India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 10, 2024
தாத்தாவுக்கு பாகுபலி விருந்து கொடுத்த பேரன்கள்
ஆந்திராவில் புது மாப்பிள்ளை மற்றும் வளைகாப்பு நிகழ்ச்சிகளில் 100க்கும் மேற்பட்ட உணவு வகைகளுடன் பாகுபலி விருந்து அளிப்பது வழக்கம். அந்த வகையில், யுகாதி பண்டிகையொட்டி பட்டயக்குடம் பகுதியில் உள்ள நாக சூர்யா என்ற முதியவரின் வீட்டிற்கு சென்ற அவரது பேரன்கள், அவருக்கு ரொட்டிகள், இனிப்பு, பழங்கள், பொங்கல் என பாகுபலி விருந்து கொடுத்து அசத்தியுள்ளனர். இவற்றை ருசி பார்த்த அவர், மனம் நெகிழ்ந்து போனார்.
News April 10, 2024
‘இந்தியன் 2’ படத்தில் மனிஷா கொய்ராலா?
‘இந்தியன் 2’ படத்தில் நடிகை மனிஷா கொய்ராலா நடித்துள்ளதாக தகவல் கசிந்துள்ளது. படத்தின் முதல் பாகத்தில், மகன் கதாபாத்திரத்தில் நடித்த கமல்ஹாசனுக்கு ஜோடியாக மனிஷா கொய்ராலா நடித்திருப்பார். ஆனால், 2ஆம் பாகத்தில் அவருக்கு பெரிய காட்சிகள் எதுவும் கொடுக்கப்படவில்லை என்றும், சிறப்பு தோற்றத்தில் தோன்றுவதாகவும் கூறப்படுகிறது. படம் ஜூன் மாதம் வெளியாகவுள்ளதால், ரசிகர்களிடையே எதிர்பார்ப்பு அதிகரித்துள்ளது.
News April 10, 2024
நீலகிரியில் வாக்காளர் பட்டியலில் 10,000 பேர் மிஸ்ஸிங்
நீலகிரியில் 10,000 வாக்காளர்களை பட்டியலில் காணவில்லை. ஊட்டி சட்டபேரவை தொகுதி- 94,256, குன்னூர் சட்டபேரவை தொகுதி- 91,614, கூடலூர் சட்டபேரவை தொகுதி- 1,87,754 வாக்காளர்கள் இருந்தனர். இதில் ஊட்டியில் 6,500, குன்னூரில் 2,500, கூடலூரில் 1,000 பேர் என மொத்தம் 10,000 வாக்காளர்களை பட்டியலில் காணவில்லை. வேலைவாய்ப்பு இல்லாததால், கோவை, திருப்பூர் மாவட்டங்களுக்கு அவர்கள் பெயர்ந்திருக்கலாம் என கூறப்படுகிறது.
News April 10, 2024
BREAKING: அதிமுகவில் இருந்து விலகுகிறேன்
இபிஎஸ் மீது அடுக்கடுக்கான புகார் தெரிவித்து, கர்நாடகா மாநில அதிமுக செயலாளர் எஸ்.டி.குமார், கட்சியின் அனைத்து பொறுப்புகளில் இருந்தும் ராஜினாமா செய்வதாக அறிவித்துள்ளார். கர்நாடகாவில் யாரை ஆதரித்து பரப்புரையில் ஈடுபடுவது எனத் தெரியாமல் அதிமுகவில் குழப்பம் ஏற்பட்டுள்ளது. கர்நாடகாவில் அதிமுகவை ரப்பர் ஸ்டாம்ப் கட்சியாகவே இபிஎஸ் வைத்துள்ளார் என்று குற்றம் சாட்டி, அவர் கட்சியில் இருந்து விலகியுள்ளார்.
News April 10, 2024
ஏர்டெல் உரிமையாளர் மகள் யார் தெரியுமா?
ஏர்டெல் உரிமையாளர் சுனில் பார்தி மிடெலுக்கு ₹74,064 கோடி சொத்து இருப்பதாக மதிப்பிடப்பட்டுள்ளது. அவரின் மகளான இய்சா பார்தி பரிஷா, லண்டன் வாழ் இந்திய தொழிலதிபரான சரண் பரிஷாவை திருமணம் செய்து கொண்டு அங்கேயே வசித்து வருகிறார். சுனில் பார்தி அறக்கட்டளை உறுப்பினராக இருக்கும் இய்சா, அழகு சாதன நிறுவனங்களில் முதலீடு செய்துள்ளார். இன்ஸ்டாகிராமில் அவரை 29,000 பேர் தொடர்கின்றனர்.
News April 10, 2024
விலங்குகளின் சுபாவத்தில் மாற்றம் ஏற்படுத்திய கிரகணம்
கிரகணத்தின்போது விலங்குகளின் நடவடிக்கையில் மாற்றம் ஏற்படுவதாக ஆய்வில் தெரியவந்துள்ளது. பொதுவாகவே நிதானமான விலங்காக கருதப்படும் ஒட்டகச்சிவிங்கிகள், காடுகளில் வேட்டையாடப்படும் போது ஓடுவது போல கிரகணத்தின்போது திடுக்கிட்டு ஓட ஆரம்பித்துள்ளன. அதே போல, எப்போதும் சாதுவாக அமர்ந்திருக்கும் கலாபகோஸ் ராட்சத ஆமைகள் வழக்கத்திற்கு மாறாக உற்சாகமாக இனப்பெருக்கத்தில் ஈடுபட்டதாக ஆய்வாளர்கள் தெரிவிக்கின்றனர்.
News April 10, 2024
பாபா ராம்தேவுக்கு மீண்டும் சிக்கல்
பதஞ்சலி விளம்பரம் தொடர்பான நீதிமன்ற அவமதிப்பு வழக்கில் பாபா ராம்தேவின் மன்னிப்பை உச்சநீதிமன்றம் மீண்டும் ஏற்க மறுத்துவிட்டது. உச்சநீதிமன்றத்தில் ராம்தேவ், ஆச்சார்ய பாலகிருஷ்ணா இன்று ஆஜராகினர். அப்போது 2 பேரும் நிபந்தனையற்ற மன்னிப்பு கோருவதாகத் கூறப்பட்டது. இதை ஏற்காத நீதிபதிகள், வேண்டுமென்று அவமதித்ததாக எடுத்து கொள்ளப்படுமென கூறினர். இதனால் ராம்தேவுக்கு மீண்டும் சிக்கல் ஏற்பட்டுள்ளது.
News April 10, 2024
தென் கொரியாவில் விறுவிறுப்பாக வாக்குப்பதிவு
தென் கொரியாவில் நாடாளுமன்றத் தேர்தல் விறுவிறுப்பாக நடைபெற்று வருகிறது. நாடு முழுவதும் 14,259 வாக்குச்சாவடிகள் அமைக்கப்பட்டுள்ள நிலையில், சுமார் 3 கோடி மக்கள் வாக்களிக்க தகுதி பெற்றுள்ளனர். 254 வேட்பாளர்கள் நேரடி வாக்குப்பதிவு மூலமும், 46 உறுப்பினர்கள் கட்சி ஆதரவுடனும் தேர்ந்தெடுக்கப்பட உள்ளனர். இதில் ஆளும் மக்கள் சக்தி கட்சி, எதிர்க்கட்சியான ஜனநாயக கட்சி இருமுனைப் போட்டியில் உள்ளன.
News April 10, 2024
OTT-க்கு வரும் ‘சைரன்’
ஜெயம் ரவி, கீர்த்தி சுரேஷ் நடித்த ‘சைரன்’ திரைப்படம், வரும் 19ஆம் தேதி டிஸ்னி+ ஹாட்ஸ்டாரில் வெளியாகவுள்ளதாக படக்குழு அறிவித்துள்ளது. ஆண்டனி பாக்யராஜ் இயக்கிய இப்படம், கடந்த பிப்.16ஆம் தேதி திரையரங்குகளில் வெளியானது. கிரைம் திரில்லர் கதைக்களத்தில் உருவான இப்படம், கலவையான விமர்சனங்களையே பெற்றது. தமிழ், தெலுங்கு, ஹிந்தி உள்ளிட்ட 5 மொழிகளில் OTT-இல் வெளியாகவுள்ளதால், ரசிகர்கள் ஆவலுடன் உள்ளனர்.
News April 10, 2024
ஹேம மாலினி விவகாரத்தில் கார்கேக்கு ECI நோட்டீஸ்
ஹேம மாலினியை விமர்சித்த விவகாரத்தில் கார்கே, சுர்ஜேவாலாவுக்கு தேர்தல் ஆணையம் (ECI) நோட்டீஸ் அனுப்பியுள்ளது. கூட்டத்தில் பேசுகையில் ஹேம மாலினியை சுர்ஜேவாலா ஆபாசமாக விமர்சித்ததாக பாஜக புகார் அளித்தது. இதையடுத்து சுர்ஜேவாலுக்கு, அவர் மீது ஏன் நடவடிக்கை எடுக்கக்கூடாது என விளக்கம் கேட்டும், இதுபோல காங்கிரசார் பேசாமல் இருப்பதை உறுதி செய்யும்படி கார்கேவுக்கும் ECI நோட்டீஸ் அனுப்பியுள்ளது.
Featured News
Sorry, no posts matched your criteria.