• Download our app

Kanyakumari

News April 16, 2024

குமரி: இரவிலும் வாக்கு சேகரித்த அமைச்சர்!

image

திமுக கூட்டணி கட்சிகள் சார்பில் கன்னியாகுமரி மக்களவைத் தொகுதி காங்கிரஸ் வேட்பாளராக விஜய் வசந்த் போட்டியிடுகிறார். கூட்டணி கட்சியினர் குமரி மாவட்டம் முழுவதும் தீவிர வாக்கு சேகரிப்பில் ஈடுபட்டு வருகின்றனர். இந்த வகையில் பொன்மனை பேரூராட்சிக்குட்பட்ட பகுதிகளில் அமைச்சர் மனோ தங்கராஜ் பொதுமக்களிடம் நேற்று இரவு தீவிர வாக்கு சேகரிப்பில் ஈடுபட்டார்.

News April 16, 2024

கன்னியாகுமரியில் அடுத்த 3 மணிநேரத்தில் மழை

image

கன்னியாகுமரி உள்ளிட்ட சில மாவட்டங்களில் அடுத்த 3 மணி நேரத்தில் இடி, மின்னலுடன் கூடிய கனமழை பெய்யும் என சென்னை வானிலை ஆய்வு மையம் சற்றுமுன் அறிவித்துள்ளது. எனவே பொதுமக்கள் முன்னெச்சரிக்கையுடன் பாதுகாப்பாக இருக்கும்படி கேட்டுக்கொள்ளப்பட்டுள்ளது. சில இடங்களில் மழைநீர் தேங்கி போக்குவரத்து பாதிக்கப்படலாம் எனத் தெரிவிக்கப்பட்டுள்ளது.

News April 15, 2024

குமரி அருகே வாலிபர் நீரில் மூழ்கி பலி

image

நாகர்கோவில் அருகே சேவியர் காலணியை சேர்ந்தவர் சுமேஷ். இவர் வெளிநாட்டில் வேலை பார்த்து வருகிறார். விடுமுறைக்காக ஊருக்கு வந்த இவர்
பூதப்பாண்டி அருகே இறச்சகுளம் விஷ்ணுபுரம் குளத்தில் நண்பர்களுடன் குளிக்க சென்ற போது தண்ணீரில் மூழ்கி பலியானார். இச்சம்பவம் உறவினர்களிடையே சோகத்தை ஏற்படுத்தி உள்ளது. இதுகுறித்து பூதப்பாண்டி போலீசார் வழக்கு பதிவு செய்து விசாரணை நடத்தி வருகின்றனர்.

News April 15, 2024

குமரி மழைப்பொழிவு விவரம்

image

கன்னியாகுமரி மாவட்டத்திற்கான நேற்றைய (ஏப்.14) மழைப்பொழிவு விவரங்களை சென்னை வானிலை ஆய்வு மையம் வெளியிட்டுள்ளது. இரணியலில் 3 செ.மீட்டரும், குளச்சலில் 2 செ.மீட்டரும், குருந்தன்கோட்டில் 1 செ.மீட்டர் மழையும் பதிவாகியுள்ளது.

News April 15, 2024

அதிமுக தேர்தல் பிரச்சார பொதுக்கூட்டம்

image

கன்னியாகுமரி மக்களவைத் தேர்தலில் அதிமுக சார்பில் பசலியான் நசரேத் வேட்பாளராக போட்டியிடுகிறார். இவருக்கு ஆதரவாக குமரி மாவட்டம் முழுவதும் அதிமுக மற்றும் தோழமை கட்சியினர் வாக்கு சேகரிப்பில் ஈடுபட்டு வருகின்றனர். இவ்வகையில் அதிமுக தேர்தல் பிரச்சார பொதுக்கூட்டம் கொட்டாரம் ஜங்ஷன் பகுதியில் நேற்று இரவு தளவாய் சுந்தரம் எம்எல்ஏ தலைமையில் நடைபெற்றது. அதிமுக வினர் திரளாக கலந்து கொண்டனர்.

News April 14, 2024

கன்னியாகுமரி மாவட்டத்தில் மழை

image

தென் இந்தியப்பகுதிகளின் மேல் வளிமண்டல கீழடுக்குகளில், காற்றின் திசை மாறுபடும். இதன் காரணமாக தமிழகத்தில் சில இடங்களில் மிதமான மழைஇ பெய்ய வாய்ப்புள்ளதாக தெரிவிக்கப்பட்டது. இந்நிலையில் அடுத்த 3மணி நேரத்தில் (மாலை 7மணி வரை) கன்னியாகுமரி மாவட்டத்தில் மழை பெய்ய வாய்புள்ளதாக சென்னை வானிலை ஆய்வு மையம் தகவல் தெரிவித்துள்ளது.

News April 14, 2024

மது குடிப்பதை தட்டி கேட்டதால் தற்கொலை 

image

சுசீந்திரம் பகுதியைச் சேர்ந்தவர் முருகன்(37). இவருக்கு அதிகமாக மது குடிக்கும் பழக்கம் உள்ளது. இந்நிலையில், நேற்று முந்தினம் அவரது மனைவி கண்டிந்துள்ளார். இதில் மனமுடைந்த அவர் வீட்டில் விஷம் குடித்து மயங்கிய நிலையில் கிடந்தார். இதனையடுத்து மருத்துவமனையில் அனுமதித்த பின் அவர் சிகிச்சை பலனின்றி உயிரிழந்தார். இதுகுறித்து போலீசார் விசாரணை செய்து வருகின்றனர்.

News April 13, 2024

கன்னியாகுமரி மழைப்பொழிவு விவரம்

image

கன்னியாகுமரி மாவட்டத்திற்கான நேற்றைய (ஏப்.12) மழைப்பொழிவு விவரங்களை சென்னை வானிலை ஆய்வு மையம் வெளியிட்டுள்ளது.ரல்வாய்மொழி, திருப்பதிசாரம் ஏடபிள்யூஎஸ், நாகர்கோவில் ஆகிய பகுதிகளில் 3 செ.மீ, கன்னடயன் பாலமோர்,முக்கடல் அணை பகுதிகளில் 2 செ.மீ, கொளச்சல், பெருஞ்சாணி அணை, மாம்பழத்துறையாறு, புத்தன்அணை, கன்னியாகுமரி, அணைகெடங்கு,சூரலக்கோடு, மயிலாடி, தக்கலை ஆகிய பகுதிகளில் 1 செ.மீட்டர் மழையும் பதிவாகியுள்ளது.

News April 13, 2024

குழித்துறை அருகே லாரி மோதி விபத்து

image

குமரி, குழித்துறை ஜங்ஷன் அண்ணா சிலை அருகே இன்று காலை பைக்கில் நின்ற நபர் மீது அதிவேகமாக வந்த லாரி மோதி விபத்து ஏற்பட்டது. இவ்விபத்தில் படுகாயம் அடைந்த அந்த நபர், ஆம்புலன்ஸ் மூலம் மருத்துவமனைக்கு அனுப்பி வைக்கப்பட்டார். இந்த விபத்து குறித்து போலீசார் விசாரணை செய்து வருகின்றனர்.

News April 13, 2024

கன்னியாகுமரி மாவட்டத்திற்கு மழை

image

கன்னியாகுமரி உள்ளிட்ட பல மாவட்டங்களில் இன்று காலை 10 மணி வரைக்கும் கனமழை பெய்யும் என சென்னை வானிலை ஆய்வு மையம் அறிவித்துள்ளது. மேலும், மஞ்சள் அலர்ட்டும் விடுக்கப்பட்டுள்ளது. இந்த மழையால் சில இடங்களில் தண்ணீர் தேங்கும், போக்குவரத்து பாதிக்கப்படலாம் எனவும் தெரிவிக்கப்பட்டுள்ளது.

Featured News

Sorry, no posts matched your criteria.

↑