India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishnagiri
News September 21, 2024
கிருஷ்ணகிரி மாணவர்கள் கவனத்திற்கு
சென்னை கிண்டியில் உள்ள மத்திய அரசின் எம்எஸ்எம்இ தொழில்நுட்ப வளர்ச்சி மையம் சார்பில் ஏற்றுமதி பயிற்சி நடத்தப்படுகிறது. வரும் 24 மற்றும் 25ம் தேதிகளில் காலை10 முதல் மாலை 5 மணி வரை பயிற்சி வகுப்பு நடைபெற உள்ளது. விருப்பமுள்ள கிருஷ்ணகிரி மாவட்ட மாணவர்கள் பயிற்சி குறித்த கூடுதல் விவரங்களை 91504 95272, 94442 45180 ஆகிய எண்களில் தொடர்பு கொண்டு அறியலாம் என தெரிவிக்கப்பட்டுள்ளது.
News September 21, 2024
கிருஷ்ணகிரியில் அரங்கேறிய கொடுரம்
ஜூஜூவாடி பகுதியில் பேன்சி ஸ்டோர் நடத்தி வருபவர் மகேந்திரன்(42), நீலகிரி மாவட்டம் கூடலூரை சேர்ந்த இவர் நேற்று அதே பகுதியை சேர்ந்த 3ம் வகுப்பு படித்து வந்த 8 வயது சிறுமி, பள்ளி முடித்து வீட்டிற்கு நடந்து சென்றபோது ஏற்கனவே அறிமுகமான மகேந்திரன் சிறுமிக்கு சாக்லேட் கொடுத்து கடைக்குள் அழைத்து சென்று பாலியல் பலாத்காரம் செய்துள்ளார். போலீசார் இவரை போக்சோவில் கைது செய்து சிறையில் அடித்துள்ளனர்.
News September 20, 2024
குழந்தைகளுக்கு எதிரான குற்றங்களை தடுத்தல்
கிருஷ்ணகிரி மாவட்ட ஆட்சியர் அலுவலக கூட்டரங்கில் குழந்தைகள் நலன் மற்றும் சிறப்பு சேவைகள் துறை, மாவட்ட குழந்தைகள் பாதுகாப்பு அலகு சார்பாக பெண்கள் மற்றும் குழந்தைகளுக்கு எதிரான குற்றங்களை தடுத்தல் குறித்த மாதாந்திர ஆய்வுக் கூட்டம் மாவட்ட ஆட்சித்தலைவர் கே.எம்.சரயு தலைமையில் நேற்று நடைபெற்றது. உடன், மாவட்ட காவல் கண்காணிப்பாளர் பெ.தங்கதுரை உள்ளனர்.
News September 20, 2024
கிருஷ்ணகிரி மாவட்டத்தில் மழைக்கு வாய்ப்பு
கிருஷ்ணகிரி மாவட்டத்தில் இன்று இரவு 7 மணிவரை இடி, மின்னலுடன் கூடிய லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. மேலும், தமிழ்நாட்டில் 14 மாவட்டங்களுக்கு மழைக்கு வாய்ப்புள்ளதாக கூறப்பட்டுள்ளது. கிருஷ்ணகிரியில் வெயில் வாட்டி வந்த நிலையில் தற்போது கருமேகங்கள் சூழ்ந்து குளிர்ந்த காற்று வீசி வருகிறது. மழை வருமா? கமெண்ட்ல சொல்லுங்க.
News September 20, 2024
போச்சம்பள்ளி ஒன்றிய செயலாளருக்கு நற்சான்று விருது
சென்னையில் நடைப்பெற்ற திமுகவின் பவள விழாவில் கட்சி விருதுக்காக தமிழகத்தில் உள்ள நான்கு மண்டலங்களில் உள்ள கட்சி நிர்வாகிகள் கட்சி பணியில் சிறப்பாக செயல்பட்டவர்களுக்கு தலா ஒருவருக்கு நற்சான்று பணமுடிப்பு வழங்கப்பட்டது. இதில் கிருஷ்ணகிரி மாவட்டம் போச்சம்பள்ளி ஒன்றிய செயலாளரும் ஊராட்சி மன்ற தலைவருமான சாந்த மூர்த்திக்கு சிறந்த ஒன்றிய செயலாளர் விருதை முதல்வர் ஸ்டாலின் வழங்கி பாரட்டினார்.
News September 20, 2024
கிருஷ்ணகிரி அதிமுக சார்பில் பொதுக்கூட்டம்
கிருஷ்ணகிரி மேற்கு மாவட்ட அ.தி.மு.க. சார்பில் அண்ணா–வின் 116வது பிறந்த நாள் விழா பொதுக்கூட்டம் ஓசூரில் நடைபெற்றது. இதில் சிறப்பு அழைப்பாராக கட்சியின் கொள்கை பரப்பு செயலாளர் மு.தம்பிதுரை கலந்து கொண்டார். அவர் பேசுகையில் திமுகவின் குடும்ப ஆட்சிக்கு முடிவு கட்டி மீண்டும் எடப்பாடி பழனிசாமியை முதல்அமைச்சராக்க பாடுபடுவோம்’ என்றார். இதில் மாவட்ட செயலாளர் பாலகிருஷ்ண ரெட்டி கலந்து கொண்டு பேசினார்.
News September 19, 2024
கிருஷ்ணகிரி போலி என்சிசி விவகாரம்; கோர்ட் உத்தரவு
கிருஷ்ணகிரி போலி என்சிசி முகாமில் 23 மாணவிகள் பாலியல் தொல்லைக்கு ஆளாகினர். இச்சம்பவம் பெரும் அதிர்ச்சியை ஏற்படுத்தியது. இது தொடர்பாக பலர் கைது செய்யப்பட்டனர். இவ்விவகாரத்தின் வழக்கு விசாரணை இன்று சென்னை உயர்நீதிமன்றத்தில் வந்த போது,23 மாணவிகளில் 2 பேருக்கு 5லட்சமும், மீதமுள்ள 21 மாணவிகளுக்கு 1 லட்சம் வழங்க கோர்ட் உத்தரவிட்டுள்ளது.
News September 19, 2024
ஒரப்பம் நெடுஞ்சாலையில் விபத்தில் இளைஞர் பலி
கிருஷ்ணகிரி மாவட்டம் பாலேப்பள்ளி பஞ்சாயத்து எலத்தகிரியைச் சேர்ந்த சார்லஸ்(41) என்ற இளைஞர் நேற்று இரவு 9 மணிக்கு ஒரப்பம் சாலையை கடக்கும் போது ஓசூரில் இருந்து திருப்பத்தூர் நோக்கி சென்ற கார் மோதி சம்பவ இடத்திலேயே பரிதாபமாக உயிரிழந்தார். மேலும், அங்கு இருந்தவர்கள் போலீசாருக்கு தகவல் கொடுத்துள்ளனர். அவரது உடல் போலுப்பள்ளி அரசு மருத்துவக்கல்லூரிக்கு பிரேத பரிசோதனைக்காக அனுப்பி வைக்கப்பட்டுள்ளது.
News September 18, 2024
ஓசூரில் ரூ.22 லட்சம் மதிப்புள்ள லேப்டாப்கள் பறிமுதல்
ஓசூரைச் சேர்ந்த 29 வயதான முருகேஷ் என்ற ஐடி ஊழியர் தான் பணிபுரிந்த பெங்களூர் நிறுவனத்திலிருந்து 57 லேப்டாப்களை திருடியதற்காக போலீசாரால் கைது செய்யப்பட்டுள்ளார். முருகேஷ் தனது விவசாய நிலத்தில் தக்காளி பயிரிட்டு நஷ்டம் அடைந்ததால் அந்த கடனை அடைப்பதற்காக திருடியதாக கூறியுள்ளார். லேப்டாப் விற்பனை மற்றும் சர்வீஸ் சென்டரில் இருந்து ₹22 லட்சம் மதிப்புள்ள திருடப்பட்ட 50 லேப்டாப்களை போலீசார் மீட்டனர்.
News September 18, 2024
கிருஷ்ணகிரி மாவட்டத்தில் மின் தடை அறிவிப்பு
போச்சம்பள்ளி துணை மின் நிலையம் மற்றும் மத்தூர் துணை மின் நிலையங்களில் நாளை மாதாந்திர பராமரிப்பு பணி நடைபெற உள்ளதால் காலை 9 மணி முதல் மாலை 2 மணி வரை மேற்படி மின் நிலையத்திற்கு உட்பட்ட பகுதிகளான போச்சம்பள்ளி, பாரூர், அரசம்பட்டி, புலியூர், பண்ணந்தூர், மத்தூர், மற்றும் அதன் சுற்றியுள்ள பகுதிகளில் என் விநியோகம் இருக்காது என்று செயற்பொரியாளர் எம். இந்திரா தெரிவித்தார்.
Featured News
Sorry, no posts matched your criteria.