India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kallakurichi
News August 31, 2024
கள்ளக்குறிச்சியில் 17 வட்டார வளர்ச்சி அலுவலர்கள் மாற்றம்
கள்ளக்குறிச்சி மாவட்டத்தில் கல்வராயன் மலை, தியாகதுருகம், சின்னசேலம், கள்ளக்குறிச்சி, திருக்கோவிலூர் உள்ளிட்ட பகுதிகளில் வட்டார வளர்ச்சி அலுவலர்களாக பணியாற்றி வந்த 17 பேரை பணியிடை மாற்றம் செய்து கள்ளக்குறிச்சி மாவட்ட ஆட்சியர் பிரசாந்த் இன்று உத்தரவு பிறப்பித்துள்ளார்
News August 31, 2024
கள்ளக்குறிச்சி அருகே நாளை மின்தடை
எறையூா், எ.சாத்தனூா் துணை மின் நிலையத்தில் மாதாந்திர பராமரிப்பு பணிக்காக நாளை காலை 10 மணி முதல் 5 மணி வரை மின்தடை செய்யப்பட்ட உள்ளது.புல்லூா், பாலி, எ.சாத்தனூா், ஷேக் உசேன்பேட்டை, திருப்பெயா், எடைக்கல், எ.மழவராயனூா், ஆசனூா், எறைஞ்சி, காச்சக்குடி,கூந்தலூா், பரிந்தல், பு.மலையனூா், நொனையவாடி, புத்தமங்கலம், நெடுமானூா்,குரூபீடபுரம்,சித்தாத்தூா், வாணியந்தாங்கல்,நின்னையூா் உள்ளிட்ட பகுதிகளில் மின்தடை.
News August 31, 2024
கள்ளக்குறிச்சி வாலிபர் மீது போக்ஸோ பாய்ந்தது
ராமநாதபுரம் பகுதியைச் சேர்ந்தவர் முருகேசன் மகன் வாசு. இவர் 16 வயது சிறுமியை ஓராண்டாக காதலித்து வந்தார். கடந்த 6 மாதமாக சிறுமி இவரிடம் பேசாததால், கடந்த 23 ம் தேதி திருமணம் செய்து கொள்ளும்படி கையை பிடித்து இழுத்து தொல்லை கொடுத்துள்ளார். இது குறித்த புகாரின் பேரில் கள்ளக்குறிச்சி அனைத்து மகளிர் போலீசார் வாசு மீது நேற்று போக்சோ சட்டத்தின் கீழ் வழக்கு பதிந்து விசாரித்து வருகின்றனர்.
News August 31, 2024
ரேஷன் கடை விற்பனையாளர்களுக்கு பயிற்சி வகுப்பு
கள்ளக்குறிச்சியில் ரேஷன்கடை விற்பனையாளர்களுக்கு மனஅழுத்தம் மேலாண்மை மற்றும் ரேஷன் கார்டுதாரர்களின் நடந்து கொள்ள வேண்டிய நெறிமுறைகள் குறித்து பயிற்சி வகுப்பு நேற்று கூட்டுறவு சங்கங்களின் மண்டல இணைப்பதிவாளர் முருகேசன் தலைமையில் நடந்தது. சிறப்பு அழைப்பாளராக மின்வாரிய ஊழியர் ஜெகதீசன் மற்றும் பேராசிரியை ஜெயந்தி ஆகியோர் பங்கேற்று, மன அழுத்த மேலாண்மை குறித்தும் சிறப்புரையாற்றினார்.
News August 31, 2024
உளுந்தூர்பேட்டையில் கம்யூனிஸ்ட் கட்சி 9-வது கிளை மாநாடு
கள்ளக்குறிச்சி மாவட்டம், உளுந்தூர்பேட்டை அருகே உள்ள உ.கீரனூர் மக்களின் அடிப்படைத் தேவைகளையும், கட்டமைப்பு வசதிகளை ஏற்படுத்திட கோரி, வருகின்ற ஒன்றாம் தேதி நடைபெறவுள்ளது. உ.கீரனூரில் காலை 10 மணி அளவில் மார்க்சிஸ்ட் கம்யூனிஸ்ட் சார்பில் ஒன்பதாவது கிளை மாநாடு அக்கட்சியின் சார்பில் அறிவிக்கப்பட்டுள்ளது. இதில், பொதுமக்கள் கலந்து கொள்ள உளுந்தூர்பேட்டை நகர குழு அழைப்பு விடுத்துள்ளது.
News August 30, 2024
இரவு ரோந்து பணி குறித்து மாவட்ட காவல்துறை சார்பில் அறிவிப்பு
கள்ளக்குறிச்சி மாவட்டத்தில் இன்று (30.08.2024) இரவு 10 மணி முதல் நாளை காலை 6 மணி வரை இரவு ரோந்து பணிக்கு நியமிக்கப்பட்டுள்ள அதிகாரிகளின் பெயர் மற்றும் தொலைபேசி எண் வெளியிடப்பட்டுள்ளது. அவசர உதவிக்கு மேற்கண்ட காவல்துறை அதிகாரிகளின் தொலைபேசி எண்ணை தொடர்பு கொண்டு தகவல் தெரிவிக்கலாம் என மாவட்ட காவல்துறை சார்பில் அறிவிக்கப்பட்டுள்ளது.
News August 30, 2024
சட்டமன்ற உறுப்பினரின் மீது தொடரப்பட்ட வழக்கு தள்ளுபடி
கள்ளக்குறிச்சி வடக்கு மாவட்ட கழக செயலாளரும், சங்கராபுரம் சட்டமன்ற உறுப்பினருமான உதயசூரியன் மற்றும் ஐந்து நபர்கள் மீது அதிமுக ஆட்சியில் வழக்கு தொடரப்பட்டது. இந்த வழக்க விசாரணை நீதிமன்றத்தில் நடைபெற்று வந்த நிலையில், வழக்குகள் தள்ளுபடி செய்யபட்டு வழக்கில் இருந்து விடுவிக்கப்பட்டுள்ளார். இந்த வழக்கில் வழக்கறிஞர் அணி மாவட்ட அமைப்பாளர் மோகன்ராஜ் மற்றும் கழக வழக்கறிஞர்கள் ஆஜராகியிருந்தனர்.
News August 30, 2024
மகளிர் மாநாட்டை முன்னிட்டு புதிய நிர்வாகிகள் தேர்வு
தமிழ்நாட்டில் போதைப் பொருள் ஒழிக்க, கள்ளக்குறிச்சியில் விடுதலை சிறுத்தைகள் கட்சியின் மகளிர் அணி சார்பில், மது ஒழிப்பு மாநாடு அக்டோபர் இரண்டாம் தேதி நடைபெறும் என, அக்கட்சியின் நிறுவன தலைவர் திருமாவளவன் தெரிவித்திருந்தார். இந்நிலையில், மாநாட்டை முன்னிட்டு மகளிர் விடுதலை அணியில் புதிய நிர்வாகிகளை தேர்வு செய்து வருகின்றனர் என அக்கட்சியில் தகவல்கள் வெளியாகி உள்ளது.
News August 30, 2024
மாவட்ட ஆட்சியரிடம் மனு அளித்த அரசு ஊழியர்கள்
எஸ்சி எஸ்டி வகுப்பினருக்கு பதவி உயர்வில் இட ஒதுக்கீடு அளிக்க தனிச் சட்டம் இயற்ற கோரி விசிக அரசு ஊழியர் ஐக்கிய பேரவை சார்பில் மாநில பொறுப்பாளர் சிறைப்பாண்டியன் தலைமையில் கள்ளக்குறிச்சிமாவட்ட ஆட்சியரிடம் ஐந்து அம்ச கோரிக்கை மனு அளிக்கப்பட்டது. அப்போது அரசு ஊழியர் ஐக்கிய பேரவை மாநில,மாவட்ட அனைத்து நிலை பொறுப்பாளர்கள் உறுப்பினர்கள் உடன் இருந்தனர்.
News August 30, 2024
கள்ளக்குறிச்சி கள்ளச்சாரயம் குறித்து உயர்நீதிமன்றம் கேள்வி
கள்ளக்குறிச்சி விஷச்சாராயம் தொடர்பான வழக்கு சென்னை உயர்நீதிமன்றத்தில் விசாரணைக்கு வந்தது. இதனை விசாரித்த முதன்மை அமர்வு, கள்ளக்குறிச்சி சட்டமன்ற தொகுதியில் கள்ளச்சாராயம் மற்றும் கஞ்சா நடமாட்டம் குறித்து அதிமுக சட்டமன்ற உறுப்பினர் செந்தில்குமார் புகார் அளித்தார். இது தொடர்பாக போலீசார் இதுவரை எந்த மறுப்பும் தெரிவிக்காதது ஏன் ? என அரசு தலைமை வழக்கறிஞரிடம் கேள்வி எழுப்பியுள்ளது.
Featured News
Sorry, no posts matched your criteria.