவாதம் ஏற்பட்டு வந்ததாகக் கூறப்படுகிறது. இந்த நிலையில் மனமுடைந்த தனலட்சுமி வீட்டில் யாரும் இல்லாத போது தூக்கிட்டு தற்கொலை செய்து செய்துள்ளார். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.
News January 21, 2026
இராமநாதபுரம் மாவட்டத்திற்கு ரூ.10 கோடி பரிசு
தேசிய அளவில் நீர் மேலாண்மையில் முதலிடம் பிடித்த இராமநாதபுரம் மாவட்டத்திற்கு மத்திய அரசு ரூ.10கோடி வழங்கியது. இதற்கான சான்றிதழை மாவட்ட ஆட்சியர் சிம்ரன் ஜீத்சிங் காலோனிடம் முதலமைச்சர் மு.க ஸ்டாலின் வழங்கினார்.இ ந்த பரிசு தொகையானது மாவட்டத்தின் வளர்ச்சி பணிகளுக்காக பயன்படுத்தபடும் என மாவட்ட ஆட்சியர் கூறினார்.
News January 21, 2026
புதுவை: கோயில் உண்டியலில் பணம் திருட முயற்சி
காரைக்கால் பெருமாள் கோவில் வீதியைச் சேர்ந்த பாஸ்கர் என்பவர், கைலாசநாதர் கோயிலில் மெய்க்காப்பாளராகப் பணியாற்றி வருகிறார். இவர் நேற்று முன்தினம் கோயிலைச் சுற்றி வந்தபோது, தண்டாயுதபாணி சுவாமி சன்னதியில் உள்ள ஒரு உண்டியலில் இருந்து இரண்டு நபர்கள் சுவிங்கம் தடவிய குச்சி மூலம் பணத்தைத் திருட முயல்வதைக் கண்டுள்ளார். அவர்களைக் கோயில் ஊழியர்கள் கையும் களவுமாகப் பிடித்து நகர காவல் நிலையத்தில் ஒப்படைத்தனர்.
News January 21, 2026
போடியில் வாலிபருக்கு கத்தி குத்து
போடியை சேர்ந்தவர் ராதாகிருஷ்ணன் (37). இவரது மனைவி மெளனிகா 2 வருடத்திற்கு முன் தற்கொலை செய்து கொண்டார். இதற்கு ராதாகிருஷ்ணன் தான் காரணம் என மெளனிகாவின் அண்ணன் மதன்குமார் அடிக்கடி தகராறு செய்துள்ளார். இதையடுத்து நேற்று முன் தினம் இருவருக்குமிடையே ஏற்பட்ட தகராறில் மதன்குமார் ராதாகிருஷ்ணனை கத்தியால் குத்தினார். இதில் பலத்த காயமடைந்த அவர் GH-ல் சேர்க்கப்பட்டார். இதுகுறித்து போடி போலீசார் வழக்குப்பதிவு.
News January 21, 2026
மாவட்ட ஆட்சியர் முக்கிய அறிவிப்பு!
வாலாஜாவில், SIR பட்டியலில் பெயர் சேர்த்தல் மற்றும் திருத்தம் செய்யும் பணிகளுக்கான கால அவகாசம் வரும் ஜனவரி 30 வரை நீட்டிக்கப்பட்டுள்ளது என மாவட்ட ஆட்சியர் சந்திரகலா அறிவிப்பு வெளியிட்டார். மேலும் பொதுமக்கள் இந்த வாய்ப்பை பயன்படுத்திக் கொள்ள வேண்டும் என்றும் நேற்று (ஜன.20) அறிவிப்பு வெளியாகி உள்ளது.
News January 21, 2026
திருச்சி – காரைக்கால் ரயில் ரத்து
திருச்சி – காரைக்கால் ரயில் நான்கு தினங்கள் பகுதியாக ரத்து செய்யப்பட்டுள்ளது. இது குறித்து ரயில்வே நிர்வாகம் வெளியிட்டுள்ள அறிக்கையில், “திருச்சி – காரைக்கால் டெமு ரயிலானது வரும் 22, 24, 27, 29 ஆகிய தேதிகளில், தஞ்சாவூர் – காரைக்கால் இடையே பகுதியாக ரத்து செய்யப்படுகிறது. இந்த ரயில் திருச்சி ஜங்ஷன் ரயில் நிலையத்தில் இருந்து தஞ்சாவூர் வரை மட்டுமே இயக்கப்படும்” என தெரிவிக்கப்பட்டுள்ளது.
Featured News
Sorry, no posts matched your criteria.