India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 21, 2026
திருச்சி – காரைக்கால் ரயில் ரத்து
திருச்சி – காரைக்கால் ரயில் நான்கு தினங்கள் பகுதியாக ரத்து செய்யப்பட்டுள்ளது. இது குறித்து ரயில்வே நிர்வாகம் வெளியிட்டுள்ள அறிக்கையில், “திருச்சி – காரைக்கால் டெமு ரயிலானது வரும் 22, 24, 27, 29 ஆகிய தேதிகளில், தஞ்சாவூர் – காரைக்கால் இடையே பகுதியாக ரத்து செய்யப்படுகிறது. இந்த ரயில் திருச்சி ஜங்ஷன் ரயில் நிலையத்தில் இருந்து தஞ்சாவூர் வரை மட்டுமே இயக்கப்படும்” என தெரிவிக்கப்பட்டுள்ளது.
News January 21, 2026
கள்ளக்குறிச்சி கலெக்டர் அறிவித்தார்!
கள்ளக்குறிச்சியில் வருகிற ஜனவரி 26 குடியரசு தினத்தன்று அனைத்து கிராமங்களிலும் கிராம சபை கூட்டம் நடத்த வேண்டும். கூட்டத்தில் கிராம ஊராட்சி தணிக்கை, உள்ளிட்ட கணக்குகள் சரிபார்த்தல், கிராம குறைகள் இவற்றினை கூட்டத்திற்கு வரும் அதிகாரிகளுக்கு தகவல் தெரிவித்து, தங்கள் பிரச்சினைகளை தீர்த்துக் கொள்ள வேண்டும் என மாவட்ட கலெக்டர் பிரசாந்த் தெரிவித்துள்ளார்.
News January 21, 2026
திருவள்ளூரில் கொலை வெறித் தாக்குதல்!
திருவாலங்காடு அருகேயுள்ள பாகசாலை கிராமத்தில் நேற்று (ஜன.20) கல்லூரி மாணவர்கள் இருவரை கஞ்சா போதையில் வந்த மர்மநபர்கள் அரிவாளால் சராமரியாக வெட்டி விட்டு தப்பியோடினர். இதில், படுகாயமடைந்த அன்பரசு, அனீஷ் ஆகிய இருவரும் திருவள்ளூர் அரசு மருத்துவமனையில் அனுமதிக்கப்பட்டுள்ளனர். இருசக்கர வாகனத்தில் வேகமாக வந்ததை தட்டிக்கேட்டதால் கஞ்சா நபர்கள் மாணவர்களை வெட்டியது விசாரணையில் தெரிய வந்தது.
News January 21, 2026
திருவாரூரில் நடமாடும் பாஸ்போர்ட் சேவை
திருச்சி மண்டல பாஸ்போர்ட் அலுவலர் ஷரணப்பா தல்வார் வெளியிட்டுள்ள செய்திக்குறிப்பில், “நடமாடும் பாஸ்போர்ட் சேவை வாகனம் வரும் 27-ம் தேதி முதல் 29-ம் தேதி வரை திருவாரூர் மத்திய பல்கலைக்கழகத்தில் நிறுத்தப்பட்டிருக்கும். இந்த சிறப்பு வாகனம் மூலம் ஆன்லைன் முறையில் விண்ணப்பம் பெறுதல், விண்ணப்பித்தல், கட்டணம் செலுத்துதல் போன்ற சேவைகளை எளிதாக பெற்று கொள்ளலாம்.” என்று தெரிவித்துள்ளார்.
News January 21, 2026
விழுப்புரம் கலெக்டர் அறிவித்தார்!
விழுப்புரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் சார்பில் வேலைவாய்ப்பு முகாம் வரும் ஜனவரி 23ஆம் தேதி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நடைபெறுகிறது. இந்த அரிய வாய்ப்பை சரியாக பயன்படுத்திக்கொள்ளுமாறு மாவட்ட ஆட்சியர் ஷேக் அப்துல் ரஹ்மான் தெரிவித்துள்ளார்.
News January 21, 2026
மயிலாடுதுறை மீனவர்கள் 7 பேர் கைது
மயிலாடுதுறை மாவட்டம் பெருமாள் பேட்டை பகுதியைச் சேர்ந்தவர் தேவராஜ், இவருக்கு சொந்தமான ஃபைபர் படகில் நான்கு மீனவர்களும், வானகிரி பகுதியைச் சேர்ந்த ராஜேஷ் சொந்தமான ஃபைபர் படகில் 3 மீனவர்கள் என 7 மீனவர்கள் கோடியக்கரையில் இருந்து கடலுக்கு நேற்று மீன் பிடிக்க சென்றுள்ளனர். இந்நிலையில் இரவு நெடுந்தீவு அருகே இலங்கை கடற்படையினரால் எல்லை தாண்டி மீன்பிடித்ததாக கூறி கைது செய்யப்பட்டுள்ளனர்.
News January 21, 2026
குமரி: முன்னாள் ராணுவ வீரர் தூக்கிட்டு தற்கொலை
குமரி மாவட்டம், கருங்கல் அருகே எட்டணிவிளை பகுதியை சேர்ந்த முன்னாள் ராணுவ வீரர் பால்ராஜ் (47). இவரது மனைவி மற்றும் குழந்தைகள் கடந்த 3 ஆண்டுகளாக இவரை பிரிந்து வாழ்ந்து வருகின்றனர். இதனால் மன வேதனையில் இருந்த அவர் நேற்று முன் தினம் வீட்டில் யாரும் இல்லாத நேரத்தில் தூக்கிட்டு தற்கொலை செய்து கொண்டார். இதுகுறித்து கருங்கல் போலீசார் வழக்குப்பதிந்து விசாரணை நடத்தி வருகின்றனர்.
News January 21, 2026
மதுரை: குறைந்த விலையில் கார் வேண்டுமா.?
மதுரை தொழிலாளா் நீதிமன்ற நீதிபதி எம்.கே ஜமுனா நேற்று வெளியிட்ட செய்திக் குறிப்பில், மதுரை தொழிலாளா் நீதிமன்ற பயன்பாட்டிலிருந்து கழிவு செய்யப்பட்ட கார்கள், வரும் பிப்.3ம் தேதி மாலை 4 மணிக்கு பொது ஏலத்தில் விற்பனை செய்யப்படவுள்ளது. ஏலம், தாமரைத்தொட்டி அருகேயுள்ள நீதிமன்ற நீதிபதி குடியிருப்பில் நடைபெறும். ஏலத்தில் பங்கேற்போர் ரூ.2000 முன்பணம் செலுத்தி பெயரை பதிவு செய்து கொள்ள அறிவுறுத்தபட்டுள்ளது.
News January 21, 2026
கடலூர்: ரயிலில் இருந்து தவறி விழுந்த இளைஞர் பலி
கேரளா மாநிலம் விளங்கமுரி பகுதியை சேர்ந்தவர் கண்ணன்(33). இவர் நேற்று சென்னை தாம்பரத்தில் இருந்து குருவாயூர் எக்ஸ்பிரஸ் ரயிலில் சொந்த ஊருக்கு சென்றுள்ளார்.அப்போது பகல் 2 மணியளவில் விருத்தாசலம் அடுத்த கோ.பூவனூர் ரயில் நிலையம் அருகே வந்தபோது, ரயிலில் இருந்து தவறி விழுந்த அவர், சம்பவ இடத்திலேயே உயிரிழந்தார். இதுகுறித்து விருத்தாசலம் இருப்புபாதை போலீசார் வழக்கு பதிந்து விசாரணை மேற்கோண்டுள்ளனர்.
News January 21, 2026
திருச்சி: கள்ள நோட்டு மாற்றியவர்கள் கைது
திருவெறும்பூர் அடுத்துள்ள துவாக்குடி பெட்ரோல் பங்கில் மகாராஷ்டிரா மாநிலத்தைச் சேர்ந்த 2 பேர் காருக்கு டீசல் போடுள்ளனர். பின்னர் பணம் செலுத்தும் போது கள்ள நோட்டுகளை கொடுத்து சிக்கிக்கொண்டனர். அவர்களை பிடித்த பெட்ரோல் பங்க் ஊழியர்கள், துவாக்குடி போலீசாரிடம் ஒப்படைத்தனர். பின்னர் போலீசார் அவர்களிடம் விசாரணை நடத்தி வருகின்றனர். மேலும் அவர்கள் பயணித்த காரையும் பறிமுதல் செய்தனர்.
Featured News
Sorry, no posts matched your criteria.