India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 14, 2026
கள்ளக்குறிச்சியில் விஷம் குடித்து தற்கொலை!
கச்சிராயப்பாளையம் அருகே உள்ள மாதவச்சேரியைச் சேர்ந்தவர் சின்னதுரை(57) விவசாயியான இவர் தனது மனைவி பழனியம்மாள், மகன் மணிகண்டன் ஆகியோரிடம் குடிப்பதற்கு பணம் கேட்டுள்ளார். அதற்கு அவர்கள் மறுத்ததால் மனமுடைந்த சின்னதுரை, தனது விவசாய நிலத்தில் வைத்து விஷம் குடித்து விட்டார். அவரை சிகிச்சைக்காக கள்ளக்குறிச்சி அரசு மருத்துவமனையில் சேர்த்தனர். அங்கு சிகிச்சை பலனின்றி பரிதாபமாக உயிரிழந்தார்.
News April 14, 2026
புதுக்கோட்டை மாவட்டத்தில் பள்ளிகளுக்கு விடுமுறை!
புதுக்கோட்டை மாவட்டத்தில் நடைபெற உள்ள சட்டப்பேரவை தேர்தலுக்கான 2-ம் கட்ட பயிற்சி வகுப்பு நாளை(ஏப்.15) சட்டப்பேரவை தொகுதிகள் வாரியாக நடைபெற உள்ளது. இப்பயிற்சியில் கலந்து கொள்ள பள்ளி தலைமை ஆசிரியர்கள், ஆசிரியர்கள் மற்றும் ஆசிரியரல்லாத பணியாளர்கள் செல்லவிருப்பதால், நாளை பள்ளிகளுக்கு விடுமுறை அளிக்குமாறு புதுக்கோட்டை மாவட்ட தேர்தல் அலுவலரும், ஆட்சியருமான அருணா தெரிவித்துள்ளார். இதனை SHARE பண்ணுங்க.!
News April 14, 2026
தி.மலை ஆட்சியர் திடீர் ஆய்வு!
திருவண்ணாமலை மாவட்ட தேர்தல் அலுவலர் மற்றும் மாவட்ட ஆட்சித்தலைவர் க.தர்ப்பகராஜ், நேற்று (13.04.2026) போளூர் சட்டமன்ற தொகுதிக்கு உட்பட்ட பெலாசூர் ஊராட்சியில் திடீர் ஆய்வு செய்தார். மூத்த வாக்காளரிடமிருந்து தபால் வாக்குகளை தேர்தல் குழுக்கள் மூலம் சேகரிக்கும் பணி நடைபெற்று வருவதை, நேரில் பார்வையிட்டு ஆய்வு மேற்கொண்டார்.
News April 14, 2026
சென்னிமலை அருகே சோகம்: ஒருவர் பலி
காங்கேயம், ஓலப்பாளையம் பகுதியைச் சேர்ந்தவர் மாணிக்கம். இவர் கடந்த 8-ம் தேதி இரவு சென்னிமலை இரட்டைப்பாலம் – பூச்சக்காட்டு வலசு சாலையில் பைக்கில் சென்றபோது, நிலைதடுமாறி கீழே விழுந்தார். இதில், பலத்த காயம் அடைந்த அவர், கோவை தனியார் மருத்துவமனையில் சிகிச்சை பெற்று வந்தார். இந்நிலையில் நேற்று சிகிச்சை பலனின்றி உயிரிழந்தார். இதுகுறித்து போலீசார் விசாரணை நடத்தி வருகின்றனர்.
News April 14, 2026
ஆம்பூரில் பெண்ணுக்கு கத்தி குத்து
ஆம்பூர் தாலுகா தேவலாபுரம் ஊராட்சி எல். மாகுப்பம் பகுதியில் நாகராஜ் மனைவி காய்த்திரி(45) கூலி தொழிலாளி. இவருக்கும் அதே பகுதியை சேர்ந்த சங்கர் (45) விவசாயி என்பவருக்கும் முன் விரோதம் காரணமாக இருவருக்கும் இடையே சண்டை ஏற்பட்டது. அப்போது காயத்ரியை சங்கர் கத்தியால் குத்தியதில் படுகாயம் அடைந்தனர். தற்போது அவர் சிகிச்சை பெற்று வரும் நிலையில், உமராபாத் போலீசார் விசாரணை நடத்துகின்றனர்.
News April 14, 2026
தென்காசி: பெண்ணிடம் நகை பறித்த அறநிலையத்துறை ஊழியர்
கீழப்பாவூரை சேர்ந்த சாந்தி 12ம் தேதி செங்கோட்டைக்கு புறப்பட்ட ரயிலில் சென்ற போது தென்காசி ரயில் நிலையத்தில் மர்ம நபர் ஒருவர் சாந்தி கழுத்தில் கிடந்த தங்க நகையை பறிக்க முயன்றார். சாந்தி சத்தமிடவும் அவர் அங்கிருந்து தப்பியோடினார். இதுகுறித்த விசாரணையில் குற்றாலம் குற்றாலநாதர் கோயிலில் தமிழ் புலவராக பணிபுரிந்து வரும் கருப்பசாமி (55) என்பவரை தனிப்படை போலீசார் நேற்று கைது செய்தனர்.
News April 14, 2026
நத்தம்: ஆபாச பேச்சு – அதிரடி கைது!
நத்தம்- நல்லாகுளம் பகுதியை சேர்ந்தவர் சதாம்உசேன்(45). தொழிலாளி. இவர் நத்தத்தை சேர்ந்த 12-வயது சிறுமியை வீட்டிற்கு வெளியில் நின்று கொண்டிருந்த போது ஆபாச வார்த்தை கூறி கேலி கிண்டல் செய்துள்ளார். இது குறித்து சிறுமியின் பெற்றோர் நத்தம் காவல்நிலையத்தில் புகார் செய்தனர். அதன் பேரில் நத்தம் போலீஸ் சப்-இன்ஸ்பெக்டர் மலைச்சாமி வழக்கு பதிவு செய்து சதாம் உசேனை போக்சோ சட்டத்தின் கீழ் கைது செய்தார்
News April 14, 2026
கரூர்: குளிக்க சென்றவருக்கு நேர்ந்த சோகம்
கரூர் மாவட்டம், மாயனூர் கதவணையில் வீராசாமி என்பவர் துணி துவைத்து, குளிக்க சென்றபோது திடீரென புதைமணலில் சிக்கி மாயமானார். தகவலறிந்து வந்த தீயணைப்பு துறையினர் நீண்ட போராட்டத்திற்குப் பிறகு அவரை மீட்டனர். பின்னர் சிகிச்சைக்காக கரூர் GH-க்கு கொண்டு சென்றனர். அங்கு அவரைப் பரிசோதித்த மருத்துவர், அவர் ஏற்கனவே இறந்துவிட்டதாகத் தெரிவித்தார். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.
News April 14, 2026
குமரி வரும் பிரமதர் மோடி
தமிழக சட்டசபை தேர்தல் வருகிற 23ம் தேதி நடைபெறவுள்ள நிலையில் அரசியல் கட்சி தலைவர்கள் தீவிர பிரசாரம் செய்து வருகின்றனர். இந்நிலையில் NDA கூட்டணி கட்சி வேட்பாளர்களை ஆதரித்து நாளை பிரசாரம் செய்ய வரும் பிரதமர் மோடி நாகர்கோவிலில் ஏற்பாடு செய்யப்பட்டுள்ள ரோடு ஷோ நிகழ்ச்சியில் கலந்து கொள்கிறார். இதனால் பாதுகாப்பு பலப்படுத்தப்பட்டுள்ளது. பிரதமர் வருகையால் குமரி மாவட்ட தேர்தல் களம் சூடுபிடித்துள்ளது.
News April 14, 2026
கிருஷ்ணகிரி: கட்டுக் கட்டாக சிக்கிய பணம்!
கிருஷ்ணகிரி மாவட்டத்தில் தேர்தல் விதிமுறைகள் அமலில் உள்ளதால் இதுவரை 6 சட்டமன்ற தொகுதிகளில் உரிய ஆவணங்கள் இன்றி கொண்டு செல்லப்பட்ட 10.2 கோடி ரூபாய் பணம் பறிமுதல் செய்யப்பட்டுள்ளதாக மாவட்ட ஆட்சியர் தெரிவித்துள்ளார். இதில் 6.31 கோடி ரூபாய் திரும்ப ஒப்படைத்துள்ளதாகவும், 2.30 கோடி ரூபாய் வருமான வரித்துறை அதிகாரிகள் பறிமுதல் செய்துள்ளதாக தெரிவித்தார்.
Featured News
Sorry, no posts matched your criteria.