India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 28, 2026
புதுவை: சாலையோரம் பிணமாக கிடந்த மூதாட்டி
புதுவை, சேதராப்பட்டு அருகே கரசூர் சுப்ரீம் நகர் பகுதியில், நேற்று முன்தினம் மாலை சுமார் 65 வயது மதிக்கத்தக்க மூதாட்டி ஒருவர் இறந்து கிடப்பதாக போலீசாருக்கு தகவல் கிடைத்தது. தகவலின் பேரில் சம்பவ இடத்துக்கு விரைந்த போலீசார், மூதாட்டியின் உடலை கைப்பற்றி, பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், போலீசார் இறந்த மூதாட்டி யார், எந்த ஊர் என்பது குறித்து விசாரணை நடத்தி வருகின்றனர்.
News January 28, 2026
கிருஷ்ணகிரியில் தூக்கி வீசப்பட்டு பலி!
ஓசூர் அடுத்த சீத்தப்பன் தொட்டி பகுதியை சேர்ந்த கூலி தொழிலாளி வெங்கடேசன் (41). இவர் நேற்று இரவு (ஜன.27) மாலை பெங்களூரு சாலையில் இருசக்கர வாகனத்தில் சென்று கொண்டிருந்த போது திடீரென கட்டுப்பாட்டை இழந்து சாலையில் உள்ள தடுப்பு சுவரில் மோதியது. இதில் படுகாயமடைந்த அவரை மீட்டு மருத்துவமனையில் அனுமதித்தனர். அங்கு அவர் சிகிச்சை பலனின்றி உயிரிழந்தார். இதுகுறித்து போலீசார் விசாரணை நடத்தி வருகின்றனர்.
News January 28, 2026
மயிலாடுதுறை: கலெக்டர் திடீர் ஆய்வு
மயிலாடுதுறை நகராட்சி பகுதிக்கு உட்பட்ட ஆரோக்கியநாதபுரத்தில் உள்ள நியாய விலைக்கடையில் நேற்று ஆட்சியர் ஹெச்.எஸ்.ஸ்ரீகாந்த் ஆய்வு மேற்கொண்டார். அதில் மக்களுக்கு வழங்கப்படும் பொருட்கள் தரமாக இருக்கிறதா, சரியான எடையில் வழங்கப்படுகிறதா என்று ஆய்வு மேற்கொண்டார். மேலும் பொருட்களை தரமாகவும், சரியான எடையிலும் வழங்க வேண்டும் என்று ஊழியர்களை வலியுறுத்தியுள்ளார்.
News January 28, 2026
தாரமங்கலம்: வேன் சக்கரத்தில் சிக்கி குழந்தை உயிரிழப்பு
தாரமங்கலம் பகுதியைச் சேர்ந்த குமார்-அருணா தம்பதியினரின் மூத்த மகள் ஹன்சிகா (4), தனியார் பள்ளியில் எல்கேஜி படித்து வருகிறார். நேற்று காலை பள்ளி வேனில் ஹன்சிகாவை அவரது தாய் ஏற்றிக்கொண்டிருந்தார். அப்போது எதிர்பாராத விதமாக, ஹன்சிகாவின் தங்கை யாஷ்விகா (2) விளையாடிக்கொண்டே வேனுக்கு முன் சென்றுள்ளார். இதை கவனிக்காத டிரைவர் வேனை இயக்கியபோது, வேனின் சக்கரம் ஏறியதில் யாஷ்விகா சம்பவ இடத்திலேயே உயிரிழந்தார்.
News January 28, 2026
சூலூரில் பெண் தற்கொலை
வடமாநிலத்தைச் சேர்ந்த ராதா – முகேஷ் தம்பதி சூலூர் மில்லில் தங்கி கூலி வேலை பார்த்து வந்தனர். அப்போது, அங்கு பணிபுரிந்த மனோகரனுக்கும், ராதாவுக்கும் பழக்கம் ஏற்பட்ட நிலையில் முகேஷ் அவர்களை விட்டு பிரிந்து சென்று விட்டார். மனோகரனுடன் வசித்து வந்த ராதாவுடன் அவர் அடிக்கடி தகராறு ஈடுபட்டு வந்த நிலையில் நேற்று முன்தினம் ராதா தூக்கிட்டு தற்கொலை செய்து கொண்டார். சிங்காநல்லூர் போலீசார் விசாரிக்கின்றனர்.
News January 28, 2026
நீலகிரியில் அதிரடி நடவடிக்கை
நீலகிரி மாவட்டத்தில் குடியரசு தினமான நேற்று (ஜன.26) தொழிலாளர் நலச் சட்டங்கள் முறையாக பின்பற்றப்படுகிறதா என்பதை உறுதி செய்ய அரசு உத்தரவிட்டிருந்தது. இதன்படி, குன்னூர் தொழிலாளர் உதவி ஆய்வாளர் முகமது யூசுப் தலைமையில் சிறப்பு ஆய்வு குழுவினர் நீலகிரி மாவட்டத்தின் பல்வேறு பகுதிகளில் சோதனையில் ஈடுபட்டனர். அப்போது விதிகளை மீறியதாக 33 நிறுவனங்கள் மீது நடவடிக்கை எடுத்தனர்.
News January 28, 2026
சிவகங்கை: பீரோவை உடைத்து நகை திருட்டு
திருப்பாச்சி அருகே முளக்குளம் பகுதியை சேர்ந்த ராஜேஷ்சிவகங்கை சென்று விட்டு மீண்டும் வீட்டிற்கு வந்த போது பீரோவில் வைத்திருந்த 23½ பவுன் நகை திருடு போனது தெரிந்தது. இதுகுறித்து ராஜேஷ் அளித்த புகாரின்பேரின் திருப்பாச்சேத்தி போலீசார் வழக்குப்பதிவு செய்து திருடு குறித்து விசாரணை நடத்தி வருகின்றனர். மேலும், 2 தினங்களுக்கு முன்பு திருப்புவனம் பகுதியில் தொடர் திருட்டு சம்பவம் நடந்தது குறிப்பிடத்தக்கது.
News January 28, 2026
தூத்துக்குடி: EC, பட்டா, சிட்டா, பத்திர நகல் – எல்லாம் WhatsApp-ல்
தமிழக அரசு சொத்து தொடர்பான சேவையை WhatsApp-ல் வழங்க திட்டமிட்டுள்ளது.
1. 8188869996 எண்ணை Save பண்ணுங்க.
2. WhatsApp-ல் வணக்கம் அனுப்புங்க
3. மாவட்டம், கிராமம் விவரங்களை குறிப்பிட்டு (சொத்து நகல், ஈசி, பட்டா, சிட்டா) தேர்தெடுங்க.
4. நீங்கள் குறிப்பிட்ட சொத்து தொடர்பான அனைத்து தகவல்களும் WhatsApp -ல் கிடைக்கும்.
இந்த எண் விரைவில் பயன்பாட்டுக்கு வர உள்ளது. மற்றவர்கள் தெரிஞ்சுக்க Share பண்ணுங்க..!
News January 28, 2026
BREAKING: திண்டுக்கல் அருகே அதிரடி கைது
திண்டுக்கல், நாகம்பட்டி பகுதியில் வங்க தேசத்தைச் சேர்ந்தவர்கள் வீட்டை வாடகைக்கு எடுத்து சிலர் தங்கியிருப்பதாகத் தனிப்படை போலீசாருக்கு ரகசியத் தகவல் கிடைத்தது. அதன்பேரில் போலீசார் அங்குச் சென்று அதிரடிச் சோதனை நடத்தினர். விசாரணையில், அங்கு தங்கியிருந்தவர்கள் வங்கதேசத்தைச் சேர்ந்த அ.மசூத் மியா(25) மற்றும் மு.முகமது அலமின்(30) என்பது தெரியவந்தது. இதனையடுத்து அவர்கள் 2 பேரை போலீசார் கைது செய்தனர்.
News January 28, 2026
பெரியகுளம்: தீ விபத்தில் இளம்பெண் உயிரிழப்பு
பெரியகுளம் பகுதியை சேர்ந்த பிரியதர்ஷினி (21) மனநலம் பாதிக்கப்பட்ட நிலையில் இருந்து வந்துள்ளார். 2 தினங்களுக்கு முன்பு வெளியில் சென்ற பிரியதர்ஷினியை அவரது தாயார் வீட்டின் உள்ளே வைத்து பூட்டிவிட்டு சென்றுள்ளார். அப்பொழுது பிரியதர்ஷினி எதிர்பாராத விதமாக தனக்கு தீ வைத்துக் கொண்டார். இதில் படுகாயம் அடைந்த அவர் GH-ல் சேர்க்கப்பட்ட நிலையில் நேற்று உயிரிழந்தார். இச்சம்பவம் குறித்து போலீசார் வழக்குப்பதிவு.
Featured News
Sorry, no posts matched your criteria.