India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 19, 2024
சாம்பியன்ஸ் டிராபி குறித்து விரைவில் முடிவு?
அடுத்த ஆண்டு பாகிஸ்தானில் சாம்பியன்ஸ் டிராபி போட்டியை நடத்துவதில் எந்த சந்தேகமும் இல்லை. ஆனால், பாகிஸ்தானில் சென்று விளையாடமாட்டோம் என BCCI கூறிய நிலையில், இந்த விஷயத்தில் பாக்., கிரிக்கெட் வாரியம் மவுனம் சாதித்து வருகிறது. இந்நிலையில் ICC நேரடியாக களமிறங்கி பாக்., கிரிக்கெட் வாரியத்திடம் பேச்சுவார்த்தை நடத்திவருவதாக தெரிகிறது. விரைவில் இப்பிரச்னைக்கு தீர்வு கிடைக்கும் என கூறப்படுகிறது.
News November 19, 2024
விமான ஐடியா யாருடையது ? – ஆளுநர் சர்ச்சை பேச்சு
விமானம் குறித்த அடிப்படை தத்துவத்தை முதலில் கண்டுபிடித்தது ரைட் சகோதரர்கள் அல்ல, பரத்வாஜ் முனிவர் என உத்தரப்பிரதேச ஆளுநர் ஆனந்திபென் படேல் தெரிவித்துள்ளார். லக்னோவில் உள்ள குவாஜா மொய்னுதீன் சிஷ்டி யுனிவர்சிட்டியின் 9வது பட்டமளிப்பு விழாவில் பேசிய அவர், பண்டைய இந்தியாவில் முனிவர்கள் பல்வேறு கண்டுபிடிப்புகளை உலகிற்கு அளித்துள்ளனர் எனக் கூறினார். இது குறித்து உங்கள் கருத்து என்ன?
News November 19, 2024
150 நடிகைகளுக்கு தனுஷ் தொல்லை? ”ஷாக்” பேட்டி
தனுஷ் – நயன் மோதல் விவகாரத்தில் அடுத்தடுத்து பாடகி சுசித்ரா பரபரப்பு தகவல் வெளியிட்டு வருகிறார். பேட்டி ஒன்றில், தனுஷ் இதுவரை 50 படங்களில் நடித்துள்ளதாகவும், இந்த படங்களில் நடித்த நடிகைகள் 150 பேருக்கு பாலியல் ரீதியாகவும், பர்சனலாகவும் தொல்லை கொடுத்துள்ளார் எனவும் தெரிவித்துள்ளார். “யாரடி நீ மோகினி” படத்தில் நடித்தபோது நயனுக்கும் அவர் தொல்லை கொடுத்தார் எனவும் கூறியுள்ளார்.
News November 19, 2024
சீனாவை பின்னுக்கு தள்ளியது இந்தியா
அமெரிக்காவில் படிக்கும் வெளிநாட்டு மாணவர்களில் இந்தியா முதலிடம் பிடித்துள்ளது. 15 ஆண்டுகளாக சீன மாணவர்கள் அதிகளவில் படித்த நிலையில், 2023-2024ல் அவர்களை விஞ்சி இந்தியா சாதனை படைத்துள்ளது. அங்கு படிக்கும் 11 லட்சம் வெளிநாட்டு மாணவர்களில் 3.31 லட்சம் பேர் (29.4%) இந்திய மாணவர்கள் ஆவர். அதேசமயம், USல் பயிலும் சீன மாணவர்களின் எண்ணிக்கை 2.74 லட்சமாக சரிந்துவிட்டதாக அந்நாடு அறிக்கை வெளியிட்டுள்ளது.
News November 19, 2024
நடிகை மூன் மூன் சென் கணவர் காலமானார்!
பெங்கால் திரையுலகில் பிரபலமான நடிகை மூன் மூன் சென்னின் கணவர் பாரத் தேவ் வர்மா உடல்நலக்குறைவால் இன்று காலை காலமானார். அவருக்கு வயது(83). நடிகை மூன் மூன் சென் வீட்டிற்கு நேரில் சென்ற மேற்கு வங்க மாநில முதலமைச்சர் மம்தா பானர்ஜி, பாரத் தேவ் வர்மாவின் குடும்பத்தினருக்கு ஆறுதல் கூறினார். மறைந்த பாரத் தேவ் வர்மாவுக்கு ரைமா, ரியா சென் என்ற இரு மகள்கள் உள்ளனர்.
News November 19, 2024
சசிகலா CM-ஆவதை தடுத்தது யார்? – திண்டுக்கல் சீனிவாசன்
திருச்சி மாவட்ட அதிமுக அலுவலகத்தில் கள ஆய்வு கூட்டம் இன்று(நவ.19) நடைபெற்றது. அதில் பேசிய திண்டுக்கல் சீனிவாசன், அதிமுகவை இபிஎஸ் சிறப்பாக வழிநடத்தி வருவதாக புகழாரம் சூட்டினார். தொடர்ந்து பேசிய அவர், 2017ல் சசிகலா முதல்வராக பதவியேற்பதற்கான பணிகள் நடந்த வேலையில் நீதிமன்றத் தீர்ப்பால் சிறைக்கு சென்றுவிட்டார். அவரை முதல்வராக வரவிடாமல் இறைவன் தடுத்துவிட்டார் என்றும் கூறினார்.
News November 19, 2024
மிகப்பெரிய தவறு செய்து விட்டோம்: ராகுல் வருத்தம்
2011ஆம் ஆண்டில் ஆட்சியில் இருந்தபோதே, சாதிவாரி மக்கள் தொகை கணக்கெடுப்பை நடத்தாமல் UPA அரசு மிகப்பெரிய தவறு செய்து விட்டதாக ராகுல் காந்தி தெரிவித்துள்ளார். ராஞ்சியில் பேட்டியளித்த அவர், சாதிவாரி கணக்கெடுப்பு என்பது காங்கிரஸ் கூட்டணியின் சிந்தனையில் உதித்த குழந்தை. அதை அமல்படுத்தாதது தவறு என்று வருத்தத்துடன் கூறியுள்ளார். ராகுலின் கருத்து குறித்த உங்கள் கமெண்டை கீழே பதிவிடுங்க.
News November 19, 2024
BGT தொடர் உருவான வரலாறு தெரியுமா?
1996-ல் INDவில் சுற்றுப்பயணம் செய்த AUS அணி ஒரே ஒரு டெஸ்ட் போட்டியில் விளையாடியது. அப்போது இருநாட்டு கிரிக்கெட்டிற்கு பங்காற்றிய ஆலன் பார்டர் மற்றும் சுனில் கவாஸ்கரை கவுரவிக்கும் வகையில் தொடரை அவர்களின் பெயரில் நடத்த முடிவு செய்யப்பட்டது. நாளடைவில் இது ‘பார்டர்-கவாஸ்கர் டிராபி’ எனப் பெயரிடப்பட்டது. இரு அணிகளுக்கும் இடையே மொத்தம் 16 தொடர்கள் நடைபெற்ற நிலையில், IND அணி 10 முறை வென்றுள்ளது.
News November 19, 2024
இனி இவர்களுக்கு இங்கு வேலையில்லை: TTD முடிவு
திருப்பதி கோயிலில் இந்துக்கள் அல்லாத ஊழியர்களைப் பணி நீக்கம் செய்ய தேவஸ்தானம் திட்டமிட்டுள்ளது. புதிய அறங்காவலர் குழு நிர்வாகிகள் கூட்டம் தேவஸ்தானம் தலைவர் பி.ஆர்.நாயுடு தலைமையில் நடைபெற்றது. அதன் பிறகு செய்தியாளர்களை சந்தித்த, பி.ஆர்.நாயுடு இந்துக்கள் அல்லாத ஊழியர்களை பணிநீக்கம் செய்ய முடிவு செய்யப்பட்டுள்ளதாகவும், பிற மதத்தை சேர்ந்த 44 ஊழியர்களை ஆந்திர அரசிடம் ஒப்படைக்க உள்ளதாகவும் கூறினார்.
News November 19, 2024
இது கொடுங்கோன்மை: CM ஸ்டாலின் ஆவேசம்
எல்ஐசி இணையதளம் முழுவதும் இந்தியில் மாறியதற்கு முதல்வர் ஸ்டாலின் கடும் கண்டனம் தெரிவித்துள்ளார். இதுகுறித்து அவர் வெளியிட்ட பதிவில், இந்தி திணிப்புக்கான பரப்புரை கருவியாக எல்ஐசி இணையதளம் மாறியுள்ளது. ஆங்கிலத்தை தேர்ந்தெடுக்கும் விருப்பம் கூட இந்தியில் காட்டப்படுகிறது. இந்த மொழியியல் கொடுங்கோன்மையை உடனடியாக திரும்பப் பெற வேண்டும் எனக் கூறியுள்ளார்.
Featured News
Sorry, no posts matched your criteria.