India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News April 17, 2024
வாக்குப்பதிவு நாளன்று சம்பளத்துடன் விடுமுறை
கோவை மாவட்ட தொழிலாளர் நலத்துறை அறிக்கை வெளியிட்டுள்ளது. அதில், “ மக்களவை தேர்தல் அன்று தொழிலாளர்களுக்கு சம்பளத்துடன் கூடிய விடுமுறை வழங்க வேண்டும். மீறி செயல்படும் நிறுவனங்கள் மீது சட்டப்படி நடவடிக்கை எடுக்கப்படும். இதனை கண்காணிக்க தொழிலாளர் துறையால் மாவட்ட பொறுப்பு அதிகாரி காயத்ரி தலைமையில் கண்காணிப்பு குழு அமைக்கப்பட்டுள்ளது. இந்த குழு நிறுவனங்களை தீவிரமாக கண்காணிக்கும்” என தெரிவிக்கப்பட்டுள்ளது
News April 17, 2024
வாக்காளர்களுக்கு பணம் கொடுக்க முயன்ற திமுக
அன்னூரில் வாக்காளர்களுக்கு பணம் கொடுக்க முயன்ற திமுக நிர்வாகியை பறக்கும் படையினர் (ஏப்ரல். 17) இன்று பிடித்தனர். அன்னூர் பேரூராட்சி குமரன் நகர் பகுதியில் திமுகவினர் வாக்காளர்களுக்கு பணம் கொடுப்பதாக பறக்கும் படை அதிகாரிகளுக்கு தகவல் கிடைத்தது. தேர்தல் பறக்கும் படை அதிகாரி சரவணன் தலைமையிலான அதிகாரிகள் சம்பவ இடத்திற்கு சென்று பணத்தை பறிமுதல் செய்து திமுக நிர்வாகியை காவல் நிலையத்தில் ஒப்படைத்தனர்.
News April 17, 2024
நாயை ஏவி கடிக்க வைத்த 2 பேர் கைது
கெம்பநாயக்கன்பாளையத்தை சேர்ந்தவர் மணிகண்டன்(34). இவரது வீட்டின் அருகே ஜோஸ்வா ஜோசப் என்பவர் மளிகை கடை நடத்தி வருகிறார். இந்நிலையில் அவரது கடை முன் இருந்த குப்பையை மணிகண்டன் அகற்றக் கூறியதால் ஆத்திரமடைந்த ஜோஸ்வா ஜோசப் வீட்டில் வளர்க்கும் நாயை ஏவி மணிகண்டனை கடிக்க வைத்துள்ளார். இதில், காயமடைந்த மணிகண்டன் அளித்த புகாரில் ஜோஸ்வா ஜோசப் மற்றும் அவரது தந்தை தேவராஜை போலீசார் கைது செய்தனர்.
News April 17, 2024
கோவை தேர்தல் பாதுகாப்பு பணியில் 4563 பேர்
கோவை நகரில் தேர்தல் அமைதியாக நடைபெற அனைத்து பாதுகாப்பு நடவடிக்கைகளும் எடுக்கப்பட்டு வருகிறது. அதன்படி, கோவை நகர போலீசார் 2763, ஊர் காவல் படையினர் 1150, தமிழ்நாடு சிறப்பு படை போலீசார் 300, துணை இராணுவத்தினர் 350 என மொத்தம் 4563 பேர் கோவை நகரில் பாதுகாப்பு பணியில் ஈடுபடவுள்ளனர். மேலும், அதிவிரைவு படையினர் 24 மணி நேரமும் ரோந்து பணியில் இருப்பர் என கோவை கமிஷனர் பாலகிருஷ்ணன் நேற்று தெரிவித்துள்ளார்.
News April 17, 2024
கோவை: குளத்தில் மூழ்கி 13 வயது சிறுவன் பலி
சூலூர் சிந்தாமணி புதூரை சேர்ந்த தம்பதி பெருமாள் சாமி – ஈஸ்வரி. இத்தம்பதிக்கு இளமாறன்(13), கபிலன் உள்ளிட்ட இரு மகன்கள் உள்ளனர். நேற்று ஈஸ்வரியும் , பெருமாள் சாமியும் வேலைக்கு சென்று விட்ட நிலையில் பள்ளி விடுமுறை என்பதால் இளமாறன் கண்ணம்பாளையம் பகுதியில் உள்ள குளத்தில் குளிக்க சென்றுள்ளார். அப்போது, நீரில் மூழ்கி பரிதாபமாக உயிரிழந்தார். இதுகுறித்து சூலூர் போலீசார் வழக்கு பதிந்து விசாரிக்கின்றனர்.
News April 16, 2024
கோவை: பள்ளிகளில் குழந்தை காப்பகங்கள்
கோவை மாவட்டத்தில் 5 வாக்குச்சாவடிகளுக்கு மேல் உள்ள பள்ளிகளில் குழந்தை காப்பகங்கள் அமைக்க (ஏப்ரல். 16) ஆட்சியர் உத்தரவிட்டுள்ளார். 5 வாக்குச்சாவடிக்கு மேல் உள்ள பள்ளிகளில் குழந்தைகளுடன் வரும் வாக்காளர்கள் வாக்களிக்க வசதியாக தன்னார்வலர்கள் மற்றும் உதவியாளர்களுடன் கூடிய குழந்தைகள் காப்பகங்கள் அமைக்க மாவட்ட ஆட்சியர் கிராந்தி குமார் பாடி உத்தரவிட்டுள்ளார்.
News April 16, 2024
இறைச்சி கடைகள் மூட உத்தரவு
கோவை மாநகராட்சி கமிஷனர் சிவகுரு பிரபாகரன் நேற்று வெளியிட்டுள்ள செய்தி குறிப்பில், மகாவீர் ஜெயந்தியை முன்னிட்டு வரும் ஏப்.21ஆம் தேதி ஆடு, மாடு மற்றும் கோழிகளை வதை செய்வதற்கும், இறைச்சி விற்பனை செய்யவும் அரசு தடை விதித்துள்ளது. எனவே கோவை மாநகராட்சிக்குட்பட்ட பகுதிகளில் வரும் 21ஆம் தேதி இறைச்சி கடைகளை மூடும்படி அறிவுறுத்தப்படுகிறது. மீறினால் கடும் நடவடிக்கை எடுக்கப்படும் என தெரிவிக்கப்பட்டுள்ளது.
News April 16, 2024
தாம்பரம் – மங்களூர் இடையே சிறப்பு ரயில்
சேலம் ரயில்வே கோட்ட நிர்வாகம் நேற்று வெளியிட்ட செய்தி குறிப்பில்: கோடை விடுமுறையை முன்னிட்டு தாம்பரத்திலிருந்து வரும் ஏப்.19 முதல் மே.31 வரை வெள்ளிக்கிழமைகளில் தாம்பரம் – மங்களூர் சிறப்பு ரயில் இயக்கப்படவுள்ளது. இந்த ரயில் காசர்கோடு, பையனூர், கண்ணூர், தலச்சேரி, ஷோரனூர், பாலக்காடு, கோவை, திருப்பூர், அரக்கோணம், பெரம்பூர், எழும்பூர் ரயில் நிலையங்களில் நின்று செல்லும் என தெரிவிக்கப்பட்டுள்ளது.
News April 16, 2024
மூட்டை தூக்கி வாக்கு சேகரிப்பு
நீலகிரி தொகுதியில் நாம் தமிழர் கட்சி சார்பில் ஜெயக்குமார் போட்டியிடுகிறார். இந்நிலையில் நேற்று (ஏப்.15) மாலை மேட்டுப்பாளையம் நகர பகுதிகளில் தீவிர பரப்புரை மேற்கொண்டார். அப்பொழுது, மேட்டுப்பாளையம் காந்தி மைதானம் பகுதியில் உள்ள உருளைக்கிழங்கு மண்டிக்கு சென்ற அவர் லாரிகளில் இருந்து கிழங்கு மூட்டைகளை தூக்கிச்சென்று அங்கு இருக்கும் பெண்கள், ஆண்கள், தொழிலாளர்களிடம் வாக்குகளை சேகரித்தார்.
News April 15, 2024
அதிமுகவில் இணைந்தது தவறான முடிவு
பாஜகவில் கோவை மண்டலத்தில் முக்கிய பொறுப்புகளை கவனித்து வந்த செல்வபிரபு அண்ணாமலைக்கு மிக நெருக்கமாக இருந்தவர். இவர் அண்மையில் முன்னாள் அமைச்சர் எஸ்.பி.வேலுமணி முன்னிலையில் அதிமுகவில் இணைந்தார். இந்நிலையில் அவர் இன்று தனது எக்ஸ் தளத்தில் அதிமுகவில் இணைந்ததன் மூலம் அவசரப்பட்டு முடிவெடுத்து விட்டேன். அது தவறான முடிவு என்று வேதனை பொங்க செல்வ பிரபு வீடியோ மூலமாக தெரிவித்துள்ளார்.
Featured News
Sorry, no posts matched your criteria.